【一鎊一間屋】
世上邊有免費午餐㗎？要嘅係心機、勇氣同現金。
利物普某個地區推行一鎊買一間屋計劃，唔好讚住，世界上係唔會有咁著數嘅嘢。嗰啲屋係响荒廢咗嘅地區，百幾年嘅舊（同爛）嘅樓。買家係要有四萬鎊响一年內番新，亦要保證自住五年。買家用嘅心機、創意同勇氣，其實比想象中高。
對於香港人黎講，四萬鎊現金加一鎊有間屋係好癡線嘅事。但係大家要明白，厘啲屋係舊同爛到連水泵電線都可以無嘅。如果係容易搞嘅，我深信政府係唔會咁益人。個比例就等於（只係舉例，唔好捉錯處）香港政府一蚊賣啲孤島荒廢破廟爛村屋出黎，要買家用一百萬番新差唔多。
咁嘅budget又無港式全包裝修，個業主自己真係要落手落腳，用腦同心機搞一年半載先住得落。亦都唔知有幾多其他買家，人地會點搞，老實講買嗰啲真係好「勇」。大家明白四萬鎊現金，其實响英國好多地方係足夠比兩三成或者更多嘅首期。
大家要睇嘅一定唔係個政府幾「大方」，而係欣賞厘班買家。佢地最犀利嘅唔只係活化咗自己間屋，重係一齊營造一個新社區。嗰啲心機同設計，唔好講香港，就連英國本土都好難得。
#華人社會唔會有
#得我一個買咪死
#搞完升唔到一倍
#我肯佢唔搞咪慘
#諗下計炒番出去
