免費廣告系列,葵廣驚喜burger !!!
演出踏入最後一個星期,基本上日日都係喺葵涌廣場搵嘢食,當冬,淨係食良心店啦,三星期都未食得哂,今日就試Hong Kong burger
問呀仔第一次嚟食食乜嘢好?佢介紹招牌手打burger,塊漢堡扒非常Juice時,中間口口嘅菠蘿味道完全夾到爆裂,食落去好清新好好味!我見到有好多芫荽burger,搵日要試埋
我食咗另外一個burger,係炸蠔漢堡,CLS,好味到爆,超級驚喜,開頭以為咬落去會水汪汪,完全無,咬落香甜又唔腥,kawaiiii 呢!
Finger food 炸芝士條同炸魷魚都好超級好食!
小插曲,行電梯嘅時候見到有個兄弟拎住好多筒棉花糖,我伸個頭埋去睇,好痴漢咁,佢擰轉頭望住我,我以為佢想打柒我,原來佢話我送一桶俾你食吖^_^多謝你呀,原來係CBD棉花糖,頭先演出完,我哋大家都分享左,完成一個咁高壓力嘅演出,而且最後心情咁沉重,cbd 係一個健康嘅好選擇!都唔知你間舖頭去邊添,如果你見到留言可唔可以話俾我聽啊?衷心多謝你嘅窩心小禮物!
I really ho L love Hong Kong ah
#最後三日一定要食晒想食嘅好嘢
#葵廣美食
#良心小店
同時也有2部Youtube影片,追蹤數超過19萬的網紅mansonovo,也在其Youtube影片中提到,機場包車資料: http://www.egobus.com/ 酒店資料: https://abnb.me/2JjjXDbJnW 支付寶資料: https://www.tochange.com.hk/#/ 期待已久一連兩集既「肥團上海遊」影片終於到上映了 要大家久等咁耐真係唔好意思! 因為今次呢系列...
「最後三日一定要食晒想食嘅好嘢」的推薦目錄:
- 關於最後三日一定要食晒想食嘅好嘢 在 Facebook 的最佳解答
- 關於最後三日一定要食晒想食嘅好嘢 在 mansonovo Youtube 的最佳解答
- 關於最後三日一定要食晒想食嘅好嘢 在 飲食男女 Youtube 的最佳解答
- 關於最後三日一定要食晒想食嘅好嘢 在 最後24小時的全水斷食究竟可以支持多36小時嗎這幾天除了大家的 ... 的評價
- 關於最後三日一定要食晒想食嘅好嘢 在 周杰倫Jay Chou【給我一首歌的時間Give me the time of a ... 的評價
- 關於最後三日一定要食晒想食嘅好嘢 在 #MM|Netflix片頭音效花足一年時間考慮最後靠一個10歲女仔 ... 的評價
最後三日一定要食晒想食嘅好嘢 在 mansonovo Youtube 的最佳解答
機場包車資料:
http://www.egobus.com/
酒店資料:
https://abnb.me/2JjjXDbJnW
支付寶資料:
https://www.tochange.com.hk/#/
期待已久一連兩集既「肥團上海遊」影片終於到上映了
要大家久等咁耐真係唔好意思!
因為今次呢系列嘅影片發多咗時間製作
希望可以大家睇影片開心之餘亦都可以幫助計劃行程
今次係肥團第一次嚟到上海旅行
去嘅地方當然係會係上海必去嘅景點朝聖下
第一站嚟到豫園商城上海景點之一,呢個地點圍繞着嘅都係一啲古舊裝修嘅建築,而且裏面充滿商店同小食,睇呢個地方絕對可以逗留到半天
南翔饅頭店係一間上海十分出名嘅店舖,價錢上面絕對唔係十分之廉宜,但係佢嘅蟹粉湯包的而且確真係可以值得一試,但係至於佢嘅小籠包就普普通通啦!
食飽之後就出附近幾個景點就係上海外灘,呢個地方基本上每一個黎上海嘅遊客都一定會去,感覺就好似我哋香港維多利亞港一樣,而且仲可以遠距離觀賞明珠塔,周圍仲有一啲補領發晒光嘅英式建築物,影相打卡絕對冇難度!
喺上海一般嘅火鍋店或者晚餐大部份都係11點關門,所以我哋就喺大眾點評度搵到呢一間「重慶高老九火鍋」呢間火鍋店佢最出名嘅就係食佢嘅麻辣湯底,其他湯底唔係唔好食比較正常啲,如果自認自己食得辣嘅朋友真係不妨一試!
