悅明苑海鮮酒家
<<屯門其貌不揚酒樓，食落又堅有驚喜喎>>
話說每年都會同中學同學和老師到酒樓食開年飯，之前都會去客X好棧或稻X等連鎖式嘅酒樓，一般般咁冇乜驚喜，今年有老師就介紹一間叫悦明苑嘅酒樓。
進場覺得裝修比較舊都唔抱太大期望，小菜價錢都係正正常常$68-$108度，咁我哋九個人就點左八個餸，有蒜蓉粉絲蒸帶子，海鮮雜菜煲，西芹淮山炒吊片，煎蠔餅，茄子鴨腳煲，鹹魚雞粒豆腐煲，黑松露蝦仁炒蛋和咕嚕肉。有海鮮有肉有勁送飯嘅煲仔仲有清淡嘅雜菜煲，呢一餐都幾均衡喎，哈。
點知上菜嘅時候有驚喜啵，首先碟碟都堅係大碟，幾重份量下。而且食材都好新鮮尤其是海鮮，例如帶子，蠔仔，蝦仁等等，佢就連海鮮雜菜煲入面啲海鮮都唔係揸流攤👍送飯果兩個煲仔我都好欣賞，鹹魚雞粒豆腐非常惹味食到粒粒鹹魚，雞粒嫰滑。茄子鴨腳炇得非常入味，濃味得來不會覺得一味死咸，可以食多兩碗飯。黑松露炒蛋我唔知佢真係比黑松露定係黑松露醬，但見到堅係多，又食到好勁煤氣味，令我懷疑佢係咪真係比黑松露咁揼本啊？煎蠔餅的蠔非常大粒而且有蠔鮮味，而且唔會煎到好似坊間嘅咁乾，煎得好嫰滑。咕嚕肉則普普通通。
環境：5/10 （非常普通其貌不揚嘅一間酒樓）
服務：8/10 （服務唔會怠慢，上菜上得快，
基本上點完10-15分鐘就陸續出晒
所有嘅餸）
價錢：7/10 （9人食埋單$9xx都算幾抵）
食物質素： 8/10 (少有嘅酒樓做到味道及份量
俱佳)
整體：7.5/10 👍
地址：屯門石排頭路15號翠林花園商場二樓
明苑海鮮酒家 在 新明苑飲食集團 的推薦與評價
今個冬天新明苑為大家預備了海鮮火鍋餐，以粥底配搭波士頓龍蝦及多款自選海鮮，鮮味真係爆曬燈。 每晚6時後供應，9時後仲有7折添！每位包龍蝦半隻， 再自選5款海鮮 ... ... <看更多>