關於 東方魅力 ，我們在網路上蒐集到這些相關的討論、資訊與評價

【展覽宣傳】
「季刊SS×dart企劃展東方魅力特展」與「喵市 HOTEL GINZONA｜淺田弘幸個展」的展覽已經進入倒數、至本周末8/22(日)即將結束

謝謝snow,yukio以及D/art在疫情期間的努力,展覽順利進入尾聲,辛苦了!!

［今日寫呢啲］「Mirror 好紅，所以VIU好受歡迎，所以廣告大增，所以對業務好有幫助，所以可以買8號仔電訊仍fall」。今年我至少聽過十個人問我呢樣嘢，不一定係鏡粉

呢個故事幾咁動聽，世事係咁簡單就好咯。當年譚詠麟都好紅EO2 EKids都好紅，你又有冇走去買東方魅力？（冇錯，所以有「將魅力左右右左移動」呢句歌詞，林夕幾咁識撈）

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

短答案嘅，十分簡單。是咁的，VIUTV在8號仔（唔係子公司香港電訊6823），知架可（唔知嘅我建議你唔好買股票了）。好啦，8號仔今年，跌10%，衰撚過你買恒指。更好玩係，6823就升8%。咁即係話畀你知，市場對於「8號仔ex 6823」嘅嘢，係點估值。

真係work嘅，會唔會冇人炒？得你先咁天才諗到？你見出埋業績，VIUTV業績大升，股價都全無反應。咁係市場仲係嚴重低估VIU潛力，定係市場冇死錯人？正路當然係前者，但，可能我錯呢。況且，又要睇埋downside，買8號仔，照計輸死你嘅機會唔係太大。你係當年150蚊買嗰啲就RIP啦（但，抵死的）。

首先要強調，你見啲友真係亂嚟，講到VIU台就快賺錢，「管理層咁講」。錯，人地係話EBIDA-wise，好快易必打Positive。咁呢個同「賺錢」，都應該有幾大距離，陣間講下有幾大。蔡東豪嘅名句，下個月拎EBITDA交租丫。

我舉個例話你知爭幾遠，6823 易必打 57億，但去到純利得返19億，得返三份一，但未算精彩。8號仔仲型，易必打 56億，但純利？係蝕3億嘅。可見堆 ITDA就食走你60億！而你班友仲當易必打 positive 即係「賺錢」（又，心水情嘅根本可以計到，堆ITDA主要嚟自邊度）

我篇文，同你睇晒6823同8號仔嘅成盤數（即係兩盤），夠晒煩，但長和系啲公司差不多全部係咁，就係等你睇唔透。即係以前啲祭師都要你聽唔明咁。你見杜汶澤在「伊莎貝拉」都講葡文，但特別就冇字幕，就係唔畀你聽得明，表達嗰種優越感（「伊莎貝拉」關8號仔乜事？梁洛施嘛！）

我同你睇晒，各樣業務，同埋佢地嘅利錢（EBITDA margin）．8號仔一年收入近400億港紙（超過300億係6823），你可以計下你個台要拎幾多廣告先有Significant 嘅貢獻。

而家VIUTV佔8號仔嘅收入？ 文入面我計畀你，對不起，真係跌都跌咗。至於盈利？有錢賺咩？

當然，股票炒前景，前途無限，但，你可以計下你個台要拎幾多廣告先有Significant嘅貢獻，可以計下香港嘅傳統媒體廣告市場有幾大。呢啲就文入面講。

同樣就快EBITDA Positive嘅OTT業務，可能先係重點。OTT乜？在8號仔嘅情況，即係NOWE同黃VIU。「東南亞Netflix」嘛，事實最大市場係泰國印尼菲律賓。呢個有啲人都聽過，你當然聽過啦，因為你睇媒體同KOL講嘛，咁，點解媒體同KOL講？你話呢？

