[江湖從此多事]FT 出咗篇Big Read,多人想我寫我就寫。不過等我Patreon寫埋篇日本股先
TLDR:馬爾代夫世界盃,Anyone?
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
==============
1. 基本上,歐洲足協(UEFA)就示範咗咩叫前門狼 後門進虎。以為粉碎咗歐超聯後,嚟個更加惡搞嘅國際足協(FIFA)(有話歐超聯都係國際足協背後搞鬼,難以證實,但我係信仩哋的)。
2. 我見網上普遍講法,都係講為錢。錯了,「權力都好重要的」。人類四大發明,名利權色。一般都痴埋一齊。
3. 你諗下,啲企業高管之類,點解要性騷擾?最表面嘅講法,因為佢地鹹濕,管唔好自己下面。
4. 差矣。
5. 你諗真啲,嗰啲企業高管,唔係咩搵四五皮嘅嘢VP,講幾四五千萬甚至四五億。To be honest,我地生活在一個極度金融化嘅社會,佢地要拎錢去滿足性慾(aka「出火」),或者古怪嘅癖好,有幾難?完全唔難。
6. 名句:Sexual harassment is not about sex. It's about power。
7. 正係咁,唔係性唔性慾嘅問題,而係權力。陶傑好早已經講過,咩係權力?就係我可以將我嘅意志強加於你身上。你想睇動畫,但你老母拎住個搖控一定要睇環珠格格(當年佢係用呢個例),呢個就係權力。
8. 你睇性騷擾,甚至各種職場上面嘅濫權(老細食飯唔夾錢之類),都係權力。就係「我唔妥你,我可以𢭃你;我唔鍾意你,我可以𢱕你。」。我鍾意嘅可以今日你入嚟摸兩嘢,你只能啞忍。我唔鍾意嘅,你以為自己得寵,我聽日就摸第二個。呢啲就係權力。
9. 咁足球嘅嘢,sorry,一樣。我地生活在一個極度金融化嘅社會,it’s not about football, it’s about money and power.得罪講句,歐超聯鬧劇,我見我識嘅球迷,兩邊都各有支持者,球會亦兩種取態。但,假使你捧嘅球會球星同你立場完全唔同,反對嘅球迷,有冇去杯葛唔睇?目測係冇嘅。
10. 表面上係國際足協貪得無厭,但,呢個不用講啦。Whataboutism話齋,難道歐洲足協就唔貪得無厭?
11. 更重要嘅係,邊個話事先?雙辦事人?唔得嘅。
12. 世界盃兩年搞一次,就係正面挑戰歐洲足協嘅權力。
13. 最正嘅係,你可以見到除咗國際足協主席Infantino外,仲有我年紀球迷好熟悉嘅三大推手
14. Namely:雲爺爺雲加,丹麥門神舒米高(老豆),同埋大哨仙童朗拿度(而家大肚腩嘅R9,唔係曼聯嘅C朗C7)
15. 見到呢個畫面,我即時諗起細個睇聖鬥士星矢!女神雅典娜嘅黃金聖鬥士倒戈幫冥王咁(放心,C朗美斯尼馬應該唔會出雅典娜感歎號)
16. 背後呢幾位仁兄收咗幾多錢,或者事成點榮華富貴畀個警務署長你做,就大家心照了。
17. 又,提提你,當然理論上球迷可以杯葛,歐洲球會可以杯葛,球星可以杯葛,歐洲同南美足協嘅國家都可以杯葛。但至少程序上要投票,「球迷球星球會都冇票」,歐洲同南美國家當然有票,但夾埋65票,而國際足協有211個會員國。你懂的,瓦努阿圖又一票,托布Wakanda又一票(聽講好先進,但寶寶不說),Ta Lo大羅又一票,法國又一票,德國又一票,民主真好(?)。「仲嘈?英國畀咗四票你啦喎」
18. 唔少人自動就諗,「中國卒之可以入世界盃」。差矣。首先2002年咪入咗。二來,即使世界盃維持舊制,都好快會到中國主辦。有(啲)錢,本土市場大,動員力強(你懂的),合理過唔合理。至於你話極權國家云云,卡塔爾俄羅斯都係咁主辦啦。
19. 真正大贏家係誰?係……孟加拉!Bangladesh World Cup,Anyone?
