[職場胃腩]Network鯨如性行為。你想?哦,咁啱呀?我都想,但點解我要同你?
可以直接睇Patreon 全文,呢篇免費的(https://bityl.co/4dut).亦畀你熟習下個界面。當然覺得好睇就去訂吧(https://bityl.co/4Y0h),月尾訂即時扣錢,12月1日又再扣,我會回一個月月費畀你。
煙草特醇
Network鯨如性行為,過癮,但點解要同你?
真人真事:那年十八,母娼起二,溫啤霞
Be interesting, my friend
傳音過王傳音:搞個 個人名牌,其實唔難
Let me 心噏 after writing so much
TLDR:個個都知Network鯨緊要,但你想Network鯨,對家做乜要理你?我碌電話睇埃汾Facebook或者Patreon唔好?所以,首先你自己要 become an interesting person。另外,略為搞下你嘅個人品牌,都係必要嘅。唔使咩好大工程,開個FB Page或者開個blog都可以。唔使錢,咁你都話冇時間嘅,就睇返第一句啦下。
煙草特醇
1. 一路都有讀者叫我寫多啲「職場」文,特別係「暗黑職場」(例如呢篇,好大迴響,主要係個題改得好)。自問職場上冇乜咁巴閉,冇乜嘢可以教人,「頂多係跳過幾次草裙舞咁」。不過後來諗到,「我其他方面都冇乜咁巴閉」,都仲係厚顏無恥咁寫,而讀者又受喎。所以,好吧,職場胃腩,重出江湖。
2. 今日想講嘅係,一條巨鯨,Network鯨,哈哈哈,係咪好爛呢。呢個課題想寫好耐,今次觸發點,係冇嘅。勉強嚟講因為我剪頭髮,10分鐘就諗咗呢篇文嘅flow。See?平日練功最重要,你睇到係台上一分鐘啫。
3. 篇文雖然放在Patreon,但open to all.等同平時嘅FB Page Post,不過多啲圖就放Patreon,同埋益埋Patreon讀者。亦都等冇用過嘅熟習下Patreon平台。唔會係常設環節,當然如果反應好嘅,客串可以變正餐。實不相瞞我之前有啲電台節目或者專欄都係客串變正餐,做人抵得諗都幾重要。啱睇就去訂Patreon吧(https://bityl.co/4Y0h)
Network鯨如性行為,過癮,但點解要同你?
4. 講返,Network鯨,大家都知係咩一回事。或者係啲event正餐前嘅foreplay,有時叫Mingle,拎住杯嘢周圍派卡片。或者係乜乜IPO會,台上有台上講,台下有台下講(香港特色),交換下卡片,盤下人地做乜,得閒飲茶。或者係有人搞局,放工去飲嘢,介紹個朋友你識。留意本文只係討論以工作,上位,搵著數,做生意之類嘅Network鯨。約炮求偶當然都有Network鯨,有時第一種會變第二種,但都係分開講。
5. Network鯨重唔重要?你問錯問題了,梗係重要,係好撚重要。香港地嘅嘢(第度都可能係),識人好過識字,幾時都係。如果呢樣你都唔信嘅,都唔使落去,「你去碰幾年釘,之後再返嚟睇」。
6. 我覺得討論「Network鯨重唔重要?」好似討論「應唔應該有婚前性行為」咁,浪費時間。
7. 所以,同性行為一樣,唔使討論重唔重要,爽唔爽。如何成功?如何做得更好?先係重點嘛。
8. 但,同性行為一樣,大家都想,大家都知過癮。「但你有冇諗過對方感受呢又」。直接啲講,「返去搵你_ _ 出火啦」,你想性行為,哦係呀,好呀。但關我鳥事?我唔想喎(主要係唔想同你)
9. 唔係嘩眾取寵,好多人都同你講Network鯨好重要(廢話),教你點Network鯨。但,有冇諗過,「點解人地要同你Network鯨」?點解我唔係睇多套葉念琛(新嗰套相當唔掂),寫多篇文,訓多兩個鐘,而係要同你Network鯨呢,又?
