看動漫學素食【 #食戟之靈 - 城一郎特製拉麵🍜 】
最鍾意一邊食飯嘅時候一邊睇食戟之靈！漫畫入面嘅食物好似特別好味咁～
有睇過嘅人都知道，主角個阿爸城一郎先係全套劇最完美嘅男人
人稱 修羅 嘅佢，係全日本甚至全世界首屈一指嘅廚師
佢唔追求名利，突然從頂峰消失，走去遊歷世界，嗚啊真心好型～～～
（好啦返返主題先）
城一郎整嘅特製拉麵係 #純素 #Vegan 無肉無蛋奶，見到都流曬口水～
特別採用左 #天貝 #Tempeh ，一種源自印尼嘅高蛋白質食品（天貝可以好多做法，煎/ 炸/ 煮/ 厚薄切 都好好味！）
最感動係當佢講：「使用動物性的食材自然是很簡單，但是不用魚和肉的濃郁拉麵，這樣才更加有意思吧！」（👰求你比我嫁比你啦～～）
廚師就是食材上的藝術家，不會滿足於現狀，為左做「有意思的」菜式不斷挑戰自己；
更犀利嘅廚師會以人為本，會考慮到食用者嘅身體狀況、文化、宗教，而做出不犧牲味道同口感嘅食物。
小編食左素之後，比以前更加珍惜食物。
每當食到好好味嘅嘢，會比以前感動萬倍 - 因為我明白呢位廚師一定係行左比其他廚師更遠嘅路，至達到呢個境界。
我深信沒有難食嘅食物，只有肯/唔肯花功力同心思嘅廚師。
希望香港呢個飲食天堂 會有更多不安於現狀嘅廚師！
#會煮嘢食嘅男人真係好吸引
#一色慧我都好鍾意 #會煮餸又會種菜的男人嗚啊
Video source: ViuTV
