《飛虎之潛行極戰》第七集，殺細路無陰公，雯雯中伏跌入奸人愛情陷阱！
聲明：這是極為嚴謹、公正持平、合情合理、有根有據和邏輯思維的成份完全沒有的評論，唯有這種方式，先至真正可以反映這劇集的情況。
今集一定要盡粉仔義務，力讚Mandy一鏡直落喊俾你睇那一幕，真係好戲呀！不過，她這個心理醫生，看來被寫成入世未深，容易中計的類型。不過，她的對手也實在太奸，呢套劇咁多黑警，佢會唔會係其中一個呢？呃女幫他湊仔，威廉被綁架後仲超冷靜，而露出馬腳位是特登加操班飛虎隊，大家應該記得，大台劇中的飛虎，體能天下無敵，在天台只須十公尺助跑，就可以跨越成條街，跳去另一個天台！奸人操到班飛虎攰晒，尤其是黃宗澤，所以最後關頭，他們不夠體力救番威廉，而Mandy個傻豬竟然攬晒啲責任上身，因為內咎墮入了愛情陷阱。其實，呢段感情戲真係無咩邏輯，純粹劇情需要，無左Mandy個角色，換個姐姐，威廉都可以照被綁架！
西片同劇集好少整死細路，大台今次咁做真係叫做突破，但好無陰公咯！
#飛虎之潛行極戰 #整死細路無陰公 #邵氏 #大台 #苗僑偉 #吳卓羲 #黃宗澤 #吳岱融 #張兆輝 #黃智雯