10. 即係唔係話功利計算,做朋友唔係應該咁計較。但做朋友都講「無友不如己者」,Network鯨唔係做朋友嘛,難聽啲講句,「大家都係搵著數」。最熱心Network鯨嘅係乜人?梗係小薯。好合理啫,你想識人,你嘅時間唔多值錢(sad but true )。你係王維基嘅,大把人巴結你啦,使撚Network鯨咩。你去到邊都人人爭住識你,你要諗下點樣 奀Network鯨,趕走班友又唔好傷害佢地弱小心靈。
11. 咁但,多數人都係小薯做起架啦,唔想行呢步嘅,下世投胎做富二代。所以你一定面對呢個問題:對方嘅時間值錢過你,佢識嘢嘅多過你,佢人脈廣過你。咁,點解人地唔係玩電話,要同你Network鯨呢?
真人真事:那年十八,母娼起二,溫啤霞
12. 好多人會笑,但我再講一次,我真係一個introvert。唔係咩有啲名氣成就(而我冇)就扮晒「其實我好唔鍾意應酬」嗰種,由第一日我都唔鍾意,亦因為我唔掂。點睇我都唔係一個善於社交嘅人,外型也不討好,著平嘅西裝,侏儒村嘅恤衫,好多時呔都唔打,亦唔帶錶。正路一枱人,你只會係出於禮貌唔好skip咗我先會畀卡片我。
13. 咁但,唏,你以為你唔鍾意就唔使做?唔鍾意都要做。我都做過呢種,不停出席呢啲場合,塞卡片畀人啦。或者在個cocktail party中,真係crying in the party,那年十八 母校舞會 站著如嘍囉咁,人人講年尾去邊滑雪,下年花紅幾多,我年尾就在屯門打大快活邊爐。
14. 唔好以為只係「小薯」先係咁。實情去到2014年嗰時,喂,我做咗10年融8年分析員啦,人工職位都唔算太薯啦,但都係咁。你有求於人時就係咁。我好記得,嗰時轉咗工,去到間細嘅公司,真係識你老鼠。咁而嗰時就真係比較「財演」。我最鍾意呢,就係去啲業績會。
15. 業績會有乜?除咗有業績,仲有會,仲有記者。我就去搵佢地傾計,特別係搵啲後生嘅妹妹仔(事實財記係多女仔)—唔係有乜企圖(唔好嗰度屙嗰度食,職場第一誡),而係,因為妹妹仔入世未深會聽我講。「換著啲阿姐十尺外見到我已經閃開,呢條友很煩」
16. 係喎,嗰時做乜?嗰時就塞卡片畀啲妹妹仔。「拿,你可以訪問我的」「拿,你可以叫我上節目的」。成件事十分《出埃及記》嘅溫啤霞, 「你搵我啦!」「你搵我呀!」。
17. 唔止,更加丟人現眼嘅係,我仲叫埋太宰治(以前條靚嘅花名)同我一齊去!真係母娼起二,買一送一,黃子華話齋,未試過雙飛你嘅人生唔完滿。而《母娼起義》就真係一套戲,巧睇,電影節上過,我睇咗,仲同個韓仔導演握手。套戲講乜?英文名就叫Mother Is a Whore。就係個仔孭住不良於行老母周圍接客,好感人的。當時我情況都差不多。太宰治做乜?未試買一送一,「你當佢未成年啦」。但,佢就負責周圍同啲記者講,「拿,你可以搵佢架」。
18. 以上種種,全部係事實,當年幫襯過,I mean收過卡片嘅,可以作證。
19. 點解搞到咁核突呢?咁固然因為我唔靚仔,著侏儒村嘅恤衫,又唔帶勞力士,唔係一個金融才俊。但,今日我依然唔靚仔,仲係著侏儒村嘅恤衫,亦唔帶勞力士,亦唔係金融才俊。但而家情況冇咁差了。
20. 前後有乜分別?好簡單,我出名咗嘛。問題係,無啦啦點會出咗名?雞同蛋嘅問題。
Be interesting, my friend.
21. 講咗咁多,想講嘅係,大家都係Network鯨,都係搵食,咁你作為弱勢小薯,對方點解要理你呢?人地時間寶貴過你,識嘢多過你,人脈廣過你。你有乜著數畀到人?
22. Unless 你有
23. 而作為一個小薯,你總冇可能介紹到好路數畀對方,你亦教唔到佢乜,咁你可以有乜嘢畀到人?
