《Cryotherapy》
許智峯同屋企人嘅畢生積蓄無端端畀人凍結咗，國家領導人喺fb嘲諷「許智峯玩大咗冇自知之明」，而銀行都冇向許智峯解釋原因，網上好多人大驚小怪，禮拜日得閒啲，等我同大家講下「大富豪」張子強（圖右）嘅故仔....
話說港英年代，張子強綁架李澤鉅郭炳湘之後，身家超過十億，兩公婆當然開始要將啲錢洗白，根據報章報道，警方當年跟足規矩，向法庭申請凍結有關人等嘅資產，法庭接納警方提出「有絕對理由相信資產屬於犯罪所得」，於是批出許可凍結咗佢兩公婆同埋相關人等億幾資產（當然絕大部贓款早已經調咗去海外，張子強被處決後老婆亦都去咗美國嘆世界）。
時至今日，乜嘢棄保潛逃，法庭理應只可以充公保釋金（如果有人事擔保嗰條友就要孭數不過唔使負刑責），好多人質疑點解許智峯屋企人嘅積蓄唔係犯罪所得都被凍結，估計方法好簡單，用「涉嫌違反港區國安法」就可以。
請大家聽清楚，係「涉嫌」。
肥佬黎都係「涉嫌違反港區國安法」就咁凍結咗五千幾萬。
即係話無論你係許智峯或者許志安、林卓廷或者林家棟...通通有機會隨時被涉嫌。
講白啲，梁家傑胡志偉李柱銘楊岳橋郭榮鏗黃毓民陳志雲沈旭暉蕭若元.....無一倖免。
醫學上，呢招叫凍結治療法---Cryotherapy.
原來，將所有現金攞曬出嚟擺喺屋企嗰個先至係高人.....
李柱銘身家 在 MSN 香港- 李柱銘的獨子娶莎莎千金，和身家百億的郭少明伉儷 ... 的推薦與評價
李柱銘 的獨子娶莎莎千金，和身家百億的郭少明伉儷結為親家>>> http://bit.ly/2sjYOg2 #MSN新聞#李柱銘#莎莎國際#MSNHongKong MSN 香港↓ ... ... <看更多>