正所謂BB瞓得好,爸媽小煩惱👏🏻 但BB瞓唔好,爸媽都冇好既睡眠質素🤯 母乳姑娘我相信大家都聽得多啦,唔知大家又有冇聽過嬰幼兒睡眠顧問呢?雖然比較陌生,但對媽媽黎講都好重要,好多媽媽都會經歷BB瞓得唔好既問題🥱 而嬰幼兒睡眠顧問就會提供建議幫助。
啤梨仔目前已滿7個月大,一直全埋身母乳餵哺🤱🏻 可能埋身充滿住媽媽熟悉既味道,實在令佢覺得太有安全感啦,慢慢形成奶睡習慣,每晚10點左右飲完奶哄睡後,到凌晨1點、3點、5點總要醒一醒,準時過鬧鐘⏰💥 因為未識自行入睡,必須比奶佢啜幾啖後等佢瞓返,但長遠落去會影響到媽媽睡眠不足🥱
直到我認識Jovial Sleepers嘅顧問Cheryl,得知佢完成咗英國政府認證嘅嬰幼兒睡眠顧問課程,就尋求佢幫忙徵詢下意見🙌🏻 而個過程係電話諮詢📞
首先要分享啤梨仔24小時作息時間比Cheryl知道,包括幾點起身、午睡、夜晚瞓覺💤。而啤梨仔係around 9-10am起床、下午1pm第一場午睡(通常2:30醒)、5:30第二場午覺(7點醒),9:30pm就瞓覺😴 但凌晨依然每2hours左右就醒,未學會自行入睡😣
聽完時間表後Cheryl會再問詳細,例如日間瞓得好唔好?半夜起身點樣氹番佢瞓?從而幫忙分析。然後我得知7個月大BB既日間活動時間係每2-3hours就要午睡,啤梨仔早上同夜晚兩轉時間都係4小時就過長了,建議我逐日試提早半個鐘,等佢喺日頭有充足睡眠,瞓得好對腦部發展都好啲🧠
而半夜起身呢個問題就建議我用返睡前儀式,或者嘗試搵吓爸爸幫手哄睡,等佢唔好太過倚賴媽媽嘅味道去幫助入睡,不過佢呢個習慣都已經一段時間,並唔可以一時三刻改善,要媽媽同BB一齊努力👩👦
今次諮詢完既一個星期後Cheryl會再跟進個case,睇吓BB瞓覺個情況有冇改善到。而啤梨仔都有進步,而家已經唔需要奶睡,用返睡前儀式已經可以再瞓著返。
希望喺繼續努力之下會再有更大改善,令到我同啤梨仔都有覺好瞓啦💪🏻
Jovial Sleepers instagram : @jovialsleepers
#jovialsleepers #babysleep #sleeptraining #sleepconsultant #sleepcoach #嬰幼兒睡眠顧問
————————————
🌟Follow 啤梨媽&啤梨仔 Instagram 👇🏻
https://www.instagram.com/invites/contact/?i=ki5r44cn6a8o&utm_content=hf6trgk
————————————
#育兒 #Baby #育兒日記 #育兒生活 #新手媽媽 #新手爸媽 #育兒日常 #男寶寶 #成長記錄 #寶寶成長日記 #寶寶寫真 #媽媽視覺 #babyboy #f4f #hkbaby #hkbabyboy #love #life #bbblog #hkmama #hkmother #媽媽 #mother #嬰兒 #hkmommyblog
日間時間幾點 在 古天后炒股日記 Facebook 的最讚貼文
熱錢湧新興市場 留意資產價格升過籠
11月27日,天晴乾燥,早晚天氣稍涼,日間最高氣溫26度,日夜溫差較大,加上流感高峰期開始,大家要注意。隔晚美股感恩節假期休市,今晚亦只有半日市,港股噚日變化唔大,仍然喺26800水平附近上落,而道指期貨則偏軟,但跌幅卻由百點收窄至廿幾點。反而外圍較特別係比特幣喺升破19000美元後,掉頭急挫低見16491元,24小時之內急跌逾3000美元。比特幣近日被視替代黃金嘅避險工具,喺比特幣急挫之際,日圓跟韓圜急升,反映喺疫苗研發消息理想,及美國政局明朗化下,市場避險情緒降溫,熱錢湧入亞洲等新興市場。
美元再度轉弱,相對地亞太區股匯向好,吸引更多熱錢湧入新興市場,回帶望一望,1997年嘅亞洲金融風暴,及2008年嘅全球金融海嘯,都係由高風險市場或資產崩盤所引發,小心歷史再之重演,缸邊友一定要提高警覺。雖然古天后認為市場資金充裕下,短期各地股市爆煲機會較低,但利好消息不斷透支,高風險資產炒風轉熾熱,大家切勿鬆懈,風險意識要時刻緊記。
