關於 旺角即影即有相紙 ，我們在網路上蒐集到這些相關的討論、資訊與評價

【🔺▫️聽日‼️ 開始接受預訂▫️🔻】

TINY線上及線下預訂日期：9月29日 - 10月5日🇹🇼

ONLINE STORE：bit.ly/3l5okQN

🚒 TINY 城市 TW24 合金車仔 — 福斯 T6 台灣消防車

唔講唔知🤔 原來係台灣第一架搜救犬專用運輸車😳 專門負責運送搜救犬到災害現場，以加快救援速度。採用福斯廂式貨車底盤，車身四周及車頂裝有LED警示燈，車尾亦貼有紅黃警示反光貼紙，而車側更裝有車邊帳😆 #聽聞最多可以同時運送6隻搜救犬🐶

🚕 TINY 城市 TW 合金車仔 — 福斯 T6 台灣的士

由台灣大車隊推出嘅無障礙計程車🇹🇼 車廂內設有輪椅區♿️，亦完全符合車輛相關安全檢驗規定，為所有行動不便者、年老人士等提供適切需要。

▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿

🌐 ONLINE STORE: https://www.tiny.com.hk/

【TINY微影 專門店】🛒
🇭🇰
銅鑼灣皇室堡｜柴灣杏花新城｜山頂廣場
尖沙咀美麗華｜九龍灣德福｜觀塘APM
荃灣荃新天地｜大埔超級城｜屯門市廣場｜元朗YOHO MALL
🇲🇴
澳門 賈梅士分店
氹仔 樂駿盈軒分店
（來來電器店內）

【B51 專門店】🛒 旺角新世紀廣場Moko

💬 查詢：
💻 Facebook Inbox： m.me/toyeastcom/
📱 Whatsapp：＋852 5633-2221
（Whatsapp快速連結： https://bit.ly/2OZKpQP）
立即加入 Telegram 官方頻道，掌握最新預訂及現貨資訊！ http://bit.ly/2raMDnW

［OEM嘅嘢］非聲討，樓主都冇好惡咁鬧。況且一向我唔鍾意審人。你見我一定打格仔（而家post都刪埋）。所以純學術討論。

不過認真，700蚊有咁嘅早餐畀你，還神啦。仲特登幫你買，我真心覺得應該表揚間酒店！隻蛋我幾想食（得，我知，粟米肉粒飯嘛）

朋友話銀龍好過啲三星酒店嘅油淋淋早餐。我raise ，四星都係！當然好睇你啲星點定。但結論都係700有咁嘅早餐十分超值

（得，我知銀龍粟米肉粒飯）

又，我好細個已經諗呢樣嘢，會唔會啲高級餐廳都係OEM，大排檔買嚟畀你。大個見啲酒吧真係咁，去隔離買豬頸肉畀你咋。

當然講到尾，係鬥個「氛圍」，感性消費。鬥食材鬥廚藝鬧裝修都未夠高，好易抄。

competition is for losers。我個廚八歲由越南🇻🇳偷渡嚟 十歲死老母十四歲落仔 然後自學成才再著到Maggie Q咁出嚟影相，包你冇得抄。

唔係話只講包裝不講實力，咁首先你都要識煮嘅（但，麥玲玲羅庚都未識睇啦，who cares？）。但得罪講句，好多領域，你有幾多人真係blind taste分到 唔同嘢？30蚊同300蚊紅酒分得出。5000同50000呢？其實有冇分別？

呢個亦係好多「技術人」嘅盲點。你講音質好 像素勁，但啲消費者係分唔到阿嬌同阿sa 嘅盲毛。蘋果幾時同你鬥spec？

況且spec有得鬥，叫做有客觀，3T好過2T，9秒8快過9秒。但音樂，寫文，煮嘢，點分高下？

講返OEM，咁啱呢排我老豆生日。一件小事，好似細個去半島定乜，充大頭鬼（佢），嗰時我已經諗，點解幾廿蚊杯汽水都有人叫（當年大家樂食個飯六七蚊）？咪又係一罐嘢。總係有啲嘢。

