上星期凍凍地，嶠爸放假梗係去行山啦！嶠媽一直好想行千島湖，嗰日終於決定行😂不過一早入屯門堅凍，凍到我哋要買暖貼🤫不過一路上山，郁多咗就真係開始熱🙈我哋黃大仙搭巴士入屯門，再轉43號小巴，去到掃管笏村落車。唔知行邊條路入，見人群就跟住行，係山腳有個公廁，都算幾乾淨👍🏼
一路行上山都唔算難，大部分係石屎路，不過有啲位就超級斜，要用多幾倍力行上斜🤭去到差唔多登山，就開始係沙石路，之後嘅路就真係有少少難行🤏🏻，對於劻霖就有啲難度，不過拖住行都ok嘅😝去到登山仲誇張，啲人多到呢！行上山得一條樓梯，正常你會等人落咗嚟先上，但多人到你係等唔到，一定要照上，不過帶住小朋友就真係危險，上嗰陣要加倍小心💪🏼
幾經辛苦終於上到千島湖清景台，我哋是但搵到個位就影相打卡，一路望入去太多人，都唔敢再行入啲🙈跟住就落返山，係條樓梯到又同人爭位上落！好彩好多人見我哋帶住小朋友，都會讓我哋落咗先！嶠爸話想上落山唔同路，就決定行大棠嗰邊落！嘩！呢邊落堅攰，因為一路落都係沙石路，真係行到落去大棠先係石屎路。
之後你咪以為石屎路就好😂因為呢條石屎路我哋都行咗一個鐘有多！而且又係勁多人，因為啲人入去睇紅葉，劻霖幾乎攰到頂唔住，所以我哋都冇兜入大棠睇紅葉，直接行返出嚟！出到嚟紅van又排長龍，我哋就搭的士算！一上的士，劻霖就即刻暈咗💤。
🚌點去千島湖🚌
我哋係屯門上山，元朗落山，屯門新墟街市搭43號小巴，總站掃管笏村落車！
✨落山行元朗大棠落嚟超多人，因為而家係紅葉季節🍁。
🌟想輕鬆啲，可以屯門上山，屯門落山😝
❌中途係無補給站❌
難度：4.5 ⭐️
長度：約9公里
時間：3.5小時 (因應個人速度唔同都會唔同)
#行山記錄 #千島湖 #千島湖清景台 #親子行山記 #親子行山好去處 #中線行山路線 #芊嶠與劻霖行行山記
