關於 智能叛變結局 ，我們在網路上蒐集到這些相關的討論、資訊與評價

【《#隱形客》導演前作：《Upgrade》（台譯：《人類升級》）果然係正】

超過十個讀者同我講，如果鍾意《隱形客》、《兒凶》、《恐懼鬥室》就一定要睇埋導演前作《Upgrade》，一個半個講我未必會即睇，人人咁講即刻搵嚟睇，果然係眼前一亮！

故事講個男人老婆被謀殺後，做手術變成超級機械人，搵返仇人報復。係，呢個故事千篇一律，好多戲都玩過，更癲如《Crank》、《爆機特攻》都有，但呢套嘅動作場面都玩得好刺激，尤其是幾個「極速動作」主觀鏡頭，睇到熱血沸騰！

當然，有Leigh Whannell就唔會單單係套動作Cult片，背後講嘅嘢都好爆！當人類過度依賴科技同機械，唔止冇曬私隱，仲成為AI工具時，呢個世界會變成點樣？當我哋為咗方便可以將一切俾曬電腦時，佢哋背後做咗嘅手腳，你又點會預計到？

你睇睇吓以為不過都係另一套《智能叛變》時，最後五分鐘繼續顛覆你思維，個局中有局嘅真相絕不比《智能叛侶》（Ex Machina）失禮，又或者講兩套個信息遙遙呼應，單單用呢五分鐘顛覆曬成個故事，而玩個出人意表扭橋係完全言之成理，再一次睇到你目瞪口呆。喺無孔不入嘅科技下，乜嘢係真、乜嘢係假？你所睇到嘅嘢，係你控制緊科技，定係科技控制緊你，俾你睇佢想你睇嘅嘢？真兇係邊個，又係咪單單「真兇」咁簡單？

呢類「升級自己復仇」、「機械人叛變」嘅戲係有好多，呢套動作場面拍得新鮮感之餘，結局嘅震撼力，對上一次有咁驚艷我諗係要數到《智能叛侶》。

多謝各位推薦，呢套唔知點解香港冇上，鍾意呢位導演嘅前作的話，值得自己方法搵嚟睇。

都係果句，你識架啦，唔好留言問我點睇到。

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie

【終於睇完】

實在太多讀者同我熱推呢套劇，咁我成日「昆」大家睇咁多戲，大家咁樣推薦，我冇理由唔俾反應架？所以，幾忙都好，我最後都用咗接近一個月時間睇完呢套嘢，但最後果幾集幾乎係一日內chur完，爽嘅。

講真，第一集意念係爆嘅，但之後中間果幾集就硬係差啲去唔到個高潮位咁，係有少少悶。而且，呢類「人工智能覺醒」、「機械人叛變」、「反思真我假我」嘅故事拍過好多，初頭睇都唔覺得有咩新意，當中人工智能反思世界真偽嘅情節，我覺得反而比唔上其中一套我嘅All-time favourite《真人Show》，講一個「演員」唔知自己係「演員」，最後決定突破攝影棚去睇吓外面世界，算係Jim Carrey較有發揮嘅一套戲。

曾經覺得自己好黑仔，的確我都有反思過呢個問題，到底我嘅人生係咪假嘅？係咪背後有個「造物主」控制緊自己有個咁嘅爛劇本？冇可能人生每一樣嘢都咁戲劇性喎！你可能覺得我癡癡地線，但當一個人黑到極點、幾乎超越咗常理可以接受時，你都會質疑自己呢段「戲劇人生」係咪真，所以睇《真人Show》時我係極鍾意嘅。

拉得遠咗返返嚟，開頭悶悶哋，但係「老蘭」家族點會俾段咁普通嘅故事你？由第七集結局開始，幾乎集集扭、集集有爆點，完全係一個「Mind-fuck」嘅故事，睇到我金睛火眼嘆為觀止，去到最後一集以電影片長兼氣度去解釋一個極級悲劇故事，不斷扭上扭上扭上扭上扭，扭到最後一分鐘都要再扭，仲要加多個彩蛋話你知仲有得再扭，扭到有一刻以為我睇完會有人走入嚟話自己原來都係接待員Holy Shit。

睇到最尾，原來成個故事唔單止講叛變、講覺醒咁簡單，仲牽涉好多更深層次嘅問題，覺醒之餘都不忙親情、覺醒之餘都不忘奉行造物主嘅使命，人之所以為人，係因為我哋有獨立意識，但有獨立意識又係咪代表自己係自由？結局一班角色幾乎冇邊個有好下場，就算明顯「下集再戰」，呢刻個個都係悲劇收場，人又好接待員又好，自以為自己自由，但其實都係困喺一個囚牢入面永不翻身，呢個意念係極正嘅。

係，初頭的確係好悶，但我鍾意成個故事架構會慢慢鋪個世界觀出嚟，初頭同你講玩法係冗長咗少少，尤其頭兩集將同一件事係咁loop係有少少重覆，諗返呢一堆嘢又真係需要，當佢搞到你loop到開始唔知去緊咩故事線、咩時空時，就係最神奇妙算嘅一刻，成個世界觀就此建立出嚟，都有少少俾觀眾代入咗接待員身份：你睇緊嘅嘢唔係你所想嘅嘢、你自以為係真嘅嘢都係假嘅，最終「造物主」都係「老蘭細佬」。大結局扭橋扭到目瞪口呆，但最扭最震撼果個絕對係「黑衣人真正身份」，成功俾你fake足九集半，但諗返又完全言之成理，甚至令你想重新睇一次。

到最後，人之所以為人，人有意識去做自己所想嘅事，都係因為我哋曾有悲劇在身、對自身有所不足，而試圖要去突破、要去挑戰呢一堆困難，先令你有一個活下去嘅目標，都係俾呢班接待員活下去嘅真意。諗返以前覺得自己人生實在太黑仔太戲劇性，可能呢個都係我活下去嘅真意？（笑）

真心，單係最後一集嘅調度，我覺得「老蘭細佬」可以試吓出嚟拍套真真正正長片，應該不比阿哥專美。

呢隻game真係等咗好耐，廷期咗幾次之後終於都有得玩！好似話我哋做嘅所有決定都會影響到結局，希望第一次爆機可以玩到個好結局出嚟啦~

記得Like同Share支持我哋呀~

===================
Eli 同阿俊 設計的機身/ 手制保護貼
http://goo.gl/yzWLnH

Instagram : gphk_gallery

討論區 : http://forum.gameplayhk.com
GameplayHK 短片攻略: http://gameplayhk.com/
Facebook Fanpage: http://www.facebook.com/gameplayhk