本身我以為件事完咗,但係陶傑、鮑偉聰聰連續兩日都係商台881光明頂講,似乎件事仲有熱度,大家都未想完。
光明頂就係一個好嘅指標,既然大家仲有興趣,咁我都係順着輿論方向繼續講
關於捉鬼大師的罪狀,留返比Nic Chung或者無神論者巴別塔,我冇新野補充,淨係想講吓一啲媒體現象
我一直覺得才子係好友江湖歷練,通達人情世故嘅文人,今次佢做咗個示範,點樣從善如流。
本身佢係蘋果日報4月5號寫咗篇文章,佢嘅立論係覺得KOL賣樓係唔應該俾人批評,批評佢嘅人都係出自於妒忌有錢人仇富心理。
當日佢Facebook出咗個post,表示明白批評嘅心理,強調係一個perception嘅問題,立場已經冇咁一面倒,誅心論亦都唔見咗。再後來佢喺光明頂重新自己嘅Facebook講法,但係鮑偉聰仲未洞悉到輿論,依然繼續攞仇富論來講。
尋日先係高潮,才子同鮑生火力加強,光明頂直線抽擊又有,單打都有,佢甚至乎直線開名攻擊捉鬼大師黨羽,叫佢洗洗牙,唔好失禮香港人。呢個唔係重點,重點係佢想強調唔好同人有咁多「牙齒印」
我見到捉鬼大師啲支持者仲攞返陶傑第一個version嘅文章,我就笑了。人哋已經知道成個輿論風向,轉晒啦,你地仲攞住篇舊文喺度自high
「牙齒印」呢樣嘢係可以講多啲,好多人都受咗捉鬼大師嘅氣,誣蔑完別人自己犯錯後亦都唔會同人講對唔住,但係對好多人來講傷害已經造成左。實在冇理由連一啲坐監嘅人都俾人誣蔑做鬼,然後佢自己就成為社會賢達,贏盡光環掌聲,名成利就逃去一個安全嘅地方,繼續指點江山。
緬甸都捉鬼,捉咗幾個警察出嚟同示威者交換人質,但人哋係前線捉鬼。捉鬼大師最可惡就係佢永遠唔係喺前線,佢喺網上VR式捉鬼,見到啲片段走去誣蔑別人,見人大隻啲又話係鬼,你咁樣捉鬼有啲咩意義?
知恥近乎勇,我好清楚自己收咗皮。我做金融的,從來不是社運圈子。我知道自己要收皮,所以我收晒火,收埋山,不過問世事,專心淨係做金融。捉鬼大師賣樓變咗蘋果日報財經新聞,我講幾句,吐兩句苦水,亦冇講錯事實,然後講一啲俾捉鬼麥卡錫主義病毒感染嘅痴線粉絲同埋捉鬼大師嘅黨員就馬上發起批鬥。
左一句不分化,右一句你係鬼,成個劇本套路都冇改變過,群眾接受巫師蠱惑,不停點咒語。捉鬼大師嘅黨羽上綱上線話我發動土改,你唔識共產黨歷史可以返去讀書,土改係針對地主,40,000,000喺香港算乜嘢,小資產階級咋。冇返一二百億都唔好喺香港自作多情自己係地主
捉鬼最可惡嘅地方,就好似麥卡錫主義,逢人都老屈係共產黨先。既然成個捉鬼系統上至捉鬼祭司,下至捉鬼粉絲都批鬥我,咁我梗係還以顏色。明明收咗爐都出山斬你幾刀,反正我做乜你都話我係鬼,咁我梗係屌撚咗你先,起碼出啖氣,而唔係傻豬豬挨打。
呢個就係陶傑所講嘅牙齒印,我完全唔關事,冇人覺得我係社運一份子,結果我都俾你批鬥,咁我梗係屌咗你先。呢啲連私怨都講唔上,因為我根本就唔係你個圈,只不過你哋麥卡錫主義上頭,連我都拉埋落水。如果你唔搞我嘅話,我亦都唔得閒搞你,我係一個銅臭嘅商人。冇乜嘢我出返去炒股票,今日開返市。
支持香港警察講笑咋 在 無神論者的巴別塔 Facebook 的最佳解答
9月6日係香港原定法定投票日,但因為港共政權以疫情為藉口延後一年,於是就有人響網上鼓吹大家響港九各地發動遊行集會,作為一種反抗象徵。基本上對於所有抗爭行動,我都唔單止以口頭,同時亦身體力行予以支持,但今次96遊行集會,我卻係選擇咗缺席,點解呢?
