Search
小幫手下台一鞠躬🎉
這真的是一個好棒的節目，沒有想過會有這麼大的感受，會一起經歷這麼多事，這會不會就是實境節目的魔力呀！「沒有寫好的劇本，就讓你好好過生活」，我要跟導演和製作人說，謝謝你們，我在這次實境節目真的很快樂很認真的生活，在最後一集我清楚的看到自己臉型的變化，被你們養的胖胖的！
謝謝老闆娘和SoSo，初次見面拜碼頭寫了一封信，最後離開寫的感謝信，我有的時候還是會不好意思開口，哈哈哈！真的好愛你門！！！！
@ptstaiwan
@ptsplus.tv
#阮三个2
#民宿小幫手aka 勳寶
#完結篇
#最溫暖的節目
#期待阮四个😇
「只要記得愛，就什麼都沒忘了。」
聖皓
−
【阿公】
細漢你佇搖籃唱的歌
是咧教阮做吳家的查埔囝
若是跋倒就爬起來拌拌咧 毋通吼出聲
按呢才會當保護這一家伙仔
你坐佇門口埕咧看報紙
一手那看一手咧摸狗仔
感謝這雙手的拍拚 予阮的好生活
轉去的路 我知影 你攏佇遐
食飯時間到矣 我閣徛佇樓梯跤 叫你來食
食飯就愛點名 看佗一个阿孫仔 無轉來遮
定定煩惱阮佇外口敢有四序 敢會食袂飽
換阮講 我佇遮 我佇遮
換阮來 予你靠 予你倚
聽這首為著你 寫的歌 換阮來唱予你聽
阿公我會聽話 跤踏實地
變成你的驕傲 做好工課
紮著你的期待 盡量飛 閣有你叮嚀的話
就是毋情毋願就是毋甘 逐改佮你講
再見
-
詞／曲｜吳聖皓
錄音工程師｜黃君富, 林喆安
吉他｜林喆安
插畫｜阿宗
字體設計｜謝欣妤
影像製作｜余柏羲
台語歌詞正字｜周佳穎
※ 本單元是公共電視及李江却台語文教基金會合作製作。歡迎大家 link 做非營利教學使用。
新聞標題：水溫無夠懸 墾丁珊瑚湠卵移緩
Tsuí-un bô kàu kuân Khún-ting suan-ôo thuànn-nn̄g î-uān
珊瑚卵猶未大湠 看媠著等五月過煞
Suan-ôo nn̄g iáu-buē tuā thuànn khuànn-suí tio̍h tán gōo--gue̍h kuè-suah
諺語：千變萬化，毋值著造化
Tshian-piàn-bān-huà, m̄-ta̍t-tio̍h tsō-huà
大自然ê力量真大，毋是咱人有法度 pān-phue ( 預期 ) 佮控制--ê，氣候一下變化，毋若珊瑚湠卵時間改變，咱人ê 生活嘛會受著濟濟影響。
內文：
面頂深紅像索仔的花逝
Bīn-tíng tshim-âng tshiūnn soh-á ê hue-tsuā
這是片型索仔花珊瑚
tse sī phìnn-hîng soh-á-hue san-ôo
另外這个若像白色細支樹枝
līng-guā tsit ê ná-tshiūnn pe̍h-sik sè ki tshiū-ki
是星枝表孔珊瑚(Montipora stellata)
sī Tshenn-ki-piáu-khóng-san-ôo
in 攏開始生白色 粉紅色的卵囉
in lóng khai-sí senn pe̍h-sik hún-âng-sik ê nn̄g looh
這是4月24暗時
Tse sī sì-gue̍h jī-sì àm-sî
台灣珊瑚礁學會研究人員
Tâi-uân Sān-ôo-tsiau Ha̍k-huē gián-kiù jîn-uân
佇後壁湖台電核三廠出水口
tī Āu-piah-ôo Tâi-tiān hi̍k-sann-tshiúnn tshut-tsuí-kháu
西爿的海底進行觀察的時陣
sai-pîng ê hái-té tsìn-hîng kuan-tshat ê sî-tsūn
所翕著上新的畫面
sóo hip--tio̍h siōng sin ê uē-bīn
研究人員指出
gián-kiù jîn-uân tsí-tshut
這馬干單觀察著幾種珊瑚開始生卵
tsit-má kan-tann kuan-tshat tio̍h kuí tsióng san-ôo khai-sí senn-nn̄g
而且數量並無濟
jî-tshiánn sòo-liōng pīng-bô tsē
