[我講嗰個西貢,而家叫胡志明市呀]假裝在越南🇻🇳。之前在投注站對面,有人話某金融KOL一提就好多人。咁即係,鍾意嘅嘢梗係讚,唔通想人執笠冇生意咩(雖然有時都會有私心驚講完啲嘢好多人去,但反覆思考下,都係唔知醜太高估自己)
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
TLDR:原本講越南🇻🇳,變咗講《濁水標流》,同埋社會。食評?冇喎。
1. 而家搬遠咗,何福堂七仔再過。餐牌多咗嘢,有春卷有飯。之後報告。多咗個人幫手(佢阿媽?),但廣東話就麻麻地,唔似Jason 咁流利。大家講嘢唔好咁快咁複雜。
2. 又,屯門越南🇻🇳人好多都住呢頭。「之前有單情侶斬人都係」
3. 老嘢會知,我舊文都有寫(https://bityl.co/7uCf),屯門當年有好大個越南🇻🇳難民營,在虎地。而家富泰/嶺南大學個位。仲係開放營。越南🇻🇳人可以出嚟買嘢,甚至打工。
4. 我細個住兆康,細細個就接觸越南人。「就好似村上春樹在神戶海港接觸外國人咁」。舊文都寫過,越南難民,男人咪做地盤,做古惑仔好似冇乜,龍五咩(嗰時黑社會仲未老化,「人工」又還好,仲吸引到本地人,唔使搵南亞人)。
5. 女嘅?咪賣身。都市傳說「十二個蘋果」,係咪十二個唔重要,係咪蘋果都唔重要,但肯定係有呢啲勾當。呢啲冇乜需要潔癖刻意迴避的。冇乜技能嘅女人,搵錢當然係靠呢樣,有乜好奇怪?你見Florida Project都係咁,叫個細路入房就算架啦!(*)。
6. 我並唔係要做女權自主L講到做雞點高尚點尊貴,點樣反污名化.雞咪雞咯,正如盲人係盲人 基佬係基佬,你問佢地佢哋都覺得冇問題。咩「visually impaired」之類,左膠自己感覺良好啫。我基佬聾人朋友都係自稱基佬聾人,亦唔介意人咁叫(兩個人啦,唔係又聾又基)。
7. What's in a name? That which we call a chicken by any other name would taste as sweet.正如我唔係美化吸毒或乜,但,根本就十分平常。你個世界可能冇呢啲嘢,但你個世界唔係全世界嘛。
8. 舊文提過,《過春天》茄輪都唔打個,亦係呢種潔癖。《麥路人》就仲好笑,根本呀「媽媽」下海合理之極。而我唔明呀金融才俊阿博嘅邏輯在邊,做乜去飛機場幫人出火就得(唔係正骨可以搵八萬蚊下話?邊度請人?),企街就唔得。
9. 《濁水漂流》並唔算好出色,但佢比《麥路人》好嘅係「誠實」。喂啲「街友」慶祝兄弟出冊就係醒一針。人地個世界係咁的。你見美國啲窮黑人都係咁,為乜呀?電影講到明(我覺得太明),等你走唔出呢個圈呀。唔通你「上流」咗會關心啲道友兄弟?人地就係唔想見你成功有正常生活。梗係要drag you down
10. 正如呀吳鎮宇明顯對阿木投射咗父子情(又係講得太白),阿木去吸毒佢要鬧,朋友引阿木佢都唔畀。明白係嗰種「我自己衰但唔想個仔衰」嘅心理。
11. 咁所以,佢去請阿木叫雞,根本亦係合理之極,唔通幫佢訂一年《端傳媒》?(即係咁講,或者,唔通幫佢訂一年 Ivan Li Patreon?).我記得《華爾街》人地corrupt the youth,咪出花紅帶佢叫雞咯,睇得起你呀。
12. 喂,係咁架喎,唯一唔合理就係做乜深水埗企街有啲咁後生嘅女,仲好似係本地活雞。我就冇見過啦,導演不妨介紹下。
13. 舉一反三,《濁水漂流》入面,你見呀老爺一行人,就係去舖頭偷嘢。係咁架喎,根本平常之極。一樣,我唔係「美化」犯法或偷嘢(私有產權是資本主義的基石),但更唔係講咩「竊鉤者誅,竊國者侯」之類(雖然好大程度上係),唔係講咩「制度不公義」咁上綱上線。
14. 應該睇到呢度,好多人都不滿我呢句「喂,係咁架喎」。「個社會就係多呢啲你咁嘅仆街先搞到咁」「點解唔去改變佢」。但,喂,真係咁架喎!你當然可以或者應該去改變佢,「人人係咁唔代表你都要係咁」,正如我都冇去吸毒冇去偷嘢。但,你自己做好自己咪夠,我就至怕人指指點點其他人,「你應該點點點」,人地嘅人生,我嘅人生,關你撚事咩。
15. 我本書都未有位講,人生一大法則:唔好畀unsolicited advice,好乞人僧的。我以前都會,大個先知幾咁討厭。你點咗條好路人行,就自不然做優越青,「拿,嗰時多得我叫你入建造業訓練局咋,人工仲,哈哈哈」。你點咗條衰路人行?人地怨你一世添。
16. 係,好多人就係咁的,講過隻股票佢輸咗錢都嚟怨你啦,一定係有人拎住支搶指住你買的。呢個世界好多人,就係唔會為自己嘅決定負責任。但,喂,係咁架喎!
17. 所以,你見我核心價值都係個人主義,你咪煩我我咪煩你,大家走大家嘅路。
18. 呢個未必係《濁水漂流》嘅價值,但首先導演有講,戲入面蔡思韵嘅角色,就等於當年嘅佢。講真,呢啲中產,唔係話你不知民間疾苦,但,你點去明白人地嘅感受呢?導演本人,戲入面嘅蔡思韵,仲有我同你都係。
19. 我個人覺得戲入面拍啲大學生迎新營去露宿者度學習,又搞埋啲咩理想家園,就好有喜感。雖然我後來發現而家O Camp真係玩呢啲,好彩我早出世。而似乎導演拍呢啲唔係為咗諷刺啲大學生消費露宿者,實請畢業爭住幫地產霸權同政府出力起樓,只係我太cynic
20. 真的,適可而止,可能咁啱嗰排得閒,我睇咗好多導演嘅訪問。戲入面有一幕我好欣賞,個記者訪問吳鎮宇,問佢故事,都刻意中斷咗—呢個安排係特登的。我見唔少講法話故事無頭無尾(想點?),冇講到點解班友淪落街頭,冇講背後嘅故事。導演有話:就係特登唔講,因為佢唔想你有代入感,唔想你搵到自己嘅影子,「第時我都會係咁」,導演係寧願你用一個抽離啲嘅角度睇。
21. 食評?冇喎,等緊嘢食。但你睇我啲文為咗睇食評?
(*)Bonus:大逆不道,但我都真係要講,希望我老母睇唔到。話說我十歲八歲時,我老母都係好撚神秘咁,有時夜晚唔見咗人,仲要特登打扮咁。咁嗰時老豆已經走佬,我雖然十歲八歲,但都知好多嘢,都心諗哪有錢?我嗰期係真係幾乎以為我老母去賣身或坐枱的(未免太高估佢?但,我十歲八歲時,我老母三十未到喎)。真係罪過罪過。真相?佢只係約咗情人啫,佢後來老公,當時都搞離婚,好合理,況且係我老豆有婚外情在先。不過呢,就真係唔好低估啲小朋友嘅「懂事能力」,我細細個已經sense到呢啲嘢,由佢會打扮已經知。亦證明我細細個就係一個好敏感嘅小朋友,都話啲單親家庭嘅小朋友好多都係咁。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
同時也有1部Youtube影片,追蹤數超過17萬的網紅黃子華 Dayo Wong 棟篤笑 - 官方頻道,也在其Youtube影片中提到,...
搵食啫犯法呀我想架 在 君子馬蘭頭 - Ivan Li 李聲揚 Facebook 的精選貼文
[大師冇點你]5倍PE 8厘息(應該派到),應該仲有得升
============================
告個急先:Ivan已被炒,3月中開始失業(#)。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。一星期至少出返六篇文.月頭訂最抵!月費80
1. 好少寫啲咁冷門咁細嘅公司,難免會畀人亂估。但首先唔係莊家股,亦唔係微信女股。如果識咗我好多年嘅,會知道我之前都寫過呢間公司,直頭在耆英證券年代。唔止,我同間公司去過倫敦見鬼佬添。以前股東會我有去添,有自助餐食添(但我唔係股東身份),麗晶大賓館添。但講緊十幾年前嘅事,近5年都冇來往了,頂多業績會去say 個 hi 刷個存在感。
2. 先講個老細,人人識理文造紙(2314),理文化工係佢姐妹公司,但除左大股東都係嗰家人,兩間公司冇乜其他關係,冇互相持股,冇互相供貨(*),管理層都冇重疊。理文造紙係李運強個大仔,理文化工係李運強個細仔,全部公開資料。李運強個細仔叫李文恩,睇本地波嘅可能聽過個名,正係理文足球會個主席。但我同佢有傾計時佢未搞波的,咁你知道真係好耐之前了。
3. 講呢啲,因為都重要。直接啲講,理文堆公司咁多年往績算係好。做生意有賺有蝕(雖然理文化工近十幾年都冇蝕過),股價有上有落,但至少唔會係出你古惑嘅人。話晒有頭有面要出嚟行要入馬場(我當然都同佢地入過馬場,但馬仔嘅嘢我識條鐵咩,而其實化工我都唔識)。對於好大嘅公司都未必咁重要,反正機器咁自動波,但對於細公司嚟講就重要的。因為唔少細公司你見到好殘咁,但有所謂嘅”management discount,唔係管理層買嘢有折,而係你懂的
4. 好啦,都話我以前寫報告,之前Bloomberg 機746 HK EQUITY ANR有我名嗰種(其實唔難)。咁我當然知間公司做乜,管理層都見過十幾廿次,大陸啲廠都去過幾次(常熟有,瑞昌都有,in case 你知道在邊)
5. 咁但,唔好咁長篇大論啦。香港管理層嘛,但在大陸做廠,唔係廣東了(上面咪講咗常熟瑞昌)。做乜?做化工咯。乜化工?講你都唔知架啦,電解鹽水做氯氟化工(**),滿意冇?產品嘛,部份倒係你會聽過的。哥士的啦(又諗起曾近榮),雙氫水啦(又諗起譚兆偉),哥羅方啦(又諗起……唔好提了)。「咁低技術嘅?」,咁高技術嘅你又未必識啫,PTFE咯,鋰電池電解液咯,「都唔係好高技術啫」,「你咪去開返間」。
6. 講乜都假,$。留意化工嘢,仲要係B2B賣畀其他廠,就唔係玩品牌了,幾大程度都係commodity business,但反正真係供不應求,零存貨咁滯,超過100% utilization(***)。好大程度睇啲化工產品價格,邊度搵?自己Google啦。但幾大程度都係跟大圍環境(跟埋沙田添),舊年上半年當然唔掂,下半年好返好多。今年農曆新年前亦唔掂,新年後好返。
7. 講乜都假,數。早兩日出咗業績,哦5億純利(港紙,有關的,陣間講),按年倒退三成喎。屌,鬼唔知舊年倒退咩,出中期業績已知啦。「業績睇預期嘛」,但冇咗我之後已經冇乜人再睇啦(****)。咁點算?睇下個trend都得嘅。上半年1.5億,下半年3.5億喎,喂,相當強勁啦。唔升就奇(雖然咁細嘅公司真係未必關事,留意今日好彩先幾球成交,有時一日一兩萬港紙成交!)
8. 咁正正常常嘅,今年全年7億純利,冇走雞啦掛?33億市值咋,5倍市盈率唔夠。而且仲派到息=當然咪撚望住你股票機個息口啦,睇預期嘛。但公司一向派息紀錄都好—固然唔係公用股冇得年年加,生意有上有落,但咁多年都keep住差不多35%派息比率,應該至少過去10年都係。10年喎!你啲乜鳩匯豐早已經彈弓手reset再reset啦.咁你可以下計,7億純利,即係7.5%股息率咁滯。固然唔係包生仔(記住任何高過美債息口,即係1.5%,嘅東西都係有風險的,否則買美債嘅係傻仔?)
9. 噢,幫你睇埋,For some reason,雖然做傳統工業,但公司啲利錢幾高的。過去5年,毛利率講緊35-50%。當然工業嘢有折舊 有利息開支(唔少債的),但扣晒後,純利率都有12-25%左右。算係相當好架啦,你睇做餐廳嗰啲?好景時都係單位數咋(唔好景,信和時咪蝕錢)
10. 仲嫌唔夠詳細嘅,睇 Patreon啦。當然嗰邊寫咗先,但應該星期六仲整篇深入版。
11. 呀仲有,真係絶非打手或幫人出貨,犯法的說。而且都話N年冇同過任何管理層或股東聯絡。所以呢,好簡單,唔鍾意嘅,唔好買咯,拎支槍指住你?定我原來今個月唔夠數求你開單?唔鍾意嘅,唔好買,唔好又出嚟話仆街死財演老點你買股票呃你佣(屌,我下星期五都離職,仲要幫公司搵佣,真係好員工,但話實,你trade幾多錢先夠我星期五打次邊爐?)。舊年咁上下時間我又記得個撚個留言屌我老母話昆人買股票呀,咁嗰啲網友應該發晒達的了。
12. 但真係呀下,慎防有啲讀者好富貴,你真係留意下,隻嘢平日有時得幾皮嘢成交架咋!你一個唔該一球嘢買落去,掃郁股價就不特止,但要甩身都唔易。當年見啲基金都有講呢個問題,都只有啲small cap fund先買到,仲要係儲好多日。
13. Last but not least,幾年前Value Partner 係渣到過5%嘅股東,現咗身的。但後來減持到低過5%了—不過最Latest都仲渣住啲,冇沽晒。咁咯。如果冇睇錯好似係個 high dividend fund嚟的。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。年費仲有85折
(#)發唔發現呢個「Ivan已被炒」放咗好耐?但唔係我懶唔update,而係真係炒呢個過程都炒咗好耐。12月13號炒嘛,咁,下星期咪夠三個月。係喎,傳說中嘅三個月通知。RO嘛,雖然好似冇明文規定RO就要三個月(定有?),但至少都強烈建議,否則啲RO快手走人你檔嘢唔齊腳的。另外,當年我在耆英後來都轉咗三個月通知,有朋友話「咁好嘅」,我就話「好定唔好就睇下係你炒公司定公司炒你啦」—結果開口中,第二年公司就炒咗我,賠三個月即時掃我走,feel so 摩連奴。同樣地,今次都係公司炒我,但就三個月通知,冇賠錢掃我走。反而我在星矢銀行就唔係RO(人地好似曹魏咁,大把將軍),而so happen就係我辭職嘅,一個月通知。不過,台灣佬呢,本人明明係RO,但我已唔記得張約係咪三個月通知,但我嗰時轉工(咪就係轉去星矢銀行),肯定冇足三個月通知,亦都冇賠錢,星矢更加冇贖我身(係大把錢,但不等於要畀你)。咁但呢啲咁嘅幾耐通知,講到尾,商業合約民事嘢,你唔講我唔講,冇人會追究,你唔係玩得太串嘅,公司會同你傾嘅。咪講個日子你想走人,你唔使賠錢畀公司,公司又唔使賠畀你咁咯。
(*)你真係要講嘅,有啲電廠定乜好似一齊用嘅,唔知而家仲係咪。年報有寫,你慢慢搵,sort of connected transaction.
