［獨角獸也會找得到 只不過兜兜轉才碰見吧］（識唱一齊唱！）早幾年10億美金估值嘅公司，而家一千銀買到。是真的
原文：Former Chinese Tech Unicorn Could Now Sell For Just Over $1,000（https://bityl.co/47K2）
TLDR：誰說這世界沒有他 我要親手創造神華。平台嘅嘢，Winner take all，第二三都還勉強生存到，打後嘅全部死清光。你睇Yahoo最後值幾錢？所以唔係強中之強嘅，就唔好「追夢」，專心做第樣好過。大佬，個個都做到才俊，才俊就唔係才俊啦。
1. 係喎，quite simply，一間曾經估值10億美金嘅中國初創公司，而家1000美金有售！我冇打錯字！係1000蚊美金，唔係1000萬。真係食餐飯都食咗（＊）
2. 提多次，獨角獸，就係估值去到10億美金嘅初創公司。但，估值估值，重點係估，唔係值（是日金句）。市值市值，重點係市，唔係值。固然未上市公司嘅估值，如果係真金白銀有人投入去（而唔係自己話，或「有人」話），總畀篤手指可信。但同真係放去市場，都仲係兩回事啦下。例子？你睇Palantir，「直接上市」咁巴閉，但一直都冇去佢原本私人市場嘅「估值」（https://bityl.co/47Ix）。一秒鐘都冇，not even a single second
3. 都未介紹，呢檔嘢叫做RenRenChe，唔使普通話太好都估到係「人人車」（如果係香港公司個名就浪漫，令我諗起啲人人得以誅之想車佢幾巴嘅友）。人人車嘅股東十分勁，騰訊，滴滴出行，同埋高盛。兩年前估值已經去到14億美金。
4. 但結果？而家當然唔掂，要賣盤，話一皮嘢港紙搞得掂。當然公司否認，話報導無稽。我都信嘅，一係就一文不值，或者象徵式一蚊賣盤啦。一皮嘢，貪過癮咩。真係畀老細去食米芝蓮咩。
5. 可能你都聽過下大陸啲共享單車爆煲之類（＊＊＊），人人車唔係做單車，但結局都差不多。呢間人人車搞乜鬼架呢？賣二手車平台，嗯，有幾high tech？當然tech 撚會話我唔識啦，10億美金估值喎—上到市唔爆煲先係。上完都可以爆煲啦，何況未上？
6. 循例亦講下，全世界都係，個撚個都初創，個撚個都Startup，因為實在太有型。但一般都係高估咗成功機會。玄妙啲講，成功機會一定係好細的，因為成功機會大，就唔叫成功啦。你識煮嘢食有幾成功？你煮到謝霆鋒咁chok咪成功。
7. 亦都循例講下，而家啲科企嘅嘢，disruption 嘛，顛覆嘛。的確係winner take all，但，亦都係文無第一武無第二。撈唔掂嘅舊經濟公司，往往都仲有幾斤釘（定幾分釘？）。撈唔掂嘅科企平台呢，往往係一文不值。
8. 因為平台講network effect嘛，Facebook之類最明顯，越多人用咪越有用，唔通你而家返去用friendster？但掉轉，阿二阿三都仲勉強生存到，打後嗰啲咪食晒蕉。Friendster值幾錢？
9. 你睇，埃汾初上網嘅年代，巨頭係Yahoo（新一代可能都未聽過），當年真係巨頭，唔係啲卡其褲鏟青中環仔搞個網。但之後當然畀Google打死晒。風光嗰時，Yahoo 1250億美金估值，幾年前賣盤畀Verizon，估下賣幾錢？係50億有找。
10. 平台就係咁，你睇人地成功梗係過癮，一將功成。但後面有一大堆仆街到渣到冇嘅白骨。咁就同你搞餐廳大有大做細有細做好唔同了。所以，你咪問下自己係咪最勁嗰幾個，定只係平平巫奇呃食飯，甚至根本係below mean嘅。唔係最勁嘅，就認問打下工，或者搞間餐廳算，start up唔啱你玩架。你唔知自己勁唔勁？「落場猜兩板試下咪知」
（＊）我當然冇食過1000蚊美金嘅飯，咁梗係計我出錢埋單，一枱十二人嘅唔計啦。講最高紀錄，嗰時在坡國食江振誠間Andre（＊＊），同埃汾太兩個人就1000蚊坡紙。固然有飲酒但酒都「不過」係140蚊坡紙。個餐就每人350，水都每人15蚊，茶又8蚊。仲要加一加稅呢。史上最貴，但食完冇耐就執，有今生冇來世，「即時覺得值咗」。
（＊＊）其實我食咗兩次，第二次係為咗寫文走去食（！），夠晒巴閉。因為嗰時估新加坡出米芝蓮，呢檔嘢必定入圍，爭在係幾多星。所以之前飛定去食多次，食定篇文畀香港01，到宣佈結果時只係改幾隻字就搞掂。不過第一次仲震憾，因為，係埃汾太請我食的！請畀趣。可惜篇文唔係寫得太好，所以我冇變成食評博客。但，江振誠此人十分有趣，佢本書《初心》十分好（https://bityl.co/47J6），舊公司兩個同事幫我手，我每人送咗本畀佢地。不過我估佢地可能以為我忽忽地。
（＊＊＊）其實香港都唔好得幾多，好似香港之前都有人做，而我仲見到有人做共享尿袋（叉電嗰啲，唔係真尿袋）。實情香港做得最成功嘅共享經濟公司，係141。十分認真，妓女（定要叫性工作者？）咪最早嘅共享經濟，正如旺電嘅老翻舖係全世界最早嘅無人零售店。請循其本，UBER或carpooling 係乜先？你唔想養車，咪可以用carpooling。咁妓女，當然係同一回事。同咩租LV租行李喼差不多，asset light model
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
———————————————————
instagram @ivanliresearch．七成金融（短打）兩成嘢食一成其他嘢。
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