20. 本人不是玩膠,係講真的。孟加拉足總講明支持國際足協新計劃(雖然冇話會主辦世界盃,但你慌唔會?)。同時聯合聲明嘅,仲有尼泊爾(*),斯里蘭卡— 同埋麥兜至愛,藍天白雲,椰林樹影,水清沙白,坐落於印度洋的世外桃源馬爾代夫(唔係墨心,但,到時陸沉未?)。馬爾代夫世界盃,真係諗下都興奮。
21. 係喎,呢篇只係引子。夠多人想我譯,我就譯。當然照舊用我自己鍾意嘅方法譯,原本唔會同你講聖鬥士星矢。不過等我Patreon寫埋篇日本股先
(*)原本想講,嘩,尼泊爾個高原主場咪好勁?後來查下,加德滿都海拔1400米啫,甚至低過喀布爾德黑蘭墨西哥城,同坡利維亞La Paz 3640米爭好遠。諗真啲都估到,尼泊爾踢亞洲區賽事,都冇乜聽聞有乜優勢。係喎,我冇去過尼泊爾,但我識FC.
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
==============
拉齊歐fc 在 Facebook 的最讚貼文
[巴塞帝國興亡史]5000幾字,不過應唔算難明。又,原文仲長,唔關我事。循例利申:唔捧巴塞,但亦唔憎巴塞。畢竟我在魯營入場睇美斯。
TLDR: 西瓜共蟹,唔識莫買。呢篇真係極長。但你要搵人鬧嘅,好簡單,Bartomeu就係屌靶。條友完全唔識足球,亦唔識足球嘅生意。自己唔識都算,又唔知人善任。全歐洲都知佢係水魚,玩到佢謝。尼馬嗰2.2億歐羅,最後去咗邊?另外,買親人都畀貴價,簽親都水貨,人工又畀得高,唔死就奇。但話說回頭,邊個選佢上去架呢?聽講巴塞唔係老細足球油王波喎,咩人選佢上去?最後,美斯份糧亦有一定嘅角色,當然佢係落場征戰嗰個,貪錢嗰個好似係佢老豆,冇乜人會怪佢。同場加映 多蒙特同彭美拉斯點樣玩到Bartomeu謝,笑死無命賠。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
1. 真係英雄所見樂瞳,我諗到呢個題,然後原文Simon Kuper最後亦都係用羅馬帝國比喻巴塞。記住,你覺得篇文垃圾覺得我唔識波嘅,請你去鬧Simon Kuper,「不過鬧之前睇下人地咩料子先」。內容主要都係取材自篇文,當然有啲我個人想法,我盡量分開。一係你睇原文咯,唔使錢的(https://bit.ly/3fI5AVE),但你又唔想英文或唔鍾意睇字嘅,咁咪只能聽我講,你自己選擇的。
2. 篇文其實嚟自Simon Kuper本新書,幾日後出(https://bit.ly/3iwl9kN)。唔記得佢係咪特別捧巴塞,但之前見佢都寫唔少巴塞或美斯文,訪問好多人,絶對有資格講。佢本書原本係寫巴塞成功史,點知寫寫下已經見到巴塞盛極轉衰,佢篇文寫嗰時都未知美斯走,但已經預言好大機會。
3. 上篇文比較technical(https://bit.ly/37Hxr3T),而且只係講一單球員交換,講巴塞大鑊到要搞埋啲咁嘅怪雞嘢,但冇解到巴塞點搞到咁,不過個故事太過過癮。今篇我保證,易明好多。真係你打football manger都知係乜事
4. 好似講歷史咁,遠因,近因,導火線。巴塞搞到咁大鑊,導火線當然係疫情,同埋西甲嘅salary cap,巴塞要瘦身。但差不多間間球會都受影響,點解唯獨佢地咁大鑊?
5. 巴塞財政問題,你可以睇Twitter @Swissramble,7月尾已經講巴塞好大鑊,唔係事後孔明.但講真佢啲嘢真係純金融,唔易入口。所以你可以睇我呢篇文講。
6. 近因係巴塞財政狀況近幾年都差,年年都只係勉強頂住,但一個疫情打落嚟咪出事。有幾差?普通人都睇得明:巴塞係全世界收入最高嘅足球會,疫情前唯一一間一年收入過10億美金嘅球會(不過,都係少過一間維他奶!)。但欠落嘅債,去到14億美金。冇錯,長命債可以慢慢還,但大鑊在啲債好多都係短債,好快要找數。咁明晒啦?
