關於 有半價真係抵上抵 ，我們在網路上蒐集到這些相關的討論、資訊與評價

【超值半價嘆中環新派中菜點心】
放假屋企人約去飲茶
又用apps的半價優惠啦～✌🏻😎

新派得意造型點心或中菜一向偏貴
尤其響中環區飲茶
價錢有番咁上下

用左半價優惠呢
就可以唔洗點睇價錢
可以盡情點盡情食😁😁

點心有可愛的鮮蝦金魚餃、天鵝酥、刺蝟奶黃包、老鼠仔
可愛又好味
原價每籠$48-$68
半價左就同普通酒樓食點心差不多價錢啦

特別欣賞小菜
勁多選擇又吸引
炸妙齡乳鴿半價後都係$34/隻咋
仲有蜂蜜柚子蝦球都好好味(半價後$44）
厚切叉燒皇半價後$44
其他美食可以逐張相睇啦😙

一行五人
叫左16個點心及小菜
大大滿足
計埋原價加一及茶錢
埋單$717
每人平均$140多d咋
慳左$500幾蚊
真係超級抵食

點樣先有半價呢？
1. 下載eatigo apps
2. 星期一至日2:30pm 或5:30pm都有50% off (最抵)
(不同時段都有不同折扣優惠)
3. 拿枱時出示個確認電郵就可享優惠啦
4. 所有單點美食都有半價，飲品除外
5. 限時1.5小時，上菜好快，絕對夠時間食

#非廣告純分享
#抵食又食過好既先推介俾大家
#環境摩登歎個靚茶至爽
#之前食過佢另一間分店兩次質素都唔錯
#有半價真係抵上抵
————
名館 Ming Bistro
中環擺花街1-7號1號廣場1樓

【勁超值推介：early bird上環半價食高質西餐】
呢排一有時間，又發揮我既搵食小宇宙💡，狂搵平價高質餐廳。

我搵餐廳係睇超多資料架～一睇就睇幾個鐘，遂張相逐個website/apps去睇及比較，連價錢及menu都要上官網及FB double check, 所以搵好野食係要花好多功夫架，唔會咁容易一按掣就有又好食又抵食既資料。我係好重視尋覓過程中的樂趣，最緊要親自試過，又可以證明自己的眼光得唔得😎，呢個滿足感反而更大～所以我係好enjoy搵食既😌

今晚又同家人出動覓食～呢個真係非介紹不可，係又好食又勁抵。

環境優雅，周年紀念/生日飯都好岩，所有美食質量好好，份量足料又好好味，最開心係因為食早d，散叫a la carte全部半價，而且少人d坐得又舒服，早食唔怕肥，有好多著數架

8個人食左11樣美食，樣樣都正👍🏻👍🏻
1. Pizza 叫左三個(半價後約$80-$90 each)
特別推介海鮮至尊及煙三文魚Pizza, 前者海鮮好多，有蜆仔好得意，後者用料足，每件都有smoked salmon, 好正😋 Pizza 有18款選擇～有open kitchen 即整～唔錯

2. 炭燒安格斯扒10安士 (半價後$150）
扒充滿炭燒香，烤得剛好(太好味一掃而空，影唔切粉紅嫩肉相😂）配粗切黑松露薯條，太好味！

3. 小食拼盤 (半價後$114）
有烤帶子、炸魷魚圈、炸雞、Parma ham、蝦仁，質量好高～成班朋友分享最岩

4. Dessert platter (半價後$94）
最想食呢個，擺盤勁靚! 有pear and chocolate crumble , key lime pie, mild chocolate tart with ice cream, 食完真係好開心！

5. 燒香草春雞 (半價後$94)
4大件肉厚烤得好香，仲有香滑薯蓉及邊豆做伴菜

仲有好多美食，自己睇相啦😙最後8人狂食，11個菜式，3枝啤酒、1杯cocktail, 加埋一每人都係$160，慳左$900幾蚊，超抵食呀😱😱😱😱其實呢個質素正價食都覺得抵，有半價真係抵上抵😆😆

點先有半價優惠呢，等我教大家：
1. 晚餐booking time: 17:00-18:00（星期六、日都適用，限食1.5hrs)
如果夜d食優惠只得7折無咁著數架
2. 用eatigo book位
3. 所有a la Carte都有半價，set menu、drink & beer除外，另計正價10% service charge
4. 入座出示eatigo confirmation email 就有優惠啦～
備註：eatigo優惠都係海鮮價隨時變～記得捕住最抵優惠呀