24. Be an interesting person !
25. 呢個就係我成篇文想講嗁嘢,唔該,Be an interesting person!唔係蘇波榮,好多人都係蘇北京波榮。而在北京人口入面,北京波榮仲大鑊過北京asshole
26. 對面坐嗰個,可能係某投行高層,可能係某CEO,可能係王維基,咩都好。佢乜都勁過你。但你身上係咪就冇佢想知嘅嘢?唔係
27. 世界可愛之處,就係以上呢啲人,如果有幸(對佢地嚟講係不幸)同你同枱,佢地一般都唔會不停玩電話唔理你,真心假意都好,總會同你傾下計。
28. 亦未必真係只係循例,難聽啲講句,佢地都不幸同你同枱,都要苦中作樂,即管睇下你呢條友,有冇咩有趣嘅地方。
29. 呢啲咪你嘅機會咯。
30. 總有啲嘢,係佢唔識,你識。或者佢識,但你熟啲。或者佢識又識,但唔好意思講出口,而你冇所謂。
31. 具體係乜?我唔知。但我發現啲勁人(即係你想去識嘅人),總有啲好奇心。你介紹完你做乜,你仲有乜嘢講?點解王維基要聽你講故事?例如你係搞北韓旅行社嘅(其中一個讀者係!),喂,interesting,「肥仔金係咪香咗?」「北韓啲路人係咪假嘅?」。呢個係一個好有趣嘅身份。
32. 我只係舉例,咁你話,你個人冇乜特別嘢。咁,唔該返返去上面嘅核心問題。既然你冇乜特別嘢,對方做乜要理你?好得閒?我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)(https://bityl.co/4Y0h)
33. 所以,唔該,Be an interesting person!
34. interesting person,就只不過係,「呢條友有啲意思」。門檻比你想像中低好多,畢竟你都識講,「阿豬阿狗都KOL」。總好過你只係介紹自己,我係邊度做,做乜,講完。
傳音過王傳音:搞個 個人名牌,其實唔難(有冇人唔Google知邊個係王傳音?)
35. 不過,仲有一個問題。你可以諗下,2014年,埃汾同太宰治「母娼起二」嗰時,埃汾係咪一個北京波榮嘅人?我估唔係,其實同而家差不多。
36. 但,冇人識你嘛大佬。邊個大王?冇人識你呀!你有幾interesting,都係冇人知。
37. 而事實,要自吹自擂,好多華人都覺得幾難為情(當然包括我呢個introvert),亦都幾非洲和尚乞人憎(呢個字幾時會變hate speech?).你總會見啲友滿場飛,name dropping,上星期我又點點點,呀你在星展喎你識唔識呀乜乜乜,靚女都忍佢,係仔嘅,恨不得打七佢。
38. 所以,除咗Be an interesting person外,仲有最重要嘅一步—個人品牌。我覺得我而家變到好似Brian Cha周融或者黃明樂 Ada Ho咁寫文了,哈哈哈,但我講得出佢地四個嘅名,證明佢地都係有個人品牌。
39. 個人品牌呢樣東西,唔係我強項,亦都已經寫咗三千字,可能搵日再講。但呢個年代呢,係真係冇藉口的。
40. 好簡單,唔使你咩搞個網站,或者做特約飛機稿,但至少你搞個Facebook Page,一個仙都唔洗。或者開個blog,拎煙寫下嘢(但唔好多,很煩的)。你唔寫字嘅,咁搵個位放你啲相或者片(唔使比堅尼相,除非搵老細係你嘅工作一部份)。咁你都話唔得閒,或者唔知貼乜嘅。咁又返返去核心問題咯,你自己都覺得冇嘢好睇,咁我做乜要理你呢?「我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)。」(https://bityl.co/4Y0h)
41. 你係王維基嘅,人人識你,唔使搞呢啲無聊嘢。同樣地,你係星展香港CEO嘅,話知你係南美佬(而星展香港CEO真係一個南美佬),冇人知你乜名都好,都人人畀面你(而南美佬本尊係十分風趣但又demanding的,我都面過聖,拿,name dropping呀)。吳明林卡片都係印「記者」之嘛,謝霆鋒都係印「茶水部主管」之嘛,朱生卡片都係印I’m CEO, Bitch 之嘛(是真的)—而我甚至唔使講邊個朱生。
42. (另一職場心得:但凡卡片幾十個梯圖嘅人,避之則吉。特別係仲要對摺嗰啲。你有幾撚巴閉呢,又?)
