關於 曾經有一份至真嘅愛情擺喺我面前 ，我們在網路上蒐集到這些相關的討論、資訊與評價

【 #港式愛情經典 -《西遊記》系列經典對白 】

提到最經典嘅港產愛情片，好多人都會諗起星爺嘅《西遊記之月光寶盒》、《仙履奇緣》。除咗紫霞嘅單眼令網民忍唔住去討論區開post：「覺唔覺紫霞仙子朱茵，茵茵真係好靚」，仲有唐三藏嘅Only U～～，加埋非常「陀地」嘅港式愛情對白：「如果係都要為呢份愛加上一個期限，我希望係...一萬年」。
.
雖然好似好老套，但相信唔少觀眾到今時今日仍然背到出嚟，甚至個腦入面會自動出現紫霞揮劍向住至尊寶嘅一幕。仲記得細細個睇嗰陣覺得好好笑，大個就反而睇到眼濕濕。最後紫霞同至尊寶明明兩情相悅，但唔能夠一齊，的確令人唏噓。因此亦令好多人覺得《西遊記》系列係講命運，上天一早注定好聚散離別，以致人不斷經歷緣起緣滅，只要時機稍有差錯，有情人都唔見得可以走到最後。不過小編就覺得《西遊記》除咗係關於命運，更加係想講偏執，最終至尊寶願意拋棄七情六欲帶上金剛圈，其實都係因為佢願意放下執著，而唯有咁做，先可以救到佢深愛嘅人。
.
「愛情無標準答案，只係人嘅偏執令愛情公式化」

白晶晶愛孫悟空，因誤以為得唔到佢嘅愛而自盡；至尊寶愛白晶晶，無數次想憑月光寶盒回到過去，更因為想救晶晶嘅執念，察覺唔到自己已經愛上紫霞；紫霞愛至尊寶，堅信可以拔劍出鞘嘅至尊寶就係如意郎君，固執咁相信佢一定會腳踏七色彩雲娶自己，因為呢樣嘢係所謂「命中註定」。
.
故事入面所有人對愛情都有份執著，就好似當菩提子提醒至尊寶，話佢根本係鍾意紫霞，因為佢足足叫咗紫霞個名800幾次。但至尊寶唔理解，因為佢已經有意中人，仲反問菩提子：「我點會愛上一個我討厭嘅人？」然後菩提子就反問返佢：「愛一個人係要理由㗎咩？」其實係人都知，愛一個人係一種感覺，係解釋唔到，但偏執如至尊寶，就覺得自己唔會無緣無故愛上一個人，因而錯過咗同紫霞一齊嘅時機。最後喺成為孫悟空後，至尊寶附身夕陽武士擁吻紫霞，佢腦海入面閃過佢拒絕紫霞嘅畫面：如果當初我無推開佢，肯放低偏執認我愛佢，結局又會唔會唔一樣？
.
「曾經有一份至真嘅愛情擺喺我面前，我無珍惜，到無咗嘅時候，先至後悔莫及，塵世間最痛苦莫過於此。」至尊寶嘅追悔，既係命運弄人，亦係執著所致。因為偏執，至尊寶認為自己愛上紫霞欠缺理由，紫霞認為如意郎君一定會腳踏七色彩雲迎娶自己，平凡大眾，好似你同我，都無形中認為愛情應該似我想像中咁咁咁... 呢份「虛妄」，其實正正對應佛家所講嘅「凡所有相 皆是虛無」，都係對愛情虛無嘅幻想、假設、不設實際嘅期盼。結果最後就如同紫霞所講：「我估中咗開頭，但估唔中結局」，因為愛情唔係公式，無一個必然答案，過多假設有時反而令我哋失望。
.
如果願意放下偏執，紫霞唔等愛人嚟救，至尊寶唔再執著於返去救死去嘅晶晶，只要是但一邊肯退一步諗，或者兩人就有一個美滿結局。與其相信命中註定、緣分云云，可能更重要嘅係，願意聽下自己個心諗咩，隨心去愛，先唔會留下一堆不必要嘅不甘。就算最後真係差咗啲「時機」，我都唔會後悔，因為愛情入面最遺憾唔係愛而不得，而係錯過。
.
#你知唔知咩係登登登登登登登 #就係onlyu #cantakeme取西經 #onlyu #能殺妖精鬼怪 #只要要有仁慈嘅心 #就唔再係妖 #係人妖 #情侶 #愛 #愛情 #語錄 #拍拖 #香港 #搞笑 #西遊記 #電影 #周星馳 #經典 #仙履奇緣
.
即like @港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

