關於 救世軍送飯服務 ，我們在網路上蒐集到這些相關的討論、資訊與評價

謝謝Edkin精心炮製。兄弟姊妹，路上小心。

【元朗STRONG！打算去元朗遊行嘅全部同我入嚟！】文：Edkin

我呢啲老人家都要學連登口吻：「打算去元朗遊行嘅全部同我入嚟！」

首先要搞清楚去元朗遊行，最重要嘅目的係乜嘢？

如果純粹用遊行嘅角度睇，我本人覺得今次去元朗遊行風險非常之高：最理想情況不過係和平結集和平散去，但係一個唔小心有乜嘢衝突，令民意有偏離就得不償失。所以好似警察咁講，唔去遊行就乜事都冇。係咪？

錯。

今次元朗一班流氓無差別攻擊市民，係超出咗香港 所-有-人 嘅底線。今日喺元朗，聽日任何一區都可以發生。呢種襲擊，講到明就係恐怖襲擊，目的就係挑起仇恨，令到市民日常活在恐怖氣氛之中。但係有一樣嘢要清楚：攻擊恐怖分子，係武裝部隊嘅工作。作為平民百姓，我哋嘅反擊就係要 生-活-如-常。

超過百年歷史嘅波士頓馬拉松受到恐怖襲擊，造成多人死傷。之後一年既馬拉松，終點線分毫不變，民眾一如過往夾道歡呼支持。已經復原嘅跑手再一次踏上跑道完成比賽。呢一切，都係民眾嘅反抗：Boston Strong，每一個人擦乾眼淚包紮傷口之後，大家堅如磐石，半步不讓，生活如常，絕不會被恐怖襲擊所動搖。

所以今次元朗遊行，係要清楚表明，我哋絕對唔會屈服喺恐怖襲擊之下。我哋針對嘅係施襲嘅兇徒，而過往幾日起底已經好清楚，呢啲人全部都係流氓同埋爛仔。 呢啲人 絕-不-等-同 元朗嘅市民同原居民。今次聲討之餘，最重要係同元朗嘅市民站在同一陣線，開心玩樂，食飯買嘢，享受生活。我哋以往遍地開花嘅光復遊行，係趕走上水嘅水貨客，趕走屯門嘅大媽艷舞，今次係要同元朗市民一齊還原元朗嘅美好，同時唾棄向普通市民施襲嘅恐怖分子，清楚明確。

大家入到元朗，要清楚俾元朗嘅居民知道，反送中抗爭咁耐，幾多萬人上街遊行，我哋冇傷害過任何市民，冇襲擊過任何商舖，清清白白仁義兩全，點可能會出現去襲擊人哋嘅村落或者祠堂呢種咁無厘頭嘅行為？

呢一度我必須要指出一個重要嘅歧點：即使次次遊行都話有鬼，但係今次係好明顯有人希望喺元朗嘅遊行裏面會出事，藉著混亂去挽救自己。

上次以白衣為記既恐怖分子無差別襲擊市民，佢地既樣貌係眾多既攝錄影片段之中被清楚記低。警察即使一時之間未有行動，呢啲人心裏面都係惶惶不可終日。 呢個時候雖然有人嘗試將上星期日嘅襲擊講做「保家衛村」嘅防衛舉動，但係打得咁過火，係人都當呢啲係砌詞藉口。所以今次一早有人散播「入村拆祠堂」呢類荒謬嘅消息，就係為咗希望今次元朗遊行入面出現類似嘅情況，就可以將佢哋上星期日嘅暴行合理化。

而當中係呢件事上面搖旗吶喊得最大聲，就係立法會議員 何-君-堯。

我哋首先睇返上星期日恐怖襲擊之後，港台節目《視點31》上面，何君堯莫名其妙咁不停聲稱朱凱廸既支持者搞光復行動要入村拆人祠堂。大家睇佢嘅動作似係歇斯底里，但係其實佢就係需要咁樣嘅sound bite ，等本地共媒用呢個畫面去大做文章。大家一定要清楚入村拆祠堂呢種講法以前係未出現過，何君堯係首先提出（正如梁振英搞港獨），令到呢個流言變成似層層，逼使鄉議會同警察都要對其回應，從而進一步增加呢件事嘅可信性。 然後何君堯又再神神地自己做live，又以黑社會口吻話「一條生路一條活路」拉朱凱廸落水；明眼人都睇到，如果遊行當日有人著住黑衫入村稍為生事，成件事嘅風向就會畀佢哋扭轉，朱凱廸就會受到波及。