精明消費後人係特別開心嘅，仲要食到啲好好味嘅晚餐，今晚帶隊個個都食到超滿意呀～～😁😁😁

#非廣告
#純粹太抵開心分享
#搵到抵野食女人係特別開心
#邊個想join我周圍吃喝玩樂😝
————
Cafe Deco Pizzeria
上環普仁街11號世銀花苑地下3-4店

食得花巧不如食得好
大家對CAFE既印像就係用黎HEA
食物一般都係好普通或者只係簡單小吃
其實,我地仲有好多人真係用心做食物既
只係大家比打卡文化影響左,唔再味道排第一
講到尾食物都係要好吃先係最重要
之前係荃灣食過一間CAFE,行到入工業區
人地晚市一樣爆曬場,就知道食物好先係皇道
佢地而家係旺角開左新分店!~~
今期仲有午市優惠,有水準又抵食
今期優惠,跟餐甜品第2件1蚊,第一件半價
點講都係著數,同埋唔會因為減價而縮水
都係比足標準份量上菜,夠老實!

主打意粉!今次試下溫泉蛋卡邦尼意粉 $98
另一碟叫左雙重芝士長通粉 $108
而家優惠包餐飲同櫻花濃蝦湯

先上濃湯,佢呢度既Soup真係幾好飲
有西餐廳水準,蝦味濃郁,十分鮮味,飲完不口乾
飲完好開胃,胃口打開,而且今日咁凍,好暖胃

長通粉掛滿芝士醬汁,有肉腸切片做配角
長通粉仍然好有彈性,醬汁特別濃香!!
佢地既意粉唔會煮到太淋身,係幾好食

溫泉蛋卡邦尼意粉 $98


意粉中間放左一隻溫泉蛋伴煙肉片同洋蔥
碟邊仲有少少芝士碎,將隻蛋中間開一刀
將蛋汁同意粉拌勻一起吃,味道特別濃郁
食起黎層次豐富,啖啖味濃令人相當滿足

食完主菜,叫左杯餐飲同咖啡休息一下先
坐一陣再落單食甜品

跟餐可追加甜品,第一客半價,第2客$1
唔好講笑,佢d甜品靚到可以單賣
有水準有賣相味道佳,而且價錢抵食!
最貴一款都係$38!



叫左個MK熱香餅同芝士蛋糕
即係$19+$1 就食到2款甜品!
擺盤真係好比心機!未食已經覺得好心情
柚子芝士蛋糕食到淡淡酸香清新柚子味
芝士同柚子既味道都好平衡!

熱香餅,層層夾上香蕉片再灑上糖漿
最後再上一球雪糕!同大量忌廉~賣相都靚!
將佢切半抹上忌廉同雪糕一齊食!好滿足~
https://www.facebook.com/RIMK-105860774677148/
旺角豉油街21號昌記大廈2樓B

又係我啦，今日同大家介紹一下，平絕香港既抵食情報
去到10月尾,呢間餐廳做緊優惠 半價可以食什扒餐$39一客,有牛,豬扒,煙肉,肉仔,雞翼,共5件肉
$20 吉列豬扒,每天限量50碟,仲要係鐵板上,超抵食,真係搵唔到比佢更便宜~更好吃~
仲有$24一個特大巨型手打漢堡!!(原價$48,而家半價)
咁我先講半價優惠既什扒餐
超抵之選,幾乎大家都會叫呢碟或$20吉列豬柳
可選醬汁,黑椒或洋蔥或蒜蓉汁,另加$18就有埋餐湯,粉或飯或薯條,包餐包,凍飲加$5
即係話$39+$18+$5 即係$62就有齊曬全餐,仲有甜品包埋,抵食到拍曬手掌
餐包跟牛油,夠鬆軟,但無加熱過,有D可惜~如果可以叮3-5秒熱返個包就完滿

上菜由店員即場淋埋醬汁,滋滋滋滋~~飛曬煙出黎
底層有水煮蔬菜伴碟加粗薯條,上面就係肉食,雞扒大大件,厚切
一隻炸雞翼,一條肉腸,一片煙肉,薄牛扒一片,賣相係十分豐富~~
醬汁校得好食,D肉質都唔錯,沒有死咸,牛椒似有調味,幾乎食唔曬~

每次黎既話我都好鐘意食牛柳,無特價都要照食,因為真係好好食
牛扒必須配黑椒汁,咁樣先係食港式鐵板既精髓~濃香帶微辣既黑椒醬汁~
經過鐵板熱力既加熱,香氣更加突出~薯條沾上埋黑椒汁食,連番茄汁都切慳返~
薯條香脆,撞上濃辣既醬汁,好食到忍唔住手~
牛柳足料,最少有250克左右,大大件~5成熟或七成熟,我自己就一般都係食5成咁先夠嫩滑
唔好睇佢冰室環境咁,呢塊牛柳真係好出色,切開粉嫩,咬開肉汁係噴出黎,非常鮮嫩味美