43. 可惜,你會睇到呢度嘅,你多數都唔係吳明林謝霆鋒。多數你張卡片上個梯圖,都唔多吸引。你好呀我係埃汾呀,我在星展做Director嘅(事實我係,但有乜新鮮羅白皮?),哦,你拍戲的?一街都Director,一街都VP啦。梯圖現非唇嘛(亦因為咁,見工之類,基本上唔使睇人梯圖,睇人工代表一切,因為梯圖可以任印,但公司唔會無啦啦畀多舊錢你)
44. 你有個地方,放你啲嘢嘅,就唔會出現以下嘅埃汾對白(原文照錄):
45. 「我有寫文的」「寫乜文?」「乜都寫啲」「例如呢?」「都真係咩都有啲喎,金融為主咯」「即係股票貼士?」「又唔係喎」「咁即係乜」「咩都有啲咯」「……我過去拎杯嘢先」
46. 拿,呢啲就浪費對方寶貴時間啦。掉轉頭,我有個blog,有個Facebook Page畀你睇,係咪簡單好多?呢個係我在老朋友身上學的,大佬,咪得個講字。最緊要有舊嘢睇,畀人見得到。你話你想寫文嘅,請去寫。寫咗出嚟先有得討論。
Let me 心噏 after writing so much(呢句抄陳祉俊的,無友不如己者,記得Follow 佢FB Page同埋訂Patreon)(https://bityl.co/4dtz)
47. To sum up:莫道你在選擇人,人亦能選擇你。你想Network鯨,人地未必想理你.咁你有乜賣點?就唔該你自己做一個Interesting person,唔使有錢,唔使高級,甚至唔使有乜才華。但總之,就係畀人覺得,呢條友,有啲意思。另外,你再Interesting都可,冇人知嘅,即係富貴不還鄉錦衣夜行,所以請你建立你嘅個人名牌。唔使好大陣仗,但開個Facebook Page,開個blog,開個拎煙指點下江山,開個ig(唔係貼你嘅比堅尼相,除非呢個係你工作嘅一部份),就係咁簡單。
48. 其實唔難。再講多次,未訂Patreon嘅,去訂(https://bityl.co/4Y0h)。因為月尾,佢即時扣錢,12月1日會扣多次。所以呢幾日join嘅我都會回返一個月畀你。
同時也有6部Youtube影片,追蹤數超過18萬的網紅小熱唱,也在其Youtube影片中提到,哪這麼多妖魔鬼怪 原來是公司 還以為是鎖妖塔 這些怪人 麻煩你們先離職 ▶訂閱收看最新王老師! http://goo.gl/PH3GIS ▶王老師FB這兒:https://reurl.cc/e912M ▶小熱唱IG追追:https://reurl.cc/8ydaM #GFTS #學...
「暗黑職場」的推薦目錄:
- 關於暗黑職場 在 君子馬蘭頭 - Ivan Li 李聲揚 Facebook 的精選貼文
- 關於暗黑職場 在 君子馬蘭頭 - Ivan Li 李聲揚 Facebook 的最讚貼文
- 關於暗黑職場 在 GFTS 王老師的青春教室 Facebook 的精選貼文
- 關於暗黑職場 在 小熱唱 Youtube 的最佳貼文
- 關於暗黑職場 在 小熱唱 Youtube 的最佳貼文
- 關於暗黑職場 在 小熱唱 Youtube 的最佳解答
- 關於暗黑職場 在 真的很害怕遇到暗黑同事 #職場守則#職場生存法 - Facebook 的評價
- 關於暗黑職場 在 暗黑職場的3大生存守則| 社會新鮮人必看 - YouTube 的評價
- 關於暗黑職場 在 白飯之亂我們學到什麼?暗黑職場的3大生存守則 社會新鮮人 ... 的評價
- 關於暗黑職場 在 暗黑職場的3大生存守則#shorts - YouTube 的評價
- 關於暗黑職場 在 【暗黑職場#1】我及格及格就好!別當職場資優生 - YouTube 的評價
- 關於暗黑職場 在 職場甘苦談 - Mobile01 的評價
暗黑職場 在 君子馬蘭頭 - Ivan Li 李聲揚 Facebook 的最讚貼文
[Patreon 開張大吉]Q&A都兩千幾字。頭十條最重要,之後十條次要。唔明再PM。但簡單嚟講,科水啦,一個月一舊水唔使,一個星期三篇,同以前收費專欄差不多玩法。謝謝。行善積德,福有攸歸,好人一生平安。
TL:DR –乜都唔使睇播雪花都即時科水嘅,呢度(https://bit.ly/3gHtdvE)。我個Patreon 「狼爾街華人」,呢度(https://bit.ly/3gJzbMS)。另外建議你download個手機app,好用的,一出文你就知。
呀仲有,幫手share 呢個post,或者直接推薦畀朋友吧
--------------------------------------------------
最重要嘅問題
Q1:點解收費專欄轉去Patreon?係乜嚟?
