《我做外賣仔的日子》
呼，尋日又做左半日外賣仔，比起第一次做，第二次做明顯有好多唔同既感受，就好似愛情咁，第一次約會總係令人感到新鮮，但新鮮過後，就需要面對現實了，同各位報告下感受，去點：
1）是日都係半日，六個小時，地點係尖沙咀區，南至海旁，北至窩打老道，東至尖東，西至柯士甸站
2）總單數，13單，收入，360蚊
3）當晚約左大學同學食飯，消費400……俾錢個一刻，我好想再打開個apps去補多一鐘，令當日收支平衡
4）極度懷疑系統係有新手優惠，派得特別多單，暗示你聽，好好搵啊，記得做多D！
5）上星期因為被退單，有蝦餃、薄餅、雞翼、肉醬意粉食，原來術語係叫福利餐，而今次我已經成長喇，所有派送成功，無任何福利……
6）是日來回柏麗大道三次，短期內我都唔會再想行呢條路……
7）尖沙咀區比起旺角區舒服好多，我指環境，明顯綠化同公園長椅都有唔少，整體無旺角咁壓抑，而且搵廁所係相對輕鬆好多
8）請叫我渡船街小霸王，呢個範圍，我送左五單，雖然每單既等待時間都有五至十分鐘，但送餐距離極短，短到點呢？就係間餐廳係樓下但客戶都唔想落街咁既距離，每單都有25蚊以上，當時我感覺原來賺錢就係咁簡單
9）距離短，錢好似好易搵，但計返數，原來重點係唔停手地做先係搵到錢，今次只有一次同時拎兩份外賣，比起上次連續3次搵住3個外賣比，感覺到付出幾多，收獲幾多
10）是日最遠派送，係尖沙咀I Square去佐敦永安，仲要係4人餐，果斷搭巴士，車費6.8，點知去到佐敦再次陷入漫長等待，早知慢慢行過去……
11）無單既時候，我企左係譚仔門口，希望譚仔可以賜單比我，點知旁邊有個南亞同事都係度等緊單，你無聽錯，自從成為外賣仔之後，我係街上面見到外賣仔都會心諗，又有同事開工，會給予佢地一個加油既微笑！
12）閒來無事同南亞同事吹開水，佢都係步兵，已經做左兩年，比起我呢個做左兩日既，佢絕對係大師兄，佢一日最少做12個鐘，鋼條既身型，比起我呢個行半日就去按腳既廢柴，我諗佢做完12個鐘都仲可以去兼職按腳多幾個鐘！送外賣用腳，手唔攰可以再用埋佢
13）南亞同事月入差唔多三萬，同幾個同鄉夾租，每月2500，佢夢想係搵到錢開間雜貨店！感覺就好似香港人移民硬係想開埋小食店賣雞蛋仔，文青總係夢想開間Cafe咁
14）問佢公餘有咩做，佢話打排球，剛好小弟年輕都係排球校隊打過學界，但我見佢差唔多一米八，壯碩既身型，強勁既臂彎，我婉拒左佢邀請我閒時打友誼波，我怕比佢打死
15）傾傾下系統派單比佢先，佢同我講，因為佢係老鬼，同地點有多過一個人都會派單比佢先，我當時心諗，頂，你唔早講，佢用一個朋友，你返印度食蕉既表情同我講，下次同到佢班南亞兄弟就記得唔好一齊等
16）佢工作好認真，真係當係職業，而我就係玩味性質，原因好簡單，因為佢係巴基斯坦搵幾千蚊都做到成隻狗咁，依家派外賣比起以前搵多成十倍，感覺好似當年我去澳洲工作假期比當地人問我點解咁鍾意返工，當時我答佢，香港做麥記20蚊一個鐘，澳洲做又係20蚊一個鐘，但係澳紙既分別
17）是日太無聊，所以我係七仔特登買d平時唔飲既冷門或者新飲品，林家謙代言既清。麥茶都唔錯，紅茶花傳既檸檬紅茶幾好飲，但原來成15.3g糖……
18）尖沙咀區送The Austin同Grand Austin最花時間，要落隧道來回，荒島黎，但大型屋苑既保安服務真係做得比較全面，拉門既都好有禮貌，同日送窩8，樓下阿姐真係有少少無禮貌，唔係對我，而係一個順豐哥哥佢拉住貨入黎，佢嘈左幾句，但順豐哥哥無理佢就入左lift
19）今次我比上次做多左樣野，想睇下分別，就係我今次拎到外賣，同送到樓下，我都會Msg客人同佢講我出發喇，我差唔多到喇，送到我都會msg佢地用餐愉快，到底呢個行為會唔會令我多左Tips呢！！？？
20）答案係無既，可能我既服務仲未夠好，但我又覺得咁send個msg比客，都係認真對待呢份工作，令客人多左一份安心，自我感覺良好，下次我會再接再厲睇下點先有tips！
