阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
同時也有11部Youtube影片,追蹤數超過1萬的網紅Topaau土炮,也在其Youtube影片中提到,香港的醬料,有不少仍堅持本地製造。像「文記醬料」,老闆文健佳今年70歲,做醬50年,他勤奮盡力,每朝六時開工煮醬,晚上八時工作完畢,但有時客人多,要到十一二點才收工,一天工作十六七個小時。 他煮的xo醬、麵豉醬、麻辣醬等,共12種,主打辣椒油,用辣椒乾「雲南辣王」,與蒜蓉、八角、甘草片、桂皮、芝麻、...
「收陀地」的推薦目錄:
- 關於收陀地 在 Facebook 的精選貼文
- 關於收陀地 在 舊時香港 Facebook 的最讚貼文
- 關於收陀地 在 Facebook 的最佳解答
- 關於收陀地 在 Topaau土炮 Youtube 的最佳解答
- 關於收陀地 在 爆釣釣魚頻道 Youtube 的最佳解答
- 關於收陀地 在 楊岳橋Alvin Yeung Youtube 的精選貼文
- 關於收陀地 在 老表,你好hea! | 黑社會來收陀地最後被感化? - YouTube 的評價
- 關於收陀地 在 #收陀地- YouTube 的評價
- 關於收陀地 在 寫屯- //屯門最近重現街市「收陀地」案件,有兩名 ... - Facebook 的評價
- 關於收陀地 在 陀地是哪裡? - Mobile01 的評價
收陀地 在 舊時香港 Facebook 的最讚貼文
【故園家書】為何懷念 屋邨樓梯叫賣衣裳竹的時代?
全文閱讀:https://www.patreon.com/posts/56079923
回憶三、四十年前仍是「無王管」的公共屋邨社區,令人留下深刻印象的,或許是那種「亂中有序」的美、「亂中有情」的溫暖。
當中,在舊邨成長的一代應都知道,那年頭管理比較寬鬆,居民在屋邨範圍內做些無牌小生意、賺點生活費是常見的。樓梯叫賣便是其中一景:
衣裳竹,好靚嘅衣裳竹
磨鉸剪鏟刀,磨鉸剪鏟刀
喂,白糖糕,西米糕,好靚嘅白糖糕,西米糕
裹蒸粽,裹蒸粽
番薯糖水喂,番薯糖水
…………
今天回頭看,這種「無王管」其實是社會多元的一種表現。當年生活艱苦、工廠倒閉不時發生,但只要人們願意辛苦一點、揮點汗水,總能夠在社區空間做一點小本經營維持生計。
…………
相比今天,如果我們失去了僱主的聘用合約,創業卻又要承擔天價鋪租、屋邨商場也變了大財團連鎖店的天下,日子可以怎麼過?這一代人的出路,是否又比舊日變得狹窄?
當然,屋邨叫賣其實也衍生另一些問題,例如黑社會收陀地、對真金白銀在屋邨租鋪經營的商戶不公平等。因此,後來當局取締屋邨叫賣,實在也無可厚非、甚至自有情理。
關鍵是施政者如何關了一扇門、再開一扇門,不讓社會流動的機會減少?
收陀地 在 Facebook 的最佳解答
某大百貨公司好似俾人收陀地咁
收陀地 在 Topaau土炮 Youtube 的最佳解答
香港的醬料,有不少仍堅持本地製造。像「文記醬料」,老闆文健佳今年70歲,做醬50年,他勤奮盡力,每朝六時開工煮醬,晚上八時工作完畢,但有時客人多,要到十一二點才收工,一天工作十六七個小時。
他煮的xo醬、麵豉醬、麻辣醬等,共12種,主打辣椒油,用辣椒乾「雲南辣王」,與蒜蓉、八角、甘草片、桂皮、芝麻、花生、蝦米、蝦醬,撈在一起炒。他炒醬依然用人手,明火煮,拿着鑊鏟不停攪,以防燶底,辣椒油一定炒足一個半小時,不能愉懶,非常吃力。炒時他揮汗如雨,飄出的氣味攻眼刺鼻,鼻涕、眼淚一起流,很辛苦。熱油與辣椒也會經常彈出來,燙傷手腳,如家常便飯。
辣椒油不加色素、不下防腐劑,入口辣得驚心動魄,吃下去有芝麻、花生、蝦米、蝦醬等複雜的香味,勾住了味蕾,令人上癮。
文健佳祖籍深圳松江,自小對辣椒有感情,家中種了一棵辣椒,他用蒜頭、食油混合辣椒來炒,做給親友吃,人人都讚好,他就很想長大做辣椒油來賣。73年,他偷渡出來香港,跟哥哥做小販,賣魚蛋豬皮,黑社會來收陀地,他忍無可忍拿起鉸剪去插那些人,自始黑社會再不敢來。
那時他就是煮這個辣椒油,來撈魚蛋,客人很接受,日日排隊捧場。後來他上了鋪,陸續開了九間店,明星如鄭伊健、張衛健都經常走來吃。他最高峰期賺了八層樓,但因喜歡賭錢,輸了千多萬元,因此所有鋪都結業。
他由樹上最高跌下來,他後悔自己爛賭,惟有去做擔泥頭,勤力幹活,慢慢去搵錢。那時建築公司老闆見他勤力拼搏,感動了,肯借錢給他創業。自那時開始,他腳踏實地,他覺得自己煮辣椒油有天份,就選擇做醬料,自己煮醬、包裝,起初在租散貨場賣,給人試吃,客人覺味道好,醬料賣完一樽又一樽,不少客人回頭買。他又批發給許多雜貨店、酒家,連「食神」食家梁文韜也曾是他的捧場客。甚而不少客人親自乘車來製造廠買。
辣椒油愈來愈好賣,這樣一步一步的邁進了他小時候的夢想!
