🦞冬日限定龍蝦x蟹肉x白松露🥐
-
依間餐廳就算冇聽過佢個名，應該都見過佢哋嘅流心牛角包！人人嚟到都要食返個，除左非常igable，外脆內軟嘅texture 真係俘虜左唔少人😍 係秋冬期間更推出gimmick 十足嘅限定套餐，有唔少高級食材，仲包埋招牌牛角包，食完非常滿足！
-
冬日2020晚餐套餐($288/1位)
-
-前菜-
- 日本焦糖蟹肉蟹膏燉蛋 伴三文魚籽: 燉蛋經過長時間慢煮，口感非常滑溜，蟹味好濃，但就略嫌蓋過左啲蛋香~ 上面嘅三文籽增添了咸香以及有有提鮮嘅作用🐟
- 法式龍蝦湯流心牛角包(+$58): 一切落去非常震撼，流心效果一流~ 龍蝦湯加牛角包，有種好似飲緊龍蝦酥皮湯咁😍 唯一缺點係由於內餡過放濕潤，令麵包入面保持唔到乾爽嘅口感~ 同埋龍蝦味再重啲好嘞！
- 秋冬限定日本蟹膏流心牛角包(+$88): 包嘅外層焗得非常金黃同脆口，入面嘅蟹肉蟹膏醬偏厚身濃稠，所以保持到麵包嘅鬆脆感。入面充滿一絲絲嘅蟹肉，加埋蟹膏鮮味十足🦀 牛角包嘅面層仲鋪左唔少蟹籽，添加不少口感
*
- 主菜-
- 龍蝦汁蟹肉伊麵🍴中式嘅伊麵配西式嘅龍蝦汁，伊麵嘅吸湯能力非常強，每一啖都充滿龍蝦嘅味道~
- *
- 甜品-
- 真空慢煮法式焦糖燉蛋 配白松露雪糕🍨: 燉蛋由於經過慢煮嘅關係，蛋味特別濃而且質感比較厚身。上面薄薄一層焦糖，有焦香得嚟又唔會過甜😋 白松露雪糕嘅松露味非常重！鐘意松露個種獨特香氣嘅人一定十分滿意~ 而且口感creamy，好推介👍🏻
*
- 飲品-
- Flat white martini ($88) 餐廳內有部咖啡機可以隨時沖出新鮮香濃嘅咖啡☕️所以就決定加入酒精調配出cocktails ~ 依杯嘅咖啡同酒味幾balance，入面除左有espresso ，仲有vodka，Bailey 同cinnamon ，幾有層次
- Elderflower lemon soda ($88) 飲落帶陣陣花香，加上有檸檬同梳打🍋 酸酸甜甜咁非常清新🌿
-
享慢煮意 (中環)
中環善慶街9號地舖 @ Fast Gourmet
日本 蟹膏醬 食 法 在 小樽OTARU - 日本蟹膏醬/龍蝦膏醬大家會諗到咩食法? 整壽司 ... 的推薦與評價
日本蟹膏醬 /龍蝦膏醬大家會諗到咩食法? 整壽司, 解凍伴飯, 炒飯, 煮味噌湯.... 早兩晚一位熟客教我用佢嚟... 蒸肉餅!!! 我「吓?!」(別見怪, 我少入廚 ) 客「吓? ... <看更多>