7. 你想賣人?嘿,成班老嘢,邊有人買?況且,人人知你莫財,點會唔壓你價?就算其他人真係咁好心,亦都有心無力,其他球會都係十分水緊。好可能De Jong,Ansu Fati或Pedri之類都只能平賣。冇錢就係咁架啦(題外話:所以叫你唔好借錢買股票)
8. 之但係,呢啲都係近因。巴塞點解搞到負債咁多?同埋點解年年蝕錢(收入高都可以蝕錢)?就係遠因。
9. 巴塞嘅收入,疫情前一路係全球頭兩三位。固然疫情下打擊大,仲有啲贊助商又縮數,但照計唔應該咁快出事。咁收入冇問題,就梗係開支出事啦。於是你普通人都估到,球會可以有乜開支?咪就係買人出事,同埋人工出事。
=========================================================
10. 香港文化興搵禍首,我都明。咁今次畀定個屌靶你,肯定係前任會長Bartomeu,佢就係亡國之君。去到現任Laporta時肯定返魂乏術了。今年3月先接手,可以做乜?
11. 陣間會慢慢鬧Bartomeu,但此人根本完全外行,唔識足球,亦都唔識足球嘅生意,絶對係一條水魚,畀人玩到佢謝。自己唔識都算,但佢又唔知人善任。
12. 但,巴塞唔係老細足球嘛,唔係油王大陸錢,喂,會員制架喎。咁所以,第二屌咪屌啲球迷咯。唔係你同我(除非你係有份投票嘅),我地呢啲電視機球迷反而最聖潔。喂,Bartomeu係你班友選上台架嘛,咁唔係啲選民負責返?原本佢只係過渡角色,但2015年(記住呢個日子)6月巴塞在柏林對祖雲達斯,10年內第5次拎歐聯後,佢就大票數再當選。呢次亦係巴塞暫時最後一次拎歐聯。
13. 當然仲有,美斯。或者應該話美斯份糧,可能係美斯老豆。美斯有幾好波已經唔使討論,佢在賽場上絶對冇欠巴塞半分。巴塞近年戰績可能未如球迷預期,但絶對唔係巴塞財困嘅原因,畢竟巴塞唔係搞到冇歐聯踢嗰種情況。不過,美斯份糧,同埋佢對球會轉會嘅參與,似乎亦同巴塞財困有一定關係。
14. 關於美斯,我仲想講多兩句。Simon Kuper寫過好多美斯嘅文,場上固然唔使討論,足球場外美斯並唔係一個特別鍾意權力嘅人,特別麻煩嘅人,甚至唔係一個特別貪錢嘅人(佢老豆就可能係)。美斯要嘅嘢好簡單:佢要勝利,佢要一隊戰無不勝嘅夢幻隊,就係咁簡單。「其他嘢你地幫我搞掂佢」。球員冇理由要理埋球會財政嘅嘢,關我春事。但美斯份糧,弔詭地就搞到巴塞搵唔到美斯想要嘅球員。況且球員亦都知道美斯呼風喚雨,權力好大,佢撐你,高層唔敢唔加人工。邉個高層夠膽同美斯作對?美斯唔係一個權力慾好大嘅人,但佢知自己有影響力(以上都係作者啲文講,你可以去質疑)
15. 我目測香港巴塞球迷遠多過皇馬。但唔好忘記,在美斯嚟之前,巴塞戰績並唔係一間咁「神」嘅球會。固然巴塞more than a club,你亦可以話係中央馬德里打壓,由佛朗哥之類講起。但客觀事實係巴塞在美斯之前,只係拎過一次歐聯冠軍(當然05-06嗰次都唔多關佢事),美斯同拉馬西亞嘅黃金一代,就改變咗巴塞。但,之後呢?