文記醬料
廠地址:新蒲崗大有街2-4號旺景工業大厦5字樓H座
電話:2342 0343
營業時間:星期一至五9am-6pm
銷售點︰請留意香港文記醬料Facebook(https://bit.ly/2P1jpUI)
#醬料 #辣椒油 #麵豉醬 #xo醬 #港產醬料
更多土炮好片:
柴灣40年古法叉燒 新桂香燒臘
https://youtu.be/zx_wqdZJEbQ
旺角中式老餅家 鎮店之寶雞仔餅
https://youtu.be/dIxQeKU_ROw
水滾茶靚 港式點心 歎一盅兩件
https://youtu.be/eK8bjW4RIvE
==============================
土炮好片,馬上訂閱YouTube: http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等,歡迎Inbox土炮報料,有機會在專頁上刊登!
![post-title](https://i.ytimg.com/vi/UJWxDNnrbS8/hqdefault.jpg)
收陀地 在 楊岳橋Alvin Yeung Youtube 的精選貼文
【財政預算案三讀發言】(14/05/2020)轉授權力與撥款令
2020-21年度財政預算案今日在立法會三讀,我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去,立法會無法過問,無法反對。
除2020-21年度新批出的258億,警隊2019-20年度另外鬼祟拎到34億。
1. 除咗每年等財政預算案批錢,警隊仲有一啲陰濕招數,靜靜雞cap到公帑,立法會同一般市民都難以監察;
2. 根據《公共財政條例》第8(3)條,財政司司長可運用財委會轉授嘅權力,毋須經立法會審議或批准,即可批錢俾政府部門。2019-20財政年度,財政司司長運用轉授權力,總共批咗30億9千8百幾萬給警隊,其中有22億5千1百萬係警員OT津貼。根據資料,2019-20年度,警員OT津貼總額為25億2千萬;
3. 轉授權力亦可用嚟更改人事編制,2019-20年度,財政司司長運用轉授權力對警隊348個職位作出變更,相信大部份係無經立法會審議及批准嘅新職位;
4. 另外一個值得關注的撥款渠道,係部門之間嘅「撥款令」。根據《公共財政條例》第14(4)條,一個政府部門嘅管制人員,可以透過簽署撥款令,將部門預算轉俾另一個部門。一般而言,每一項撥款令嘅金額上限為1千萬,但一個政府部門每年可以簽幾多項撥款令並不設上限。即是話,簽十項1千萬的撥款令,夾埋就係1億,程序上係可行;
5. 2019-20年度,警隊通過撥款令機制,總共由其他部門暗中拎咗3億3千7百萬公帑。對比過去四年,足足增長3至4倍。保安局解釋,其他政府部門簽俾警隊嘅撥款令,用途多數係加強保安,例如購置大型水馬,以及請警察做政府建築物保安;
6. 我就想問,點解其他政府部門買水馬,要經過警隊採購咁得意嘅?正常嚟講,如果有一個產品,好多政府部門都需要用到,例如口罩,通常由物流署負責招標、採購。更耐人尋味嘅係,街上面可以明確見到,大型水馬上面用中英雙語標示「警察 POLICE」字樣。即是話,這些水馬明明係其他政府部門用自己部門的預算出資採購,但訂購返嚟嘅水馬,又明顯變成警隊管轄嘅財產。既然如此,點解當初警隊不獨資採購、反而要不同部門「籌旗」夾錢買呢?
7. 先唔好忖測有無人過河濕腳,但成個操作,猶如黑社會收保護費一樣。明明每年的預算案已經批咗好多公帑俾警隊,俾他們維持全港治安,但當政府建築物需要警隊保護嘅時候,警隊居然要其他部門另外交一筆錢買水馬。香港嘅公共財政,居然淪落到爛仔收陀地呢個地步;
8. 所以贊成通過財政預算案嘅保皇黨議員,其實都俾政府搵咗老襯。就算立法會唔批准財政預算案,財政司司長一樣可以毋須問准立法會,就幾廿億幾廿億咁直接簽俾警隊,人手編制加幾多都得。特區政府會唔會感謝保皇黨?北京會唔會感謝保皇黨?其實係唔會㗎。
![post-title](https://i.ytimg.com/vi/Jfn4OYIeS9k/hqdefault.jpg)
收陀地 在 #收陀地- YouTube 的推薦與評價
甜筒輝在《喜劇之王》裡的演出,飾演收陀地,在周星馳的教導下,成功收到二十元買牛雜甜筒輝Instagram: timtonfai , Facebook ... From the video description. ... <看更多>
收陀地 在 寫屯- //屯門最近重現街市「收陀地」案件,有兩名 ... - Facebook 的推薦與評價
屯門最近重現街市「收陀地」案件,有兩名街市職員分別被人刑毁其車輛及勒索1萬元,警方昨晚(6日)拘捕5名黑幫新義安成員,包括一名自稱新義安「屯門第二把交椅」 ... ... <看更多>
收陀地 在 老表,你好hea! | 黑社會來收陀地最後被感化? - YouTube 的推薦與評價
老表,你好hea! | 林在野(郭晉安)在外流浪多年,因父親林志詠(鍾景輝)重病回港,因緣際遇下認識了同幢唐樓的街坊,改變了他的人生,從超市搬運工人成 ... ... <看更多>