I know that feeling 😩
［作為一個港澳台Server，救世者之樹封港台IP 的確經典！］
睇開我Channel 嘅，
相信一定知咩係救世者之樹，
所以唔講喇。
今次重點想講係一間公司嘅處事手法，
依間公司叫「OMG」- 茂為歐買尬數位科技股份有限公司，
一間遊戲代理公司，
姐係買隻Game 個代理權番黎，
開個Server或者提供活動果種。
而今次救世者之樹嘅港澳台代理，就係依間OMG。
一聽到OMG 依個名，已經同「仆街」係無分別，
佢做過嘅衰野數都數唔曬，
官方網絡打手唔認，同大量巴哈官方衝突等等，
真係要搵懶人包爬文。
比較大單係關於當年另一隻好Game，叫「TERA」。
OMG 得到左「TERA」代理權後，
幫遊戲收取月費。
本來都無咩好嘈，收錢係經營手法問題，
但衰就衰在隻Game 本來係免費遊戲，靠商城收錢，
依D Game最驚就係個平衡性，
但OMG將遊戲嘅設計亂咁改，
例如明明人地個Balance可能係10萬升一級，
佢就屈你要300萬升一級，
令到平衡亂曬，最後出現退玩潮。
好喇時光機番到現在，
話說7月6號應該係所謂公測，
其實早段時間已經有國際服係開左，免費，
不過由於想等中文版，所以有堆玩家都係等港台澳服，
姐係OMG 代理嘅版本。
不過係7月6號推出果陣，
OMG 整左一個叫優先通行證＄135 或者NT500，
原來佢話7月26號先正式開放，大家要玩就要先比錢喇～
拿在商言商言，佢無逼你，你可以真係等，
而且通行證入邊仲有堆虛寶，值唔值係個人意見，無得屌。
不過入Game 之後，成隻Game係網絡連接上出現大量問題。
例如：Lag 機，爆Server，連唔到線，回溯等等。
依D 問題全部都唔關遊戲設計事，係關OMG 經營問題事。
而OMG 亦都立即聲明，話比人攻擊Server 要停Server 整。
依個位已經開始比人屌，大佬收曬錢話係測試品？
又成日停Server，咁個「優先通行證」優先左去邊？
而係今日朝早，官方又有個新回應
「為左連線速度，佢地會先開放台灣IP，暫時封鎖香港及澳門IP」，
依個一出就真係不得鳥，
大佬呀依單野分分鐘係岐視黎架。
你作為一個港台澳服，理論上港台澳應該同Level，
係一體，依家擺明係做分化，挑起兩岸情緒，
好多唔同嘅討論區已經見到開始罵戰。
我有合理懷疑係佢見到Pokemon Go 之前嘅做法，
想跟人地行封IP 依條路，但人地講明係澳州版黎，
佢都唔會係封悉尼開墨爾本喇⋯⋯
不過講咁多都係因為我係有比錢嘅一份子，
由當初知道係OMG 代理，我就應該唔理。
壞人點樣都係壞人，係佢無任何改變嘅情況下，
你比機會佢，好大機會只係再一次證明自己嘅On9。
救世者之樹 Tree of Savior -繁體中文版
#救世者之樹
