九巴ADL Enviro500 MMC 12米巴士(ATENU225 SL4301)途經佐敦道前往屯門。昔日夜總會、桑拿浴室，麻雀館及時鐘洒店立林的佐敦道自佐敦道碼頭於九十年代停運後已不復昔日的熱鬧，霓虹光管招牌亦已所剩無幾。
#霓虹光管 #霓虹招牌 #佐敦道
#ADL #Enviro500MMC #九巴 #KMB
時鐘洒店 在 Facebook 的最讚貼文
時鐘洒店 在 離奇家遮 Facebook 的最佳貼文
（七十三）九龍塘時鐘酒店
嗱嗱嗱，呢個真係我朋友嘅經歷。
我朋友叫Double，佢係一個健身教練，如果要迅速簡潔形容佢嘅話，基本上就係「男女都想執佢一鑊」type。
女嘅會想同佢執一鑊。
男嘅會想執佢一鑊。
明未？憑藉佢大隻，靚仔，allback 頭，同把口浪過油嘅個人之處，好多佢d女學院都…畀佢食過。
當然，係one night 即走盤，hit and run嗰種啦。
而天呀！事實竟然有好多妹係無乜所謂唔介意，明知佢係夜蘭人靜想call下人出黎試菜，都依然應約，當試下d大隻仔咁話。
唔怪得咁多人要狗衝去畀會藉做gym，原來，做大隻仔真係多嘢食，表！
嗰晚，Double 就約咗一個妹妹去九龍塘時鐘酒店到「依泣」下喇。
由於我朋友不是我，點樣check in，事前有無咩嘢要搞搞先我就真係唔清楚。不過double 就話，通常嗰度d房，天花板上面都會有一面好大嘅鏡，話等你搞嘢嗰陣可以睇到自己嘅表現咁話。
我自己就未見過呢種大鏡，不過我諗係類似志明與春嬌第一集去過嗰種。叫得健身教練，運動量就可能劇烈d架喇，兩個纏綿遊戲過後，就訓暈咗晌張大床到。
無幾耐，阿教練從朦朦鬆鬆中聽到周圍環境好嘈，嗰種嘈，佢形容話似係你訓咗喺酒吧到，身邊人來人往，好多人一堆堆咁傾計，但係你就一句都聽唔到佢地up乜，總之就係好多人，好嘈。
佢吸咗啖氣，擘大眼。
靜。
眼前見到嘅係－自己。
應該話係天花板上面塊鏡倒影中嘅自己，正攤咗晌張床上面。
哦，梳突ss呢，發夢啫。
「都係時候起身閃人喇。」佢當時咁諗。
之但係，佢發現…呃…佢…郁唔到，係全身都郁唔到，好似畀張床lock住咗咁。
「…」佢合埋眼，吸一口氣。
再擘大眼，佢仍然係見到上面鏡中嘅自己同隔離位枕邊人，仍然係全身都郁唔到，得眼球可以左右活動…
望住塊鏡…
喂…等等…
床邊嗰d…係咩黎…？
從上面天花板塊鏡嘅倒影入面，double見到一個女人坐咗晌床邊。由於角度關係，佢只係可以見到個女人嘅頭頂，有著一把長長嘅黑色頭髮落到床到。
呃…領…領嘢…
救…救…
雖然身型大隻，但郁唔到嘅佢呢刻好想嗌出黎。
唔得，佢只能眼白白望住嗰個女人一動都唔動咁坐晌床邊…至怕佢會唔會突然岳高頭望住自己，咁就大鑊喇。
佢盡量避開視線，望向另一邊，想盡量睇下可唔可以叫醒旁邊嘅枕邊人，佢好用力將個頭側向旁邊…
格勒格勒…擰到過去，佢發現隔離嗰位係背住佢訓嘅，即係呢刻佢係望住佢嘅後尾枕。
「嘩…好臭！」
Double擰咗過去之後，聞到一陣惡臭。
「都話d港女唔鍾意洗頭架啦！頂！起身呀！」
Double好想嗌出聲，嗌到咩都好，總之想嗌醒佢，遺憾自己就係僵住喺呢個體位度郁極都郁唔到。呢一刻，佢攤晌將床上面，個頭側埋晌右邊，哄咗落去佢枕邊人後尾枕堆頭髮到，連頂頭塊鏡都望唔到…
更甚係…佢開始feel到坐晌床邊嘅嗰個「人」企咗起起…慢慢靠近緊佢個位置…
救…救…救…命…
想嗌，但舌頭點都唔聽駛。
臭臭臭臭…
雖然眼見唔到，但係double話feel到後面嗰個人愈黎愈接近，愈黎愈接近，然後慢慢咁訓上床…
就．訓．咗．晌．佢．隔．離。
同樣地，盯實佢後尾枕。
佢話feel 得好清楚，有個人確確實實就訓咗晌佢後面。
維持咗幾分鐘之後，Double終於郁得返喇。
平時飛膊無難度嘅佢家陣大汗耷細汗，係咁喘氣。佢望實隔離個枕邊人，唔敢輕舉妄動，唔敢向自己後面望，因為佢唔肯定，頭先訓晌後面嘅「人」仲喺唔喺到？
佢望實前方，檻過訓晌到條女，落咗床走埋一邊，先敢望返張床。
一，二，三…回頭...
好彩，嗰個「人」已經唔晌到。
都無理條女，亦無打算叫醒佢，Double就自己著褲走人。
「卡」一聲關門出到走廊…
Double 發現有個miss call無聽，咦！係佢個枕邊人打黎嘅，佢聽返留言，大致話：
「…喂…我走咗喇…唔好意思…因為唔係咁舒服…sorry。不過我頭先扎醒，見到有個女人坐咗晌我地床邊…係咁…晌到梳頭…唔...你自己都小心d…」
Double睇到眼都突埋，睇返個錄音，係差唔多一個鐘頭前留嘅，而且真係街邊聲…
唔係化…佢寒一寒...第一時間諗到…除咗嗰個床邊嘅「女人」，咁…
頭先扎醒後一路訓响佢隔離嘅係…
「嘩，咁你點呀！？」我聽到嗰陣第一時間問。
的確，Double呢一刻，係可以打返開道門求証一切。
然而，佢當時作出佢認為最明智嘅做法。
「緊係即走啦！」
然後，佢當一切都係呢個女學院嘅惡作劇算。
自此，阿Double都話唔再幫襯呢區嘅時鐘酒店lo，寧願搵d「唔駛咁有格調」，「唔駛咁大張床」嘅普通爆房算。
反正…d 女都受，hit 完真係要快run。佢話。
愛做gym嘅女學員們，同時時到九龍塘光顧嘅朋友，小心！
Tag 鍾意做gym嘅女仔，小心大隻仔！！男讀者睇呢篇好易會睇到燥，無計...今晚做多兩下sit-up先訓啦。
#iknowthatfeelbro #真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #時鐘洒店
ig : donotsayhello
