//支持本Page請Click入內文比Clap,已為Medium收費會員請直接Click入內文閱讀,謝謝!//
由朱凱迪、余若薇牽頭,各界突然紛紛自設工場製作布口罩,例如魏綺姍就率領話劇界趕製布口罩應市。但呢種「善舉」結果響網上都掀起咗一場論戰。反對者列出大量數據,指出布口罩阻擋病毒率只有四至五成,同合規格嘅外科手術口罩可以去到八九成係完全唔同級數,鼓吹以布口罩取代外科口罩嘅人甚至係同蔣麗芸「蒸熟口罩翻用」同級,完全係靠害云云。
呢度又要講下香港口罩嘅供應問題。雖然近來有唔少人話各藥房同網店再加埋大大小小嘅NGO陸續番咗貨,令到炒價有所回落,但其實一盒口罩仍然係講緊郁啲去到二三百蚊以上──香港好彩嘅地方係我地響呢個世界入面仍然算係前列嘅富裕國家,所以響呢場鬥有錢嘅全球搶購口罩大賽入面仍然處於優勢;
唔好彩嘅卻係,買得起幾百蚊一盒口罩嘅始終都係中產以上,而正如我之前所預言,隨住口罩日漸短缺,各種次等防疫措施必然係會陸續出現──正如我地經已接受咗用一二百蚊買啲無ATSM認證嘅次貨口罩黎用,布口罩只係其中一種響資源不足下以Deteriorate黎自救嘅方式──就好似經濟學界著名嘅「Geffen Good」爭論入面提到,十六世紀愛爾蘭出現愛爾蘭飢荒前夕,當其他食物供應愈來愈少,無選擇之下大家唯有搶購薯仔成為主要食糧一樣。布口罩響市民相對購買力降低之後需求上升,其實就係所謂「劣等財」inferior good。
究竟製作布口罩係咪罪大惡極?大前提都係你點樣宣傳呢樣嘢。個人認為如果布口罩用黎延長外科口罩嘅使用壽命當然係一件好事,甚至乎響你一個口罩都無嘅時候戴住布口罩頂住先亦無可厚非。而家朱凱迪等人最大問題係過度吹捧、講到布口罩好似係一個解決口罩不足嘅完美Solution、以為戴咗布口罩就一勞永逸,咁就好容易令到有啲市民受到誤導。
但另一方面,好多人鬧點解有人咁白痴連布口罩都去戴,我地就首先要解決一個問題,咁你係咪有充夠嘅口罩提供比佢地?如果唔係就只不過係另一個「何不食肉麋」故事──你係要屌,就應該針住朱凱迪余若薇無強調布口罩只係一個劣等方案,令市民以為就算自己負擔得起都唔需要買番正常口罩去用,破壞社會整體嘅防疫意識。
防疫權威袁國勇早前接受傳媒訪問時曾經表示,「戴番個布口罩都有70%作用,所以唔駛搶外科口罩」,然後你又會發現好多醫學界專家都會不停強調「唔能夠誇大口罩嘅保護能力」、「就算無口罩都唔係世界末日,可以用其他方法去預防感染」,甚至講到「大家放心,連我都無戴口罩」。點解呢班業界人士嘅防疫觀念會同一般市民諗法相差咁遠?除咗有少少離地嘅因素之外(例如話唔去人多地方就得,屌你去唔去好多時唔到你揀),主要就係同防疫概念唔同。
好多醫生都係將感染肺炎視為一個或然率,而各種防疫方法就係一條方程式,只要將呢個機率壓低到一個心安嘅數字就叫成功,至於用咩方法做倒佢地反而唔太注重。
用RPG做比喻,假如戴合格口罩嘅防護力係6嘅話,佢地覺得一樣可以布口罩2、勤洗手3、出街唔好亂掂嘢1黎補足。掉番轉,如果因為戴咗口罩而產生咗錯誤嘅安全感,因而響諸如勤洗手、唔好同高危人士有近距離接觸方面大意咗的話,結果可以仲衰。經濟學者成日個例子講就係,有研究指出戴咗安全帶嘅司機出車禍嘅機會比無戴安全帶嘅更高,原因就在於無戴安全帶嘅司機反而會更加小心道路上安全嘅情況。
當然口罩響整體防護力係佔有幾大部份,係可以各有各詮釋,醫生身處嘅環境、生活條件同一般市民唔同,亦唔一定要照搬過黎。但問題係當而家好多人執著緊外科口罩同布口罩響防護力上面嘅差異時,其實更應該走去呼籲大家要戴眼鏡、甚至眼罩──喂你無論個口防護力谷到幾高都好,對眼零防護係咩玩法?
