關於 日出方位角計算 ，我們在網路上蒐集到這些相關的討論、資訊與評價

【有點突然的埃及出走記②】—神蹟篇
-
好啦我終於又捨得更新XD不小心做了標題黨，一來就神蹟好像有點誇張，但我又覺得這個形容是沒有錯的😬。
-
話說跟木乃伊說再見後就坐內陸機去到埃及南部的城市阿斯旺，然後就上郵輪住3晚。因為埃及文明主要是沿着尼羅河發展，所以以郵輪作為交通工具非常方便，但船上經歷就留待下回分解XD。
-
當晚上船已經是晚上7時，快速吃了個沒甚麼期待的船上晚餐後，就趕快回房沖涼ZZ，因為明天要3時起床，4時出發🙃。。。雖然只睡了4小時就起床，不過幸好車程長達3小時，上車後又可繼續補眠，途中又可以看日出，迷迷糊糊下到達了目的地「阿布辛貝神殿」。
-
又話說埃及有一個法老叫「拉美西斯二世」，這位人兄生性自戀，所以在位時到處為自己建造不同神廟向國民Show off及嚇走外族，而「阿布辛貝神殿」就是其中之一。一進入神廟範圍，當下覺得很驚嘆。「這就是埃及！」的感覺終於正式湧現，每一步路、每一粒沙，隨時都有幾千年歷史🥺。老實說，埃及每座建築都很宏偉（都是不同的石頭），但如果要我選一個，可能也會選這兒吧。可能是因為先入為主？而且是世界遺產有加分外XD，還有就是神廟整體感覺偏白色，7層樓高的自戀法老安份地坐在門口守護大家，壯觀得來沒有很花巧的感覺，雖然數千年未風化前說不定是金璧輝煌的。此外，自戀法老還在主神殿旁邊為老婆奈菲爾塔利建造了神殿。埃及有很多巨大法老像，若果同時把妻子的像放在一起的話，很多時候只有小腿高的位置，但拉美西斯二世竟然在此為妻子興建一座規模差不多的神殿，可見他愛妻心切，應該是個好丈夫嗯嗯👽。
-
將這兒列做神蹟其實都不為過，先不講它是3000年前的遺產，原來在1960年代它更一度搬家。當年埃及因為要興建水壩，為免神殿被水浸沒，便請求世界各國合力將神殿搬上65米。搬家後卻完全看不見痕跡，不是神蹟是甚麼？此外，神殿內擺放了包含自戀法老等4個神像，每年在他生日的2月21日及加冕日10月21日，除了左一的陰神「普塔」，太陽均會照射在另外三個神的身上。可是，當時負責重組的工程師只計算了抬高的角度，忘了計算太陽的照射方位，所以現在的「日光秀」時間，會比以往慢了一天。天呀，為何3000年前的工程師那麼厲害😨😱？？？服了。Btw神殿內可以用手機影相，但用相機要額外買票約150港元，所以我的相每張都有成本啊（笑）在短時間內我已被4個人查票，「我有票的！」拿出票示威不能讓他們罰錢那一下感覺很爽XD。
-
最後想談談另一個神蹟「海市蜃樓」。話說出發前報名的職員（不是導遊廢）曾告訴我們有機會見到，所以我和朋友都超級期待。接近中午時份，我們看到車外有很多山，地上是一大堆倒影和水塘。作為理科生的我，其實已忘記甚麼是海市蜃樓，加上當地導遊睡了，而且沒有網絡不能查，我和朋友只是莫名其妙地不斷說：「應該是這個吧！？應該是這個吧😳！？」由於「海市蜃樓」接二連三不停出現，我們都不敢相信自己的眼睛，很想走近一點去看啊。在沙漠中出現那麼多水塘，沒可能吧！？此時此刻，我又開始覺得感動了。。。大自然神蹟啊～～～～～
-
後來，我詢問了當地導遊「史力加🤠」那是不是海市蜃樓，他說YES。YESSSSSSS！！！！很開心。「我們是不是很幸運？是不是很難遇見的啊？」「又不是啊，近乎每天都會見到的。」「。。。」
-
至少睡死了的團友及導遊廢先生看不到，Yeah💩。
-
📍埃及 阿布辛貝神殿
❤️💛💚💙💜
-
#竟然和上一篇字數差不多
#埃及遊記
#旅遊記者是咪筍工

運動至今其實發生左好多事，大家見步行步嘅抗爭方式好多花款，我地既然行左咁多步，係時候了解一下各個抗爭方式帶來的效果，並且嘗試整理一下部份的抗爭所帶來的成效吧：

首先，係各種遊行的抗爭方式。基本上係耗費人力成本最高的抗爭方式，亦唔能夠每日都做，呢個係佢最大嘅問題。但係，大家有冇留意到一樣野，其實呢種18區遍地開花式的遊行，並唔係和理非咁簡單，佢係可以有感召敵對陣營的可能——屯門公園趕走大媽一役，大家發現藍絲都隱約出現變節，那怕在各個紅底的媒體裡，都唔再跟主旋律去鬧廢青（這部份是因為鍵盤戰士成功滲透了他們的媒體去輕輕帶風向），這是建制媒體始料不及的。換句話說，只要往後18區的遍地開花活動，能夠同時包括到淺藍絲的利益時，我們就能感召對方變節，當然，這不會一下子將他們拉成淺黃，但起碼可以讓他們有一個想法：其實黃屍都衰唔晒，咁呢粒種子就可以慢慢發芽，終有一日可以將他們由淺藍拉做中立派。很可笑吧？我們之前成日話地獄最炙熱的位置是留給在重要時刻選擇中立的人，但技術上，只要拉走一個淺藍，對方就會被削弱一點。