16. 既然巴塞場上表現唔係導致財困嘅原因,咁所以亦唔使鬧朗奴高文之類,歷任主帥都唔關事。球場上嘅得失冇搞到巴塞陷入困境,至於咩轉會簽人,唔係主師話到事嘅。頂多係體育總監,但實際上係Bartomeu,或者其他高層,或者美斯。朗奴高文之類,會務上冇乜say
=============================
17. 頭先講過,巴塞2015年拎歐聯後,Bartomeu就大熱再當選。所以就由2015年講起。
18. 正如頭先提到,2015年,巴塞如日中天,10年拎咗5次歐聯。多得拉馬西亞黃金一代,當時巴塞財政情況極好,冇人會相信巴塞有一日會冇錢,當時巴塞要乜人有乜人。但就係呢度開始出事。
19. 巴塞嘅轉會,向來都亂嚟。董事局好多人都有唔同意見,至於教波嗰個往往係唔會知嘅。唔好忘記,仲有體育總監要講嘢,仲有……美斯。
20. 但,始終罪魁都係Bartomeu。好簡單,因為呢條友係真係唔識的!但你地選佢上台嘛。原本佢嘅體育總監係蘇比沙列特(Zubizarreta),巴塞名宿,幫佢簽咗尼馬同蘇亞雷斯,聞風喪膽嘅MSN組合。但2015年Bartomeu就炒咗蘇比沙列特,6年換咗5個體育總監。自己唔識唔緊要,但你搵件識嘅好冇?
21. 事後睇,2017年,就係巴塞惡夢嘅開始,但當時你都唔會估到。發生咩事?尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚,對不?巴塞拎住2.2億歐,可以買好多人
22. 但,就係Bartomeu將呢舊錢亂咁用。有好多好好笑嘅故事,但,總之好快,全歐洲就知呢條友好多錢洗,又要好快咁用咗佢,亦知道呢條友乜都唔識。真係千載難逢嘅一條水魚,唔昆你對唔住自己球迷。
23. 當其時嘅巴塞,在轉會市場上呼風喚雨,仲要有錢在手,冇乜球員或經理人會say no,未必單單都成,但所有人都會同你傾。2017年尼馬走後,巴塞原本有機會平價買到麥巴比同夏蘭特,但Bartomeu唔要。不過我覺得呢啲不能怪佢,總有走漏眼,況且其他人都有異議,唔係話個個都話要簽但Bartomeu一票阻止。
24. 咁買唔到最好嘅,冇咁好都OK啦,畢竟2.2億歐真係好多錢(雖然PSG都係分期)。問題係,巴塞結果去買嘅,係多蒙特嘅丹比利Ousmane Dembélé。應該冇乜人反對係水貨啦?仲要係用咗1.5億歐羅。
25. 而成件事係好Q好笑的,好似拍賣會咁,明明另一高層同Bartomeu之前一早講明,我地底線只會畀8000萬歐買丹比利。入蒙地卡羅酒店房(同多蒙特傾)前仲夾好,多過呢個價我地就拍枱起身走。結果入到去,多蒙特嘅德國佬,就話冇時間傾,趕住坐飛機,唔會同你講價,1.5億,要就要唔要就拉倒。但結果?Bartomeu都係話好!咁佢係大佬嘛,另外件高層當然冇聲出。因為Bartomeu要同球迷交代,況且佢根本唔識。事後佢仲話丹比利好波過尼馬。
26. 然後大家都知,之後巴塞亦都用咗1.6歐去買古天奴,利物浦合埋眼都識笑,居然有啲咁嘅水魚。錦上添花當然係後來借埋古天奴畀拜仁,然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此,尼馬嘅錢已經嘔突,而丹比利同古天奴,在巴塞嘅表現,大家有目共睹。
======================================================
27. 當然,某程度上巴塞係慣咗做水魚的。背後未必係佢地特別笨(Bartomeu就應該係),亦因為佢地嘅文化係「我要嘅嘢就要得到」,反正選會長個個都係拍心水「我要簽邊個邊個」,有問題留畀下手,球迷係唔會理咩財政狀況,話知你下季畀個警務署長我做,今季我就要捧盃。你搵件「理性撚」去選,同人講「我為巴塞長遠著想,我唔會簽人,因為我地再咁搞呢,5年後會爆煲,大家要接受我地未來幾年都唔會有盃捧」,我保撚證你唔使選。球迷就係咁,呢啲就係「民粹」。
