♥️山頂寫意半日遊♥️
⭐山頂纜車&香港杜莎夫人蠟像館親子玩樂優惠
數月前去了山頂一趟，原來都幾寫意又有不少親子玩樂㗎，特別喺香港杜莎夫人蠟像館，真係可以消磨一日時間！呢排涼涼地準備同埋Bella爸去玩一次，因為佢哋個優惠好抵呀😍
上次爸爸無去到，反而係我跟Bella及公公婆婆到中環辦點事，順便等爸爸放工，難得出關，趁著中午嘅真空時間，索性同佢哋上山頂食個午飯消磨時光，小朋友第一次坐纜車好興奮，沿途指手畫腳，之前鬱悶在家好耐，偶爾出去吹吹風已好滿足☺️。
可能係平日嘅關係，由纜車站起點上到山頂，人不算多，記得以前同爸爸拍拖黎睇夜景，嗰時凌霄閣水洩不通，想攝個位影相都難，呢次來閒遊，雖然大家都戴著口罩，但感覺寫意。畢竟真係無耐無黎，所以山頂有好多店舖及餐廳，對我來說都好「新」，食飽後周圍逛，購物慾特別旺盛，再帶Bella上摩天台428，居高臨下看香港，可惜當日太大霧，咩都睇唔到，唯有留待下次，之後經過香港杜莎夫人蠟像館，見到入場有親子玩樂套票優惠，反正我哋都未入去玩過，索性買飛入去參觀。
本以為只放置一尊尊人物肖像嘅香港杜莎夫人蠟像館會好快參觀完，但原來令人非常驚喜，而且仲係個打卡好勝地。入面比我想像中大，起碼有過一百位明星名人嘅蠟像，睇返原來有12個不同展區，加上仲有好多AR互動區可以玩，所以我哋喺入面玩咗差唔多兩個鐘，可以好輕鬆慢慢影相，反而遇到工作人員喺度勤密清潔。
我覺得裡面最好玩嘅，就係「樂壇巨星」呢個展區，事後得知佢原來今年年頭先開幕，唔怪之得有蕭敬騰、王嘉爾Jackson、張藝興Lay等呢啲人氣歌手喺入面，不過最意想不到就係展區有個互動360度環迴舞台，可以同王嘉爾一齊演唱跳舞；亦有幾個位好搞笑嘅場景，可以同張藝興AR親密自拍，扮下入錄音室同阿G.E.M一齊錄歌....
至於Bella明明唔知Michael Jackson 喺邊個，但都可以好沉迷咁同佢一齊AR跳「MoonWalk」，跳完又跳無限Loop，所以我哋單單喺這個樂壇巨星展區已經有排玩。
其實仲有好多音樂紅人嘅，可以逐個去合照，如果你哋去參觀嘅話，一定要預留時間喺呢到。
當日坐纜車及參觀蠟像館都非常超值，今次佢哋仲有以下兩個更荀嘅套票優惠，想一家人上山頂Hea下，不妨去官網睇睇，順便訂埋飛喇🥰
👁️香港杜莎夫人蠟像館
❤️親子玩樂套票優惠❤️
包括：
👉🏻一張成人門票及一張小童門票
👉🏻禮品：蠟像小知識小冊子、D.I.Y.精品、智力遊戲挑戰紙、蓋印遊戲紙及神秘禮物（完成任務即可兌換）
⭐可以於官網訂票：
👉🏻 https://bit.ly/bellama2020
星期一至日 11：00 ~ 20：00開放
(最後入場時間為19：30)
票務查詢：2849 6966
香港杜莎夫人蠟像館 Madame Tussauds Hong Kong
#香港杜莎夫人蠟像館 #山頂遊樂 #親子玩樂優惠 #山頂寫意半日遊
杜莎夫人蠟像館人物 在 【香港旅遊景點】香港杜莎夫人蠟像館x吉帝旅遊 - YouTube 的推薦與評價
吉帝旅遊【香港旅遊景點介紹】香港 杜莎夫人蠟像館 更多詳細介紹https://reurl.cc/3OLz9立刻前往https://www.ggogo.com/event/young_paradise/index.htm ... ... <看更多>