另一方面，遍地開花的遊行有另一個意想不到的作用——它將警察瘋狂的一面暴露在一眾街坊的眼前。大家在中環在灣仔抗爭，其實住在屯門的師奶係感受不到多少的，如果佢地睇CCTVB新聞仲會覺得廢青搞事，警察很可憐。但好似早兩日咁，有個師奶同呀叔去旺角飲，飲完俾班警渣兇過呢？佢地就會有另一番體會了。你要知道師奶最鍾意就係講人是非同埋睇戲，有六國大封相唔睇才不是師奶，以警察好似high大左咁情緒失控，佢地一定會忍唔住去兇啲師奶，然後呢？然後班師奶就會不停咁唱佢地。你要記住，社運最難搞就係呢啲政治冷感嘅師奶，但如果我地可以借警察之力，去兇醒呢班被建制變左做羊廿二年嘅師奶，此消彼長，這數字就很可觀了。

所以，遊行抗爭係可以做，做之餘仲可以順手解埋兩條副本任務：找出共同利益感化藍絲、借黑警兇醒啲羊。

呢一場係公關戰，而所謂的公關，並唔係講緊同警隊鬥公關，而係向更多的市民做公關。

除了遊行抗爭呢波公關戰，另一方面就係資源戰。

打仗係要錢的，尤其是感謝港獨之父689的教導，佢每日都恥與為伍蘋果，搞到肥佬黎冇廣告好頭癢。如果無佢每日出文提大家要玩抵制紅色媒體廣告商呢招，我地仲每日都傻傻地不斷咁叫罷睇CCTVB，然後罷睇十幾年都仲繼續罷睇緊。既然係咁，就唔好罷睇，反而大家要金睛火眼咁睇——見到有咩廣告商，就去佢啲社交媒體facebook度瘋狂派嬲，係呀，你無睇錯，我叫你派嬲就ok，留言就睇你得唔得閒啦。點解？好簡單，因為marketing要交report架，你留言鬧佢，佢block或刪除左你就唔需要計算你在報告之內，甚至佢可能交個留言總數上去，仲可以話今次個活動好有noise。但如果係嬲嬲icon呢？咁佢就無得呃，呢個世界冇得delete嬲架，一定要原個like同嬲數咁交晒上去。然後，搵．相．熟．的．媒．體．報．導．公．關．災．難。

你記住，大家出黎都係打份工，無人想爆隻鑊出黎，online俾人鬧都算了，如果上埋media，我倒想看看隔離PR呀姐會唔會擸刀砍你marketing花開富貴。只要無利可圖，對方就會唔肯落廣告了。

我知，你會話咁到時候會有紅色資本黎賣廣告倒水俾佢架。係架，你睇返上兩段我講咩——呢場係資源戰。紅色資本當初唔喺佢度賣廣告當然係商業考量，佢地一定係認為呢個媒體唔係一個有效嘅媒體先唔會落。咁就更好，迫佢地燒銀紙去用一個無效嘅媒體，幫人放血最開心，資源戰除了搶人資源外，燒人資源也是個好方法。所謂紅色資本，就算再紅，佢始終都係資本，每一個marketing都有自己的預算，爆左就乜都做唔到架啦。當佢地揼水救CCTVB的時候，我們才施施然去「追捧」其他紅色媒體，到時佢救得邊一個？Be water, my friend.

而除了一般廣告外，更重要嘅係「追捧」紅色媒體嘅活動，而當中商場show呢一啲食水極深嘅活動，係必須要「事事關心」。marketing sponsor個活動出黎，其中一個原因都係想俾高層揸住枝咪巧威威咁上台講兩句過下癮咁解（正如點解死都要買塊billboard在自己公司樓下俾老闆睇）所謂高層嘛，都是貪生怕死之輩，依家隨時可以半小時內集結一兩千人「追星」，你估佢地個個係林鄭見到兩百萬人上街都唔怕死咩？你試下叫你老闆上台，而台下有兩千人對住佢唱sing hallelujah to the lord？佢唔駛見到國旗都失禁呀！你第二日真係唔駛返工了。而正如我上一篇文講過，由於大家都係打份工，唔需要同你搏命，所以只要大家睇住紅色媒體有啲咩活動，然後幫佢開event、大家瘋狂click出席，佢見到個數夠大就唔會同你搏，自然會取消個活動。我地出click，佢出銀紙，最緊要燒佢資源。

萬一如果對方真係迎難以上呢？loop返上去遊行抗爭的玩法，唔好犯法唔好衝突唔好死，有示威者就會有警察，到時唔需要我地出手，警察會自己拆左廣告商個活動，亦會在一眾街坊面前發癲，天口熱商場最多人涼冷氣，咪等警察兇下啲街坊、兇醒啲羊囉。

其實，重點係無一個抗爭方式係獨立運作的，大家可以試下自由組合，不停咁loop出一個套路，全方位360度攻勢，對方就好難見招拆招。作為一個抗爭者，與其看哲古華拉少年日記，還不如多讀《孫子兵法》，你讀完《九地》篇就不會走去圍將軍澳，甚至你會發現對日常生活以至工作都會有很不錯的影響。

延伸閱讀《孫子兵法》附白話翻譯：
http://www.cos.url.tw/sunzi/w_sunzi.htm

#圍將軍澳好易被將軍
#不受傷不被捕
#唔好死
#寫完呢篇到我要抖一抖
#唔好問我張圖發生咩事
#我一向都癡線架啦
#你點可能預我正正常常寫晒篇文
#我師奶仔發開口夢架ja