收到風知道TC2(☎️:23889772)同「港嘢」合作,推出有機素菜晚餐,即刻去試吓先。
前菜有青瓜粟米番薯苗沙律配「正和隆」原曬豉豆腐醬。青瓜、番薯苗係來自八鄉嘅吳銀有機農場,而粟米則來自坪輋嘅杉山農場。全部講得出出處,唔驚唔知食咗乜嘢落肚。唔怪之得一啖食落去,恍似置身怡人嘅農場,成個人都Fresh哂。
跟住到主菜,可以二選一:醬燒茄子配五穀米或者檸檬橄欖油茄子螺絲粉,以樂田園平輋茄子配荃灣嘅嘉齡食品出產嘅螺絲粉。口味非常清新,而螺絲粉獨有嘅囗感同埋香味,食完啲皮膚真係好似上咗螺絲咁緊。
連TC2獨特嘅餐飲,都只係$138一份。大家都知道有機嘅材料係幾貴㗎啦,佢都只係收呢個價錢,真係非常克制。支持小店,由TC2開始。
食完仲好似覺得自己瘦咗添。唔信!咪自己嚟食下囉,百零蚊我呃你做乜啫!
#何嘉麗callmegaga #何嘉麗 #為食路上 #TC2CafeAndWorkshop #港嘢 #有機素菜晚餐 #支持小店
Search