＜喺香港，如果你腳大，就是原罪＞
我由細到大，腳板都好大，加上天生扁平足，所以一直都要買偏大嘅鞋。
不過細個果陣都買到鞋，因為童裝著唔落都仲可以買大人鞋，
但喺漸漸長大，中一買皮鞋已經著緊ＵＳ１０號，
阿媽大喊難買鞋，皆因著咁鬼大隻鞋。
中二果年開始打籃球，想買對籃球鞋，辛辛苦苦求阿媽買比我，
最後阿媽肯買，但喺竟然同同學搵極都搵唔到啱我ＳＩＺＥ嘅款。
正當我想喊出黎嘅時候，竟然喺ＯＵＴＬＥＴ搵到對ＵＳ１１，而個款又喺我喜歡嘅，價錢仲要十分相宜。
順利升到中三，開始注意打扮，
果陣時好興「ＣＯＮ屎」鞋，個個都要買一對，
可惜嘅喺，我隻腳太大，我都已經唔記得左當年著果對「ＣＯＮ屎」喺幾多碼，
只喺知買左最大果個號碼，但喺其實我都喺夾住腳，痛住著，但喺為左要著「ＣＯＮ屎」，只可以咬住唇忍落去，即使對鞋明知比我塞爆，我都寧願唔著襪去減少體積，同學問我點解唔著襪，我仲懶喺幽默咁成日用整蠱專家句對白「著鞋唔著襪，大方兼老實」去解釋，但喺真喺有苦自己知。
升中四了，「ＣＯＮ屎」早已扔掉，因為太辛苦，唔著了，後來去左catalog，經sales 姐姐介紹，買左對當年啱啱出休閒鞋款嘅lacoste，我記得當年$4xx 已經買到大部份鞋（Bathing ape 流星鞋 當年都好似＄１２００對左右），但喺lacoste果對先$ 300尾，仲要鞋頭同鞋橋位都好闊，個款又夠大氣，唔老土，二話不說就買左對，當年真喺好幸福，因為可以買到鞋著，當時都好天真，我亦都以為可以咁樣一世。
中五畢業，升唔到中六，所以去讀ＩＶＥ，因為日日都要著便服返學，嘅期待又緊張，緊張喺因為怕著得太老土比人笑，所以決定買對新鞋，點知一年後，lacoste鞋嘅價錢已經由３字頭跳到５－７字頭。
我企喺間鞋鋪到，一時之間諗唔到野，adidas 又太細對，NIKE又太貴，PUMA 又太老土，K swiss更加唔好提啦，老翻adidas咁（姐喺好似依家果個韓國咩「紙飛機」咁呀，擺明NIKE 老翻啦）。
好彩，我仲有個舅父，舅父佢都喺肥仔，腳自然都大，咁佢點買鞋嘅呢？
我決定向佢取經。
「New Balance囉。」
「咩牌子黎架？新平衡？」
「依家唔喺好多人著，但喺幾型架，鞋款又唔會太窄，啱我地肥仔腳架啦。」
我抱住中伏心態，又去多次鞋鋪，當年New Balance顏色唔多，款都好少，
只佔鞋鋪嘅一個角落仔，平均$4xx -5xx一對，雖然唔喺特別平，但假假地都叫波鞋，自然過到阿媽果關（阿媽成日覺得波鞋好耐穿，所以貴少少都唔會介意），
最後揀左對美國國旗款，腳跟位藍底，好多白星星，到今日回想起都仲覺得好靚，鞋款已經唔記得，因為當年無留意。
如是者，往後幾年都著New Balance，因為貪佢夠平，易買，款多顏色靚，而且
當年仲喺好多人著緊adidas，撞款情況就如同今日你著pump fury咁，通街都喺，唯獨New Balance 無咩人著，可能因為太闊比人感覺唔好睇，不過wfc，我著得爽。
後來返工，開始著皮鞋，果陣時又好少出街，所以一對鞋可以著兩年都得。
好啦，本來故事應該完滿結束，可惜嘅喺，New Balance竟然開始貴，我隻腳都愈來愈肥，直到兩年前，我去台灣竟然腳痛。
「不如買對有ａｉｒ架啦。」
女朋友提議我買對NIKE，有ＡＩＲ果種。
「我著過一次NIKE咋，仲要唔喺好啱著，會唔會無我碼架，我之前喺香港都搵唔到ＵＳ１２嘅鞋。」
「問下先囉。」
結果我問店員，店員竟然好快答有，我仲以為自己國語太差，佢聽錯左其他野。
