關於 拉丁文短句 ，我們在網路上蒐集到這些相關的討論、資訊與評價

［今日寫呢啲］實情遲咗出，但反正放假，不如諗好啲先寫。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 留意下，在「國際視野」（本人定義），聯儲局加息固然已經冇乜人講，大陸鬥地主更由頭到尾都冇乜人講，講得最多嘅始終係恒大。

2. 最新發展？Patreon都有講，但部份大家都知。境內債就畀咗利息，但境外債未畀。係咪即時違約？當然唔係，你供樓都唔會遲交兩日就變銀主盤。但現實就係30日內會有轉機嘅可能極低。況且仲有之後嘅債息。過到十五都過唔到初一，照計極大機會違約。

3. 咁你問，可唔可以我只係還境內債唔還境外？對自己友好啲，等外資損手？答案，睇你點定義咩叫「可以」。特異功能都可以擋子彈，會死之嘛。你問做唔做得到？當然做到！而家咪做緊。問題係會有乜後果。

4. 詳情在Patreon入面講，但簡單答，就梗係不能咁茅啦。你啲債Pari-Passu架嘛（講句拉丁文即時好型）。固然你可以話境外債權都吹唔脹，清佢盤（如果可以）都冇用。但當然仲有其他影響啦，文入面講。

5. 第二個問題，你見啲評論講 咩Black rock 又輸幾錢 大劉又輸幾錢 內銀又輸幾錢，根本全部捉錯用神。由頭到尾個問題都唔係你地會唔會輸錢，有冇咁kai？由 螞蟻 滴滴 到 教育股，你覺得中南海會care你輸錢？至於內銀亦都食得起啲壞帳。真正嘅問題，係社會問題嘛。恒大由頭到尾都係社會問題多過金融問題。文入面解。

6. 另外，NIKE業績遜預期嘛，股價大跌嘛，我知。我有渣住添。定又出嚟鬧聽財演點你買股票搞到輸錢呀？唔想輸錢嘅，返屋企磨墨咯。我叫你買嘅股票，every single one 都會輸錢架，唔輸得錢嘅唔好買，記住唔好買。

7. 但講返，首先Nike我就梗係贏錢。然後記得上次大家都好興奮，上次六月出嗰時，despite 新疆棉甚麼，業績都好勁嘛，股價大升嘛。但其實係有影響的，只係北美夠補，同埋股價實在太殘，今年一路都跑輸的（即使包埋六月嗰一棍）

8. 今次嘅業績差，咩原因？大中華銷售唔得喎。咁到底係大陸人繼續杯葛定窮到買唔起鞋食緊樹皮，就你自己去研究，反正結果一樣。仲有，越南封城供應鏈受影響，出唔到貨。實情NIKE超過一半嘅鞋已經在越南做，仲有四份一係印尼，「不過而家可能會諗下又搬返大陸」

9. 更重要嘅係，我篇文個Excel幫你整晒Nike每一瓣產品 每一個市場，佔佢幾多銷售。例如好多人只係望到大中華銷售唔係好多，少過北美，亦少過EMEA（＊）—但增長好，同埋利錢好好嘛！一路都係銷售低過EMEA但賺錢多過EMEA的。

10. 咁即係點？咪Patreon入面講。但，「供應鏈受阻有影響喎」，梗係有影響啦，封城都有影響，加息都有影響。你打開門做生意邊日唔係好多壞消息？麥當勞Facebook之類鬧撚足幾十年啦，又如何？

11. 每日一圖嘅，第一個我最憎嘅技術分析．不過，見到恒指嘅上升／下跌比率跌到極端位了，以前次次去到呢啲位，之後都反彈。「但你點知今次都會？」。唔知的，你點知聽日你會起到身？你點知聽日太陽由東邊升起？你點知四十樓跳落去會死？可能唔會呢。但事實，真係唔知的。況且，會反彈不等於你應該買。