28. 又例如,de Jong應該唔算水貨,但巴塞畀7500萬歐。個問題唔係你同我覺得值唔值,最好笑係阿積士都覺得唔值,原本係出面開價3000-4000萬,但有人畀錢要志在必得獨家買斷,唔通唔要咩。
29. 巴塞嘅文化,痴心情長劍,非君不娶。我唔會要一個「de Jong咁類型但平一半」,我就要de Jong本人,幾多錢都要。聽落好型,但你咁拎去做生意,就死得。對家一定當你水魚咁劏。公平地講,似乎呢個唔係Bartomeu年代獨有嘅事。
=======================================================
30. 至於美斯嗰部份,都講過下,佢份人工實在極高。當然我無意批評美斯,波一定係好到不得了,無可取代(否則巴塞就塞走佢啦),咁你可以話「全世界最好波嘅球員要加人工有乜問題?」(同意),況且,亦有話係佢老豆嘅主意,佢自己只係專心踢波,呢啲真相冇乜人會知。但反正文入面都引述巴塞高層講,美斯都唔係一個問題,最大問題係佢加,其他人又會要加,而大家都知美斯出名鍾意幫朋友,Other people’s money,有錢齊齊搵。
31. 當然美斯對外一直都聲稱自己只係專心踢波,但文中又引述巴塞高層講,美斯都成日背後發功。邊個先真,我都唔知。但話說2019年,尼馬同美斯講話想離開PSG,美斯應該係有大力要求巴塞去買。但巴塞真係冇錢,而且覺得唔值(即係,冇錢),PSG開價2億歐喎。結果真係不停做大龍鳳,扮到好似想買,其實只係安撫美斯,「我地盡晒力啦」。但似乎美斯冇咁好呃。最後大家都知,巴塞買咗基沙文,又係1.2億歐,美斯似乎唔多高興。當然美斯係專業嘅,冇因為咁就hea踢,但文入面話佢完全不能原諒Bartomeu。美斯並唔係一個特別鍾意權力嘅人,佢鍾意人地幫佢搞掂晒,「但我話想要邊個嚟你就幫我搞掂佢」,而由始到終佢都係想要尼馬(所以,我估佢真係一定去PSG)。至於基沙文,嚟到巴塞當然亦係唔係嗰回事,更重要係。呢1.2億歐,仲要壯大埋馬體會,反咬返巴塞。「益利物浦多蒙特都算啦,唔好益自己西甲對手嘛」
===================================================================
32. 事情發展到呢度,巴塞已經好似畀白蟻蛀咁,越嚟越吃力。2014-2019年使咗10億歐羅買人(未計賣尼馬嘅收益嘅),多過任何一間球會,但成績明顯唔成正比。
33. 去到2020年頭,蘇亞雷斯受傷,巴塞要搵人,只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇,剛果人收到電話,十分歡喜,卒之唔使在北京睇電視機,就坐飛機去香港,轉機去巴塞。點知嚟到香港開返電話,Abidal先同佢講:唔好意思我地改變主意,你在香港玩得開心啲。我肯定剛果人屌咗佢老母N次。最後剛果人返返北京繼續睇電視機,而家仲在國安(彩蛋:FC過,其實北京有機直航去巴塞,咁點解會去香港?可能剛果人想嚟香港去重慶大廈食咖喱,可能剛果人唔想坐國航,又或者嗰日咁啱冇機。如果係直航件事仲好笑,剛果人去到西班牙人地先同佢講唔好意思)
34. 剛果人鬧劇之後,應該好多人都知巴塞最後簽咗乜水。丹麥人Martin Braithwaite。此人應該都算係水貨啦?呢條友米杜士堡都未踢得掂,居然去咗踢巴塞,好似話在個介紹新球員環節,條友的波晒球技都出晒醜,波都控唔到。「可能太緊張」。文入面都有講,當年連尼加同曉士(Mark Hughes)去巴塞,話有個介紹會,曉士有啲緊張,連尼加同佢,驚春咩,最多咪一百十人嚟! —點知去到魯營有6萬人睇佢!連尼加幫曉士開脫,話巴塞嘅壓力,唔係人人受得住。
35. 當然,Bartomeu年代嘅轉會,沒有最好笑,只有更好笑。另外有個叫Matheus Fernandes(我聽都冇聽過)嘅球員,亦係同時簽落。係由巴西彭美斯拉買嘅,仲要只係預備組,我以為係隱世球王拿度尼添。固然只係1000萬歐,散紙,但完全唔知係乜事!呢條友甚至冇一個正式介紹會。最後借咗去華拉度列,出咗幾場,返返巴塞出咗十幾分鐘,就踢咗佢返巴西。
