有冇人試過喺office聽到呢句說話......
「唉,我哋公司真係好少靚仔。」
重點係咩?係通常講呢句嗰個本身都唔係靚女。不過咁,評馬人唔一定騎馬叻,講波佬唔一定識踢波,有啲男同事毒到世界盡頭亦都會彈女同事,言論自由係要被尊重既,即管分析下我公司班仔係咪真係咁唔掂。
毒毒型:完全不修邊幅,人哋容光滿面,佢就油光滿面,我有我天地係瀟灑,可惜慘被公司班女無視,星期五casual wear夠膽死著短褲拖鞋返工,難怪出出入入都好似透明人間咁。
穩陣型:一至五無論著老西定係casual wear都有板有眼,係唔熨衫啫,起碼都識著件西裝背心或者外套去遮,但你知呢排幾熱架啦,焗焗下出油,所以狀態好飄忽,工作壓力大嗰期都會失守,爆瘡又爆油。
男神型:呢幾位就係傳說中「公司真係好少靚仔」嘅少數一族,佢哋唔係靚到可以做明星,只係行出嚟乾乾淨淨,識洗面同埋做保濕,上下下都整齊企理, 一絲不苟,連個位都整齊過人,咁已經差好遠,啲女同事連斟杯水都要請教佢哋咁滯,你叫毒毒型同穩陣型班仔情何以堪!
其實行前一小步已經夠架喇,洗面同做保濕係一兩分鐘嘅事,快過你熨件恤衫,著衫可以遮,塊面邊有得遮?曼秀雷敦 Mentholatum Hong Kong男士系列有隻茶樹油配方嘅潔面乳,適合油性皮膚,控油之餘仲有效抗痘,而佢哋嘅保濕冰爽凝露就冰涼舒適,啱晒夏天用,做埋保濕可以令皮膚有充足水分,咁先唔會出油。
你個樣就係你個Brand,每日返工要見咁多人,唔懶得架!今個夏天,我哋一齊脫毒,告別油光!
#前排睇波晚晚捱夜
#面油多到可以煎蛋
#曼秀雷敦男士
#草本控油潔面乳
#高保濕冰爽凝露
#萬寧_屈臣氏_各大零售商都可以搵到
Search