12. 第二圖，基金經理跑輸大市呢個，應該係常識。但仲有啲新嘅嘢睇到嘅。例如你見到，時間越久，跑輸嘅越多。有乜啟示？Patreon講

13. Good read嘅，第一篇話豆豉圖應該收工，指嘅係聯儲局嘅點陣圖Dot Plot，一粒豆豉代表一個官員。留意呢舊嘢歷史好短，我入行時都冇的，大約十年歷史。作者話好誤導，我又覺得好過冇。文入面有討論。

14. 第二篇，左翼嘢，不代表我同意，但幾時都睇多啲唔同觀點。丹麥麥當勞人工高（22美金個鐘）福利好（6星期年假），但點解？好多人條件反射就會諗：因為福利社會最低工資。但問得你當然唔係咁簡單，同埋，丹麥其實係冇最低工資嘅。已FC。況且，香港夠有最低工資啦，但你做銀行都未有6星期假啦（＊＊）。所以咁好福利，係另有故事的。

（＊）EMEA，歐洲中東非洲是也，扮晒嘢必學。正如EBITDA係earnings before I tricked the dumb auditor，AIG係Investment all gone，UNSW係University of Not so White，而NCAA係No coupon at all（呢個係真的）

（＊＊）本人後期係有的。但又講返，嗰時好多同時都放唔晒，唔知真係咁忙定扮忠心。我就話Q知你，幾時都放晒佢。就算做唔晒啲嘢，我放住假返公司做，同我朝早要準時坐低，係兩回事。不過又要講返，咁多年我預嘅老細，都冇乜點阻我放假的，即使好唔妥嗰個都冇。出面就唔係個個老細咁好了。當然另一重點係我冇小朋友，就唔使同人地爭暑假聖誕之類，「聖誕梗係返工啦」。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

［No X in Nixon］拿，上次都講，50年前嘅8月15日，人類史上一件大事。同尼克遜有關。

TLDR：50年前今日，金本位制死亡，美金從此任印。金融成為顯學，ibanker身大升，全世界變得金融化。後來咩列根戴卓爾佛利民Big Bang楊懷康李兆富（？）之後後人乘涼。樓價股價金價從此大升，亦都造成埋廣場協定日圓升值（然後爆煲），甚至亞洲金融風暴同墨西哥阿根廷爆煲。你話影響深唔深遠？但，成件事前因後果係點？點解美金任印反而加強美元地位？呢啲根本係尼克遜最初都唔會料到嘅。Patreon會細講

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 上次講，話佢燒咗個森林，促成快意汽車誕生。冇老點你，你睇呢張圖真係講Happy 50th fiat，FIAT仲唔係快意汽車？

2. 爛gag玩完，應該有啲常識嘅（不過我發現好多人係冇嘅，除咗我啲讀者），都知道，fiat呢度唔係指快意汽車，FIAT係簡寫，Factory Italy Automobile Torino（冇錯，祖雲達斯！）。好多讀者都知，呢度嘅fait 係拉丁文，let it be done，中文即係「我話係就係」。係指fiat money，法幣，「我話值錢就值錢」，的確係咁上下。

3. 剛剛就係「法幣」誕生50年，你想像唔到，其實只係咁短歷史。正如你想像唔到，單車都只係200年歷史左右，同汽車唔爭好多。所以多啲同啲老嘢傾計，我都係同你老嘢傾計先知未有法幣前嘅世界係點的。冇錯可以睇書，但唔同嘅

4. 而尼克遜燒咗嘅森林，亦都唔少人知。Bretton Woods．尼克森 50年前基本上廢除咗Bretton Woods 體系，即係乜？即係金本位制，Gold Standard．之後嘅事？雖然唔係100%準確，但你大約可以理解為，從此江湖多事，美金（仲有馬克英鎊日圓法郎）任印。

5. 正如上篇文講，呢個亦都開始咗一個全新嘅年代。高度金融化嘅年代—你問啲老嘢就知，50年前做銀行做ibanker（50前當然有ibank），十分腌悶，幫鐵路發下債架咋。嗰時做石油做鋼鐵先係王道。標準石油，卡內基。但打後50年，金融變咗顯學。人人發夢做ibanker，正如而家個個想做KOL想做start up

6. 仲有，呢個決定亦都鞏固咗Pax Americana—美國帶頭唔玩呢個金本位，邊個有得出聲？打後當然係de facto嘅美元本位，把口最反美嘅南美佬中東佬大陸佬，個個都拎美金。