36. 當然只係好少錢,但畀你見到巴塞啲轉會係如何亂嚟。連彭美拉斯個體育總監都覺得神奇,「啲人話我發神經呀,叫艾比度嚟買個踢彭美拉斯預備組都冇乜點有得上場嘅小朋友,點知真係有人買喎」。果然水魚唔怕多。大家可以諗下,美斯見到Braithwaite同Fernandes,有乜感想(彩蛋:Fernandes著咗件19號波衫,因為Covid—19,冇人肯著,成件事真係19得很)
37. 然後,就發生咗上篇文講,同祖雲達斯交換球員嘅事件。美路去祖雲達斯,巴塞簽比真歷。巴塞當時已經好唔掂,但急需要一筆「盈利」。上篇文都冇講,因為再搞唔掂,就要Bartomeu自己上身,咁佢當然諗呢啲方法。但啲蘇洲屎就留下之後嘅人解決了。
==================================
38. 已經打咗5000字,都只係講咗巴塞轉會如何操作。買貴人嘅後果好嚴重,你賣固然蝕錢,但你唔賣一樣每年同你「折舊」,例如比真歷之類,當然cash唔使點比(同祖雲達斯offset咗嘛),但profit -wise每年都仲要拖低條數。
39. 寫得太長,但以上都只係講轉會。唔好忘記,巴塞除咗轉會出手豪,人工亦出得高,美斯份糧亦係一個問題。本來就收入多開支多冇問題,但以wage as a percentage of income,巴塞都係離晒罩嘅(comment會貼圖)
40. 固然Bartomeu任內,都簽咗Pedri返嚟,好好嘅收購,不過真係十件水貨先扑中一件掂嘅。你話拉馬西亞完全斷層,亦唔係,Ansu Fati亦都擔到大旗。但,真係遠水不能夠近火,都講過巴塞嘅問題唔係場上,係財政。你Ansu Fati踢得再好又點?巴塞似乎只能係賣走呢啲好球員,而疫情下,對家都冇乜錢,況且人人知你莫財,當然再壓你價。
41. 爆煲?就唔似會嘅,但,照計賣走啲主力不能避免,點都要幾年調整下。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
拉齊歐fc 在 君子馬蘭頭 - Ivan Li 李聲揚 Facebook 的最佳解答
[錢買唔到快樂?]印呢個圖一巴打埋佢度啦。幾時移民阿富汗呀你?
(https://econ.st/2C2WGRO)Money really can buy happiness and recessions can take it away
TL:DR—人均GDP越高咪越開心咯,有幾難明呢?唔順超嘅,移民去阿富汗咯。
1. 個圖好簡單,x 軸(打橫)就不同國家,2018人均GDP,美金,log scale (*)。冇寫籮綿奴定 PPP(計及物價水平),但似係PPP,因為巴西籮綿奴應該唔過萬元美金(**)。Y軸(打楝),就開心指數,自評,10分滿分。
2. 首先講個覓佛多奴治,似乎係適合嘅。開心好抽象,但應該就係好主觀嘅嘢,自己覺得開心咪開心,他人即地獄,所以自評就最簡單。
3. 至於講錢買唔買到快樂,亦冇乜比GDP per capita更好嘅量度,特別係要你比較不同國家。留意坊間好多一知半解嘅人,鍾意講GDP唔代表乜,係呀堀爛地又多啲GDP(真係?),兩個經濟學家去食屎又增長GDP(係喎,咁點解冇人食?)。會講GDP「唔代表乜」, 「唔係完美」。仲有喎,「人均就此post已完啦」「李嘉誠一個頂我幾十萬個」「每人平均有一粒睪丸」
4. 固然「GDP唔係完美」係事實,但,經驗所得,十居其他呢啲鍾意講「唔代表乜」嘅人,就係不學無術,反智。到你叫佢講下「唔用乜去量度更好」?佢就屌你,「做乜要教精你」「我係咪要知點大炒巴塞先可以批評皇馬冇用?」。係呀,同佢講美斯,佢都話幾多個西甲「唔代表乜」,「拎咗世界盃未?」。德國隊亦係「捧盃唔代表乜」。畢菲特又係「有錢唔代表乜」,埃汾就「CFA唔代表乜」「萬幾人like唔代表乜求其一個女仔露波都幾萬人」。總之佢本人就「最代表乜」