A1:因為同HomeBlogger合作完咗(唔知係乜嘅可以唔理)。上次收費專欄我幾滿意,讀者反應都好,想我繼續。咁就繼續。知道Patreon係乜嘅,很好。唔知嘅,睇教學(https://bit.ly/2XH038N)。普遍都正評呢個平台,易用,好多人幾熟悉。之前收費專欄有啲讀者有啲正面批評同建議,主要係技術方面(介面唔好用,出咗文唔知,畀錢唔多放心等等),搬咗去Patreon大多數解決到。(詳情睇Q12)
Q2:最關心:幾錢?咩收費模式?會唔會之後加價?
A2:簡單,月費,暫定12蚊美金個月,一舊水港紙唔洗。平過之前收費專欄,之前做四舊幾水3個月。答應過唔加價,當然守信用,係咪要支持先。一星期我寫三篇文,一個月你至少有12篇,一篇8蚊港紙唔使。
Q3:點畀錢?
A3:經Patreon 畀,容易得很。應該好安全,之前有啲擔心信用卡資料呀之類,而家可以放心。真係搞唔掂嘅,PM我,但應該好簡單。又,講明,即時扣錢的,之後就每個月1號。蝕咗幾日?係架,「所以快啲加入」。
Q4:點解我要訂?
A4:畀別人知得多。等於讀者文摘,我幫你睇晒啲新聞,評論,古靈精怪嘢,值得睇嘅先叫你睇,仲用簡單嘅語言解你知,加埋我嘅分析,慳返你時間。
同埋,支持埃汾。以前有啲讀者真係齋付費,但未必有時間睇文的,只係因為識我多年。甚至根本冇問過我會寫乜就科咗水,因為覺得免費睇咗我文多年,應該回報下。有啲係富貴咗,覺得我嘅文啟發過佢地。全部都係上等人。
當然付費讀者PM我,我都係優先答嘅。咁你話無從驗證,你昆我話有科水都得。係架,一直都係,咁如果一個月一舊水足以令你講大話,我冇嘢講,當我笨。
Q5:有乜睇?
A5:我嘅文。投資,揀股,經濟,理財心得,101知識文,金融事件評論。分析為主,唔會就咁貼新聞咁呃錢,以往讀者可證明。同以前收費專欄形式差不多,預一篇千幾至兩千字。點評,會話你知我有咩想法,有咩好文值得睇,有咩嘢好圖值得睇。其實同Facebook Page嘅文都似,但應該Patreon唔寫非金融嘅嘢,例如DSE辰衝之類(當然夠多讀者想寫我可以寫,甚至開檔新)
Q6:幾耐寫一次文?幾點出?
A6:照舊,一個星期三次。以前收費專欄冇一篇文脫期。紅日好多作者唔寫我都照寫,難聽講錢已收我可以唔寫的,但我係個均真嘅人。不過以前一三五,而家應該會二四六,時間上會鬆動啲。當然你可以反對,要返一三五都得,付費讀者是皇帝。時間?你預夜晚啦。但放心,出咗文你會收到email,甚至可以set 手機通知。
Q7:Facebook 唔使錢都有文睇,點解我要訂你Patreon?
A7:除咗係支持埃汾外,都有實際原因。搞咗Patreon後,當然以付費嘅讀者優先,好文貼嗰邊。以往我會過幾日貼返呢邊,或者再補充,將來唔會。出文亦會以嗰邊優先,得閒先貼呢邊。咁當然非財經嘅,我都會放返呢度—但如果Patreon讀者想搬去嗰邊,我會搬,一切係收費讀者優先。
Q8:有冇讀者點唱?