第二日就去上海另一個出名景點「上海影視樂園」呢個地方去嘅車程都大約要一個鐘左右,你問我我就唔太建議大家去啦,因為裏面只係一啲懷舊嘅古裝街,如果你好愛影相打卡嘅人先好考慮,如果唔係睇我呢一段影片就當自己去咗啦!
睇完景點當然梗係要食下上海最出名嘅唔同小籠包同生煎包啦,「小楊生煎」,「佳家湯包」「大壺春」呢三間店舖都有好多唔同分店,我哋就冇特登計劃去總店度食,相信味道都差不多只係爭一份懷舊感,「小楊生煎」相比底下CP值極高,價錢唔貴而且佢嘅生煎包做得十分之好,的確係你到上海要品嚐給一間店舖,但係講到小籠包界嘅一哥「佳家湯包」果然真係名不虛傳,實在太令人難忘,不過價錢上面就唔係話真係十分之優惠啦,不過嚟到上海你點都會品嚐!
最後晚餐方便我就搵咗一間地道小店「蟹黃魚」,呢一間店舖最出名嘅就係食蟹黃麵,相信大家瓶片都會感覺到食物嘅香味,雖然佢嘅蟹黃味道唔係特別出眾,但係我覺得佢嘅價錢再加上佢嘅味道我覺得值得一試,始終喺上海食特別唔同啲!
希望今集上海旅行影片可以幫到大家計劃你哋嘅行程,又或者可以啟發到更加多想去上海,但係同我一樣一直都唔敢踏出呢一步嘅觀眾,雖然上海未必係好好玩,但係快閃三日的而且確唔錯嘅,今次嘅影片多咗啲資訊性嘅嘢同埋價錢,希望真係方便到大家,睇完呢一段影片有啲咩感受不妨留言話俾我知,如無意外應該聽日/後日會出埋第二集,我哋第二集同樣時間再見?
歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?ref=share&v=r7BBiWjFVXc
◎Instagram: Iam.manson
◎Eamil:manson_yee@yahoo.com.hk
◎Facebook Page: https://m.facebook.com/Iammanson-1463381420592597/
最後三日一定要食晒想食嘅好嘢 在 飲食男女 Youtube 的最佳解答
一聲鳥鳴,劃破長空。
拍翅下,見三圍六村環抱出屏山一貌。蜿蜒着的屏山文物徑,古木蒼翠,偶爾幾幢青磚土瓦明清建築老房子,石牆上的斑駁,在無聲歲月中落地生根,盤踞在石縫磚隙中,一身老氣,對照出旁邊高聳的新型村屋,卻又顯得特別驕矜。
那是一千年以前的事兒。渺渺時空,茫茫人海,都從中原南下,先在江西再往廣東後遷居於此,得豐盛水土,自稱「客家」,勤儉刻苦,莫失莫忘,且保留了中原古韻。
天真地以為能攀星摘月的七層古塔「聚星樓」,某年風災後只剩下三層,靜默地立在原地。古雅風流倒映在地下出現的一口古井,那一汪清澈冰涼的水中育有搖頭擺尾色彩斑斕的錦鯉,只是架在井面的鐵柵欄狠狠地破壞了錦鯉圖的美感。曾有不少文人進士,寒窗苦讀浪漫軼事的覲廷書室,門前一對蒼勁有力的端莊黑字「德澤流芳、祟山毓秀」,仍舊雋刻在硃砂紅木上,以書香墨魂冷眼河山變改、戰火無情和世事更易,正是千古江山,英雄無覓。
尋常巷陌中,那株開得姹紫嫣紅的簕杜鵑,一樹紫紅放肆任性的開在三層高的村屋前,然而再矚目也不及寫着「屏山盆菜」的大字招牌。
惜舊。一碟一碗皆有情