1. 除咗杯葛選舉,我唔認為而家猶如跛腳鴨嘅議會戰線再有實際用途,好自然唔會參加一個要求恢復選舉嘅抗爭行動;
2. 「重啟選舉」係飯民大台嘅口號,最大得益嘅就係飯民(同藉初選加入大台嘅新飯民)本身,咁就好應該由呢班支持大台嘅飯民黃屍去承擔番呢場抗爭嘅責任同風險;
3. 我對於網上一班帶風向嘅人將抗爭焦點放響96而唔係831感到非常失望:既然831一週年當晚都無乜人願意去,9月6日我不如響屋企涼下冷氣睇下直播算尻數
結果無論從人數(各區加埋應該有近萬人)、激烈程度(又開始有人會擺設路障投擲雜物),9月6日嘅示威集會明顯係比831一週年更具規模,甚至令到有唔少人出現一種「抗爭重臨」嘅錯覺,但老實講,自從元旦遊行和理非進行大規模捉鬼過後,再加上限聚令同《國安法》立法,除非有一件足以扭轉整個局面嘅戲劇性事件發生,抗爭頹勢基本上係會維持相當長嘅一段時間。
相對而言,警方或者亦睇得出9月6日示威係有某種大台號召嘅「正統性」,所以採用嘅濫暴同滋擾程度比起831一週年係更加嚴重:唔單止同樣多次大規模SS罰企一小時以上,甚至直接拘捕接近300人非法集結全部都要番狗屋坐48。只要有任何抗拒警方截查嘅逃避行徑,就算12歲細路女都會立刻被撳響地下,巴士司機響個鞍就話你危險駕駛、身上收埋個士巴拿就話你藏有攻擊性武器──除咗人數仍遠遠不足以令警察有所顧忌之外,亦都為咗重挫想藉呢次機會重挫任何想重新搞番起抗爭氣氛嘅嘗試。
由於有關近呢大半年嘅抗爭都係以類似嘅鬱悶方式進行,所以我響度只問兩個問題:
一、之前好多黃屍話支持飯民「捐狗窿」嘅原因係因為加入臨立會2.0令班飯民仲可以保存議員呢個身份,從而可以響前線保護手足;喂,咁9月6日呢個示威集會就係好好驗證呢個論點嘅時候啦,但結果呢?
基本上有響抗爭現場出現嘅,就只有表明「總辭」嘅朱凱迪,同埋已被DQ嘅梁國雄,其他「主留派」飯民議員一個都無。
當中尤其要譴責嘅係毛孟靜同黃碧雲:明明發生最嚴重濫暴嘅地點就係你地九西選區?響呢個風頭火勢嘅情況下,毛孟靜竟然仲匿響屋企Cap新聞出Post講到自己好嬲好嬲,而唔係去前線用議員身份頂住班差佬,成件事真係好撚諷刺;但其他「主留派」議員唔好諗住側側膊唔多覺,你地沒有一個是無辜的。
然後響連登仲有班深黃傻尻想為呢班垃圾會議員辯護,話佢地好多都「揹住幾條罪響身,比人拉咗就隨時要即時入獄」,咁我又係再問同一個問題:乜原來全香港而家就係得呢班垃圾會議員有入獄風險?係咪垃圾會議員條命就矜貴啲,一般蟻民就比政府拉尻咗告尻埋都無所謂?
喂成班黃屍係咪唔見得哂9月6日個抗爭主題係乜?係「重啟選舉」呀屌你老母!作為成場抗爭嘅主角兼受益者,竟然全部都只係打算匿響安全嘅地方坐響其成,然後你旨意呢班撚樣「捐狗窿」入臨立會2.0會不惜以身犯險守護港人利益?你地係咪全部傻撚咗?
結果都係果句:9月6日響前線見得最多嘅,反而係被剝奪選舉權嘅抗爭派候選人、權力遠遠不如垃圾會議員嘅區議員,你班養尊處優廿幾年嘅飯民政棍睇見呢個情況會唔會覺得面紅?當然唔會啦,因為佢地仲覺得自己係尊貴嘅議員,只適合響議事廳雄辯滔滔架咋!舊年出過幾次黎打過卡,都足以比班深黃傻粉講成世啦!