今次元朗恐怖襲擊，何君堯同恐怖分子握手言歡嘅畫面路人皆見，事後建制派同何君堯割席，何君堯係出屎橋結果推咗自己落屎坑。恐怖襲擊之後第二日何君堯父母墳頭被毀，就似係揭露更多難以告人嘅內情。今次何君堯令到元朗及屯門鄉紳灰頭土臉，佢統戰鄉紳嘅價值已經大大降低，如果何君堯再失落立法會議員資格，到時西環唔會再係佢靠山，所有瞄準佢嘅事情都唔會再有所顧忌，佢就死都唔得掂。所以而家何君堯發曬窮惡，係都要同區既主要對手朱凱廸攬炒，可見佢係已經死無退路。

所以今次遊行嘅目標係向恐怖襲擊企硬。同時希望大家唔好畀任何人有機會喺村內生事，然後等任何相關人等有機會由元朗恐怖襲擊嘅罪行之中開脫！

大家今次盡量唔好接近村落，唔需要一定著黑衫，多啲留喺元朗市區消費，食完飯唔好等入黑，盡快散場。流動如水，大家一早散曬就冇機會畀人生事，就更加唔需要擔心要還拖。戰場唔需要一定喺元朗，喺大格局睇，將建制固有嘅力量打散就已經係勝仗。

文末附上元朗簡易地圖，尊重村落，唔好特別打搞。希望大家入到元朗多多開心消費。不過部分店家背景可疑，就可免則免。另外如果遇到突發情況亦附上一系列可以躲避嘅地方。記住動若流水，平安黎平安散就係勝利。

大家加油！
Part 1 背景可疑店鋪，避免消費：
1. 元朗西鐵站對出西鐵燒烤樂園
2. 金禾遊戲機中心
3. 新太陽桌球會
4. 百味軒 餐廳
5. 喜洋洋點心專門店

Part 2 7.27 元朗遊行撤退方法。
1.元朗市中心撤退
一.無封大馬路
往天水圍：輕鐵761p(天耀站)/輕鐵轉西鐵/巴士b1/269d/276p(大馬路沿路都有站，聚星樓落)
往荃灣：68m
往旺角：268x
往上水：276/276P
往沙田：269D
往東涌：E34B
二.封大馬路
往天水圍：輕鐵/輕鐵轉西鐵/行去安寧路或安樂路或朗屏總站搭k73
往屯門：輕鐵/輕鐵轉西鐵
2.朗屏撤退
往天水圍：k73
往青衣：68a(朗屏邨總站/屯公轉車站/荃灣/青衣)
往佐敦/尖沙咀/紅磡：268b
往黃大仙/九龍灣/觀塘：268c
往其他地方：西鐵😂
3.到達天水圍撤退
❌269D(往瀝源)/276P(往上水)因有機會經元朗
❌B1，去福田口岸
❌鐵巴K73(元朗西總站)、K74(唔使理)只去元朗
❌B2/B2P，直接去深圳灣
⭕️天祐苑
（搭西鐵（往紅磡方向車頭2號門）
到月台一落扶手電梯 最近就係exit d 天橋 行斜路落去 直行就係巴士站）
- 九巴69m 經荃灣 ，終點葵芳站
- 69x 經美孚、長沙灣、深水埗、旺角、佐敦，終點西九龍高鐵
- 269B 經西九高鐵站、尖沙咀，終點紅磡
- 269C 經黃大仙、鑽石山、彩虹、九龍灣，終點觀塘
- 276a 上水站
- 城巴 969 西隧去港島，上環至銅鑼灣
- 龍運 E34A ，東涌及機場
⭕️天慈
（k73 「天耀邨耀豐樓」站落車 過對面馬路的巴士站）
- 九巴265B 經美孚、長沙灣、深水埗、旺角、奧運站，終點柏景灣
- 269M 經荃灣、葵興、葵芳，終點荔景
- 276B 經落馬洲皇巴站，終點上水站
- 龍運 A37 ，直去機場，留意A車比較貴
4.往屯門方向撤退
一.到洪水橋站：
（輕鐵610/614/615）
-63x 往佐敦 經屯公轉車站/旺角 （要去洪福邨搭，sorry for唔識行）
-68a 往青衣 經屯公轉車站/荃灣 （行去輕鐵車尾巴士站 唔使過馬路 唔使入隧道）
二.到兆康站：
搭輕鐵(上面嗰三條線 落車要上一層)/西鐵(往紅磡車尾)
-261 往天平邨 經上水