咁當然細細個已經知食裝修呀溝女呀呢啲。但另外仲有一次，老豆先同我講，實會斟埋畀你呀，加塊檸檬🍋呀，甚至有花生咁。

呢啲，就係「差異化」，未必令你忘記背後都係可口可樂生力啤，但至少令你覺得可以justify 。

即係同一個道理，啲奀星𡃁模KOL，只要求其搵拍過套 《喜愛夜蒲曼谷版》，片尾有名嘅。就已經身價唔同啦。明星喎。明星喎。

所以，我同意有人回（原post已刪），理應該掉走個銀龍袋佢嘅

當然如果係再高級啲嘅，倒出嚟自己再擺盤都仲得，加多塊蕃茄青瓜又收你舊幾水。

同以上酒店可樂同一道理，我細個住酒店，係唔明做乜有人會畀咁貴錢在房食早餐。當然首先貧窮限制我想像，二來嗰時唔知有唔少人可以開公數，三來最重要係春宵一刻直筆甩，那年冬天蕭在吹，有女伴嘅，唔好話落去食早餐，真係落床拎杯水都懶啦

on an unrelated note，關於粟米肉粒飯，再講一次。實不相瞞，有一期，97年夏天，我有一排成日都食銀龍茶餐廳早餐，仲要係西洋菜南街，洪葉書店樓下嗰間

原因？嗰時返暑期工。屯門去九龍塘，my god。就係巴士旺角落，再轉地鐵。就日日食銀龍。然後我就由A level 學霸變成大學second lower 。諗落應該搞個集體訴訟class action （香港係冇的）

暑期工就在浸會大學，冇Q嘢做。我每日最開心就係下午茶（自己）鼠出去睇女。新舊校園我都返過，新校睇李惠利嘅女，舊校咪睇浸會女。心諗有一日到我食。結果後來就食到，其實唔難。

我在浸大嘅日子，就係幫人影印，同埋送文件。最初我拎本書返去睇，後來當然被勸止。結果我拎本書去影印，得閒幾頁咁，拎住疊紙就冇人理我。果時就睇西洋文學，《雙城記》呀《孤星淚》呀咁。

呢啲可歌可泣嘅故事，記住keep多幾個。

牛年比別人知得多。subscribe now.
Patreon.com/ivanliresearch

［藺相如，司馬相如，名相如，實不相如］（＊）咪講笑！同Freddie Mercury同Billie Eilish 齊名！獲得誠品認證！我是一個文青！

TLDR：屯門牛呢，真係睇好嘢都慢人一步，睇戲又多垃圾。所以要有馬蘭頭獎學金

1. 實情係屯門誠品，已經有貨。都話日日去睇，我仲發現搬咗位，原本係在啲財經書度，而家已經literally 「上神枱」，同Freddie Mercury同Billie Eilish 齊名！雖然暫時我都未見有任何人拎起嚟睇。實情咁耐以嚟都冇！

2. 又，真係的，明明銅鑼灣，太古同尖沙咀誠品都一早有，屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

3. 你真係唔好睇少呢樣嘢，What we talk about when we talk about 村上春樹？好多人都知道佢開coffee shop/酒吧，收工在廚房寫嘢。亦都有啲人聽過個契機係明治神宫野球場（我都去過朝聖），養樂多燕子隊

4. 但再之前呢？村上春樹係關西人，京都伏見出世，但神戶讀高中。佢唔止一次提過，神戶改變佢好多。神戶係個海港，易接觸外國文化（你見仲有異人館），佢就在嗰度睇好多西洋文學。

5. 我話睇書都慢人兩星期，當然只係講笑。「而家屯門都有Donki」「仲有Mirror」。但，你可以留意下，屯門戲院（屯門戲院並唔單指「屯門戲院」）上嘅戲，都真係同「市區」唔同。唔通會上《惡與他們的距離》？主要都係上「長相屍手」之類。有人話歧視，有人話市場考慮，「啲屯門牛就係睇垃圾」，乜都好，客觀結果都係一樣。喂，呀影帝林家棟，都公然恥笑去巴倫紐睇戲嘅人啦。2015年咋喎，香港人好尊重本地電影咩？（而不幸地，套《點對點》我都有睇，但居然唔係在巴倫紐！正如導演話頭，根本巴倫紐冇上呢套戲，全新界得葵芳新都會上，我就在嗰度睇）

