考咗車牌5年幾都未攞過國際牌🚗，今次去東京終於可以大派用場喇！(其實係因為之前去親日本自駕遊都係冬天❄️，我喺香港又少揸車，所以要我喺冰天雪地上飛馳真係怕怕😖)
自從幾年前日本有Mario Kart🏎我已經好想去玩架喇，不過身邊人寧願滑多日雪🏂好過玩Kart，所以一直都冇玩到。難得今次閨蜜又有車牌，我哋決定要喺東京飛車... ...其實係安全駕駛✌🏻
出發前幾日我已經搵人幫我搞國際牌，不過朋友自己搞，佢話喺運輸署排咗3個鐘，所以大家如果要做國際牌可以網上預約或建議一早去，應該唔洗等咁耐架！另外做國際牌需要填申請表。帶同身分證，最近三個月地址證明，兩張證件相及$80。
日本🗾有好多唔同公司都有得玩Kart，不過因為之前任天堂同呢d公司打官司👨🏻⚖️，表明任天堂同Mario Kart冇關，結果而家玩Kart都唔可以著孖寶兄弟嘅服飾。
到出發前我哋plan好行程及留意天氣預報，確定想玩嘅日子冇落雨☀️就上網book喇。本來都有睇過官網，但官網book兩個鐘加加埋埋差不多成千蚊，我哋而家平差不多一半，如果玩一個鐘會再平d。KKDAY都有得book，不過就要預早好多日約，所以我約咗Klook，最早可約後日。
約好之後Kart公司email我問我攞國際車牌嘅相，確保車牌符合日本法例，我哋喺香港做嘅國際牌都會唔使擔心。
我哋今次揀咗喺淺草出發，途經上野公園及東京晴空塔🗼。雖然已經網上付款，不過到店後我哋再俾咗500Yen 保險費，之後填返d資料同埋睇返d細則就可以揀衫喇。服飾方面都幾多選擇，好想揀Jasmine最鍾意嘅Minnie🐭，但著上身太奇怪喇，所以我揀咗Chip or Dale。店員講解一輪如何操作後就出發喇。
今次體驗好好玩，同揸車感覺好唔同🚗，因為好貼地而且冇車身包圍，感覺好實在。不過強烈建議玩嘅時候要帶上太陽眼鏡😎及口罩😷，因為好大塵，同埋啲風打埋隻眼會有啲痛。
由於我超耐冇開車所以非常緊張，不過玩咗一陣已經完全冇問題而且非常enjoy😁。我已經好期待下次去第二個城市再玩喇❣️有車牌又未玩過嘅不妨預留幾個鐘去玩下啦！
Asakusa Samurai Kart #maricar #tokyokart #卡丁車 #cosplay #東京閨蜜遊
東京閨蜜遊 在 【閨蜜日本行】最終篇!!! 宇宙、葉星辰樂遊東京都挖掘超療癒 ... 的推薦與評價
【 閨蜜 日本行】 最終篇來囉!!! 宇宙林思宇和葉星辰沒在怕的直接大口咬跟臉一樣大的超巨大三明治#還有超療癒水獺高清最終 ... ... <看更多>