直到佢喺鞋盒拎出黎比我試果陣，我見到鞋舌位果到真喺寫住ＵＳ１２，我差Ｄ感動到想抱住佢喊，然後我戰戰兢兢咁試著，行兩步，哇，AIR MAX果種足感，
真喺一流，完全感受唔到壓力，同著New Balance真喺兩個世界，著過真喺返唔到轉頭。
後來，返到香港，著左一年，準備換鞋果陣，
我行哂所有連鎖鞋鋪，竟然都無ＵＳ１２，有Ｄ鋪嘅職員仲同我講無出ＵＳ１２。
於是我上網睇ＮＩＫＥ ＳＴＯＲＥ，其實心儀果款喺有ＵＳ１２，只喺佢地公司無入，所以唔知有，但佢竟然答我無出過。
去ＮＩＫＥ專門店，佢同我講斷左貨，倉都無貨，要等返貨，結果又喺一場空。
我同我舅父哭訴，最後佢竟然去台灣果陣時買左對比我，又比我捱左一年，但喺個幾月前，我對ＡＩＲ ＭＡＸ鞋底已經爛左，我又開物色新鞋，點知店員同一年前一樣，都喺答我無出。
無出你個頭咩，我今次睇左先出黎架，
最後，我竟然要叫我同學喺英國幫我買返黎，
但喺英國買AIR MAX 90，竟然要95英鎊，真喺心都痛埋，
但好笑嘅喺，huarache喺平過air max90,只需要90鎊，
諗左半日，都喺買左對huarache，因為竟然有13號碼(huarache喺要買大1-1.5碼)。
著左一段時間，好睇喺好睇，但功能上完全喺兩回事。
於是我決定去買返對air max90，同時我諗直接去nike store個網站買，
點知「創建訂單異常」。
我問佢點解，佢答我因為（多人使用同一張信用卡或者協力廠商支付帳戶支付貨款的；多張訂單發貨到同一位址等），所以唔比我落單。
仆你個街，生平第一次喺nike store網站買鞋，我仲要喺用順豐自己提取，貨到付款，個地址就緊喺多人用啦，你有無腦架？
你老尾，我嬲過頭，回覆佢：
ｘｘ路ｘｘ號ｘｘ商場ｘｘ號舖 是 順豐 門市呀, 大家都用同一個地址很正常吧??
我本來腳就太大,在門市一直買不到想要的鞋碼,
你現在連網購也不給我買?
那叫我該怎麼辦?
你不如跟我說門市那裡有12號的NIKE AIR MAX90吧?
那我直接去買也可以呀,
不然你給我解鎖!
最後當然都喺買唔到，直到琴日，忍唔住再出其他門市睇，店員們都喺一臉唔好攪事啦，邊有ｕｓ１２呀嘅嘴臉望我。
所以你話呀，喺香港，腳太細可以買童裝（仲平幾百），腳太大呢？
邊個可憐我地呀？一喺就食炒價，一喺就喺要去外國買，公平咩？食屎啦，
咁大間nike，想買鞋對都咁難，上網訂又話我呢樣果樣唔比我買，我可唔可以告佢歧視呀？
喺香港，如果你腳大，就是原罪，唉，我都喺去外國買啦。
Ｐ.Ｓ
阿媽成日話，「腳板大嘅人，大個之後通常好高。」
細細個阿媽講咩就信咩架啦，但喺我竟然蠢到無望清楚眼前嘅阿爸阿媽都唔喺高，又點會生到個好高嘅仔出嚟呢？
利申：
因為太矮，所以做唔到高登仔。
Facebook: www.facebook.com/iam800yearpromise
Tumblr : promiseof8.tumblr.com
Instagram : promiseof8
#八輩子的約定 #八輩子 #成長 #香港 #愛情 #人生 #鞋 #nike #airmax90 #newbalance #huarache #paperplanes #us12 #買唔到鞋
#NIKEHK
整 蠱 專家 國語 在 整人專家【整蠱專家】國語中字高清劉德華、周星馳、邱淑貞和 ... 的推薦與評價
整 人 專家 【 整蠱專家 】 國語 中字高清劉德華、周星馳、邱淑貞和關之琳《 整蠱專家 》是1991年由王晶導演的香港電影，江道海擔任動作設計，劉德華、周星馳、 ... ... <看更多>