6. 你都唔好話冇影響，我講兩件事你知。第一，好少同人講，當年我買樓，係有諗過買駿發花園嘅。咩話？駿發花園在邊？點解我會想買？「駿發花園咪會樓下上《惡與他們的距離》」。最後點解冇買？唔係因為冇錢（我有咁窮？況且我講緊2013年），而係因為懶，同埋我諗真啲，「我買完百老匯電椅中心搬走我咪仆街？去廟街聽數波波定食煲仔飯？定學麥路人郭富城咁去聽楊千嬅唱歌？」。第二，當然係因為我懶。租開我老母（真係我老母，唔係助語詞）屯門嗰樹好地地，咪買埋佢。係呀，買架，咪撚以為佢送畀我。電視框？框你老母（呢度就助語詞）。創屋苑尺價新高添呀！虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追，咪縮數話咩等調整」

7. 一念任天堂，一念海天堂。一念八天堂，一念朱天堂。如果我當初買咗駿發花園？而家我係咪好有文化我就唔知，「但應該執多幾球嘢」

8. 講返，我變成「港片之鬼」，你估係偶然？並唔只係因為我細細個鍾意睇港產片。喂我年代啲小朋友，個個細個都睇港產片架啦，但大咗佢地自然就會覺得好check，我溝過N條港女，都以自己唔睇港產片為榮，我最鍾意都係我問佢睇乜戲，答曰「我個人冇乜所謂不過唔睇港產片」，充份反映到港女嗰種自以為嘅優越感同懶撚係considerate，多撚謝喎。不過我都冇諗住同佢去睇港片，因為我主要係為上床。到後來睇港片先有得上床，就係後話，只能講句十年河東，十年煩西

9. 我之所以到中學都不停睇港產片，主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹，佢進軍海外時吳宇森都未去荷里活。佢就係自己親身上陣，同「五十嵐」一齊拍愛情動作片

10. 但關我乜事？我又唔係蘇B（一個徐一刀有份用嘅演員）。主要係，徐一刀係我同學嘅舅父。咁佢就畀好多免費戲飛我地睇，當然唔係睇佢嘅戲（當時我中二咋），而係可以去睇任何戲。我唔知係咪只係港片，但肯定嗰時咩 凱都呀， 巴倫紐呀，仲有「屯門戲院」，都好多時係上港片。

11. 我仲記得我第一套用佢嘅飛睇嘅戲，就係《水滸傳之英雄本色》，李克勤唱主題曲，梁家輝做林沖，徐錦江做魯智深，劉青雲做大茄，但最正係豹哥單立文做高俅個仔去淫辱林沖老婆王祖賢。

12. 另外仲有《風塵三俠》（梗係柏安妮嗰套），仲有套日本人拍但廣東話配音嘅《三國志》（1990年代初，已經好過《三國無双》N倍，可見周顯揚真係食撚屎的，係呀，我又要好波過美斯先可以評論？）等等。可見我嘅中學年代，就係咁渡過。

13. 然後你諗下，埃汾太（名校女生嘛）。人地呢，午飯去Pacific Place食嘢—仆你個街到我在金鐘返工我都仲嫌貴呀！另外有個朋友仲誇張，中學年代，去「有馬」日本料理午餐。

14. 朋友同我同年，但你老味，我地年代在屯門？日本嘢？「就係去八佰伴食熱海麵屋」，好撚難食的，難食過味千。當然我好後來先知道，熱海係地名（大佬呀，嗰個年代冇維基百科，又冇一年去十次日本），而八佰伴第一間店，就係在熱海。

15. 至於我嘅名句（其實係朋友講），「嗰時食百人一朱已經覺得自己好撚high」，sorry，呢個係去到出嚟做嘢嘅事。仆你個街，我去到教書嗰時，兩皮嘢個月，都係同成班搣時去荷里活（梗係鑽石山啦，好彩未去旺角荷李活）食百人一朱咋！（話時話，就快又七夕，有冇人未聽過七夕搣時嘅教事？）

16. 睇到呢度，你心諗，有冇咁誇張。都真係有的。例如我估我好似去到2000年，即係，大學畢業，我先知咩係Tiramisu，「開頭以為日本嘢」。而家啲小朋友，幼稚園茶點都食喜知次一夜干啦！

17. 真的，as a 學霸，我博聞強記嘅能力，叻過好多「名校」嘅普通學生。但行出嚟就係冇嚟貴格，食幾多貴格燕麥片都冇用。「即係余文樂咁」，真係好多年先洗到嗰種新界牛嘅味。