*蔡永春 台灣珊瑚礁學會
今年觀察到這馬
Kin-nî kuan-tshat kàu tsit-má
才發見四五種珊瑚生卵
tsiah huat-kiàn sì gōo tsióng san-ôo senn-nn̄g
逐工攏干焦有一種至兩種
ta̍k kang lóng kan-ta ū tsi̍t tsióng tsì nn̄g tsióng
過去佇舊曆3月23日媽祖生前後
Kuè-khì tī kū-li̍k sann-gue̍h jī-sann Má-tsóo senn tsîng-āu
也就是新曆差不多4月底左右
iā tō-sī sin-li̍k tsha-put-to sì-gue̍h té tsó-iū
墾丁的珊瑚會進入大量生卵的高峰期
Khún-ting ê san-ôo ē tsìn-ji̍p tāi-liōng senn-nn̄g ê ko-hong kî
毋過學者發現
m̄-koh ha̍k-tsiá huat-hiān
今年珊瑚無仝款
kin-nî san-ôo bô kāng-khuán
四月底—ah
sì-gue̍h té--ah
這个生卵的狀況較輸過去
tsit ê senn-nn̄g ê tsōng-hóng khah-su kuè-khì
原本照週期來生卵的珊瑚小可錯亂
guân-pún tsiàu tsiu-kî lâi senn-nn̄g ê san-ôo sió-khuá tshò-luān
*鄭明修 台灣珊瑚礁學會
阮期待的大概是希望看著
Guán kî-thāi--ê tāi-khài sī hi-bāng khuànn-tio̍h
軸孔珊瑚(Acropora) 像彼分椏的啦
Ti̍k-khóng-san-ôo, tshiūnn he pun-ue--ê-lah
幼珊瑚 較紅的這種
iù-san-ôo, khah âng--ê tsit tsióng
遮的珊瑚生卵
tsia-ê san-ôo senn-nn̄g
較壯觀的
khah tsòng-kuan--ê
今年到這馬猶未生卵
kin-nî kàu tsit-má iáu-buē senn-nn̄g
可能甲前年仝款
khó-lîng kah tsûn--nî kāng-khuán
可能會慢一個月
khó-lîng ē bān tsi̍t kò gue̍h
前幾工阮看著
tsîng kuí kang guán khuànn-tio̍h
有一寡像菊珊瑚 刺葉珊瑚
ū tsi̍t-kuá tshiūnn Kiok-san-ôo, Tshì-hio̍h-san-ôo
一寡顛倒是以前較晏生卵的
tsi̍t-kuá tian-tò sī í-tsîng khah uànn senn-nn̄g--ê
遮的珊瑚竟然是提早生
tsia-ê san-ôo kìng-jiân sī thê-tsá senn
珊瑚生卵的狀況無正常
San-ôo senn-nn̄g ê tsōng-hóng bô tsìng-siông
初步研判
tshoo-pōo gián-phuànn
可能受著氣候佮水溫的影響
khó-lîng siū-tio̍h khì-hāu kap tsuí-un ê íng-hióng
*馬協群 墾管處後壁湖管理站主任
正常珊瑚生卵的水溫
Tsìng-siông san-ôo senn-nn̄g ê tsuí-un
大概是水溫25、26度左右
tāi-khài sī tsuí-un jī-gōo, jī-la̍k tōo tsó-iū
毋過這馬落去
m̄-koh tsit-má lo̍h--khì
你會發現22、23、24
lí ē huat-hiān jī-jī, jī-sann, jī-sì
基本上是猶無達到彼个溫度
ki-pún siōng sī iàu-bô ta̍t-kàu hit ê un-tōo
所以阮咧臆
sóo-í guán leh ioh
水溫可能是一个影響的因素
tsuí-un khó-lîng sī tsi̍t ê íng-hióng ê in-sòo
珊瑚生卵