21）收到張單係送食材，蕃茄薯仔豬骨，應該係煲湯，平時我自己買只係50蚊左右，但有人用差唔多高一倍既價錢去享受服務
22）外賣呢樣野，真係一種時間同金錢既交換，有人分分鐘幾十萬上落，佢花費幾十蚊去慳返時間搵更多錢，或者休息，一路送我一路覺得係對整體社會發展係好事，因為人可以做更有價值既事
23）感覺到外賣都不斷升級緊，係外賣盒、外賣速度、包裝等等都感到比幾年前好太多，以前你食個麵要分湯？真係叫都未必有！依家分湯好多唔講明都會分比你，感覺外賣自取同埋派送對於一個人食飯都係一種趨勢
24）睇返譚仔上市資料，幾年前堂食外賣比重都係8：2，依家已經差唔多6：4，世界唔同左，仲記得當年沙士打開左網購既潮流，而上年疫情就改變左堂食習慣，有好多野唔迫到埋身真係唔會成長
25）是日趣事，我左手拎住電話，右手拎住外賣，個客開門之後我遞左電話比佢佢呆左；一個上身赤裸既男人拎外賣，我覺得睇到佢身體要加錢囉
26）暫時對我講，送外賣都係有趣既，而我分析過，因為我係兼職，又唔係靠佢養家，收工時我計一計數，360蚊，如果我等佢開飯既，我真係要加多半日做到夠數先可以收工，而唔係收工仲去食餐比今日搵既錢更多既飯，今次已經比起上星期無咁腳痛，唔駛按腳，但起左水泡，
27）興趣同職業，真係兩個層次，將興趣變成職業係一種漫長既過程，唔係人人做到，當你既興趣超過左一定既數量，就會量變引起質變，即時變質，需要一個覺悟！
28）我會唔會繼續做？會啊，下星期六強勢回歸旺角區！每次有人問我都係咁答，依家每個星期有人比錢我做gym，真係唔做就蝕啦！
29）但同時我係送外賣既時候諗，其實全職炒散真係幾適合我，黎緊我會有新動向，試下其他唔同既工作，分享多少少大家平時成日見既職業，當真係做既時候係咩感受，如果你地有咩特別職業想我去破地獄既，歡迎留言！
30）兩次既步兵經驗，我升級喇！步兵將會轉職成騎兵，點樣升級得快d！比個like啦！like數就好似經驗值咁，令我有動力去冒險！！！！
排球價錢 在 [問題]初學者買排球- 看板Volleyball 的推薦與評價
雖然說是初學者，不過高中三年都有在碰球
程度的話，是可以派出去打班際球賽但是又沒有像校隊那樣厲害
最近突然想要提升自己的球技，決定買顆皮球練練(打過一次之後就愛上了那種觸感嘖嘖)
在露天逛了一下，發現有些價錢都比實體店面便宜好多阿!!!(我是去斗六的力揚體育用品店看)
mikasa mva300 實體店價格 2200
mikasa mva330 實體店價格 1800
但是看到網路上比較便宜的球反而會有點怕怕的，不知道會不會被坑
預算是在1500以下
不曉得要買哪個型號的比較好
另外還想問同樣都是 mva330 價格為什麼會有兩種差別
mikasa mva330(國際排聯官方標準用球) 網路直購價 1428
https://tinyurl.com/osdywry
mikasa mva330(國際排聯中國排聯指定專用排球) 網路直購價 1368
https://tinyurl.com/nzh4kzq
mikasa mv210 網路直購價 1200
https://tinyurl.com/o4hxv99
mikasa vq2000 網路直購價1440
https://tinyurl.com/psdhw56
mikasa mva200 網路直購價 840
https://tinyurl.com/nddlbqj
他說廠家直接發貨，不含稅等(應該是因為這樣才會比較便宜吧，不過跟兩千多的比真的差很多)
以上，大家是推薦哪一種球呢??
補充
如果可以的話，也可以推薦雲林斗六哪裡能夠買到皮球
--
※ 發信站: 批踢踢實業坊(ptt.cc), 來自: 1.170.173.213
※ 文章網址: https://www.ptt.cc/bbs/Volleyball/M.1434459236.A.991.html
※ 編輯: kuro8604 (1.170.175.48), 06/16/2015 22:13:20
... <看更多>