【頭條日報 】26/11/2014 - 任小朋友「舞」 方力申恨生三個仔女
大人細路都like爆嘅方力申（小方）日前應創意藝術學校3位老闆Kaye Dong、黎泳妍（Janice） 同埋杜嘉敏 （Carmen）之邀，為天后區總校開幕暨慶祝創校10周年擔任嘉賓。34歲嘅小方勁受小朋友歡迎，Kaye大女Ella聯同朋友仔齊齊發揮無限創意惡搞小方，將佢變身老外畫家。小方任人「舞」都係咁笑，皆因佢恨生仔，小方率先自爆生育大計：「我思想傳統，點都要生個仔去傳宗接代，順序生到女、仔、仔3個就最完美！」
採訪：方騫平 攝影：李維隆、陸旻昱
場地提供：Picasso Creative Arts Gallery創意藝術學校@銅鑼灣道180號百樂商業中心701室
方力申爸爸在港經營畫廊逾30年，他聲稱自幼受到薰陶熱愛藝術，無奈畫畫天份太差，畫乜都唔似樣！不過，小朋友才華係需要培養，正如今年方Uncle曾經幫過一位年僅7歲嘅澳洲小天才畫家Aelita Andre開設個人抽象畫展，她的畫價超過10萬元港幣一張，由此可見，小朋友藝術創意路程絕對唔可以睇小。
眼見娛圈喜事重重，問小方有否結婚衝動？他大笑道：「多謝大家關心，我未有成家立室嘅打算，我諗再過多3至4年啦。」他坦承喜歡小朋友，而且重男輕女，希望生個仔教他游水，小方說：「我係中國人，思想係傳統啲，我要傳宗接代延續後人姓方，因為家人睇我頭，細佬距離做爸爸仲有排！最好先有囡囡，因為姐姐性格會硬淨啲，再追多兩個仔，要生夠3個。（咁鄧麗欣咪好大壓力？）呢方面要睇男人，所以我都要好爭氣，我做過奧運選手呢啲壓力絕對經得起。」發仔燒的小方保證暫時都係好「安全」狀態，唔會奉子成婚。
#Facebook：Alex Fong Lik Sun
#Instagram：Liksunwonderland
#Weibo：力申游樂園
方力申爸爸 在 【TOPick親子】方力申爸爸恨抱孫難忘「讓座少女」 公開娶新 ... 的推薦與評價
退役15年前「飛魚王子」方力申（Alex），近日復出泳壇完成45公里香港環島游之 ... 被問到即將踏入40歲的他有何新目標，爸爸方毓仁即謂︰「我想是結婚吧。 ... <看更多>