8號仔，根本最近三次半年都要蝕錢，但照樣派息頂住個股息率。應該大約估到蝕錢仲派息有乜後果架可？你可以望下公司負債幾多。相信因為咁，早排咪要賣咗個數據中心。

而家8號仔淨資產75億，但Goodwill 180億，實情tangible book value，好似係負數？但我唔係專睇電訊股，就唔知係咪咁計了。

不過，股票永遠炒將來。負債重？一早知啦。業務成熟？一早知啦。年年攤銷折舊冇得慳？一早知啦。你估其他人第一日睇咩。

吹到OTT咁大，擺明就係分拆啦（公司都講到明，唔係咩秘密）。仲有，可能私有化呢（之前試過啦，撻咗Q），可能真係市場錯呢。

最後，一定要同大家分享我朋友嘅金句：你要記住，佢地三父子，係一撚樣的。佢地嘅業務係乜呀？係做刁。咩叫做刁嘛，我唔直接答你，用例子答你：例如N年前長實和黃以小控大，是刁。和黃賣橙（電訊呀喂！食到德國人嘔泡），是刁。李澤揩拎住中資錢蛇吞象擊退坡仔拿下香港電訊，是刁。長和世紀重組，也是刁。

咁所以，8號仔6823呢啲，遲早都係刁獲勁。當然只係知呢啲並不足夠令你發達。可以玩你一輪先做，你亦唔知點做，幾時做，畀你估到就唔係食神啦。洛賓都係次次一招右邊推埋中間大位左腳射貼柱，但依然玩足咁多年。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［8號仔嘅嘢］Well．仲係蝕錢嘅。有冇賺錢嘅一日？怕且有。但反正你都不能單獨買，買8號仔連Viu送埋 Now送埋CSL 網上痕 畀你。EBITDA都輸錢，但啲折舊 利息 先係戲肉嘛。

1. 又即係，當年Twins都好紅（年青讀者可以Google下），但你會唔會買英皇娛樂？同樣地，當年譚校長都好紅，你會唔會買StarEast 東方魅力？

2. （慎防有人唔知，膾炙人口嘅「一分鐘 贈我一分鐘」亦同呢檔嘢有關，魅力移動嘛！當年E Kids同EO2 都係呢檔東方魅力！）

TLDR：星期六Patreon詳講！ 但，真係講咗好多次，投資嘅嘢不可能咁樣直線思維，A then B then C，任何一步都可以出錯。業務受歡迎唔等於會高收入，高收入唔等於會賺，會賺錢唔等於股價會升，股價會升亦唔等於你要買。呢度每一步都有好多uncertainty．個撚個夠鬧Facebook啦夠話冇人用啦，結果人地股價點？

3. 係喎，廣告係大升呀，半年2億收入。不過公司半年183億收入。慢慢等。

4. 當然啦，蝕錢又唔等於公司會執笠。百幾億book，有排玩。況且，又唔係未蝕過，舊年都蝕錢架啦，今次蝕少咗添。蝕錢又唔等於執，執又唔等於會跌，完全係三回事。

5. 況且，冇事喎，派息仲有加！加2%都係加！邊個話蝕錢不能派息（你見好多人真係基本財務常識都冇的，仲要出嚟鬧你鳩up）？

6. 係喎，公司幾重債的，net debt to asset 57%．但邊個話重債唔派得息？況且，出面融資成本咁低。根本啱晒楷仔呢啲鍾意大手舉債嘅人（同樣地，Netflix Tesla都係咁）。8號仔而家要股本集資都有啲難度，亦唔集得多，梗係舉債。借錢回購都仲得呀（不過楷仔唔會咁益你），蘋果都係咁玩，你以為啲EPS 點解年年有得升？

7. 呢啲就M&M（唔係朱古力，係意大利佬，我到而家都唔識串個名），WACC，Optimal Capital Structure。冇錯係Corporate Finance 101，但首先好多人連呢啲都唔識，況且，有好多人讀咗亦都唔識用。

8. 拿，你睇返個圖，真係可以學啲仆街死財演咁講句「長期都係range trading」「股價受制於勞蘇通道4-5蚊」「建議可以現價買入，4蚊止蝕，5蚊止賺」.咪講笑，你見過去一年真係咁。

9. 星期六篇Patreon會詳講。反正好多人都唔知呢間公司做乜。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

想知道更多請到【遊戲庫‧電玩宅速配】 http://www.gamedb.com.tw/efuntv