1965年香港 五十五年前 看當年在美國極受歡迎 電視偵探片I Spy尋找往昔香港。☆(中文註解位置) HD清晰新版(影片在香港拍了十多集,但在香港未播影過)
第一集外景→跑馬地,景賢里,虎豹別墅,旺角亞皆老街,石硤尾巴域街,旺角廣東道街巿,尖沙咀九廣鐵路總站,上水火車站,大埔墟火車站,大埔元洲仔,大埔「灰沙圍」大埔石橋,落馬洲邊境,香港仔等,住昔香港。
〔景賢里〕由香港富商,望族李陞家族成員李寶椿在戰前出資興建。於1937年,禧廬興建落成,落成後李寶椿送景賢里給妹妹,即李陞的女兒李寶麟及李寶麟丈夫岑日初。香港早期,香港島半山區至山頂一帶主要是富有的英資洋商或達官貴人的住所,而李陞家族成員,以及擁有顏成坤大宅的顏成坤是早期少數,有財力於半山興建大宅的華人。
1977年,「話梅大王」邱子文以2,400萬港元購買禧廬,並且將其更改成為景賢里。不少電影都曾經借用景賢里大宅拍攝,例如1955年,荷李活明星奇勒·基寶主演的《江湖客(英語:Soldier of Fortune)》及由汪明荃和劉松仁主演的無綫電視劇《京華春夢》等。
★【灰沙圍】(Fu Sha Wai)位於香港新界大埔泰亨鄉,大窩西支路側,是泰亨文氏聚居的圍村,亦為現今泰亨兩圍一村之一。這裏有400個文氏後人,族長文燦和,現任村長為文仁炳。該圍建於十七世紀,圍牆及炮樓由青磚灰沙建成,是大埔區現存最完整及最宏偉的古老圍村。另外,圍中門樓雖經重修,但圍牆已於2010年被列入為香港三級歷史建築
新界文氏始祖文天瑞為南宋丞相文天祥堂弟,於南宋末年逃避元兵移居東莞,五傳至文蔭遷至泮涌立村,族人至明初定居泰亨。根據族譜記載,泰亨文氏分三大房,長房文培桂堂及二房文青暉堂的後代居於灰沙圍。(資料維基百科)
↓
#歷史時空
景賢里京華春夢 在 尋蹤覓蹟 Facebook 的精選貼文
【#古蹟的故事:受破壞程度最大的歷史建築—景賢里】
提起景賢里,最令人心酸的莫過於是07年其第三任主人將景賢里賣予一位中國大陸富商,並於同年9月展開移除工程,大宅部分的瓦頂以及馬賽克地板皆被破壞移除,令到這所原本為粵東一帶保存得最為完整的嶺南大宅變得黯然失色。儘管當年的政府官員在9月的中旬便開始接觸業主進行商討,但仍未能阻止富有東方特色之綠色三層大屋瓦頂與及其相關角位中式藝術品、涼亭之瓦頂及水磨工藝等重要建築和裝飾拆毀。
景賢里在2007年的9月15日,被列為暫定古蹟,並於2008年1月25日正式被列為法定古蹟,景賢里內的復修工程由第三任業主負責修復,並通過「以地換地」方式補償。年輕一輩或許對景賢里沒有太多的集體回憶,但對年長一輩而言卻是印象深刻,荷李活明星奇勒·基寶主演的《江湖客》及由汪明荃和劉松仁主演的無綫電視劇《京華春夢》等皆借用景賢里拍攝。
而這座充滿幾代人集體回憶的地方,修復過程歷史兩年。先從廣州大學建築與城市規劃學院邀請專家協助,由於大宅破壞極為嚴重,不少的地方是依靠場地留下來的散件及舊業主提供的舊相片推敲原貌。至於原料方面,大部分的裝飾皆為三十年代所製,不少當年的工藝技術早已失傳,修復隊伍要尋遍中國南方才找到相關的工場製造組件。現時大家所見到的景賢里,已經並非當年的模樣,而是以現代的建築技術復修,而古蹟辦就聲稱已回復其八成的原貌。
景賢里京華春夢 在 姐死姐還在 Facebook 的最佳貼文
《Working Holiday in Hong Kong 系列》 第二回,京華春夢個度
正如我早前提及,喺香港地生活真係好攰,乜都要爭取,棵榭又聲援,同德大押又聲援,電車又聲援。下下聲援真係好吃力,但萬九幾樣野中,有野係聲援成功架,就係山頂司徒拔道嘅景賢里。
景賢里是甚麼?