仲有,如果你真係相信防毒口罩係有用的話,咁你即係假設每次出街都係會有可能比病毒黏附響你口罩上面,而去到目前為止,都無任何一隻口罩嘅表層可以殺死武漢肺炎病毒,而噴任何消毒液卻又會破壞咗口罩結構──基於呢個前提下,你個口罩無論幾時除低,都應該立刻丟咗佢,用紙巾包住佢之後再用根本係極其高危行為──有人話用保鮮袋包住佢幾日之後再用亦係痴線,而家講緊隻病毒可以依附響物件上面9日都唔死呀,仲要未知呢個係咪極限添呀,咁做同玩命其實無乜分別。
講到呢度,當然你同我都知道,除非你係口罩大戶,但用一次口罩就丟根本唔太現實;又我地將所有防疫措施都推到最高標準亦係不切實際,所以去到最尾又係番番去之前醫生個諗法囉:總之大家都係計緊武肺防具嘅總防護力,大家做得幾多得幾多,有啲地方做得唔足,用其他方式補足得倒無話唔得。
最後當然又要提下大家,東方日報早前抽查7款消毒搓手液,發現全部都有大腸桿菌同黃金葡萄球菌,某啲搓手液含菌量仲要高過廁所板──喂原來你件防具質素唔掂的話,仲可能扣番你HP轉頭添呀,點解咁重要嘅新聞竟然無人講?
即係如果你係響外國買啲有牌子嘅搓手液入樽分比人仲好啲,有啲無良商人竟然夠膽死自製搓手液就真係痴撚咗線;知唔知消毒用品一個搞得唔好,係會防疫變播病?而家同你講唔合格嘅搓手液隨時仲衰撚過用隻手抹廁所板呀,唔撚該果啲搵市民條命較飛嘅黃藍屍KOL,回頭是岸啦!
東方日報 幾多 錢 在 倫敦人妻先生手記 Facebook 的精選貼文
星期一,帶大家睇啲重口味野醒一醒神—— 大媽!講起大媽,我地又點可以唔講「大媽奇藝坊」風韻尤存的國妓,不,我的意思是國技。
時間回一回帶,我曾經出過兩篇文,講大媽文化,同埋點解我唔支持發牌制度去規管街頭藝術,大家可以自己碌落呢篇文最底度睇返。
留意返,兩個月後的昨天,東方出左呢一篇大媽團的新聞:
//西九文化區管理局表示,有關表演者已獲取街頭表演許可證。警方發言人回覆指,根據《簡易程序治罪條例》,任何人不得無合法權限或解釋而在公眾街道或道路上奏玩樂器;但根據及按照警務處處長運用絕對酌情決定權發出的一般或特別許可證的條件奏玩者,則屬例外。//
無錯,西九文化區管理局表示,有關表演者已獲取街頭表演許可證。我想知道有幾多個街頭表演者也成功申請到呢個表演許可證?如果申請到,唱完一次「血染的風采」、又或是在網上講完「政治不正確」的言論後,會唔會從此再申請唔到、以至被DQ?
留意返,依家建制派係擺到明打開口牌係想要規管,原因好簡單,因為發牌後就可以隨心所欲去管理街頭藝術,你唱政府唔岩聽嘅歌,你就死硬。你以為我講笑?議員都可以DQ,更何況係你一個無權無勢的非建制藝術家?就算政府唔做野,你拎住政府發嘅許可證,你會不會自我審查?