Part 3 地區服務資訊
元朗屯門區
【元朗及天水圍區】
1. 宣道會元基堂
地址：元朗康樂路嘉好樓2樓 (正堂)
時間：1500 - 2130
用途：禱告休息，提供水及洗手間
義工支援：提供合適的交通資訊、傾談關心、代禱服侍
電話：24799138

2. 信義會元朗生命堂
地址：元朗安寧路115-137號 (副堂)
時間：1400 - 2100
用途：禱告休息，提供水及洗手間
電話：2478 6913

3. 基督教協基會元朗社會服務中心
地址：新界元朗水邊圍邨盈水樓平台206-209室
時間：1400 - 2200，會按需要延長開放時間
用途：休息，提供水、急救物資、食物
支援：社工提供元朗地區及情緒支援
電話： 24434853

4. 童軍知友社賽馬會朗屏青少年服務中心
地址：元朗朗屏邨賀屏樓平台216-225室
時間：1500 (27/7) – 0600 (28/7)
電話：24755441 / 82099021 (青少年外展/ 深宵外展)

5. 香港聖公會聖馬提亞綜合服務–賽馬會青年幹線
地址：新界元朗天水圍天龍路4號 (景湖居一、二座對面)
時間：1400 (27/7) – 0600 (28/7)
電話：24460738

6. 基督教香港信義會天水圍外展社會工作隊
地址：天水圍天瑞邨瑞輝樓地下
時間：1400 (27/7) – 0600 (28/7)
電話：24786913 / 98729969 (青少年外展/ 深宵外展)

【屯門區】
兆康西鐵站 (支援站)
位置：兆康西鐵站近巴士站果邊既空間(以前順豐速遞果邊)
時間：1600 (27/7) - 0030 (28/7)
用途：基本物資支援、地區休息站資訊

屯門西鐵站 (支援站)
位置：近屯門西鐵站與河田輕鐵站中間 連儂牆附近
時間：1600 (27/7) - 0030 (28/7)
用途：基本物資支援、地區休息站資訊

1. 屯門贖世主堂
地址：屯門鄉事會路二號
時間：1500 (27/7) – 0600 (28/7)
*將於27/7下午三時起明供聖體，為香港社會祈禱，直至早上六時（28/7）
用途：另開放地方予禱告休息，提供水及洗手間
電話：24596510

2. 信義會王賽明快樂家庭培育中心
地址：屯門兆康苑兆康商場2字樓
時間：1500 (27/7) – 0600 (28/7)
電話：24618099

【地區外展/ 深宵外展服務】
【元朗】
香港基督教服務處元朗區青少年外展工作隊
Tel: 90644064
童軍知友社賽馬會朗屏青少年服務中心 - 深宵外展服務
Tel: 82099021

【天水圍】
基督教香港信義會天水圍外展社會工作隊及深寓外展服務
Tel: 98729969

【屯門】
救世軍屯門深宵青少年外展服務
Tel: 60377780
以上資料由元朗義工提供，願大家平安。

（後記，本文波士頓一段受到文友蝦叔跑步 Uncle Shrimp Running 啟發，特此致謝）
連結：https://www.facebook.com/hasuk42195/posts/2368833173197317