雖然市場已認定白宮新主人為拜登,但侵侵仍未親口承認落敗,並將最後希望放喺下月選舉人投票,望有奇蹟扭轉其敗選結局。而最近侵侵頻頻向中國出招,擺明要掘個窿畀拜登踩。至於疫苗研發進度雖理想,但面世推出市場至全球供應,都唔會係一兩個月嘅事,加上全球疫倩反覆,千祈咪因為疫苖消息而放鬆抗疫,喺疫情未完全明朗化下,全球經濟復甦仍然未穩定。目前熱錢湧入亞太區新興市場,推動資產價格上升,但實體經濟一直未能跟得上,未打好根基嘅升市,好似未打好地基嘅高樓大廈,隨時有倒塌危機。
留意拜登選定財金班底下,首長任務係推動財政及貨幣政策以振興經濟,這是美元轉弱的原因之一。但當疫情過去,美國經濟真正復甦,唔排除美國政府回復強美元政策,屆時資金又從新興市場流走,美元再現萬劍歸宗,全球資金輪動交替,新興市場可能又見震盪,最怕係急升急跌令新興市場吃不消,引發另一場金融風暴。
古天后一向係大好友,當然唔想見到再有全球性金融悲劇發生,只係居安思危係喺市場長玩長有,必備生存條件之一,好好控制注碼,任何時間都要做好風險管理,升市唔需要太亢奮,跌市亦無需太憂心,股市升跌乃平常事,升跌偱環不斷重演,抱住平常心,先可以喺市場長玩長有。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人,於本文章刊登之時,筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌,一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定,如因相關言論或文章招致任何損失,概與本網誌或本人無關。
依家我嘅聊天室已經停止免費試用, 直接課金入來聊天室啦:https://bit.ly/2BmeAhZ
立即下載秒投:https://link.stockviva.com/L9J41qUp01
對聊天室有任何疑問,可以直接聯絡秒投小編:電郵 cs@stockviva.com
注意:本人僅在 "秒投App" 及其網站內開設聊天室,本人並沒有與其他網站,或以外的平台,開設過任何通訊群組,亦沒有任何所謂的「私人whatsapp 群組」「Telegram 群組」等等,為保障大家利益,切勿加入任何類似群組。
日間時間幾點 在 90後 P牌媽咪 Facebook 的精選貼文
【開學篇】恩竟然一日都無喊過🙊!
勁耐都無update🤣,大家最近過得好嗎?
最近一直忙緊處理自己嘅私事、準備新工同恩開學,所以真係未有時間update😖~
上星期恩終於開始可以返學🥳好神奇恩竟然無喊!之後我留意到原來有幾個細位可以幫到小朋友可以易d適應,所以都想分享一下💪🏻!
1️⃣接觸多d不同照顧者
係恩細個陣,除左我照顧佢之外,其實都仲有其他人有幫手!例如:日間托管者、婆婆既朋友、我自己朋友等⋯ 主要都係因為細個開始有跟過唔同人,令佢知道世界其實係唔係得爸爸媽媽,同埋會大膽d!
2️⃣面授前,zoom已經同老師見面
係開始真係返學之前,學校其實都有拍d片比小朋友,例如參觀學校環景、認識同學仔、同老師唱歌等環節,其實都可以幫小朋友有定心理準備,有助面授適應!
3️⃣臨訓前同小朋友預告第二日有咩要做
每晚訓教,我都會同恩傾下計。問下佢今日做左咩、開唔開心~同時亦會講定第二朝有咩要做。我會事先同佢講定:聽日要返學喇~媽媽陪唔到你,不過老師會陪恩玩,亦有好多小朋友會陪你架!重點要比小朋友知你會大約幾點接返佢,請佢放心!
如果小朋友當晚係有唔開心,亦可以幫佢講出佢既感受,例如:係咪返學見唔到媽媽唔開心,驚我掉低你啊?問多d小朋友同解釋多d,都可以舒緩到佢地既感受架!
最後都想同各位媽媽分享,送佢地返學即使自己都有唔捨得,但都唔好係佢地面前表現出黎,因為咁樣佢地會更加唔捨得架!今次都係一個好好既機會比我地一班媽媽長大 -放手比小朋友成長既功課!