招牌底下昏黃的舊店裏,一時被兩邊一列長架上堆放着過千的碗碟所震懾,罎罐碗碟、沙煲罌罉,銅皮木製陶瓷,公雞、萬壽無疆、蟠龍翻雲、清花等花紋,有些是民國,甚至清朝時候製的,全是舊食具,也有盆菜、九大簋古盛器。短毛頭圓臉兒的店主鄧聯興(聯哥),伸手把器笑謂:「全部都係呢條村好多家村屋拆嗰陣時丟嘅,我唔保留就冇㗎啦!」
聯哥是這盆菜店第三代傳人,也是屏山鄧氏的後人。隨時代變遷,圍村生活一點一滴改變了,舊東西正在消失中,他很想保留這裏的一事一物。碗碟叢中,電話猛烈又急促地響起,幾乎是從早到晚響不停,原來不少識途老馬惠顧過他,從此愛上那獨有的圍村客家風味,每年如燕歸來,都會在喜慶時節訂盆菜、九大簋。他拿起電話對客說︰「冇送貨㗎!對唔住!」
一般盆菜店為增生意,多設外送。聯哥寧願賺少些錢,卻堅持傳統,規定只可在鋪吃,或可訂在祠堂內的大地堂吃。「盆菜、九大簋屬於我哋圍村宴席菜,外送拎出去市區食,完全唔夾!要喺我哋條村食,咁先有風味!」他竭力保衛不單是一個失傳飲食,還有它的良美附景──
這天,就有村民大排筵席吃九大簋。「我有盆菜同九大簋,但九大簋佔咗生意嘅七八成。九大簋出面少做,係我至有!」聯哥、兒子Jeff、大廚及四五個女工,早在各有各活兒在忙,有的在巨型鑊前炒呀炒;有的將各款食物舀進銻盆,包上保溫錫紙;有的張羅執拾餐具和食物搬上貨車。眾人浩浩蕩蕩乘着車沿鄉村小路,直抵盛宴氛圍。
顯赫。祠堂寶地見昌盛
「九大簋,傳統喺祠堂食!」
頂着七百多年的歷史,鄧氏宗祠的雕樑畫棟,青磚紅瓦,在風霜刀劍下,仍汨汨細流着官宦世家一時的顯赫,鄧氏後人在此祭祖、慶祝節日喜事、父老子孫聚會等,無法撼動的熱鬧場面,記載着族人的昌盛,如一樹繁花。
繁花散落處,是這個過萬呎的大地堂前,擺好的二十多圍筵席,喜氣不言而喻。「通常我哋村民結婚、BB滿月、舊時新居入伙,同埋點丁燈,先會擺九大簋。傳統一圍枱人係雙數,所以要坐八仙枱。」八仙枱其實是四方枱,坐八個人,後期改為圓枱,人數再沒有規定。
開席了!祠堂門前的一根火苗,燃點藥引,數十萬台的紅衣鞭炮就措手不及在耳邊炸開,硝火及散開的紅衣頓時在空氣中飄飄而下,驚惶的心被期待開餐的興奮掩蓋。「喺祠堂擺酒近村屋,祠堂門前燒炮杖,村兄弟聽到炮杖聲,就知道開餐,走嚟食。」
上菜講次序,先來的是湯,其他出場不分先後,離不開雞鴨豬手冬菇……中間上子薑菠蘿,消滯去膩,最後才是小盆菜。「食到咁上下,主人家會逐枱敬酒,都係最長輩嗰個行先,譬如結婚,就由老爺奶奶率領。」
鄉情。添飯加菜作叮嚀
吃九大簋,味道其外,碗碗藏鄉情,像添菜,「主人家客氣啲,客人嚟到好似唔夠食,覺得唔好,會抽個裝食物嘅桶,譬如冬菇豬肉,睇吓邊啲唔夠,逐圍添加。」如有吃剩的菜,也會送給朋友親戚,充分如俗語說「又食又拎」般慷慨豪情。其他沒有請來的,主人家都會分給同巷,或隔離巷的鄉里,這份鄉土人情在城市裏,真正少見。
舊日請喜酒,取好事成雙,連餸菜也呈雙數,如「四簋」、「八簋」,但客家人認為九大簋的「九」與「久」同音,有長長久久之意頭,才有九缽。其實九大簋還有一款飯,加起來共十款,就是飯菜齊備,十全十美,人生的圓滿就捧在一手間,見證於觥籌交錯中。「以前唔係咁富有嘅,請食盆菜已經好好。係富貴人家,捨得使,先請九大簋,請最好嘅俾人食!」