A8:係有嘅,一直都有,我好歡迎。但,當然有條件。首先我覺得值得寫,有公共性,其他人有興趣。第二係我要識寫。第三都要得閒。
Q9:我仲有其他問題同提議,可以點?
A9:PM我咯!留言都得但未必最好。WhatsApp我都得,Page度已經可以直接WhatsApp到我
Q10:有冇Sample睇下?
A10:係有嘅。遲下會出一篇Public嘅,當sample
------------------------------------------------------------------------
冇咁重要嘅問題
Q11:付費讀者分唔分級?
A11:暫時唔分。但不排除將來會。
Q12:之前啲一大堆問題解決咗未?
A12:之前一路都有讀者畀feedback我,多數都係技術問題,好少投訴內容。咁多數都係解決咗嘅,如下:
i. 唔知你幾時出文要係咁上去F5:唔會有呢個問題了,你可以set Patreon email你,甚至用佢個app彈notification 都得。你可以在網頁睇,亦可以用佢個app
ii. 有時埃汾話寫完都未見:以前要等同事upload,而家我一寫完你即時見到
iii. 舊介面麻麻地:Patreon 介面算係公認不錯
iv. 畀信用卡資料唔安全/我在外國唔方便入錢:同上,Patreon嘅 Payment 應該相當可靠,仲可以Paypal
v. 同埃汾互動唔夠:Patreon嘅介面畀你可以直接留言,亦可以直接send message畀我。天地良心,你地PM我我好少會唔覆。
Q13:咁你個Facebook Page 點?
A14:當然繼續玩。正路經濟理論呢,我就應該唔好在Facebook Page寫好文!應該只係賣廣告,節錄一段上嚟然後你入到去要畀錢。經濟艙太好服務,點迫到啲有能力嘅人坐商務?但實際上,首先我有非金融嘅嘢鍾意寫。另外,維持呢度嘅人氣對我有好處(金錢及非金錢),所以唔會播雪花。但,你會見到金融文少好多,高質文我必定放Patreon了—反正劣質文一樣谷到人氣(so sad)。埃汾嘅宗旨都係最高透明度,我唔會話我唔整零食呃收視,但我唔會話你知嗰啲文好有益。
Q14:會唔會幾個台播一樣嘢?
A14:近乎唔會。以往嘅讀者可以作證,基本上我收費文講一堆嘢,Facebook Page另一堆,免費片又另一堆,收費片再另一堆。埃汾大把idea,問題只係時間。但有錢自然有時間。
Q15:唔會有乜睇?我好怕你寫XXX(自行填),我冇興趣
A15:絶少冇非金融嘅嘢。唔寫政治(除非同金融好大關係),唔寫DSE,唔寫辰衝,唔貼自己訪問(但可能會借題發揮寫篇新),唔貼食評,影評。暗黑職場之類其實多人睇,但我都唔會放Patreon。但當然你地有興趣科水睇以上嘅嘢,嘅話我知,可能開檔新嘅。但暫時Patreon你預90%以上都係金融。
Q16:埃汾你做乜無啦啦PM我賣廣告?
A16:好大機會因為你之前問我拎過免費書單,當初講明免費嘅代價就係我會PM你新專欄。又或者為你係以前HomeBlogger嘅收費專欄讀者,話過重開通知你。如果兩樣都唔係?咁我搞錯咗,Sorry,打搞晒
Q17:會唔會有文我畀咗月費都睇唔到仲要加錢?即係畀咗有線但睇波又再屈你畀多幾十咁。
A17:暫時唔會,你畀月費就睇到晒所有文。我鍾意簡單,你畀咗月費任睇,我忽然再斬多你一下話premium content,感覺唔好。明明老友鬼鬼全日任睇,到銀幕埋牙先忽然要你畀多舊錢,唔公道。然後銀幕除多兩件又要你畀多幾百咩。做人唔好咁Low.除非,真係有好堅好堅嘅嘢,號外,同平時完全唔同,而你都見到我係明顯要額外用多好多時間,例如上次 聯匯前世今生咁(但嗰次係短片)先考慮會。但一定唔會常態。
Q18:會唔會拍片?
A18:Patreon唔會有收費片,因為同HomeBlogger獨家合作。除非另行通知。
Q19:Patreon 仲有冇其他大計?
A19:考慮中嘅包括玩Live Chat 你問我答之類,但極初步,唔會係短期。總之夠人就大把嘢有得玩。
Q20:呀邊個邊個收得平啲喎?