【環保+關愛：6大玩具、衣物回收中心】
.
家有小朋友就特別多玩具、衣物、雜物等，如果仲好新淨，平時又少用，甚或已經唔啱用，不妨捐贈俾本地回收中心，幫助有需要既基層家庭吧，以下介紹6大環保回收機構，有需要可自行聯絡哦～
——————
1. #基督教勵行會
基督教勵行會自2003年起推動「環保回收行動」，希望透過市民捐贈的物品，轉贈致基層、少數族裔家庭、殘障兒童及其它弱勢社群，從而達致環保減廢、關愛弱勢社群等社會目標。回收物品包括：全新或舊衣物、飾物、玩具、鞋履、手袋、書籍、小型電器及家品等。
.
查詢：2456 2220
網址：http://www.christian-action.org.hk/index.php/zh
----
2. #香港保護兒童會
香港保護兒童會主力倡導及維護兒童的安全、健康和快樂，其服務主要向兒童及其家庭提供照顧、教育服務等支援。如想捐贈物品，可先填寫「捐贈物品表格」。玩具回收方面，主要接受益智安全玩具、教具、圖書、顏色、文具等。（只接受全新或未開封的捐贈物品；不接受毛公仔；其主要服務對象為0至16歲兒童及其家庭，其中多於一半是0至6歲的嬰幼兒）
.
查詢：3184 6677
網址：https://www.hkspc.org/php/webcms/public/mainpage/main.php3…
-----
3. #玩具樂園
玩具樂園是一間社企，宗旨是鼓勵玩具循環再用、延續生命力、傳播快樂。她們會上門回收玩具，轉贈基層兒童及地區團體。部分玩具以廉價發售，收益支持組織運作及兒童獎學金之用。(接受5歲以上玩具、文具;不接受幼兒玩具、毛公仔、煮飯仔、書、單車;上門回收數量最少3袋超市背心袋size）
.
查詢：9191 8526/Whatsapp
https://www.sie.gov.hk/…/our-w…/funded-ventures/detail.page…
------
4. #玩具銀行
香港基督教青年會於2009年開始「玩具銀行」計劃，收集各界捐贈的玩具後，再轉贈予基層家庭的小朋友，受惠對象為12歲或以下低收入家庭之兒童。她們主要回收益智及有助腦力發展玩具、運動及音樂器材、文具、電子遊戲產品等；但不會收集毛公仔、兒童飾物、各類食物及液體類用品、易碎用品等。
.
查詢：2988 1246/譚先生
網址：http://www.tc.ymcahk.org.hk/toy_bank/
--------
5.#救世軍
救世軍的「循環再用計劃」將捐贈物資經分類後，會於港澳兩地的家品店銷售，而部分捐贈物資則會直接贈予社會上的弱勢社群。接受物品為全新或清潔的二手衣服、鞋類、玩具、文具、書籍、禮品等。
.
查詢：2332 4433 / 9688 5670/Whatsapp
網址：http://www.salvationarmy.org.hk/hk/services/news_and_schemes
--------
6. #愛心玩具銀行
香港聖公會九龍青少年綜合服務中心於2006年成立愛心玩具銀行，主力服務當區兒童及其家庭，限於人手及服務地區問題，並不作高度宣傳，但亦有不少市民把物品送贈至機構。若想把玩具給予有需要支援的兒童，宜先致電給機構。
.
查詢：2711 9229
網址：http://actoflove.hkskh.org/site/portal/Site.aspx?id=A17-898
------------------------------
🎁【Hong Kong Mami Club】立即加入香港媽咪會，尊享每月電郵推送，接收最新食買玩升學教育資訊及特約商戶提供之獨家折扣優惠！（Link in bio）：https://goo.gl/forms/UzL6AwzqojH3vuz73
==================
【香港媽咪】
FB: Hong Kong Mami
IG: @hongkongmami
WEB: www.hongkongmami.hk
#香港媽咪
#hongkongmami

自2000年1月加入安老服務做社工開始，每年新年開工，都會收到唔少老友記嘅心意同祝福；祝賀說話我會接收，手寫揮春我會接受，但利是呢，抱歉阿肥姑娘必定拒收，唔會笑納喇！

今日大年初五，又要開工了！雖然我宜家唔再係外展隊隊長，唔會再上門家訪，但就令我諗起三年前我同佢嘅故事……

【義氣阿婆】

94歲了！從未結婚，一個人住！有個侄仔，但唔常聯絡！行動麻麻，但中氣十足！堅拒送飯，話啲飯難食！老人院更加唔駛講！講得多失感情！

唔講老人院，唯有講吓日常生活！堅持日日落樓下坐，想鍛鍊吓腳骨力！買餸搭鄰居，買嘢搭教友，家居清潔同陪診搭救世軍！雜物唔算多，但空氣中明顯有陣異味…

新年過後，拎住一盒餅同一袋麵上門探佢；彼此冇見一排，佢讚我靚咗，我讚佢眼好，笑吓笑吓，又過幾分鐘！

見佢一邊傾偈一邊努力埋頭苦摷，心感不妙！果然不出我所料，袋裡露出紅色利是封！我隱約見到條紅衫魚，嚇到我即時彈起，同佢道別！

佢大叫：「阿肥姑娘～」
我大叫：「唔駛喇！」
佢大叫：「阿婆俾妳一定要收！」
我大叫：「我收咗一定俾人炒！」
佢大叫：「妳唔講出去冇人知！」
我大叫：「我要返中心做嘢先！」