San-ôo senn-nn̄g
嘛會受著風湧 海潮佮海洋的狀況
mā ē siū-tio̍h hong-íng, hái-tiâu kap hái-iûnn ê tsōng-hóng
日時 暗時時間長短的影響
ji̍t--sî àm-sî sî-kan tn̂g-té ê íng-hióng
今年想欲看著美麗的珊瑚
kin-nî siūnn-beh khuànn-tio̍h bí-lē ê san-ôo
集體佇暗時大量來生卵
tsi̍p-thé tī àm-sî tāi-liōng lâi senn-nn̄g
可能愛等到5月底6月初左右
khó-lîng ài tán kàu gōo-gue̍h té, la̍k-gue̍h tshe tsó-iū
"看世事講台語"單元所有影片及文字，是公共電視及李江却台語文教基金會合作製作。歡迎大家 link 做非營利教學使用。
標題：
南投丹大山區 Bunun老獵人揫根源
Lâm-tâu Tan-tāi suann-khu Bunun lāu la̍h-jîn tshiû kin-guân
濁水溪邊捌徛起 年久月深今拋荒
Lô-tsuí-khe pinn bat khiā-khí nî kú gue̍h tshim tann pha-hng
諺語：食果子 拜樹頭
Tsia̍h kué-tsí, pài tshiū-thâu
內文：
咱來看佇這个中央山脈的誠深的所在
Lán lâi khuànn tī tsit-ê Tiong-iong Suann-me̍h ê tsiânn tshim ê sóo-tsāi
這个丹大山區是Bunun族講祖先蹛的所在
Tsit-ê Tan-tāi Suann-khu sī Bunun-tso̍k kóng tsóo-sian tuà ê sóo-tsāi
啊毋過佇兩千空四年這个七二水災
Ah m̄-koh tī nn̄g-tshing khòng sì nî tsit-ê Tshit-jī Tsuí-tsai
tsua̋nn-á予in唯一對外的道路佮橋攏歹去囉
tsua̋nn-á hōo in uî-it tuì-guā ê tō-lōo kap kiô lóng pháinn--khì-loh
經過遮爾濟年 真正和外界攏無連絡著
King-kuè tsiah-nī tsē nî tsin-tsiànn hām guā-kài lóng bô liân-lo̍k--tio̍h
丹大山區uan-nā變做人真少去的所在
Tan-tāi Suann-khu uan-nā piàn-tsò lâng tsin tsiò khì ê sóo-tsāi
咱嘛欲來綴這个Bunun族的獵人的跤步
Lán mā beh lâi tuè tsit-ê Bunun-tso̍k ê la̍h-jîn ê kha-pōo
來揣這个老部落的遺址
lâi tshuē tsit-ê lāu pōo-lo̍k ê uî-tsí
祝禱的歌聲佇咧廣場中霆起來
Tsiok-tó ê kua-siann tī leh kóng-tiûnn-tiong tân--khí-lâi
族人誠心祈求庇佑
tso̍k-jîn sîng-sim kî-kiû pì-iū
因為揣根之旅就欲展開矣
in-uī tshuē kin tsi lí tō beh tián-khui--ah
佇咧坎坎坷坷的路中行向前
Tī leh khám-khám-khiat-khiat ê lōo-tiong kiânn ǹg tsîng
拍獵的人佮祖先的對話
phah-la̍h ê lâng kap tsóo-sian ê tuì-uē
就佇咧軁過樹林的中間開始
tō tī leh nǹg kuè tshiū-nâ ê tiong-kan khai-sí
丹大山區是濁水溪流域Bunun族人的傳統領域
Tan-tāi Suann-khu sī Lô-tsuí-khe liû-hi̍k Bunun-tso̍k-jîn ê thuân-thóng líng-hi̍k
原本有五个社群佇遮各徛
