話說，幾日前，上小學五六年級班。
課堂中，要學生做改錯字練習，共十題。
臨對答案前，我笑說：
「拿拿拿，一陣唔好話我知，最高分嘅係五年級生呀，如果係咁你地d六年級生如何自處？！」
果然，對完答案，最高分的是位五年級生，10條啱8條！
「我唔服！」
突然一名坐在最前的6年級男生彈起身，說：
「無可能嘅！一定係佢數錯改錯！」
全班同學頓時被其洶洶之勢震懾！
我笑著，故意刁難地問：「咁你係咪要查卷吖？」
估唔到，佢大聲話「好」，然後氣沖沖走到後方，伸出小手問小狀元拎卷！
對方大方給他，目光炯炯地望著他。
他低頭仔細核對......
全場屏息以待，場面充滿張力！
這個發難找事的小朋友，終於對完卷了；
然後，將筆記交還小狀元，
突然跪在地上，說：
「係我唔啱，係我攪錯咗，你真係啱咗8條，佩服！」
全場同學爆笑！
小學生，真係好得意㗎！
