因為你的影評，令我們更肯定我們所付出的努力是值得的，令我們更有動力令自己進步，謝謝你的支持！🖤
演員落力 誠意十足
入鐵籠 We Are Legends
改編自國際公開賽冠軍熊迪欣同Conor Mcgregor既故仔，相信行內人會有D吸引力。至少我唔係格鬥迷都聽Conor Mcgregor D名史同故仔。
馬志威呢位職業拳賽長勝將軍，一入籠打MMA就過份輕敵，挑幾吓就俾陳樂風兩野KO，輸俾曾經既手下敗將，放低過份既自信就協助細佬林耀聲入籠，再挑戰陳樂風。
的確成部戲無乜力，拍唔出感覺，但其實每條線都幾有戲，兩兄弟孤兒長大，阿哥同師姐感情線，細佬打黑市拳搵錢，兄弟不和，養父阿葛，師母元秋，師弟挑機慘敗。幾位演員亦賣力到底。只能講導演還未拍出功力。
戲的確唔算好好睇，但我係好欣賞，特别三位主角。馬志威既招積嗰D浮夸，自信，固執，串咀又幾似模似様，入場時拎住個椰青，幾好笑，令我諗起WWF D開場咁。林耀聲既電兔，戲份上俾阿哥食住，但必定有既操練戲，睇見係堤壩上做sit up，都幾型。翻大車轆，引體上升呢就必定有架啦！可惜部航拍畫質素同部戲本身個色有落差。而打戲只係最尾一場就已經夠哂，打得幾好睇，MMA上既招式，格招完全真身上陣唔洗替身打足三round，係睇得出為部戲吃咗唔少苦頭(雖然我更喜歡點五步)。但最養眼一定係楊柳青，並唔係佢個樣同fit爆既身材，而係完全感覺到呢個人好有heart，打BJJ幾好睇。導演好聰明係最後加番場升紫帶戲，咁就有番場戲發揮。坦白講，真係唔太識佢，但因為佢而加番好多分俾部戲。
如果你係要拎激戰嚟比的話，就一定係無得比，但論誠意的話呢部就絶對赢哂！唔知導演係咪有練開野，片中有不少拳行內人，熊迪欣又串吓場，又講吓修斗，最後更飛到日本場地拍攝，所以誠意堅係十足！
有彩蛋，唔好走住！
#入鐵籠
#馬志威
#林耀聲
#楊柳青
#星期四劇透下