18. 你話冇影響？有機會我細寫。但當年我去in Oxford獎學金，邊個in我？係李兆基，冇錯係四叔。仲有楊鐵樑。同埋羅德丞（唔係羅傑承），同埋一條牛津嚟嘅鬼。喂，我見到都變秦舞陽，腳震震啦。最記得鬼佬問我點解地盤啲鐵係工字型，我都答唔出，但其實我係知嘅。（BTW，當年我報N展，真係好彩冇收我）．後來當然獎學金拎唔到，做唔到乜乜學人，返去港大繼續have fun stay poor．四叔變咗亞洲股神。楊鐵樑變咗教英文。羅德丞？選唔到特首，冇耐死撚埋了。（原來都隔咗十年）

19. 事後諗？如果我醒少少嘅，我應該話畀四叔知，我阿麻係順德大良人。我成日返去的。拿，呢啲咪分野。但冇計，歷史沒有如果，洛賓2010年球單刀如果入咗？

20. 寫咗好多，都唔係咩獅子山下可歌可泣。你心諗，而家扁平化咗好多啦。而家屯門都上到NetFlix嘛，屋企都睇到 德國飛機吸血片啦，有得上網，拉近晒啦。

21. Yes and No．但其實，個世界，都係向比較有錢嘅人傾斜嘅。我甚至覺得，我幾幸運，我年代都仲可以叫做「上流」，即係一個普通家庭（唔好講到自己赤貧啦，至少有錢去睇戲）嘅屯門仔，都仲有得發下圍。而家？未必冇，但大家心知，越嚟越難。

22. 最新嘅趣聞，英國A Level，一半人A或A+。因為多咗Teacher assessment，fuck that 教師好專業唔偏私。但有乜所謂？好似阿婆賣紙皮咁，你會噴水上去，我又自然會計返你平啲。英國好嘅大學，更加大條道理自己搞admission test，甚至乎用自己嘅discretion—冇錯，就係傳說中嘅去緬甸做義工。點解啲名人富豪仔女都入到名大學？真係叻啲？你話呢？

23. 寫咁多，冇錯，最後都係講「馬蘭頭奬學金」嘅理念。呢個年代呢，你做屯門牛又冇錢嘅，真係比較大鑊。可惜我暫時都仲係只有理念，未有好多錢，更重要係未有執行力。但，總會搞到出嚟。

（＊）又，我都係早排先知，司馬相如唔係真名，正如河國榮崇拜張國榮，佢因為崇拜藺相如先叫自己司馬相如。正如司馬遼太郎，都係因為崇拜司馬遷（應該唔包括腐刑嗰part），但自愧不如亦係自謙，先叫自己司馬遼太郎。

似乎姓司馬嘅都啱呢味嘢（司馬遼太郎又會姓司馬啦！）。不過司馬賽兒，就唔係因為鍾意馬賽所以變咗馬賽。主要係鍾意波圖。講返，上季法甲馬賽第5，冇歐聯踢，所以要等波圖歐聯分組賽第三，先有機會馬賽對波圖

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

｜港台燈籠滷味｜台灣旅行必食小店 香港消費貴台一倍 進駐商場由自助夾食物變剔紙失風味
受疫情的影響，現在不能去旅行，留在香港又怎樣去解旅行癮呢？那惟有靠吃東西。今集《過江龍監察器》就找來這間相信很多人去台灣也吃過的燈籠滷味，不知道台灣跟香港有甚麼分別呢？這次我們便找來在台灣的特派員Afa幫手，進行兩地比較。

燈籠滷味在台灣已經有三十多年歷史，起初滷味店是開在師大夜市，不過當時沒有店名，只在攤檔前掛上數個大燈籠，之後因為便宜又抵吃，「燈籠滷味」成為師大學生之間口耳相傳的名字，繼而慢慢有名氣。目前在台灣燈籠滷味有三間門市，到2020年，燈籠滷味更開到來香港，現時香港有兩間分店，分別是在銅鑼灣及旺角。

https://hk.appledaily.com/lifestyle/20210430/PKEVDHLN45HKHNONXKL55Y6UPY/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#燈籠滷味 #台灣 #小店 #旺角 #銅鑼灣
#果籽 #StayHome #WithMe #跟我一樣 #宅在家