二、另一個問題,我知大家都唔鍾意聽,甚至乎問出黎可能只會得到趕客unlike/dislike嘅結果,但係我仍然堅持要問:當大家響屋企見倒市民比人入濫打濫暴,好Q憤怒果陣,你最尾做咗乜嘢黎宣洩你呢種憤怒?
哦,原來結果你出咗一個Post。
過往香港人面對政府嘅不公不義,最鍾意就係遊行集會:好勒,而家因為限聚令加埋街頭亂拉人,遊行集會變成「有風險行為」,咁點呢?於是沈國師就搬咗35+呢個假希望出黎比大家意淫,覺得議會戰線就可以翻盤──然後政府就索性連選舉權都剝奪埋你嘅,等你連呢絲微弱希望都無埋。
當所有低成本嘅抗爭行動都做唔倒咁點好?我以為大家都會明白,只有重回街頭,盡自己能力承擔一定風險就係現實唯一可行嘅出路,但原來唔係咁──下上街而家咁高風險,不了,我都係響屋企繼續睇直播算,甚至用「送頭論」黎將自己嘅懦弱合理化。
所以我係絕對明白點解咁多人會執著龍門、渣哥、水門同一眾黃店之間雞毛蒜皮嘅內鬥?因為既然無辦法挑戰倒呢個極權政府,唯有以鬥黃方式證實自己有做緊嘢;點解而家咁多時事KOL專揀外國新聞黎報?因為當面對抗爭嘅無力同自己嘅無膽,唯有日日睇住美國制裁中國、全世界圍堵中國點點點,打住飛機幻想民主有日從天而降──結果呢種「懦弱性消費」甚至成為一個龐大產業,利潤大到值得我另文探討。
好令我意外嘅係,飯民號稱有超過200萬支持者,但面對今時今日嘅困境,當中願意多行一步嘅人連1%都唔夠。甚至乎每當我拎呢樣嘢出黎批評之時,有好多不知就裡嘅黃屍仲要反唇相稽話「你咪又係剩係識響網上發表偉論,唔敢抗爭!」,好有自信覺得而家響網上發聲嘅人,全部都只會同自己一樣得把口乜都唔會做。
記得之前講過一個抗爭笑話,就係話說當日陣地戰仲打到如火如荼果陣,有好多好似我咁怕死嘅人,明明就只係敢企響後方嘅安全位置「食花生」睇下有咩幫倒手,但前面嘅人走下走下,最尾竟然無啦啦企咗響最前線。今時今日我做嘅嘢唔多,我都想自己係作為最怕死果堆比人批評點解咁懦弱,唔肯為場活動付出多啲。
當然我都唔可以怪哂大家。因為有好多比一般人更無恥、更狡猾嘅垃撚圾政客,明明收緊十幾廿萬一個月卻係連落街一樣咁基本嘅嘢都懶於去做;蔡子強馬嶽鍾劍華呢堆垃圾學棍,平時對香港政治指指點點,但一有抗爭就匿哂響象牙塔入面閉門造車,只一味死抱和理非教條完全同前線脫節;至於果班「黃標KOL」就更加唔駛講,唔係經已走哂佬去加拿大台灣,就係匿響最安全嘅冷氣房月旦時事,仲要企得愈遠果批搵錢搵得最多。
既然香港嘅輿論、學術權威、議席、課金都係集中哂響呢班垃圾身上嘅時候,咁香港落得今日嘅不堪,亦係理所當然。
支持香港警察講笑咋 在 Vangie 鄧穎芝 Facebook 的最佳解答
⚠️長文慎入⚠️
睇晒🔞頁紙,我終於明白點解林鄭同建制派呢兩個星期完全唔夠膽話自己睇過呢份嘢。因爲佢比送中條例強千百倍…
我就唔會對佢評論,因爲我唔係法律專家,亦都有機會畀人批鬥成犯法… (你懂的…) 但係其中一部分相對上敏感嘅條文 (其實差唔多全份都係...),就趁呢個機會列出嚟解釋等大家小心唔好誤墮法網:
.
.
.
14) 「香港特別行政區維護國家安全委員會的工作不受香港特別行政區任何其他機構、組織和個人的干涉,工作信息不予公開。香港特別行政區維護國家安全委員會作出的決定不受司法覆核。」
--- 即係可以黑箱作業,兼冇得上訴,阿爺話你犯法就係犯法。
.