guân-pún ū gōo ê siā-kûn tī tsia kok khiā
綴時代變化 in一个仔一个搬去山跤
Tuè sî-tāi piàn-huà in tsi̍t-ê-á-tsit-ê puann khì suann-kha
山頂的祖厝也漸漸抛荒去
Suann-tíng ê tsóo-tshù iā tsiām-tsiām pha-hng--khì
阮阿爸共我交代講 彼是咱兜
Guân a-pah kā guá kau-tài kóng he sī lán tau
我就是極加來行行咧
Guá tō-sī ki̍k-ke lâi kiânn-kiânn--leh
下一枝薰 下淡薄仔酒 我就走矣
hē tsi̍t ki hun hē tām-po̍h-á tsiú guá tō tsáu--ah
去山頂揣物件按呢
khì suann-tíng tshuē mi̍h-kiānn án-ne
揣根轉去老部落
Tshuē kin tńg khì lāu pōo-lo̍k
也重擱倒去祖先佮山林之間的互動關係
iā tîng koh tò khì tsóo-sian kap suann-nâ tsi-kan ê hōo-tōng kuan-hē
彼當陣拍獵是生存的必要手段
Hit-tang-tsūn phah-la̍h sī sing-tsûn ê pit-iàu tshiú-tuānn
這馬拍獵行為充滿爭議
tsit-má phah-la̍h hîng-uî tshiong-buán tsing-gī
傳統拍獵的儀式必須佇咧山林中
Thuân-thóng phah-la̍h ê gî-sik pit-su tī leh suann-nâ-tiong
才會當成
tsiah ē-tàng tsiânn
in就是明顯感受著文化傳承的危機
in tō-sī bîng-hián kám-siū-tio̍h bûn-huà thuân-sîng ê guî-ki
就準予開放講會使拍獵
Tō-tsún hōo khai-hòng kóng ē-sái phah-la̍h
少年人嘛無欲去拍獵矣
siàu-liân-lâng mā bô beh khì phah-la̍h--ah
親像tann佇部落內底
Tshin-tshiūnn tann tī pōo-lo̍k lāi-té
阮的囝兒序細嘛是去都市作穡
Guán-ê kiánn-jî sī-sè mā sī khì too-tshī tsoh-sit
以早踮山裡是有通食就好矣
Í-tsá tiàm suann--lí sī ū thang tsia̍h tō hó--ah
時代無仝啊
Sî-tāi bô-kâng--ah
佇咧激動的喝聲內底
Tī leh kik-tōng ê huah-siann lāi-té
報戰功儀式為揣根之旅做一个收尾
pò tsiàn-kong gî-sik uī tshuē kin tsi lí tsò tsi̍t ê siu-bué
古早傳落來的慣俗是有真tsām-gâm的禁忌佇咧
Kóo-tsá thn̂g--lo̍h-lâi ê kuàn-sio̍k sī ū tsin tsām-gâm ê kìm-khī tī--leh
阮是向望講這馬的原住民族的少年家
Guán sī ǹg-bāng kóng tsit-má ê guân-tsū-bîn-tso̍k ê siàu-liân-ke
會使共拍獵的精神
ē-sái kā phah-la̍h ê tsing-sîn
來用佇現此時的工課頂懸
lâi īng tī hiān-tsú-sî ê khang-khuè tíng-kuân
Bunun族人期待傳統文化的精華
Bunun-tso̍k-jîn kî-thāi thuân-thóng bûn-huà ê tsing-huâ
會當透過揣根之旅
ē-tàng thàu-kuè tshuē kin tsi lí
佇咧下一代身上拍基礎
tī leh ē-tsi̍t tāi sin-siōng phah ki-tshóo