（2020520特選）
《仙履奇緣》入面三次嘅「我愛你」
—
「曾經有一份至真嘅愛情擺喺我面前，我冇珍惜。到冇咗嘅時候，先至後悔莫及。塵世間最痛苦，莫過於此。如果個天可以俾個機會我返轉頭嘅話，我會同個女仔講三個字：我愛你。如果係都要喺呢份愛加上一個期限，我希望係一萬年。」— 至尊寶
—
我愛你，
可以係一句零成本嘅空話，
可以係一個切切實實嘅行為，
亦可以係一個無言嘅遺憾。
—
　　喺《西遊記大結局之仙履奇緣》入面，飾演至尊寶嘅周星馳同演紫霞嘅朱茵講咗三次銘心刻骨嘅「我愛你」，三句說話，同樣嘅三個字，語境、感情各有不同。
—
　　第一次係當紫霞仙子知道咗至尊寶要娶牛魔王個妹香香為妻嘅時候，至尊寶為咗唔比紫霞一劍殺死，可以番去搵自己嘅老婆白晶晶，所以就向對方講咗呢個大話，所謂「我愛你」，只係為咗甩身，只係衝口而出嘅一句功利謊言。
—
　　第二次係紫霞仙子被牛魔王迫婚，而至尊寶亦被春三十娘殺死，男方發現原來紫霞喺自己個心入面留下咗一滴眼淚嘅時候。至尊寶終於發現愛原來唔一定有原因，唔一定講條件，可以純粹係宿命，係一種無以名狀感受。正如至尊寶永遠都會唔明點解自己腳板會有三粒星，唔會明點解喺佢昏迷嘅時候，會嗌咗紫霞784次。所以至尊寶決定戴上金剛圈，化身成為孫悟空去救自己一生所愛嘅人。所謂「我愛你」，係傾盡全力，去見所愛嘅人一面。
—
　　第三次講「我愛你」，係紫霞死咗嘅五百年之後。夕陽武士同姣好嘅姑娘企喺城牆之上對峙，雙方愛理不理，一段大好姻緣就快破裂。喺呢一刻孫悟空就上咗夕陽武士嘅身，深情擁吻，對轉世嘅紫霞講咗句「我愛你」。所謂「我愛你」，此情可待成追憶，可惜當時已惘然。
—
　　蘇軾曾經講過「詩酒趁年華」，愛並唔應該只係放喺心入面，並唔應該等一切都過咗去先去懷念，當芳華正茂之際，已經要開始珍惜。襯住今日，不妨同自己所愛嘅人，講一聲「我愛你」。

（520精選浪漫愛情電影）
《西遊記大結局之仙履奇緣》
「三次我愛你」
—
「曾經有一份至真嘅愛情擺喺我面前，我冇珍惜。到冇咗嘅時候，先至後悔莫及。塵世間最痛苦，莫過於此。如果個天可以俾個機會我返轉頭嘅話，我會同個女仔講三個字：我愛你。如果係都要喺呢份愛加上一個期限，我希望係一萬年。」—— 至尊寶
—
「我愛你」，係好易講出口嘅三個字，
但曾經滄海難為水，要真正做到，好難。
—
　　喺套戲入面，至尊寶同紫霞仙子講咗三次銘心刻骨嘅「我愛你」。第一次係當紫霞仙子知道咗至尊寶要娶牛魔王個妹香香為妻嘅時候，至尊寶為咗倖免於紫霞奪命嘅一劍，可以返去搵自己嘅老婆白晶晶，所以向朱茵講咗呢個大話。
—
　　第二次係當紫霞仙子被牛魔王迫婚，至尊寶亦唔好彩咁被春三十娘殺死，佢發現原來紫霞喺自己心入面留低咗一滴眼淚嘅時候。
—
　　至尊寶終於發現，原來愛唔一定要有原因，唔一定可以解釋到，可以係宿命，係一種無以名狀嘅感受。正如佢唔明點解自己腳板會有三粒星，唔明點解喺佢昏迷嘅時候，會嗌咗紫霞個名784次咁多。所以至尊寶決定戴上金剛圈，化身成為孫悟空去救自己嘅一生所愛。
—
　　第三次講「我愛你」，係紫霞死咗嘅五百年之後。夕陽武士同姣好姑娘企喺城牆之上對峙，雙方愛理不理，一段大好姻緣快將破裂，睇到人咬牙切齒。喺呢一刻，轉生成為咗孫悟空嘅至尊寶，上咗夕陽武士嘅身，同姑娘深情擁吻，對轉世嘅紫霞講咗句「我愛你」。
—
　　呢三次「我愛你」，一次係離譜嘅大話，一次係自言自語，到最後一次先係真真正正同對方講嘅真心話。人總要喺失去嘅時候先至識後悔，先至明白珍惜嘅重要，至尊寶為咗「愛」，所以「不愛」，從而去彰顯最偉大嘅「愛」。五百年後投胎轉世，佢做到嘅只係上夕陽武士嘅身，巧施小技，令兩個轉世嘅人得以相愛，還呢五百年一個奇蹟。至尊寶由欺騙感情，到了解感情，再到放開對感情嘅執著，最後瀟灑轉身，頭也不回。犧牲自己，成就大愛，終幕嘅金剛圈無再收緊，證明係至尊寶已經看破紅塵。係狗，係怪物？仲緊要咩？
—
　　至尊寶因為對紫霞仙子嘅愛而踏上取西經之路，令我諗起中唐詩人元稹《離思五首》之四嘅最後一句：「半緣修道半緣君」，人之所以會成為今日嘅自己，一半係因為志向，而另一半就係因為佢所珍重嘅嗰個人。有情、無情、風流、下流，每個人嘅背後，都有自己銘心刻骨嘅故事。