喺好耐好耐之前,30 年代,香港英國殖民地時期,好少華人可以住山頂,有一個好好好好好好有錢嘅有錢佬,就喺山頂司徒拔道起左景賢里(原名為禧廬)呢座豪宅。
座豪宅到底有幾豪?
● 1977年,景賢里係以2400萬易手,2400萬有幾貴?1980年,銀行請個trainee大概出1200蚊人工,一份報紙賣五毫子。對當時嘅打工仔來講,2400萬係「冥通」價,死左叫friend燒陰司紙畀你先有可能買得起。
● 最近馬雲就用左十五億買左六十年樓齡嘅山頂白加道大宅,白加道大宅距離司徒拔道嘅景賢里大約5分鐘車程,咁大家可以想像到景賢里即係好好好好好好貴。十五億來講,我相信新年去觀音度借,觀音都借唔到咁多畀我。
--------------------------------------------------
買唔起,都參觀下呀...
其實景賢里已經列為香港法定古蹟,又復修好,但佢好少開放畀公眾參觀,仲開得少過鬼門關架。對上一次開放已經係兩年前,今年只開放4日, 七月尾兩日,呢個星期六日兩日。咁有歷史同藝術價值嘅豪宅,真係好值得參觀,最少有意義過行18區都一模一樣嘅shopping mall。我唯一諗到點解咁少開放嘅原因,應該係唔想滾搞到附近嘅有錢佬。
好好彩得到8月22日一張門票,星期六真係熱過上西遊記嘅火焰山,但咁熱,出奇地當日有好多好多好多警犬維持秩序,4日只係派左萬幾張飛,但警犬嘅數目,以我目測,多過平時盂蘭節派米維持秩序囉。咁原因就唔洗講啦,有錢佬地頭搞開放日,理所當然派好多好多好多狗喺門口stand by啦。香港地,達官貴人得到嘅待遇,同我得到嘅待遇,點相提並論呀?
活化古蹟,相信都要過有錢佬個關...
● 景賢里已經有78 年歷史,座豪宅結合左中西建築特式,紅牆綠瓦,好寬敞。總之唔會好似有線樓盤傳真D新盤咁,張床小儀都唔夠訓,廁所坐低開大都要練縮骨功,參觀期間,我就好似去Ocean Park 玩哈囉喂咁,不停「嘩嘩嘩嘩嘩」,好豪呀,好靚呀,個view又靚又通爽。
● 而家座豪宅除左開放個幾日畀公眾觀賞,係冇實質用途架。景賢里嘅活化工程已經兩次流標,委員會多次審議都諗唔到座野可以有咩用途,有人提議改造結婚行禮場地,個view啱哂,但始終都傾唔掂數。算我多疑,傾來傾去都傾唔掂,係咪又要「等埋」附近有錢佬嘅意見。
--------------------------------------------------
星期六有好多老人家參觀景賢里,汪阿姐應該係主因,因為景賢里就係TBB個套《京華春夢》取景嘅地方。其實,我覺得《京華春夢》幾好睇,《京華春夢》係講一個家道中落嘅故事,往後TBB好多套家道中落嘅劇,好似情濃大地,都抄返《京華春夢》嘅情節。
因為參觀景賢里,我突登煲返《京華春夢》,講句公道說話,阿姐雖然係小氣過方丈,又支持2017一定要得,又華麗轉身N 次,但想當年,佢真係幾清秀,幾演活到燕秋小家碧玉嘅角色,最後係,我覺得呢,佢以前唱歌,真係冇咁難聽架喎。
--------------------------------------------------
PS.《Working Holiday in Hong Kong 系列》仲繼續架,有咩香港體驗值得體驗,PM 我呀,唔係個系列就好快收皮架啦。
《Working Holiday in Hong Kong 系列》第一回:
https://www.facebook.com/…/a.164701523738…/418979418310403/…