15) 「香港特別行政區維護國家安全委員會設立國家安全事務顧問,由中央人民政府指派…」
--- 即係内地委派嘅人話事囉…林鄭?人頭嚟啫🙃
.
16) 「香港特別行政區政府警務處設立維護國家安全的部門,配備執法力量…可以從香港特別行政區以外聘請合格的專門人員和技術人員,協助執行維護國家安全相關任務。」
--- 城管制度正式實行,内地警察可以落香港執法,第日記住隨身攜帶一疊人仔先好出街。💸 P.S. 嗱嗱嗱,我哋愛國所以要用人民幣咋!唔好諗錯隔離呀!😏
.
19) 「…財政司長應當從政府一般收入中撥出專門款項支付關於維護國家安全的開支並核准所涉及的人員編制,不受香港特別行政區現行有關法律規定的限制…」
--- 可以任用大家嘅公帑請城管,各位係咪好興奮可以交稅呢!立法會?財委會?乜嚟㗎?食得㗎?
.
.
.
🧐咁到底點先為之犯法呢?
20) 「任何人組織、策劃、實施或者參與實施以下旨在分裂國家、破壞國家統一行為之一的,不論是否使用武力或者以武力相威脅,即屬犯罪」
--- 任何人講或同「港獨」扯上關係,可以處無期徒刑
.
21/23) 「任何人煽動、協助、教唆、以金錢或者其他財物資助他人實施本法第二十條(第二十二條)規定的犯罪的,即屬犯罪。」
--- 捐錢畀黃圈🟡都可以係犯法,最高判十年
.
22-4) 「攻擊、破壞香港特別行政區政權機關履職場所及其設施,致使其無法正常履行職能。」
--- 圍堵政總,都可以處無期徒刑
.
24-3/4) 「破壞交通工具、交通設施、電力設備、燃氣設備或者其他易燃易爆設備;嚴重干擾、破壞水、電、燃氣、交通、通訊、網絡等公共服務和管理的電子控制系統」
--- 前線勇武,發動DDoS嘅網友💻,全部可以處無期徒刑,連登應該都可以收皮,因為網上言論談及呢啲都係違法。
.
👋點解今朝早,黃之鋒、羅冠聰、周庭、敖卓軒突然退出眾志?因爲只要佢哋一同任何外國媒體或者領事接觸,全部都可以即時收監。佢哋幾個爲咗保護啲細嘅,要走都係好能夠理解。
.
29-4) 「…直接或者間接接受外國或者境外機構、組織、人員的指使、控制、資助或者其他形式的支援實施… 對香港特別行政區或者中華人民共和國進行制裁、封鎖或者採取其他敵對行動…」
--- 支持外國對中共進行制裁都係違法,即係話,黃之鋒、何韻詩呢啲只要一行入美國領事館,即時可以收監。
29-5) 「通過各種非法方式引發香港特別行政區居民對中央人民政府或者香港特別行政區政府的憎恨並可能造成嚴重後果。」
--- 唔準鬧政府!唔準鬧政府!唔準鬧政府!好重要所以要講三次!😳
.
👻仲有,龍門冰室今朝話要脫離黃色經濟圈真係好弔鬼,因爲…
.
31) 「公司、團體等法人或者非法人組織實施本法規定的犯罪的,對該組織判處罰金…因犯本法規定的罪行受到刑事處罰的,應責令其暫停運作或者吊銷其執照或者營業許可證。」
--- 所有黃色經濟圈嘅朋友,都可以畀人吊銷牌照,執笠啦!不過龍門可能反而冇事喎...
.
.
.
💙跟住你話,咁啲藍絲打人咪一樣係恐怖襲擊?你錯啦!因爲:
.
33) 「有以下情形的,對有關犯罪行為人、犯罪嫌疑人、被告人可以從輕、減輕處罰;犯罪較輕的,可以免除處罰:在犯罪過程中,自動放棄犯罪或者自動有效地防止犯罪結果發生的;揭發他人犯罪行為,查證屬實,或者提供重要線索得以偵破其他案件的。」
--- 藍絲、白衣人、黑社會殺人放火、打人斬人、通風報信,都可以有免死金牌!!!🥇 689突然咁夠膽懸紅100萬搞批鬥就係呢個原因!不過當然...呢條友出咗名走數,篤完灰有冇錢收到呢啲就自己諗清楚啦~
.