A20:事實而家仲平過之前收費專欄,咁當時讀者數字我都滿意。認真啲答就係:咁你試睇一個月,都係一舊水啫,覺得唔值咪唔好續。
暗黑職場 在 GFTS 王老師的青春教室 Facebook 的精選貼文
受夠開會浪費生命了嗎
來來來❗❗❗
一起當放空又秒回的 #開會霸主
YT完整影片 https://youtu.be/fqQmDCVrwrI
未來好筆說
只要有筆 一切好說
Samsung
#Samsung
#GalaxyTabS6Lite
#未來好筆說
#TeamGalaxy
5/31 前買Galaxy Tab S6 Lite就送書本式皮套❤
✌學生專屬優惠✌
只要有.edu.tw的學校信箱~
登錄就可以享三星商城9折優惠~
👉趕快登錄網頁 https://reurl.cc/7Xd7ZQ
暗黑職場 在 小熱唱 Youtube 的最佳貼文
哪這麼多妖魔鬼怪
原來是公司 還以為是鎖妖塔
這些怪人
麻煩你們先離職
▶訂閱收看最新王老師! http://goo.gl/PH3GIS
▶王老師FB這兒:https://reurl.cc/e912M
▶小熱唱IG追追:https://reurl.cc/8ydaM
#GFTS #學姊說的是 #暗黑職場
![post-title](https://i.ytimg.com/vi/EdsldDvtW6I/hqdefault.jpg)
暗黑職場 在 小熱唱 Youtube 的最佳貼文
就問一句 你夠奴嗎
職場暗黑學姊又回來了🔥🔥
(學姊到底吃什麼 越來越兇)
一起分享你的奴時刻QQ
▶訂閱收看最新王老師! http://goo.gl/PH3GIS
▶王老師FB這兒:https://reurl.cc/e912M
▶小熱唱IG追追:https://reurl.cc/8ydaM
#GFTS #學姊說的是 #暗黑職場
![post-title](https://i.ytimg.com/vi/RKw5umiR1bs/hqdefault.jpg)
暗黑職場 在 小熱唱 Youtube 的最佳解答
▶訂閱收看最新王老師! http://goo.gl/PH3GIS
▶王老師FB這兒:https://reurl.cc/e912M
▶小熱唱IG追追:https://reurl.cc/8ydaM
莫名其妙的開會 (~_~メ)
根本就是活火山無底洞跟太空探險
人生的幾小時就在沒意義對話中消失了 (還我生命!!!)
只要有心
人人都是開會霸主😃😃😃
未來好筆說
只要有筆 一切好說
5/31 前買Galaxy Tab S6 Lite就送書本式皮套
學生專屬優惠(≧▽≦)
只要有.edu.tw的學校信箱,登錄就可以享三星商城9折優惠
詳情請參考登入網頁 https://reurl.cc/7Xd7ZQ
#GFTS
#訂閱小鈴鐺全部通知開起來
#Samsung
#GalaxyTabS6Lite
#未來好筆說
#TeamGalaxy
![post-title](https://i.ytimg.com/vi/fqQmDCVrwrI/hqdefault.jpg)
暗黑職場 在 暗黑職場的3大生存守則| 社會新鮮人必看 - YouTube 的推薦與評價
![影片讀取中](/images/youtube.png)
暗黑職場 的3大生存守則| 社會新鮮人必看. Katy Tu. Katy Tu. 205 subscribers. Subscribe. <__slot-el>. Subscribed. 0. I like this. I dislike this. ... <看更多>
暗黑職場 在 白飯之亂我們學到什麼?暗黑職場的3大生存守則 社會新鮮人 ... 的推薦與評價
![影片讀取中](/images/youtube.png)
職場 生存# 職場 菜鳥#社會新鮮人[觀影前聲明]如果你是抱持著八卦白飯之亂的朋友,那這支影片不太適合你哦 在這集影片中,我們不討論誰對誰錯。 ... <看更多>
暗黑職場 在 真的很害怕遇到暗黑同事 #職場守則#職場生存法 - Facebook 的推薦與評價
辦公室教戰手則!盤點6種「職場暗黑同事」,學會應 對不再怕! | PopDaily 波波黛莉. 在職場上,遇到好同事帶你上天堂,但遇到惡同事真. ... <看更多>