我依家同某左膠社混人士講句啦:你兩個月前睇到嘅「活潑基層文化」已經獲得政府的許可證,係呀,去左建制嗰邊啦!意唔意外、驚唔驚喜、開唔開心呀?係呀,你又做左菠蘿釘,食完又被人劈啦~ 我真係恭喜你啊 🎊
你連我呢一個日日淨係識買餸煮飯落吧俾仔溝嘅師奶仔的眼光都鬥唔贏,我點旨意你地班友啲文蹈武略去畫一個建設社會的藍圖?更唔好話去同建制派班友仔鬥啦下話?
我建議每一個政工作者,若果你希望你的聲音被重視的話,請多記著曾鈺成的名句「你少說一點沒有意義的說話。」我一個師奶仔在面對政局時,尚且會三思而下筆,你作為一個政客wannabe,更需如此,不要老是頭腦發熱,我手寫我口,而口部卻沒有連著大腦,那不是政客KOL化,而是連KOL都不如了,那怎會有人跟從、甚至聽你的說話?
最後送給所有剛愎自用的政工作者,硬頸唔緊要,我都出名硬,但要對正確的人才能硬起來,唔好係又硬唔係又硬,「做愛做的事、交配交的人」就是這個意思。
「從不改變主意的人要特別主意,一開始就要拿對主意。」
—— 珍·奧斯汀 《傲慢與偏見》
#這種眼界
#這種水平
#被人賣了還在替人數錢
#怪得誰了
#難怪經常都是最黑暗的一日
#我係好多黑線
#滿臉也是 -_-|||
#你看到輕舞飛揚的獨立女性
#飛左去建制
#連你都飛起埋添啦
#我只是看到歷史在笑
#無限鞭屍
以前的兩篇文章回顧:
https://www.facebook.com/355077994871797/posts/648958005483793/
https://www.facebook.com/355077994871797/posts/651704768542450/
圖片來源:東方日報
東方日報 幾多 錢 在 William So Wing Hong 蘇永康 Facebook 的精選貼文
on.cc 東網/東方日報
東網巨星
2018-01-16 00:14
蘇永康重感冒唔敢抱囝囝:內疚到想喊
歌手 #蘇永康 於將軍澳電視城為《人生有幾多個福祿壽》擔任嘉賓,他表示是抱恙錄影節目:「尋日冇咗聲,本來度咗一條好正嘅橋,但我真係冇聲,要食類固醇開聲。佢哋度咗第二條橋畀我,但原本嗰條好笑啲。」
蘇永康謂開少一晚暖氣便搞到患上感冒,身為人父的他說:「我病咗好內疚,通常醒咗我一定抱阿仔,但佢覺得點解爹哋戴住口罩兩日都唔抱佢。今日佢要返playgroup,臨出門口,我外母抱起佢,我喺房,佢喺𨋢,佢一泡眼淚嘅眼神,我好難形容我嗰種心情。」問到是否想快康復再抱囝囝,他說:「如果畀錢可以好番,我今晚就畀,聽日就好番。我唔習慣個仔用咁嘅眼神望我,好難用言語去形容。(你有冇想喊?)想。大家保重身體,嗰日我去私家醫院都排咗兩個幾鐘頭。」
東方日報 幾多 錢 在 【on.cc東網】東方日報A1:申索破欠終修例還打工仔血汗錢 的推薦與評價
![影片讀取中](/images/youtube.png)
破產欠薪保障基金申請特惠款項4個項目上限20多年來沒有調整,立法會昨日通過「遲來的修例」,即根據《破產欠薪保障條例》動議的擬議決議案獲得通過, ... ... <看更多>
東方日報 幾多 錢 在 爭你幾多錢呀?使唔使咁兇殘先?! 【美變態情侶虐債仔女友 ... 的推薦與評價
on.cc 東網/東方日報 · 1 octobre 2015, 04:07 ·. 爭你幾多錢呀?使唔使咁兇殘先?! 【美變態情侶虐債仔女友枱腳雞姦漂白下體】 http://goo.gl/kbnv7f ... <看更多>