佢繼續大叫：「阿肥姑娘呀～阿肥姑娘～」
我嗱嗱聲轉身，拉閘，㩒lift，走佬！

佢，錢唔多，為人好慳，領取綜援…
但好似佢咁，自己節儉但硬塞利是俾我嘅唔止一個！
只怪阿肥姑娘冇用，呢一世都嫁唔出！
有幾個仲講明，唔係俾我，係俾肥媽！
每一封利是，我都堅決拒收！
但每一份心意，我會永遠記住！

陳婆婆～多謝妳！
妳嘅好意，我心領！
妳嘅中氣，嚇死我！
希望妳乖乖地，繼續健康平安！開心活到120歲！

(陳婆婆同我感情好好，三年前已歡迎我將佢嘅義氣故事同相片同大家分享！但為咗保持神秘感兼保護佢嘅私隱，我唔接受佢出鏡嘅要求喇！ )

長逾半世紀的婚姻會是怎樣？今集《港。故》的主角或許能給你一些線索。

早在六十年前的1958年，年輕的楊華應和許貞潔巧合下相識、相知繼而相戀。

賣水果老人為紅娘

「有個阿婆擔住擔生果問我結咗婚未，我答『未呀』，隔離油漆師父就叫阿婆介紹女仔畀我。」，今日85歲的華應耳朵雖然聽不清楚，但對如何認識老伴的故事仍然記憶猶新。

正值雙十年華的貞潔也不乏追求者，她說舊日在鄉下讀書時曾有老師寫信約她，「嘥氣啦，我係你學生咋嘛，當時我仲鬧佢。」而華應老實的特質，即是貞潔口中的「擔屎唔偷食」，就令兩人走在一起。

今日拍拖活動可謂多姿多采，但半世紀前又是怎樣？「無咩錢，就係行下傾下偈，最鍾意就係去維多利亞公園曬月光，唔需要去邊度行，好清靜，或者去大排檔食嘢，就係咁簡單。」貞潔回憶說。

為養家打兩份工終捱出病

就是這樣拍了拖六年，二人共諧連理，並生了四個小孩，舊日社會資源貧乏，他們生活就更艱苦。做地盤主管的丈夫負責煮飯，妻子就車衣，「我十八歲學車衫，車到後來結咗婚有BB，就買咗部摩打車日日夜夜喺屋企車，夜晚去交貨、拎貨又送貨，孭住細路都一樣咁去拎。」

兩口子為養家出盡力，但貞潔還希望多賺錢，於是再兼職清潔，最終卻捱出病來，患上了乳癌。及後她接受手術，很快又再工作，「做完手術個零兩個月，唔知喺屋企做咩，手又無力，『死就死啦』咁就出返嚟做，點知隻手做做下又有返力。」

抗癌成功卻喪愛女　一度患抑鬱

生活彷似重回軌道，但好景不常，二人疼愛的幼女突然在家中風去世，貞潔更因而患上抑鬱，「佢喺度好開心，家庭好歡樂，走咗就灰晒，好似沉咗落大海咁。」幸好有丈夫在旁照顧和陪伴，令貞潔慢慢走出陰霾。

遲來五十年的蜜月

捱了大半生，子女相繼出身，兩老子算是苦盡甘來。二人早前參加了救世軍長者服務的「夢飛行」活動，與一班老友記免費去台灣旅行，他們形容，是一次遲來五十多年的「度蜜月」，原來也是他們第一次搭飛機，「我哋都未度過蜜月，結咗婚之後就一路捱，去旅行梗係最開心，未試過嘛。」貞潔笑道。

愛情長跑半世紀　盡在不言中

甜酸苦辣手牽手渡過大半生，但到底另一半對自己有多重要？華應貫徹老實作風，二話不說答道「重要」，還多謝妻子一路以來的照顧，而妻子卻不置可否，「有咩重唔重要，夫妻係渡客船，都差唔多埋岸。」答案看似冷酷，但她對老伴的反應卻令人領悟更多。

「佢(華應)前排先入過醫院，去咗五次急症室你都唔知，到夜晚又唔得要打九九九入返去，緊張到連我都入埋醫院。」跨越半世紀的愛情長跑，味道是這樣。

今集《港。故》用7分鐘，帶大家參加這個遲來了幾十年的「苦盡甘來蜜月團」，感受這個平淡但不平凡的愛情故事。
-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb