【你點呢啲歌，還柙手足一定邊聽邊喊！】
致出面諸手足、雷霆881前線護士亞希手足︰
咁多位手足，出面生活還好嘛？我喺入面(自理大戰役)至今，已經就快4個月喇，時間真係過得好快。由於控方一直未有任何證據交付，所以現時急於爭取保釋事宜，除咗等律師之外，其他一切安好。
講返正題，話說依家寫信呢刻正值十點(燈已熄)，但我都要堅持由張床度彈返起身寫，因乜解究？係喇，就係你喇，二O二O年三月十號星期二晚，喺雷霆881「有誰共鳴」登場嘅前線護士亞希手足！全因為你，我激動到、感動到即刻要深夜寫公開信啊~！
我想講，你真係好抵死，叫就叫人支持紅十字會，但點啲歌全部都係抗爭歌，你係咪想整喊晒所有喺入面聽「貓」(收音機)嘅手足啊！「公器私用」XD，首「十八」我諗除咗我，一定好多入面手足邊聽邊喊啦！仲有你有無諗過天琦聽返自己隻歌會有乜嘢感受啊！之後嗰首英文歌(梳，唔記得歌名，好似叫唔知乜black乜乜)，一唱到so carry on，so carry on，我就諗返起之前連登睇某條抗爭文宣片(就係配呢首歌)嘅各種畫面，成個腦都「痺」晒，成個情感返晒來啊！真係好滾動T_T，仲有Do you hear the people sing又係正到癲，我完全諗唔到首歌同紅十字會有乜關係囉 XD，跟住到最後一首點歌，我就諗，既然咁多抗爭歌都點唱咗，最後會唔會就係……唔會啩……點知真係俾我估中 – 願！榮！光！歸！香！港！我即時喺床上跪拜亞希手足，真心五體投地！當然，音樂一響起，成個人即刻戙起身，企正身，手擺胸口，大聲咏唱咗啦我梗係！
手足，你(哋)唔好以為靜靜雞喺電台點唱《榮光》、《十八》……可以走得甩逃得出我哋入面手足法耳啊！XD 好，篇幅關係，講完！祝我保釋順利，thanks！
By the way我有聽莊正Will (not) see you soon，真係好正，尤其係唔自由嘅地方聽！
發 上
2020年3月10日深夜
編按：此為工黨立法會議員張超雄收到被還柙手足的公開信，由張超雄代為投稿。如有意回信，請寄到「中區立法會道一號立法會綜合大樓1017室張超雄立法會議員辦事處」，註明回覆給哪位手足，以及留低電話號碼或其他聯絡方法，方便議辦跟進。
Lester 莊正
支持紅十字會 在 中華民國紅十字會- Home | Facebook 的推薦與評價
紅十字會 宗旨：人道、博愛、志願服務連絡電話：02-2362-8232歡迎您的加入! ... 在IFRC 的支持下，紅十字會也向收容流離失所者的家庭提供現金援助，以幫助他們支付增加 ... ... <看更多>