(**)不過當年在倫敦見某大基金,人地真係棟條化學PhD出嚟,拎張元素過膠嘅周期表出嚟,真係嚇得我呢。
(***)點解可以超過100% utilization?你睇醫院咪知。正經,人地啲機真實產能係可以高過設計產能的,「特登寫細啲」。
(****)其實有的,仲不幸地好似我都係識嘅,不幸地都係有睇呢個Page嘅,圍埋打邊爐都得。又,因為好長期都真係冇乜人睇,結果好多人打嚟的。包括陸東,係喎,嗰個陸東。但冇乜特別,即係你當佢去街市想搵白子(係白子,唔係白紙,亦唔係白只),得我一檔有賣,佢咪幫襯我咯,有乜咁特別?不過倒係講單插曲,當年我某親戚,係個好撚濕鳩嘅HR(有冇唔濕鳩嘅HR?),知我做分析員,好撚大枝嘢咁話佢地個乜乜HR會(怨婦圍爐團),請咗陸東嚟做嘉賓喎,話可以幫我試下留個位。我就恥撚笑佢:陸東上星期先打完電話畀我呀。呢幕你諗起乜?冇錯,就係《墨斗先生》!我就係陳小春,佢係詹瑞文!(https://ytube.io/3FKG),「你個基金經理都要同我索料呀」。 Anyway,我就係一個賣白子嘅人。呢呢呢,今日張「請O靚食飯」,十二件壽司就有一件係。
搵食啫犯法呀我想架 在 君子馬蘭頭 - Ivan Li 李聲揚 Facebook 的精選貼文
[驚喜唔驚喜意外唔意外呀?]一個字,馬斐森!留名睇呢條YC(*) 點時畀人玩到謝。不過阿Sa話齋,冇出糧畀你咩!你可以呢兩個星期繼續睇啲咩專家學者分析,但本人冇乜好,就係快狠準。聽日?聽日畀個警務處長你做啦。歐冠昇定歐霸跌,冇乜相干啦。所謂先知,就係知早你少少。一開始己經寫埋個結局畀你。
============================
告個急先:Ivan已被炒,3月開始失業。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。一星期至少出返六篇文.月頭訂最抵!月費80
===============================
1. 聽聞如果係YC,特別係阿美利堅熱狗C,去投奔北韓古巴,係好受歡迎的說,聽講食好住好食唔少好嘢的。或者南韓人,人人脫北你去投北都係。Contrarian嘛,更重要係可以配合宣傳!話你知圍城,城入面想走出去,但大把人爭住攻入嚟。(**)。
2. 他人即地獄,有人辭官歸故里,有人漏夜Ball場。你日日埋怨嘅生活,係N咁多人夢寐以求的。你話你份工要你賣海鮮—不知幾多人肯賣海鮮都冇人肯買呀。
3. 唔講咁虛,一句,驚唔驚喜先?最初就港仔,後來換個唔多識廣東話嘅海歸李小加。而家就整件標丫拔甩YC畀你,開心啦?滿意啦?濕晒未?
4. 不過大家都知—你唔知就我話你知,香港今時今日,有兩三千億成交,當然係多得北水。就算唔計北水(今日冇),你可以睇下十大成交係乜公司。仲Hong Kong Bank?BTW,而家好多時5號仔成交仲多過HSBA.LN,咁你諗下咩人會在香港時段買?英國YC唔瞓覺同你玩?平保都大股東啦,馬明哲係的士佬咋。
5. 以前寫報告都寫過,近代(388上市後)港交所幾個黃金年代,你見啲成交(and 388股價)顯著抽上嚟。首先係05-09(大約)嗰浸,港股直通車?NoNoNo,係國企改革上市,一大抽咩五行三保七行四保,全部嗰啲時間上市的。日日十幾廿億成交印錢畀港交所(***),仲未計相關嘅輪證ETF
6. 之後,當然就係滬港通(有話係港股直通車借屍還魂,但投完胎生猛好多)。
7. 然後,就係呢一浸科技股,同股不同權,再加美國返嚟上市。你睇阿里巴巴京東之類一日貢獻幾多成交?真係多謝侵侵啦。唔係事後講,一早寫明,港交所係中美交惡受惠股(https://bityl.co/5XIB)。當然唔好鳩拗,咁物極必反,你射個核彈就冚球鏟冇得受惠。早啲信主。
8. 正係以上呢堆嘢,令到港股由我入行年代100億成交,到而家2000/3000億。亦因為呢堆嘢,港交所由3.88升到而家500蚊,仲年年派90%息。老細,而家一隻阿里巴巴,成交等於當年成個港股呀!你咪繼續去搵 Chipotle 或者Cheesecake Factory 嚟上市.唔失禮你呀,股價不知幾勁,但,有冇微軟星巴克咁勁?我地都古已有之啦!但搵到嚟上市又點?