「參叔，食碗汕頭魚蛋先啦。」Kenneth一邊遞上魚蛋，一邊在參叔旁邊坐下。二人是架己冷，常偷閒在Kenneth的潮州粉麵店剝花生、喝啤酒，談笑風生。參叔亦在大埔開設小食店，他的粉果和燒賣稱得上是大埔名物。
「這兒主打粉麵，有些單調，就想加推小食，所以就請參叔教我做魚肉燒賣。」Kenneth說。一個敢問，一個肯教。照理同行如敵國，但參叔卻傾囊相授。
「香港銀紙賺不完的，大家都是潮汕人有甚麼所謂，有競爭才有進步。」參叔豪氣地說。
「我做魚肉燒賣做了數十年，由1962年做到現在。」最初他幫親戚看檔做小販賣燒賣，「慢慢學懂了就自己開檔，推車仔去彩虹邨、觀塘碼頭呀，做數小時就賺五六千元。」
說起燒賣，參叔滔滔不絕。「以前用鯊魚肉，現在混入鯪魚肉更好吃。講秘密你知，我們炒粉果餡用豬肉蝦肉沙葛，沙葛有汁留起來打燒賣好滋味。」
回望過去，他感慨地說，以前許多人做魚肉燒賣，現在卻沒有年輕人入行，傳統風味逐漸失傳。
「給朋友做更好喇，他想學我就教，最重要是尊重我。」參叔以往跟姪仔合作開店，但因財失義，拆夥收場，有感而發。
有大師傅，亦要有好徒弟。Kenneth做的魚肉燒賣口碑載道。「很多區外客來買生料回家蒸，我們日賣二三十斤。」單看外表，粒粒飽滿，外形各有微妙的差異，是手工的證明。嘗一口，入口有魚肉和豬肉的鮮味，且難得地有彈性，蘸些潮州辣椒油，香辣惹味，很易吃過不停。
「我以參叔的配方為基本，作了些改動，味道不一樣，大家良性競爭。」Kenneth說。他棄用鯊魚肉，用鯪魚肉和豬肉，「魚肉佔八成，豬肉用本地黑毛豬，半肥瘦豬肉一成，肥肉一成，那就是黃金比例。」調味依傳統用上大地魚粉和冬菜來提鮮，但額外加入新加坡麻油，令味道更香濃。
當然手打的傳統不能改，以人手把餡料撻至起膠，吃來才爽彈。他聰明地推出炸燒賣，即叫即炸，比蒸的更能吃得出手打獨有的彈性。
以這樣的人手和食材，成本甚高。「我們這價格基本上沒有錢賺，但做人不用樣樣機關算盡。」Kenneth說，「君子愛財，取之有道。我認為做飲食業除了賺錢之外，亦要傳承一些傳統的美味，別讓這些滋味失傳。」

老虎岩第6座潮式粉麵咖啡
地址：大埔東昌街6-16號F舖
電話：2638 9933
營業時間：星期一至五11am-6pm, 星期六日及公眾假期9am-6pm

註：手打魚肉燒賣王$10/4粒，炸燒賣$14/4，需惠顧粉麵。

#大埔 #燒賣 #魚肉燒賣 #香港小食 #老虎岩

更多土炮好片：
柴灣40年古法叉燒 新桂香燒臘
https://youtu.be/zx_wqdZJEbQ

旺角中式老餅家 鎮店之寶雞仔餅
https://youtu.be/dIxQeKU_ROw

水滾茶靚 港式點心 歎一盅兩件
https://youtu.be/eK8bjW4RIvE

==============================
土炮好片，馬上訂閱YouTube： http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

係旺角,開業十幾年,叫佳人餐廳,相信唔少人都識佢
老牌港式西餐加茶餐廳,即係乜都有D,咁佢位於後街,人流本來就少
係呢幾個月更加受影響,推出左一個叫做 抗逆境自強外賣優惠
$20,天天不同款,焗豬就每天都供應,即每日就有2款選擇
咁佢個焗豬拎上手都係熱既,仲出煙既,足一片豬扒,仲切開埋
有拉絲芝士,番茄醬汁夠多,仲食到有紅蘿蔔粒既配料
另外飯底係炒飯底,爽身粒粒分明,撈埋黎食味道岩岩好
仲有比足芝士,唔會慳皮!!
$20,呢個味道,絕對無投訴 ,份量同連鎖店一樣,味道不輸連鎖店

佳人餐廳
地址：旺角洗衣街149號A地下

營業時間：星期一至日11:00 - 23:00