.
.
📝然後9月嘅立法會選舉將會係建制派嘅天下!因爲:
.
35) 「任何人經法院判決犯危害國家安全罪行的,即喪失作為候選人參加香港特別行政區舉行的立法會、區議會選舉或者出任香港特別行政區任何公職或者行政長官選舉委員會委員的資格。」
--- 無限DQ輪迴,所有民主派嘅都可以唔使選啦!只要七八月之間全部民主黨、公民黨、工黨等等民主派一律告叛國或者參與恐怖襲擊,就全部自動喪失資格參選🤯
.
.
.
🌏你話,我住海外嘅,唔關我事!咁你就錯啦!
.
36) 「…犯罪的行為或者結果有一項發生在香港特別行政區內的,就認為是在香港特別行政區內犯罪。在香港特別行政區註冊的船舶或者航空器內實施本法規定的犯罪的,也適用本法。」
37) 「香港特別行政區永久性居民或者在香港特別行政區成立的公司、團體等法人或者非法人組織在香港特別行政區以外實施本法規定的犯罪的,適用本法。」
38) 「不具有香港特別行政區永久性居民身份的人在香港特別行政區以外針對香港特別行政區實施本法規定的犯罪的, 適用本法。」
--- 就算你離開咗香港,唔係香港人,總之乜都可以拉你!晌飛機度講過嘢都可以拉㗎~✈️ 最好笑嘅係,根據呢條條文,所有美國國會議員、侵侵、安倍、彭定康、etc etc嘅人全部都犯咗國安法,即係只要佢哋任何一個嚟香港,可以即時收監。😂😂😂
.
.
.
🏛好啦,有啲人仍然會話,我小心啲咪得囉!到最後都仲可以上法庭爭辯㗎嘛!(傻豬嚟嘅,阿爺話你係就係㗎啦!) 咁到底點樣判你呢?
.
41/42) 「…禁止新聞界和公眾旁聽全部或者一部分審理程序…對犯罪嫌疑人、被告人,除非法官有充足理由相信其不會繼續實施危害國家安全行為的,不得准予保釋。」
--- 唔畀新聞報導📰🗞,更加唔畀保釋
.
43) 「…對用於或者意圖用於犯罪的財產、因犯罪所得的收益等與犯罪相關的財產,予以凍結,申請限制令、押記令、沒收令以及充公」
--- 只要阿爺想,随時可以沒收財產💸
.
46) 「…凡律政司長發出上述證書,高等法院原訟法庭應當在沒有陪審團的情況下進行審理,並由三名法官組成審判庭。」
--- 鍾意嘅話,可以連陪審團都Bye Bye! 🏛
.
55/56) 「根據本法第五十五條規定管轄有關危害國家安全犯罪案件時,由駐香港特別行政區維護國家安全公署負責立案偵查,最高人民檢察院指定有關檢察機關行使檢察權,最高人民法院指定有關法院行使審判權。」
--- 阿爺可以隨時的你上大陸審!你係冇得嘈㗎!到時明正言順,連洗頭艇都慳番🚤
.
60) 「持有駐香港特別行政區維護國家安全公署制發的證件或者證明文件的人員和車輛等在執行職務時不受香港特別行政區執法人員檢查、搜查和扣押。駐香港特別行政區維護國家安全公署及其人員享有香港特別行政區法律規定的其他權利和豁免。」
--- 城管同公安,凌駕一切香港法律,話點就點,打橫嚟行都仲得呀~ 特權仲多過香港差佬!黑警?濕濕碎啦!
最後,附則仲有講到明,呢條國安法凌駕其他一切香港法律,兼且阿爺擁有終極解譯權,即係話個龍門佢鍾意點擺都得,仲可以設立「勞役中心」、「教導所」、「感化院」、等等,我哋嘅祖國真係強大到不得了呀!
.
.
.
.
講到嚟呢度,只能夠同大家講… 自求多福啦!😏
P.S. 不過咁講,阿爺其實好大量嘅!冇話要設追溯期!!!係咪好感恩呢?但係講真,佢而家話冇啫,一個屈尾十,想點都仲得㗎!所以記住要愛國愛黨,效忠習大大呀!😎
.
#需要嘅隨時Share
#好過乜都唔知變犯法
#唔識國安法 #乜都係犯法