昔時九大簋食材貴重,主人家一頓飯宴,揮擲千金萬丈豪氣。聯哥自小就見識有錢人排場,筵開百席是閒事,設流水席,大宴群親好友吃足三天三夜不足為奇,相比今天這樣的場面,當年盛況,由衷地帶點悲壯。
一碗。百菜百味筵席盛
「九大簋矜貴在每一樣餸都係獨立,唔似盆菜嘅食物混埋一齊,一菜一碗,比盆菜好食。」
簋,在古代是貴族放食物的器皿。他們客家人吃九大簋就用九個大簋放食物,後來簋經過演變,叫兩杉四缽。「杉,係大碟。缽,即係大湯碗。用碟同碗將餸分開嚟裝,唔好撈埋一齊。」
現時九大簋已全然以碗盛載,還因應時節調校不同菜式來宴客。「天冷天熱唔同,天熱煮清啲嘅好似梅子鴨,天冷煮南乳鴨,就濃啲。」口味的轉換,使人不易生厭。菜式獨立,百菜百味,使味蕾每次都有新衝擊,吃出其中的風味,這才是九大簋精緻之處。
近年在香港,大時大節吃盆菜愈演愈烈,愈趨普遍,但對吃九大簋,大眾多聞所未聞。
「做九大簋好少人識。譬如我同村都曾經有人做過,味道唔得,冇咗啦!美心啲大廚都嚟試食過,跟足啲餸推出,出晒報紙、電視,最後都係冇做。你唔係我哋圍村人,又唔係好似我做咗咁耐,係做唔到嗰種味!」聯哥帶點自豪說。
客家人靠山吃山,靠水吃水。九大簋菜式在不同村或會有差異,主要視乎村內有甚麼食材便用甚麼,如村有魚塘,便有淡水魚。或者宴席主人家的要求,捨得出錢的,便有山珍海錯。聯哥則身為屏山鄧族,傾盡識才,續承庥美。「我由細到大喺條村嘅九大簋大多都係呢九款,陳皮鴨湯、了酸豬手、黃酒雞、南乳鴨、炸門鱔、雞汁燴花菇、魚肉丸、子薑菠蘿、小盆菜,加埋雞鴨飯,總共十款。」
獨特。自家佳餚自家味
做九大簋,逐樣做,炆、炸、煮、燉、燴、滷、醃樣樣齊,比起盆菜,工夫多,利錢低,但聯哥廿多年來,仍恪遵一份客家人特色。其他人依循抄襲,卻做不到同樣的美味。他的九大簋味味是精品,首重用料精。「我哋嘅炆豬肉同了酸豬手,係用每朝劏嘅新鮮豬。」連炸門鱔都是新鮮即日捕,門鱔來價貴,外面會用較平宜的炸芋頭、炸花枝丸代替。「圍頭客家近海,舊時喺大埔東嘅海面有好多門鱔魚,所以我哋嘅九大簋一定有門鱔。」
再者,聯哥是元朗原居民,魚販和豬農必然將新鮮門鱔及本地新鮮豬先預留給他。而且坊間沒有多少人做九大簋,要煮出真正味道,他須用圍村傳統的獨有調味。「炆豬肉嘅麵豉醬,係用黃豆加麵粉自己整;黃酒雞嘅黃酒,用糯米同酒餅自己釀;子薑菠蘿嘅子薑,每年六七月啱時候用醋嚟醃,味道先正宗。」調味可說是做九大簋的靈魂,更重要還有手藝。
「煮九大簋,主角係做小盆菜嘅炆豬肉,豬肉炆得好,啲汁滲到入盆底嘅蘿蔔、豬皮同枝竹,成個盆菜都好味。」
他選腩肉和前胛,斬了件,燒熱巨鑊,下油,加入豬肉、香料、糖,之後加水。大灶火力猛,豬肉容易黐底,所以要揸起大鑊鏟不停攪動。一鑊豬肉,炆上一小時,來來回回翻廿多次。要懂得用力,不須太大力,順着力去剷。豬肉炒到六、七成熟,才下麵豉醬和南乳,既不黐底,醬料香味發揮得最好。他還有秘技,就是炆好的豬肉,不要趕着吃,攤放兩至三小時,更臻入味。
眾望所歸的炆豬肉,樣子紅彤彤,乾淨利落,不見有油水蔓延,鬆軟不油膩,吃時展露山賊氣質一口吃掉,入口的瞬間,豬皮帶點嚼勁,豬油與醬汁完美的邂逅,令嘴角上揚的味道,毋須言語,就有口水直流的魔性!