5. 係呀,GDP又唔代表乜,又唔反映快樂。又話上Facebook 上Google之類應該好快樂,但因為免費,又冇計落去(如果係咁香港人應該好快樂)。但事實就係,有錢就有快樂。
6. 好,發完勞蘇,正題。基本上一個圖講完,你仲要話「唔代表乜」嘅請便。有錢啲嘅國家就係開心啲。個相關性都似乎幾強。總唔見你移民去索馬里(我有個推友話香港慘過索馬里,索馬里好有希望,我成日問佢幾時去,我話助養埋佢,一個月一百蚊美金幾好洗。結果佢Block埋我)
7. 阿富汗呀尼日利亞唔多開心應該冇乜心質疑(亦冇乜人理)。但,右上角嗰堆,有時你聽啲人講唔同嘅嘢。「日本人迷失廿年卅十年唔開心」(***)—係喎,但日本人GDP仲係世界前列,廿幾三十(睇你點計)。至於開唔開心,就你問下佢地。「但日本好多人自殺喎」。冇錯係,但,邊個話你知社會開心就冇人自殺?涼薄但理性講句,自殺率再高嘅地方,都係佔極少數人。你在阿富汗根本唔使自殺,日日都有得死。同樣地,都知北歐自殺率高啦,但芬蘭當然富有,一樣十分快樂—但整體十分快樂一樣可以多人自殺,係兩回事。至於坡國美國,聽聞坡國啲友就奄尖腥悶(是真的),美國就多憤怒中坑。但一樣,你問佢地,都係整體快樂嘅。當然你唔信個調查,就冇計。Gallup喎,OK,又唔代表乜
8. 好簡單,人均GDP最高嗰10%嘅國家,差不多所有人都係有錢開飯嘅(當然你話食米芝蓮三星係人權就算啦下)。最低嗰10%,得四成日夠錢買嘢食。冇嘢食都好開心呀可?仲可以減肥呀可?真係歌仔有得唱,淑女想收腰早餐晚餐都要少難為在遠方飢荒吔蕉當豆苗
9. 同樣地,你唔講錢嘅,但都見到人均GDP,同好多non monetary嘅嘢好有相關(咁你可以話因為呢啲嘢先安心搵錢嘅,但,真係?)。人均GDP高嘅地方,放心出夜街(印度有民主有言論自由講英文添,女士幾時搬過去?),貪污唔普遍(你去一次柬埔寨或古巴就知),啲人會捐錢畀慈善機構(又唔代表乜嘛),有事覺得會有朋友親人幫(又唔代表乜)。全部係好東西。全部都係人均GDP越高越有啲嘢。咁你鍾意去索馬里嘅,be my guest
10. 但當然了,有時,又真係「GDP高唔代表乜」。以下幾樣嘢,係人均GDP高同低嘅地方,分別不大的:例如話足夠休息(我在瓦努阿圖啲土人真係隨時訓著,約九點就九點半先到的,但當然入鄉俗),會幫陌生人(台灣六都以外,啲友真係好有人情味架,去邊同都同吹半粒鐘水,問路佢帶埋你行,因為實在太得閒,冇乜嘢好做),仲有,買得起樓。呢啲東西,GDP高嘅地方,唔會明顯高。
11. 又當然,另一個方法,就係「誰會珍惜當你還擁有」,亦係人世間最惡搞嘅一樣嘢。加你10%人工,當然開心,但未必持久好耐。但到減你10%呢,痛到不得了。同樣地,你睇得到,金融海嘯嗰時,快樂指數直線下降—仲話唔關事?!你估真係有錢人仆街你好開心咩(因為有錢人根本冇仆街)。
12. 當然了,其實如果講金融海嘯,最唔開心,就係冇咗份工,或者冇飯開嘅人。
13. 最後補兩點。你知啦,香港人咁巴閉,乜都要講返自己嘛,講下香港。
14. 好似話在好多調查中,香港人嘅快樂指數,都世界排名極低。即使用返Gallup嘅覓佛多奴治,香港都排名極低(https://bit.ly/301DE6h)。當然未係低到阿富汗喀布爾,黎巴嫰貝魯特咁。但講緊同巴基斯坦卡拉奇,利比亞的黎波里差不多。原因不明,可能係同貧富不均有關?應該有其他研究做過。畢竟快樂主觀,人地有錢過自己係最慘嘅事,齊齊仆街先開心。
15. 另一原因,我估,當然亦都係因為香港嘅人均GDP已經太高太高。咁上次寫文(https://fbook.cc/3C3z)都寫過,同你人工差不多,高到一個點,個marginal return係好低的。咁所以,好簡單,減你50%你咪知到咩係幸福。正如放長假覺得唔係特別爽,到你返工嗰日你咪知。
16. 況且,唔同其他地方比,可以自己比。你可以問下,香港人同香港人比,咁你2009有冇開心過2007丫?2020有冇開心過2019?