9. 所以,你鍾意唔鍾意都好,以上所講,全部同大陸有關。搵外國公司上市?親,請問邊位在香港有買過 微軟 或者 星巴克?係呀!一早在香港上市!納豆七雄嘛!引入外國公司嘛!AND?我陰謀論咁認為,港交所一直有得納豆七雄在香港唔斷尾,「係留低個恥辱柱畀後世睇」「好似柏林凱撒威廉二世教堂咁」(****)「搵外國公司嚟上市嘛」。Prada定L’Occitane?(呢兩間不錯的說)
10. 講到明大家都知啦,聽聞有個不成文規矩(唔知會唔會平機會搞搞佢?),Compliance 一般只請香港人或YC,原因除咗你懂的外,亦對外面好睇。所以唔怕悶唔怕煩,港仔港女唔好再諗住做咩Analyst啦,死路一條,專心去做規佬規妹,隔離台規佬筆記 Compliance Notes 幫到你。真的,有前途。
11. 同樣道理,香港雖然_ _,但都未致於整件大陸佬做證監,原因同上。咁所以,今次搵件YC做港交所,都係差不多。
12. 但,我篇文一開頭咪講咯,馬斐森。留名睇呢位Alejandro 畀人玩到謝啦,「我估開會都未必有人講英文」,嘻嘻嘻。所以小友話呢條友冇乜東方經驗(蘋果有冇?),應該中文都唔識,miss the point啦 !就係貪你唔識中文呀!好似啲有錢人搵啲賓仔做司機咁,就貪你唔會聽到佢講乜。你係唐人嘅?知你私有化轉頭就自己落盤啦(又,犯法的,大家唔好試)
13. 但,有乜所謂,各取其所之嘛!呢邊需要搵個Figure head國際化,你見而家啲化妝品舖都整件後生YC,大陸啲酒吧都係。咁呀Alejandro,屌,你估人地傻架咩!好丕嘛!你畀錢我有乜所謂!港交所好好丕呀!特別係option嗰份,有排玩啦!仲可以飛嚟香港試下本地特產(你懂的,你估真係食波蘿包?仲有很多其他大包細包大鮑細鮑)。然後過幾年告老走人,仲可以出書踢爆內幕做返正義鬥士添,好似Whatsapp條友咁,錢我照袋,然後再出嚟講正義。幾咁好。
14. Bonus point :呢位Alejandro應該唔會畀人制裁掛。傳說中嘅以Y制Y呀!
15. Bonus point 2:拿,畀冧把呀!歐冠昇坐緊Board嘅一間公司,好東西嚟呀,Mercadolibre,美股有得買,MELI。咩嚟呀?「南美亞馬遜」「屌,亞馬遜本身咪在南美」。今年升咗三倍!想像下,嘩,南美咁多人,一人買一包瑪黛茶,不得了呀。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1300人訂!(https://bityl.co/4Y0h)。年費仲有85折
(*)我廢事又畀人hate speech ban post,上次ban我七日,搞到我覺得冇Facebook都冇乜所謂了。不過只係Personal account,呢度仲係好重要。又,小心呀,上次我只係cap圖入面有”不適當字眼”咋!都入我數!我自己只係寫咗兩個字:「民意」
(**)錢鍾書嘛,圍城as a metaphor呀。
(***)而好多人以為港交所係賺上市費,真係miss the 北京point,一講呢句就知你唔識。咁講啦,上市費係printer,每日交易費先係toner,明冇?而記住,係冇得用代用墨嘅!香港冇第二個交易所,官方欽定。Monopoly as a 護城河(moat,我識,怕你唔識啫)呀。
(****)凱撒威廉二世教堂係柏林極之搶眼嘅一個景點,十分震憾。因為你會見到一個炸爛一半嘅東西,然後側邊有一坐新起嘅建築。點解唔拆咗舊嗰座?或者修復(歐洲特別德國好多景點都有)?就係特登留返呢個畀人炸咗嘅舊教堂,提醒後世德國人戰爭嘅傷痛同教訓。