大過老麥既巨無霸,麵包有烘過,厚身大片既牛漢堡肉,有肉汁,鬆軟,加埋沙律菜同番茄片,三者結合既味道非常唔錯,另外最後食到尾仲有雪糕同JELLY一杯,唔錯~
但記得自己問阿姐拎,佢好多時都唔會主動送上甜品,我見有人無食到就埋單走左~
#港式鐵板 #鐵板餐 #手打漢堡 #手工漢堡 #和牛漢堡 #20蚊食鐵板 #港式風味
#HKBLOG #HKBLOGGER #HKFOOD #HKIGFOOD #肉肉強食 #肉肉強食by鋒膳 #鋒膳

00:00 開始
00:17 亞洲四大邪術
00:32 水泉澳大媽裸泳新聞
00:50 半夜行中環境安環境
01:07 我拍影片的工作
01:31 攻略1
01:47 什麼時候來中環驚安最佳時機
02:03 銅鑼灣及中環驚安熟食減價時間
02:33 攻略2
03:18 Halloween party用品
03:55 夫妻生活情趣
04:23 化妝品護膚品區環境及推介
05:45 熟食區環境及推介
06:13 攻略3
06:22 如何選購、最短時間找到適合品牌化妝品
07:13 攻略4
07:23 如何在驚安購物不迷路
08:00 有什麼日本藥物售賣及推介
09:06 攻略5
09:15 怎樣在驚安買便宜貨品
09:55 攻略6, 震撼價專區有什麼買
10:41 攻略7
11:44 有什麼在中環驚安最值得買
12:25 驚安獨有高級便當價錢
12:42 日本料理食材
12:52 家品區推介
13:28 攻略9，中環驚安最不值得買的東西
10:41 店舖裏面甜品推介，酒品專櫃
14:35 是咁的環節

#中環驚安之殿堂 #中環 #驚安之殿堂 #日本家品 #香港好去處 #必買推介

Hello大家好我叫阿Tsar,

星期三 15號中環開了間全港第一間地舖的驚安之殿堂

這裏是我主場, 因為由我家行下來好近,

我凌晨下來，在驚安行了兩個小時， 夜行街驚不驚?

你們有否見識過亞洲四大邪術呀?

就是泰國的變性術、韓國整容術、日本化妝術

還有最後一個你知否? 坐穩呀，細路

就是中國的P圖術, 問你怕未? 我就不驚啦

最近香港有單新聞,水泉澳有個大媽在水澗裸泳

驚嚇指數爆燈，何方妖孽? 本來無一物, 水泉澳樹下被發掘

當眾洗鮑魚不知核突,行過溪澗阿叔被嚇窒,

回頭是岸呀,師9!半夜行驚安超好行，

我可以慢慢拍攝，今集資料相當豐富，

可以為你們慳錢之餘，亦可以慳好多時間，

因為我今集會講行中環驚安的十大攻略

當然片尾亦有你們最喜愛的是咁的環節

一向以來，我影片由拍攝、剪接、敘事編排、

旁白、配音、字幕，全部都是我自己一腳踢，

有時在外國的影片我還會配英文字幕

希望你們體諒我的努力和苦心，

看完影片留個表情符號以示支持

幫我用whatsapp facebook分享出去, 功德無量

事不宜遲，快來看看今日的十大攻略, are u ready?

攻略1 , 由於每間驚安都是開24小時,

入來這間店舖的時間，如果你好像我

不怕遇到亞洲四大邪術，你當然可以半夜來啦，

但中環區半夜入來都有橋妙的，星期五、六半夜三點之前

都會好多人, 因為附近有好多酒吧

星期一至五，中環人要返工，朝早10至12點之前

或下午三至六點，中環人還未收工，都會少些人

我星期二晚去了銅鑼灣那間驚安之殿堂

問了員工，熟食便當幾點開始減價，

他們說夜晚十一點左右 ，中環這間我又問過，

夜晚十點左右, 但好短時間就會被人搶購一空，

你太夜下來又不新鮮呀， U Lum U (你諗你)

Weekend就全日都那麼多人, 入舖時間你要知，

買平嘢要費心思，精明消費慳銀紙，啲錢多到鋤大D

攻略2 : 如果你想好短時間，用最少彈藥，

找到自己最合適的貨品，我就跟大家解析這個地圖

這個店舖有兩層，分別是地面和地庫,

當你一入門口，左手面有條長樓梯落去地庫,

正門右面就是這間店舖獨有的高級和牛便當,

我一陣再詳細講，由於收銀處只會是地面的一層，

所以建議大家立刻先落樓梯shopping

行完地庫, 才再行返上地面, 然後附錢離開

地庫樓梯的一面，有成人區，這個我不介紹啦

你們這方面都是專家，拿博士學位程度，

畢業於福建大學 Foking University,

你們自己翻譯吧，樓梯的正面，

有好大個section賣cosplay服飾、頭飾和頭套

店裏亦有好多開party用品，

中環區這類產品需求高，因為有好多party animal

化妝假狗黐執鬚， 搞party勁High Yo Yo Yo!!!

我多年來Halloween都會落去蘭桂坊兜個圈，

參觀別人服裝扮鬼扮馬，

我經常想叫我好朋友阿成扮一種東西

硬是買不到那麼大的size，

搵個Dum Dum套落自己的頭上

其實都不一定要Halloween才買這些服飾呢

夫妻感情好與壞； 知情識趣先至乖

情侶或夫妻, 其實都要經常互相氹大家開心

你買這些服飾, 間中給對方一個驚喜,

譬如話你做人家男朋友/老公，

可以帶這個姣吞吞的頭箍，跟住全身赤裸，

煮返個撚手小菜給你的另一半 ，世事無絕對，

只有真情趣, 男人扮蟹氹條女 ，晚晚興奮治不舉

妝藥區，就位於隔離，好大個section，

有護膚品、好多不同養分的面膜，

hand cream，這隻防水有Q10 ，我有用它，

好快吸收 ，潤唇膏，唇紋太乾會暴露年紀；

男士個咀爆曬拆，血淋淋 ，好難有人想錫下去喎，

除非那位女士真的好愛你啦；落妝用品、

這隻是薏仁保濕化妝水，保濕滲透力高

改善皮膚幼紋、暗啞膚色，夠曬大碌，好抵用

化妝品有些可以即場試用、三分鐘礦物泥，

磨砂膏，有些除了可以磨面之外 ，

更可以磨背脊的瘡瘡 ，女士們背脊的肌膚都不能忽略

否則就面珠滑捋捋，背脊手慘慘就弊啦；

最慘摸落去那位，你男朋友或老公，

他都不想好似摸到榴槤那樣啦， 執執它吧；

這個酵素洗顏粉超級好，我一星期用一次呢

還有些開店優惠限定福袋，

和驚安獨家專有發售護膚品；

肌研維他命面膜 ，精選自日本的豆乳精華，

蘊含維他命H，配合神經醯胺 (Ceramide)，

深層保濕，滋潤肌膚，並有效防止水分流失

4重透明質酸，強勁保濕，能夠滲透入皮膚肌底，

這些天氣一定要做多些面膜，

一路行到最盡頭，熟食是超級推介，不過一早就售罄

熟食旁邊就是壽司和海鮮，海鮮是日本直送，

未經雪藏就由日本送過冰，超級新鮮的

旁邊就有蔬菜水果，亦都有少量電器，

廚房用具、震撼價區，上層多數是零食、酒類、

飲品、甜品、收銀處旁都有熟食便當

影片一路看落去我會詳細介紹

攻略3:由於這裏的化妝品實在太多種類

除非你有用開一隻牌子，這裏買好方便

否則如果你不知揀什麼好，就認住一些標明No1銷量

日本的COSME大賞，完全由消費者評選出來的，

好物排行榜，稱得上是日本美妝界，公信力和影響力

NO.1的年度榜單，換句話講，

每一件上榜產品都是日本消費者真實使用後選出的心水好物

日本有句說話: 一旦發現你公司賣假貨，政府會罰到你破產

如果罰你坐監，要坐到你死；所以日本人不冒這些險

況且，驚安這麼大間公司，亦有其信譽，

別處我就不敢包了， 因為不知貨源呢

所以如果你想試新產品，就要選銷量No1的品牌，

可以放心在這裏買；

花多眼亂睇到你暈，識揀梗係要揀N0.1

鬼咁多人要睇時辰，阿Tsar教路你唔會發Ti騰

攻略4: 雖然我剛剛解釋過這裏的地圖 ，

但由於貨品實在太多 ，你都分分鐘會迷路

來驚安購物， 你會發覺它有一個好大特色

就是每一個貨品種類的貨架上，都有一個POP手繪海報，

POP是「Point Of Purchase」的簡稱 ,

POP廣告形式可讓消費者增加購買意欲，

除了會清楚標明價格、折扣外，

POP亦會加入一些卡通人物和Eye-catching的標語。

大家shopping時最好岳高頭，看完POP有否你想要的貨品

才慢慢細心逐格睇, 有否你想要的產品

好像單單牙膏已經有幾十款品牌，

但醫藥品種類十分少，有少量的眼藥水

這隻荔枝牌子在日本好暢銷，消除紅筋及多種功能

還有醫治痱滋的口内軟膏、胃藥、我去日本旅行時

經常會去食串燒, 由於我好怕食物攤凍

所以我食得好快, 成日因此而胃痛,

我要經常在日本買胃藥，非常有效,

好短時間之內就可以止痛, 這裹都有發燒感冒藥

如果你不看頭上的POP, 分分鐘行過就算,

不會知它們什麼葫蘆賣什麼藥，

香港某間大型超市我已經拍過影片,

他們最近都開了多間日本零售部門在自己超市內

亦有用到POP這種銷售手法在超市裏面

你們有興趣可以看看，我放條link在留言置頂

不過大家的企業文化、顧客購買體驗亦不一樣，

不是你想抄就抄得到的，又有可能會做得更好

‘唔練過唔知邊個好， 消費者兩邊去尋寶

過江龍定係本土 ，賣平啲嗰個I love you so !!!’

攻略5 : 不知是否因為我最近連續拍了幾集影片

都是賣好平的日本貨，所以我發覺這裹價錢都不算好平

但如果你想買平物，就要留意下黃色的價錢牌，

寫明是low price，這些貨品肯定平過其他同類

有些價錢牌寫了折扣呵 ，有些化妝品面膜半價

LITS白色植物幹細胞美白面膜套裝護膚品，49%折扣

必定會執到平貨，又幫你慳荷包啦

我見到有facebook留言，有人問用$20可買到什麼

當然得啦，有些烏冬賣$8.8, 有些零食$9.8,

‘豐儉由人睇黃牌，慳咗錢你就最high

得閒落嚟行下街，戶口多過零，你咪問我Why? ’

攻略6: ［震撼價專區］，最平$1，有$3、$5、$10、

$15、 $20、$50，當中超過30件廚房小物、收納用品等，

$10有交易，比$12店更平， 當中有一套三件的保鮮盒、

密封袋、不同顏色的紙飲管一包，這個超可愛的環保袋$5,

旁邊有些款式更美但會貴些

放入微波爐的膠杯、最適合放在office飲湯用的,

一套兩個殼，最適合我前排買的泰式茶葉，有份量呵

細的是5ml, 大的是15ml, 另外一個5-50ml 的量杯

切蛋器、冰粒格、還有些$20 、$50的

攻略7： 由於地庫那層, 面積應該大過上面三倍,

更多貨品選購，但這裏冇電梯㗎，

所以你在地庫買東西時，要衡量自己能否攞上上一層，

如果會好重好辛苦，好多人會來買餸 ，

地庫這層最入的地方你就找對了

一般家庭所需的蔬菜、蛋、凍肉，

或是火鍋用的烤肉、牛及豚肉

都可以買到。它們亦有「日本森林雞」,

含有豐富維他命E，能防止細胞老化，

食落口有濃沃雞味, 另外亦有海鮮從大海撈起後，

沒有經過冷藏便直接運送至香港，由於未經急凍，

所以吃起來較原汁原味，也相對新鮮。

價錢亦十歷相宜 ，所以好早被搶購一空

是店內非常受歡迎的產品

’豬牛羊蛋菜淥火鍋，海鮮直送要encore

嗌齊老豆媽子同阿哥 ，驚安買餸唔怕打10號波‘

攻略8 ：有什麼最值得買呢 ？

.......

攻略9：最不值得買的物件

我認為這裹的電器，一來選擇少

二來沒什麼用，三價錢不平，有些好細size的氣炸鍋

我自己都經常用氣炸鍋，煮給自己一個人食

你看那麼細的氣炸鍋可以煮到什麼

這裏都有好多日本家居用品，由於我之前拍過2集

深水埗電子特賣城, 裏面都有這些類似的商品

價錢起碼平幾倍, 你們如果第一次看我的影片,

我放條link在留言置頂，你慢慢重溫,

會發現我介紹的地方買平好多

攻略10 ：店裏的甜品和酒品都非常多選擇

............

如果你們一心想來掃貨 ，建議你帶個大些的環保袋

希望我今集的資訊，幫到你們慳錢慳時間

不要那麼快走人喎，又來到是咁的環節啦，

....................................


成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。