【到底《#智齒》可以有幾好睇?】#到底可以有幾好睇系列
1. 事前有極大期望,冇諗過極大期望下,都仲好有驚喜,果種驚喜係令你睇到好激動!
2. 鄭保瑞拍完《西遊記》系列做咗十億導演後,都不忘拍返自己本色之作,感覺完全返返《狗咬狗》同《軍雞》嘅極致癲狂級數,某個角色設定亦令我諗起《熱血青年》——《熱血青年》個造型當年睇到有童年陰影
3. 一承鄭保瑞往作寫低下階層、悲到極致嘅套路,而今次呢種悲係悲到完全無處宣洩,最後一刻簡直沉重到流下滴眼淚。主題講贖罪講宿命,亦有少少似《殺破狼II》種味道,幾線最悲情人物互相緊扣連貫,睇到中段甚至幾有戲味
4. 成套戲用上黑白呈現並唔係整色整水搏攞獎,而係完全有劇情需要。主線講一班「垃圾」嘅生活,就係要用黑白先感受到果種絕望同亂局;同時正因為黑白,令光暗反差同細節位更有美感。雖然畫面太暴戾,但以暴力美學嚟講,隨便cap一格都係一件藝術品
5. 近年係有好多社會議題片,要拍到好似咁沉鬱絕望,真係鄭保瑞獨家件手好戲,你從冇諗過香港可以咁污糟咁不堪,簡直不堪到有少少超現實;但係咁嘅場景設定,又完全呼應到劇情所需,幾場動作場面喺後巷同垃圾堆入面打鬥,鏡頭調度功架堅嘆為觀止,用盡鏡頭去講故事
6. 香港表面係個五光十色城市,內裡可以幾不堪,無論係人與人嘅冷漠,甚至係執法部門嘅不公(今時今日有句咁樣對白形容某啲物種,在場觀眾一齊冷笑),鏡頭不斷呈現繁華同被遺忘嘅兩面,身處香港多年從冇諗過可以有呢種感覺
7. 正因為套戲延期得太耐,都保留咗好多香港已消失嘅風貌,再加上大量實地取景、去埋一堆你平時成日經過,但從來唔會行入去地方,睇果時好似眼睛去旅行咁,認識到香港被遺忘嘅另一面
8. 成套戲無論美術、剪接、燈光、剪接、音響,都係香港電影難得一見高水準,有時唔係下下話要挑戰大製作,先可以發揮到技術成績,呢類中小型製作一樣做得到
9. 劉雅瑟繼《麥路人》後再次超級悲情女上身,初則楚楚可憐,繼而歇斯底里,睇到你心痛都感覺到佢有幾痛,真係想攬住佢喊,金像獎最佳女主角最少點都要有個提名掛?值得一讚係池內博之戲份唔多、對白都唔多,一出場同樣超懾人!
10. 後半段個人覺得冗長咗啲啲、可以再剪得更緊湊,但無損成套戲可觀性,絕對係近年香港最重要電影之一,而呢類題材,相信此後為怕踩紅線,應該唔會再有人拍喇...
‼️電影網店全新貨品已上架,低至$5起,快啲嚟搶購啦:https://bit.ly/3qLPkpk
【Patreon加強版】尊享優惠、更多深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
同時也有13部Youtube影片,追蹤數超過1,080的網紅Yolanda媽媽世界,也在其Youtube影片中提到,Subscribe to Yolanda 媽媽世界: https://www.youtube.com/user/chiuyolanda?sub_confirmation=1 Follow Us: Yolanda’s Instagram: https://www.instagram.com/yoli...
有幾痛 在 晞。觀影記事 Facebook 的最佳貼文
【我終於睇到《漂流慾室》!】
當年未夠秤睇唔到,只係知「玩魚勾」玩到出神入化,都以為係一般嘅暴力色情片,大個後鍾意咗金基德作品,就知道唔係單純色情暴力咁簡單。一直都冇睇到,終於有機會大銀幕睇。
一個殺咗出女軌女友嘅男人去到釣魚場避難,原來果度都係一班麻甩佬洩慾天堂,場地負責人一邊為釣魚場服務,一邊都為釣魚客做另類「服務」,直至發現男主角與別不同。兩人愛上後,就發生咗一段好典型金基德式崎戀、累鬥累嘅關係。
事實上,套戲「玩魚勾」並冇想像中咁癲真係拍出嚟,全憑自己想像到底有幾痛,三級原因應該係場強姦同出軌戲更大膽。一如金基德其他作品,一切並冇直言咁講出嚟,女主角甚至成套戲除咗一聲慘叫,一句對白都冇(同後期《感官樂園》互相呼應),單靠眼神同男主角交流,但明明係場累鬥累嘅關係,兩個怕寂寞又唔敢走出困局嘅人,就喺一個隱世地方無所事事咁喺愛慾間徘徊,拍起嚟又幾浪漫,亦有夠夭心夭肺,亦有一貫金基德好癲嘅黑色幽默。
套戲雖然出名在「玩魚勾」,但同時個意象喺華語世界入面,都係男女之間「願者上釣」嘅關係,今日我吊你,你完全冇反應;難保他日到你愛上我,倒吊返我,可能係我吃不消。到底呢段關係係愛定慾,一段關係未到最後一刻,都唔知邊個釣緊邊個。將魚杆魚勾唔止用暴力咁呈現,咁樣嘅意象引發到嘅思考,都係睇金基德電影嘅一回享受。
值得一提係,套戲個畫面超靚,拍自然景色係金基德嘅強項。雖然成件事意識幾不良——最不安唔係玩魚勾,而係擺明虐待動物,但往往最暴烈情節,又可以喺一個咁平靜治癒畫面發生,去到幾年後《春去春又來》就拍到另一個境界。
‼️電影網店全新貨品已上架,低至$5起,快啲嚟搶購啦:https://bit.ly/3qLPkpk
【Patreon加強版】尊享優惠、更多深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://bit.ly/3a9wOzy
或使用Payme link:https://payme.hsbc/jackyhei
或透過Paypal捐款:paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
有幾痛 在 Goodbye HK, Hello UK Facebook 的最佳解答
奧運長途游泳賽原來係咁殘忍
尋日英國長途游泳選手Hector Pardoe參加男子10km游泳決賽,响最後一個圈被德國選手嘅手踭打到眼角, 泳鏡甩咗然後流咗好多血。因為無咗個泳鏡, 隻右眼被啲血遮住睇唔到嘢,佢當時以為自己盲咗,已經無理會上救護船就會即如退出,即時大嗌救命。結果只係爆咗眼角, 縫左幾針就無乜事。
唔睇呢單新聞都唔知,原來長途泳賽係咁危險,因為係响海上開放式圍圈比賽,係預咗選手之間會有身體接觸,賽制當中仲好似足球咁,有黃牌同紅牌(兩黃等如一紅就取消資格出場),即係暗示選手可以為爭位而推撞。
諗下細個唔多游得叻嗰時去公眾泳池, 被嗰啲黑色三角泳褲「奧運選手」阿叔同唔理人嘅「大青蛙」打中有幾痛,然後想象下現場全部都係奧運選手,手打或者腳踢一下都幾傷....Hector Pardoe驚連眼都打埋出黎唔係誇張。
"I couldn't see anything, I thought my eye had fallen out in the water."
#暴力係唔啱㗎
報導:
《ITV News》Team GB swimmer Hector Pardoe thought he 'lost an eye' in final lap of Olympic marathon swim
https://www.itv.com/news/wales/2021-08-05/team-gb-swimmer-thought-he-lost-an-eye-in-final-lap-of-marathon-swim
***************************************
📢乞食廣告:文字、時間與心血有價
🥣每日更新乞兒兜:
https://www.patreon.com/goodbyehkhellouk
***************************************
有幾痛 在 Yolanda媽媽世界 Youtube 的精選貼文
Subscribe to Yolanda 媽媽世界: https://www.youtube.com/user/chiuyolanda?sub_confirmation=1
Follow Us:
Yolanda’s Instagram: https://www.instagram.com/yoli.moli
Yolanda's Facebook: https://www.facebook.com/ycmkd
Meyo, Kylan & Daxon’s Instagram: https://www.instagram.com/meyo.kylan.daxon
Business Enquiries: chiuyolanda@gmail.com
有幾痛 在 Lamk hk Youtube 的最佳解答
2020-07-27
抽骨髓檢查
大家都話抽骨髓好痛,原來都係道聽途說
既然冇人答到我點痛法,就等試完我話你知有幾痛啦
____________________
Instagram [ lamk.hk ]
https://instagram.com/lamk.hk?igshid=15qhlh56oo3m0
Facebook [ 其實血癌都唔係咁可怕 ]
https://www.facebook.com/lamk.cancer.hk/
有幾痛 在 港。故 kongguhk Youtube 的最佳貼文
對於身體健全的人,坐着輪椅乘車外出是個難以想像的概念。而對於駕駛復康巴士的車長來說,每天的工作就是減少行動不便人士出行的煩惱。周車長是其中一位復康巴士車長,他形容工作時的自己「三心兩意」,保持同理心、愛心、細心,令服務使用者於每段旅程都感受到誠意和滿意。
早上七點,周車長先到車場取車,完成基本檢查及消毒後出發。駕駛的路線是來往醫院、診所和主要公共運輸交匯處的循環線。他雙手握穩軚盤,眼看前方,遇到路上的起伏位就會收慢,緩緩的車速能感受到他的專注和耐性,「揸復康巴士講求安全同平穩,因為坐住輪椅會更加感到搖晃」。周車長指,公司於車長訓練時特意買來八部不同的輪椅,讓車長輪流體驗當乘客的感覺。他肯定道︰「當你試過,就知道嗰吓震一震有幾痛!」
一句醒神的「早晨」,周車長迎接了當日第一批服務使用者。他降下升降板,詢問他們的目的地,再送他們到座位,為他們繫好安全帶。周車長指,他通常會把握這段時間,嘗試打開話匣子,技巧在於了解到他們的需要之餘,又無損他們的自尊心。「例如佢哋心口有傷口但佢唔想講,你只要簡單提出『係咪唔需要綁側帶?』,佢就知你明白佢。」
比起「車長」,周車長更希望成為服務使用者的朋友。「我想佢哋唔只係上車、畀錢、落車,而係佢會記得我,有個開心嘅印象」。由日常生活至輪椅操作,他都樂意分享,更樂意聆聽。
「有人會覺得我哋揸車可能為咗賺錢,同唔同佢哋傾偈其實無所謂,但我希望嘅係行多步」,學會易地而處,致力令這程車不僅是由起點到目的地,而是充滿笑聲和溫暖的旅程,這除了是周車長的心願,亦是冠忠無障礙交通服務有限公司的初心。
在二零一九年成立的冠忠無障礙交通服務有限公司是一間政府應可的慈善團體,為行動不便人士(包括長者)及其陪同者提供交通服務,達致社區共融。現時在政府提供營運開支下,設有九條穿梭巴士路線途經共十九間醫院,當中包括東區醫院、聯合醫院及瑪麗醫院等。服務設有固定路線及班次,用戶可要求在預設的穿梭巴士站或路線途經的任何安全地點上落車,毋須預先登記或預約。另外,為照顧行動不便人士在假日前往旅遊景點,穿梭服務亦設有五條週末旅遊路線往來大嶼山、西貢、大美督、赤柱及山頂,用戶需預約服務,而首次登記的用戶可以擁有優先使用權。
由現在直至二零二一年五月三十一日,乘客可以優惠價每位(適用於陪同者)每程港幣$2乘搭上述所有路線,有需要人士可透過網上(www.kcis.com.hk)或客戶服務熱線(電話2979 8777)查詢有關服務。