7. 證據？大把。你睇美國GDP佔全球已經不停跌，但美元佔儲備，或者美股佔全球，都係穩如泰山。

8. 仲有？你可以睇下，1971年之後嘅美股，回報好過1971年之前好多—呢個係相當違反定律嘅。正路你以為經濟開始成熟，開始大，會放慢。但偏偏美股唔係。

9. 尼克遜在美國，都算係聲名幾狼藉。話晒係唯一一個任內辭職嘅總統（但留意，佢從冇畀人彈劾過）。事後睇，呢單脫離金本位制，真係佢任內得意之作，打下之後50年嘅基礎

10. 但當然歷史冇如果，本人基本上肯定，佢只係撞棍，完全唔知道後來嘅翻天覆地變化。事實上，最初呢個「廢除金本位」只係暫時性質，佢宣佈美金停止兌黃金，因為不能畀人覺得佢只係靠嚇。原本係想之後回復返個森林嘅。但正如森林大火一樣，一發不可收拾，後來嘅發展，都不在佢預計之中。

11. 呢度都只係皮毛，introduction．你知而家啲人幾咁懶幾咁乜都要即食，懶人包，最好10秒講完，因為A所以B然後C。咁你咪越嚟越笨咯。尼克遜呢個決定，真係改變咗世界，但好少人會提。因為太深，又好難形象化。例如你見阿甘正傳之類（呢排NetFlix重睇），只會講越戰，登月，尼克遜訪華，甚至有啲會講珍珠港，美蘇冷戰，古巴導彈危機。好多人心中呢啲先係定義美國嘅事，但好人會諗到金本位。

12. 金本位制點樣成立，然後崩潰，然後帶嚟嘅影響，我會在Patreon開篇新文講。可能係下星期日（今日講咗8號仔 VIUTV先），可能係周中。當然只會畀Patreon讀者，你可以訂定，或者到我出咗都會再tease一次嘅。

13. 今次就唔使好似巴塞文咁夠人睇我先寫。首先一定夠人，二來Patreon讀者有付費嘛。即係你話如果寫篇巴塞文出嚟，又用咗寫間又冇金錢得益都算，但如果仲要冇人睇甚至畀人屌，就自取其辱啦。幸好篇文反應都好好，多謝大家。

14. Stay Tuned。

15. 話時話，1899人了，快手整埋上1900，月尾就到2000吧。咁我就可以……挑戰3000人咯。唔係點？

16. 順手我想最後講多句，你學校教嘅，真係食屎的。我已經係讀港大同Warwick，都係咁同你講。其他雞校更加係得啖笑，居然仲可以生存？我識嘅絶大多數嘢，一係在馮平山（再講一次，馮平山唔係一座山，係一個人）睇書，一係後來做嘢學，更加多係近十幾年睇鬼媒同埋自己在market學嘅。我寫幾篇文，好撚過你讀個Finance Degree。真喎，佢點教你金本位制？真係食撚屎的。廢都算，仲要悶嘛。

17. 我幾時都話，我啲文，最好就幫你搵到錢，be it 你投資賺到，搵工有用，或者有人幫你應付啲工作問題你可以拆掂上司同客然後專心踩地雷，乜都好。幫唔到你搵錢嘅，至少都令你識多啲嘢。就算幫唔到你識多啲嘢（其實冇乜可能），你至少都得啖笑嘛。

18. 又幫唔到人搵錢，又廢，又悶嗰啲，我真係唔知點生存的。但正因為有呢啲人，我先生存到咯。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【關於我的近況二三事】

如果有睇我 晞。觀影記事 大概都會知道呢排忙到癲咗，又包場又考試又工作，讀者朋友唔講，我都冇留意已經一個月冇update。一來冇旅行去、二來熱到我山都唔想行、三來我發現近呢一年好多時候都係寫感性同悲觀嘢，但呢排我生活好充實都有唔同目標，突然叫我寫positive嘢好似冇咩好寫，可能都係一件好事😂