17. 咁仲有,大家可以埃汾bashing,明明台灣就窮過香港,埃汾仲要去?有個講法話,從來只有係啲人移民去更富貴嘅地方,唔會掉轉。例如啲中國人印度人想去美國咁。差矣,你講緊係其中一種。掉返轉,亦唔少鬼佬退休去泰國(你懂的)之類,錢好洗好多嘛。
18. 亦即係,香港人均GDP高撚過英國加拿大澳洲紐西蘭添,根撚本你去邊都係去更窮嘅地方!屌你以為英國好有錢?咪正係因為香港人均GDP高過英國,先會有咩香港人移民去英國拉高人均GDP(https://bit.ly/3gS5eKa)咯。有幾難明?香港人差不多去邊撚度都拉高人均GDP架啦!
19. 而最重要係,拿,你可以睇真啲,唔好貶眼:
20. 頂你!台灣同香港嘅人均GDP,根本就差唔多!係咪好神奇呢!已FC!(https://bit.ly/2W8WkzJ)
21. 係架,舊文我已經寫過,台灣人均GDP,PPP計,根本高過韓國日本英國澳洲加拿大紐西蘭!(https://bit.ly/3gS5GIm 台灣人均GDP高過日本韓國?是真的,但點解?)係咪好神奇呢!同香港唔爭太多(OK,都爭16%,但排名真係唔爭好多,亦見到香港人幾撚咁有錢)
22. 但,明明台灣人工,遠低於香港,亦遠低於韓國日本英國澳洲加拿大紐西蘭。咁所以呢,你就真係可以質疑,「人均GDP」唔代表乜。係喎,邊個話你知「人均GDP」同「人均收入」或者「中位數人工」好有關係?你易乾阿SIR咁教?咁就唔好睇佢,科水睇埃汾啦。
23. 呀最後,開心大發現,原來香港開心度5.4,但索馬里摩加迪沙開心度都有5.3!似乎我真係錯怪吴推友。邊位諗住移民過去?
24. 拿,畀你見到,呢啲開心度,就真係「唔代表乜」!好簡單,你睇邊條索馬里托布或乜,嚟到香港,會想返返去丫。在香港5分好過返索馬里6分啦,下話。不過呢份好似只係做城市,唔知同Economist係咪同一份嘢
(*)log scale都唔知係乜嘅友,你應該疏遠佢。真的,唔係數唔數學問題,而係佢係冇學習能力的。學校冇教?好多年前唔記得咗?學校有冇教你扑嘢吹蕭呀?
(**)同樣地,好好嘅例子。好多問題,唔好咁懶,自己搵到答案。
(***)再講一次,唔少人認為,咩「日本迷失廿年卅年」根本係一個騙局,事實日本人不知生活得幾好。我好似講過好多次話寫,而家應該決定變咗收費文章。香港人咁關心日本,照計有市場。If you're good at something, never do it for free.
——————————————————————
收費短片第三擊,暫時斷次買。80蚊,講足半個鐘,有圖有表有筆記。
都係一周思考課題,當然唔會就咁報新聞呃錢,係講有乜啟示。
今次內容簡介,可以睇呢度(https://bit.ly/3iGuMeP),或者睇置頂post(https://fbook.cc/3BqP)。
i. 首先係講,2020年,好可能係同2009年走勢相似,會話你知點解。
ii. 仲有講我對移民嘅睇法,點解多人話移民但唔會令樓市跌。
iii. 仲有之前講過Facebook,結果爆鑊,同你分析之後又點。
iv. 最後同你回顧返第二季表現,如果錯過咗嘅之後點好。
以下係報名方法:
【最新李聲揚收費影片】題目:「回顧第二季,有咩啟示?」。
影片下方會有內容撮要,唔想睇片可以睇字
影片/課程編號:CC004
播放平台:https://homebloggerhk.com/web-class-player/
付款及收看步驟:
1/點擊報名收看 [ 影片/課程編號:CC004 ]
2/利用信用卡網上付款
3/及後有登入資料可以立即收看
查詢:whatsapp 63832145