［Corrupt the youth］同讀者食飯，真的。我估陸續有嚟。
TLDR： Know that you die twice, once when you stop breathing, and again when somebody mentions your name for the last time. Live accordingly.
1. 我有無數咁多嘅奇怪習慣，例如我可以有一個好長嘅「摺埋」「出山」周期。即係，我會好長時間唔多想見其他人（除咗埃汾太），工作唔計，但朋友網友讀者就會。你諗真啲，對上一次我同讀者食飯幾時？冇乜吧？好似維持咗大半年—人大咗，好多時朋友都係一年見一兩次咋。原因其實好簡單：掛住寫文，同埋睇文。
2. 但往往，忽然到某個位，又會進入另一個周期，就係好想見其他人。畢竟成日唔見朋友就唔好的。多數某啲朋友搞起咗第一次，然後我就會短期不停見返啲朋友。而家就進入呢個周期。
3. 堅唔係講笑，今日同讀者食飯。呢兩位仁兄，Rubio 陳成軍 同埋 Jamie 張振華（唔怕開真名啦，名人嚟的），我估好多讀者都識。我見佢地之前仲上財經台添，而我好似年幾兩年冇上過電視（有見到嘅不妨提返我），「所以我點會係財演呢？」（咁你可以話我係一個冇工開嘅財演嘅）
4. 不過，我們仨，仲有唔少共通點。首先，都係港大校友（我係後來先知），雖則我對港大冇乜感情，但始終係我成長一部份，加上我在港大嘅所作所為（主要係不作為）亦都成就咗而家嘅我。
5. 另外，咭咭，我地都去過北韓。當然我唔係同佢地一齊去，而佢兩位去咗幾十次，就唔同我呢啲去一次扮去過嘅層次了。BTW，佢地本書幾好睇，真的。（再講一次，我嘅原則：唔阻人搵食，但亦唔講大話。唔好睇就唔出聲，我話好睇就即係好睇）
6. 不過最最最重要嘅係，我係佢地讀者（上面講咗啦），而佢地又係我讀者！我都係昨日先知佢地係Patreon讀者！十分感激。所以要拎佢地嚟做生招牌！（https://bit.ly/31QmYj7）
7. Anyway，兩位都出名過我，都唔使我點宣傳。但循例略盡綿力，埃汾背書佢地，呢度嘅讀者未like 就去 like 佢地嘅FB Page啦，一大抽。
GLO Travel Eastern Vision Rubio 陳成軍 旅行公民 Civil Wayfarers 朝鮮經濟前瞻 North Korea Economic Frontier
8. 正經，佢兩位都比我年青（obviously），但都話好受我影響—而呢樣嘢係冇得呃的，由佢地講嘢講得出「鄧小平食煙論」同埋「美斯理論」就知。
9. 應該好多人知道埃汾已婚但冇小朋友，亦冇咁嘅打算（當然，never say never，其實如果中幾億六合彩我估我會生）。但近年呢，「開始明白啲人點解想生仔」。亦係多年前好友同我講嘅，你寫埋寫埋咁多嘢，應該去搞啲嘢可以「傳世」。Legacy是也。
10. 生仔呢，應該係幾快樂嘅，特別係男人—媽媽要懷胎生產仲要養大，就犧牲多好多—男人就打個冷震。咁生仔，過程不用講好過癮（否則唔會有你同我，人類絶咗種），但應該結果都係過癮的，否則而家避孕咁方便，人類就滅亡咗。
11. 咁除咗話「人有我有」（唔好低估朋輩壓力），「養兒防老」（而家啲人唔會諗啦，個仔唔使你養到佢過世你已經執到），同埋怕「無人送終」（但我唔怕的，埃汾太一定長命過埃汾）外，應該仲有啲嘢，就係，Legacy，邊個去傳承你嘅嘢？唔一定係革命尚未成功之類嘅大嘢，可以係「鄧小平食煙論」同埋「美斯理論」之類嘅無聊嘢。
12. 所以，由2002年開始，我已經決定唔生仔，但又好努力咁去corrupt the youth．「我發現我啲朋友都唔畀我接觸佢地嘅仔女」，但，you can’t stop me！我走咗去教書，一年就茶毒咗幾百個學生，真係爽，生仔邊有得咁勁！
13. 我冇教書後，都冇放棄過我corrupt the youth嘅理想！我感覺呢，同朋友比，我係比較多明顯後生過我嘅朋友。唔係我戀童，而係，首先我要了解啲年青人諗乜（同唔同意係另一回事），二來，再講一次，corrupt the youth！
14. 結果如是者搞咗十幾廿年，都真係略有小成。都話我生命中有三種好興奮嘅時刻，第一當然係條女講「你好勁」（真假都好）。第二就係，以前我仲做財演，仲成日結交記者時，啲記者話「我有睇你啲嘢」，嘩，嗰下嘢。
15. 但當然，第三，而家更加開心，就係當我認識一啲我覺得有趣嘅人，我去睇佢地寫嘢嘅人，然後佢地話我知「我細細個就好鍾意睇你啲文架啦！」。真係十分開心，當然，刪走「細細個」會好啲。
16. 真的，唔止一次，都有人咁講，「我細細個就好鍾意睇你啲文架啦！」。有啲仲係OK出名嘅人。但我唔係咁樣叨人地光嘛！「所以每次貼一兩個算」。「唔通高天佑話細細個睇我啲文我又話你知咩」
17. 呀，有朋友聽過我講corrupt the youth，就問我，埃汾，有冇聽過「好青年荼毒室」。我話，梗係有啦。
18. 「其實好青年荼毒室某台柱都係呢度讀者」，wow，corrupt the youth^2，second derivative ，我荼毒咗人地去荼毒好青年。
19. 廢話講完，站在巨人肩膊上，名人都睇埃汾Patreon，係要拎嚟賣下廣告架啦：（https://bit.ly/31QmYj7）
20. 而再講一次，佢兩位啲東西好有趣的，記得支持下。開得返關就join佢地去北韓吧，quite unlike any place you know about
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
———————————————————
instagram @ivanliresearch．七成金融（短打）兩成嘢食一成其他嘢。
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