或者都要轉個頭抽個水，即使我忙到一日訓得三個鐘，我都係可以有時間覆機、朋友叫到食飯我都可以抽到時間，真正有心，再忙都好，時間都係可以擠到出嚟。

唔想放棄呢邊，都簡單交代一下近況。

1/

我終於完成咗西班牙文A1課程，完成咗一個人生bucket list咁，好興奮。臨老入花叢，人生第一次為自己想學嘅嘢去報個course，仲可以一年都100% attendance兼交足100%功課。第一次明白，原來人生不為cert不為錢不為事業，真係為自己興趣去讀樣嘢，感覺原來咁正。

決心要讀西班牙文，係由我踏入智利機場發現我講I come from Hong Kong同purpose係Travel，而對方即使係移民局，都唔知你講乜，佢係咁問你donde eres你又唔會知佢問乜，到你即日已發現唔識西班牙文車飛都買唔到、嗌咗嘅嘢食都唔會知係乜嚟，而Google translate都唔會幫到你、join local tour全車有一半人唔識英文，但除咗你冇人唔識西班牙文時，你知道呢個世界有好多地方，你苦讀多年英文曉飛也好，都係嘥氣。

最後，你返香港果班機，你發現自己可以同空姐溝通識嗌arroz con carne，簡單一句已經好滿足。

唔同你去日本唔識日文、去俄羅斯唔識俄文、去泰國唔識泰文，冇人覺得你奇怪，但喺拉丁美洲，人哋會覺得你係怪人，點會有人唔識架？

更開心係識到一班同學，可以講鳩嘢講是非，都可以認真到去自修室開個study group。上年經歷太多唔開心嘢，一星期定期有班人同你傾到計，而大家都歷盡由面授到zoom再到面授，喺人生最絕望最無聊日子，可以喺zoom上堂係我一星期最期待時刻，到最後由40人讀到得返少於15人期期見面。

重點遇到一個好老師，上堂唔止教你practical嘢，仲有人生百態同拉丁文化，只可惜佢唔再教落去。

2/

我突然有返一份正職。同樣地，舊年經歷得太多無常不安，你或者再唔會相信有咩係永恆，又會有咩人係真正好人。每一次有新工，講真我都唔會完全放開懷抱去信人，因為一般唔駛一個月就開始發現有人想插你一刀。新工我諗係近呢幾年感覺最良好嘅一份，環境好、工作好、人都好，希望短期內我唔會再經歷咩無常。

3/

完成咗13週年嘅包場，想講嘅之前都講曬，無論你係有故事的旅人讀者又好、晞。觀影記事讀者也好、travelerwithmovie讀者都好，13年嚟感謝你哋嘅支持。呢一個event好辛苦好累都好緊張，但我係滿足嘅。雖然同樣經歷到人性陰暗面，但都遇到好多好人好事，多謝幫助我完成嘅每一個你。

4/

近排遇上有啲嘢，可能你會覺得好邪，都驚係另一個恐怖嘅輪迴，甚至我會怕一年前嘅陰霾再度重現。或者近期遇到嘅事都令我心境開朗，有啲嘢就算真係好邪，邪到你會覺得有冇可能咁啱，但唔好自己嚇自己，保持希望，一切總會更好，應該唔會真係邪到咁，可能會係另一個希望轉機呢。你命硬架，相信自己，大概已經冇嘢會嚇得到你。我咁樣同自己講。緣份無限輪迴、人情無限輪迴、經歷無限輪迴，但輪迴到一個地步，我相信總有希望，呢個loop唔會跟你一世嘅。朋友話，唔好俾你以往恐懼放棄一個又一個機會，我諗，我要學識呢樣嘢。

5/

人生從未試過有一次可以同自己講「我開始穩定到」，正職加埋freelance同網店收入大增，人生頭一次唔駛擔驚受怕，唔知聽日有咩要洗錢，原來感覺係幾好，就好似你奮鬥咗咁多年終於有回報、終於有人賞識你；唔係大富大貴，最少呢一刻唔駛憂鹽憂米仲有閒錢剩。積穀防饑好緊要，昔日嘅不安令你所學會嘅係，無論你賺到幾多錢，今日唔會知聽日事，你嘅穩定唔會到永遠，呢個價值觀點都會跟我一世。可以洗錢洗得鬆動少少都唔錯，最少，今日你唔駛為慳三毫子分段行幾個巴士站。

都有少少文章、唔同計劃想寫，嚟緊呢邊陸陸續續會update返架喇。多謝支持。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu