［看去似真的很輕鬆 試過方知道］一不離二，雖然呢張唔係照妖鏡，但都借得（我自己）珍藏。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 細個覺得啲鬼 轉工見報巧威的說。後來？「原來只需努力做 我都做得到」（＊）「其實唔難」「咪又係咁」。咁當然，都唔係個個都可以見報嘅。首先一般不能太過細粒，二來要識啲記者，三來，最緊要嘅：嗰排冇乜其他新聞。
2. 正如後生覺得陸東做咗「策略師」，都巧有型。後來？「原來只需努力做 我都做得到」。陸東做策略師，我都做咗。「其實唔難」「咪又係咁」
3. 正如好多嘢一樣。我以前以為巧有型。「原來只需努力做 我都做得到」。得到咗後。「其實唔難」「咪又係咁」。名利權色，都係咁上下。雖然你可以話我嗰啲小兒科。空姐護士女主播，咪又係咁（＊＊＊）。
4. 不過，人就係要咁進步嘛。《樹大招風》卓子強（陳小春）話頭，征服一座山，就諗下一座啦。細細個覺得食百人一朱好撚high 添！而家真係米芝蓮三星都食埋啦。「咪又係咁」。「唔係食唔起不過唔抵」「即係食唔起」「但真係唔抵！兩星嘅性價比高好多」「即係食唔起」（＊＊＊＊）
5. 但，就真係你做到之後，先可以講「咪又係咁」。即係類似話，你入到大學先可以話大學冇用嘛。
6. 邏輯上唔使，但實務上你入唔到大學然後話冇用，一定畀人覺得你酸。除非你搵到好多錢
7. 咁當然啦，藺相如司馬相如，名相如，實不相如啦。鬼佬轉工見報，同我轉工見報，梗係唔同。正如陸東又策略師我又策略師，咁不幸地UBS同DBS都真係有啲距離，況上我上面仲有個阿頭（以及更多重嘅老細，雖然我都有機會面聖見到總陀主去握個手，真係一股暖流呀）。
8. 即係，阿豬阿狗都開Patreon都開Facebook Page嘛，完全明白。求其一件湯加聯賽神射手又話職業球員，C朗又職業球員，又一樣咩。
9. 不過呢，真係做湯加聯賽神射手，都勁過好多人了。而最緊要都係同自己比嘛。征服一座山，就諗下一座啦。
10. 例如段嘢你見，我上手Alex，走去自己搞基金嘛。嘩，嗰時我覺得巧利害。但而家睇真啲，「咪又係咁」，我都搞勞蘇基金啦！「其實唔難」
11. 當然，仲有之前Andrew Wiles嗰壇嘢啦，會快過勞蘇基金，應該一個月內講得。順手做岩布仙尼，賀自己生日。
12. Been there, no thanks．
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
（＊）應該要40歲以上先知《我都做得到》（＊＊）。最記得有個小朋友去舖頭筆雪糕🍦。我細細個已經諗，如果個小朋友想做馬伕呢？「帶佢去馬場？」
（＊＊）又其實，就好似有MIRROR就有ERROR，有星矢就有暗黑天馬，有味王就有味將軍咁，有《我都做得到》，就同時有《試過方知道》，一雞兩味。「試過了方知真的苦，以往不知道。原來小小嘅步驟，我都做不到」。個撚個都有志者鄧竟成嘅，咁好多公司要執笠。例如賣偉哥嘅輝瑞。
（＊＊＊）有拍過拖好出奇？咁拍過拖上咗床又好出奇？香港人真得意。不過澄清返，本人真係冇對護士或女主播有fetish，「空姐就有」。誰不愛空姐呢？我第一次坐SQ，係新加坡坐去吉隆坡。「真係史上第一次想架機Delay呀」「戀愛若然像旅行 風景看盡至甘心」，不過我係去做嘢，唔係旅行。
（＊＊＊＊）呢個堪稱本人獨創嘅怪論，同「有兩部電話嘅男人信唔過」一樣，都引嚟啲朋友認真嘅爭論。但我諗你明我個point的，你去死慳死抵，梗可以坐頭等啦（唔係坐九廣鐵路，OK？雖然我細個都覺得好High！）．但真係唔係嗰回事嘛。喂我唔使死慳死抵都坐到添，但，肉痛，唔會坐咯—咪即係坐唔起。即係，你「買唔買得起」唔係睇你拎唔拎到舊錢出嚟嘛，而係只要你係當佢係一回事，有任何感覺嘅，咪即係「買唔起」。咁我而家去百人一朱（as a metaphor）唔會睇價錢嘛，「即係食得起」