宗親。人人為我厚恩情
這無法停口的炆豬肉,手法技藝是傳承自聯哥父親,也是他人生的第一個大恩人。他父親以前在村裏務農,懂煮幾味撚手家鄉菜。遇有同村喜事要煮盆菜或九大簋,就會叫他來幫手。
「老竇完全係義務,永無托手踭,每次做完喜事,封番封利是仔,小小心意!唔會賺到錢。大家同村,你幫我、我幫你,人情味好好﹗」聯哥憶述說。聯哥十一歲起,就跟父親到祠堂煮九大簋,他充當小幫手,切菜起爐生火等。「我好鍾意做呢樣嘢,有得玩又有得食!」而父親負責掌勺,他看得多,慢慢學會了煮筵席菜。酒菜圍繞,鄉親為屏,長年累月浸淫在筵席的氣氛中,團聚的熱鬧、鄉里的恭親,種下對老鄉土深微綿邈的感情來。
九五年,其父因年邁而退休。「成條村都冇人做,我唔接手做,九大簋就會失傳!」他惟有繼承父親的衣缽,把手藝延續下去,也保留了當時碩果僅存的盆菜和九大簋。
「老竇係業餘,搵唔到食。我要開鋪,煮九大簋嚟做生意。」起初他的字號寂寂無名,三日打魚,兩日曬網,大拍烏蠅。同村的人知道他的難處,也念起他兩父子經常為村出心出力,都不時帶朋友回村,藉詞宴客,特意叫聯哥煮九大簋,讓他有生意可做。甚至容許他在富濃烈圍村色彩的祠堂擺席。
「最感激係同宗兄弟鄧達智,市區人先至認識我。」九五、九六年時著名時裝設計師鄧達智與傳媒、文化界,在圍村吃過聯哥煮的盆菜宴後,經過報道,盆菜開始廣受大眾認識,聯哥越見名氣,即使沒賣廣告,生意大旺。連明星周潤發、甄子丹、郭富城,政界唐英年、葉澍堃等名人都是常客。
人情,就是人人為我,我為人人,交心而生。「老竇教我,對鄉親要好,因為同村都係兄弟,自家人,有力出力,有心出心。」他對父親的教誨,仍刻記在心。像是每年清明拜山祭祖,他一切都以村事為先,年年為此都推卻不少大宗的九大簋生意,也幫族人煮山頭。只要村裏要他幫手,他從來都是義不容辭。
每朝六七點,天邊方呈魚肚白,沉睡的鄉村,巷弄後小門半掩,漆黑中廚房亮着一團燈光,冒出縷縷煙霧,傳出咔嚓咔嚓聲響。一個肥圓身影,汗涔涔地已提起鑊鏟,鏟挖着鑊中豬肉,繁忙的氣力活早就展開了。聯哥臉上仍含笑說︰「我幾乎日日都咁早,一直做到晚上六七點,十二三個鐘㗎!但一啲都唔辛苦!」
他奮力以煙火、菜甜、肉香,留住屬於圍村風味的九大簋,以食物的味道譜寫宗族和鄉村人情的記憶,透過節日、慶典,寄語一代又一代人的祝福,不忘祖、不忘根,如一根無形的絲線,把人與人拉近了。
撰文:孟惠良
攝影:陳秉謙、魯雋華
屏山傳統盆菜
地址:元朗屏山塘坊村36號(屏山文物徑路口)
電話:2617 8000
營業時間:11am-9pm
詳情: http://bit.ly/2UxOwEC
立即免費下載《飲食男女》App: http://onelink.to/etwapp
《飲食男女》網站: http://etw.hk
新店食評,名家食譜,一App睇晒!
立即免費下載飲食男女App: http://onelink.to/etwapp
即like《飲食男女》Facebook:http://www.facebook.com/eatandtravel
飲食男女網站:http://etw.hk
即刻Follow我哋Instagram,睇更多靚片靚相!
http://goo.gl/KwjNOE (@eat_travel_weekly)
最後三日一定要食晒想食嘅好嘢 在 周杰倫Jay Chou【給我一首歌的時間Give me the time of a ... 的推薦與評價
給我一首歌的時間詞: 周杰倫曲: 周杰倫iTunes: https://itunes.apple.com/tw/album/gei-wo-yi-shou-ge-de-shi-jian/id536016479?i=536016481「能不能 ... ... <看更多>
最後三日一定要食晒想食嘅好嘢 在 #MM|Netflix片頭音效花足一年時間考慮最後靠一個10歲女仔 ... 的推薦與評價
MM #牌子嘢// Netflix進軍逾190個國家人人見到嘅圖片都唔一樣原因同大數據有關? ... Netflix深知要有更多訂戶一定要衝出美國,所以二十多... ... <看更多>
最後三日一定要食晒想食嘅好嘢 在 最後24小時的全水斷食究竟可以支持多36小時嗎這幾天除了大家的 ... 的推薦與評價
有冇整燒都燒唔溶嘅朱古力畀女朋友食? बिहीवारको दिन रिपोर्ट गर्नुहोस्. Masterman Kitchen, ... ... <看更多>