關於 東涌線時速 ，我們在網路上蒐集到這些相關的討論、資訊與評價

【八號風球高懸　港鐵更新服務】天文台在今早上午 5:40 發出八號東北烈風或暴風信號，預料本港吹東北風，平均風速每小時 63 公里或以上。

在上午 6 時，熱帶風暴浪卡集結在香港西南偏南約 450 公里，即在北緯 18.3 度，東經 113.3 度附近，預料向西或西北偏西移動，時速約 22 公里，移向海南島一帶，並逐漸增強。

在浪卡與東北季候風的共同影響下，天文台指本港離岸海域及高地正逐漸受烈風影響，預測本港南部地區風勢較大。同時，浪卡正為華南沿岸帶來狂風驟雨。預料八號烈風或暴風信號會在今日日間大部份時間維持。

天文台呼籲指，海面會有湧浪及非常大浪，市民應該遠離岸邊及停止所有水上活動。

而在過去一小時，橫瀾島、長洲泳灘及青洲分別錄得的最高持續風速為每小時 74、59 及 48 公里，最高陣風分別超過每小時 87、72 及 63 公里。

另外港鐵宣佈將由頭班車起調整列車服務，其中觀塘綫、荃灣綫、港島綫、南港島綫、東鐵往來紅磡至上水站、西鐵綫 、屯馬綫一期、將軍澳綫北角站至寶琳站及東涌綫，均維持 10 分鐘一班車。

東鐵綫紅磡站至羅湖站為 10 至 20 分鐘一班車、將軍澳綫調景嶺站至康城站維持 15 分鐘一班車、迪士尼綫為 20 分鐘一班車、機場快綫 30 分鐘一班車，輕鐵為 15 至 20分鐘一班車。

而東鐵綫上水站至落馬洲站則暫停服務。九巴及龍運宣布，通宵路線會維持至尾班車，所有日間路線將暫停服務，直至另行通知。

繼續係香港人、香港事。全文畢錄，碌落少少就有。

Medium link 喺度，自便：
https://link.medium.com/VT0CHgmNEZ

//

2019 年 9 月 1 日，香港大嶼山上演一幕現代版「鄧寇克大逃亡」，一眾示威者發揮驚人意志，由機場走到東涌，再走到欣澳，最後在青嶼幹線收費廣場等得到救命草，一架又一架嘅義載素人車輛，將示威者帶到安全嘅地方，盡顯人性光輝。

喺呢個星期日，喺相距六小時時差嘅比利時，上演一場一級方程式賽事。晴空之下，陰霾籠罩。法國新秀車手 Antoine Hubert 上日喺二級方程式嘅賽事中意外身亡，同佢由細鬥車鬥到大嘅法拉利車手陸克萊 (Charles LeClerc ，多謝 丹尼爾 vs 陳恩能 譯得咁好) ，承受住喪友之痛及五屆總冠軍咸美頓 (Lewis Hamilton) 亦步亦趨嘅壓力，以不足一秒嘅差距，首摘分站桂冠。賽後陸克萊亦將勝利奉獻畀故友，話會銘記呢一場車。

喺致命意外發生之後，賽車記者 Andrew Benson 寫咗篇文解釋，點解車手明知一級方程式呢種運動隨時攞命，但依然喺駕駛座中，將平衡力、勇氣、技術、判斷力及亢奮共冶一爐，以時速 300 公里穿越每條直路彎路。原因，係賽車本身，就係一種咁特別嘅運動，只以力壓群雄為目標。關於意外，佢咁講：

"There will be a full investigation into this accident... The forces involved will be analysed. Lessons will be learned, and changes made. But in some cases, there is not much to be done. The human body can only take so much, which is why the risk of motorsport can never be entirely eradicated."

係呀，無論大家如何以古鑒今，賽車同賽道嘅設計點樣改良，安全系數再高，有啲意外一旦發生，人體能夠承受咁多，就係咁多。賽車嘅風險，從來都不容抹殺。

- - -

星期一，開學日。有人罷課、有人罷工、有人開學、有人返工。

當喇沙、皇仁、聖方濟各等名校嘅學生戴上頭盔同面罩，默站甚至跪喺校門外嘅時候，另外有啲學生，可能就靜靜雞咁，喺紀律部隊職員保護之下，返學。例如話，警察公共關係科 (PPRB) 總警司謝振中嘅兩個仔，據報就係坐警隊嘅私家車返學，仲要有便衣警員喺校內出現，唔知以為拍緊《逃學威龍》。

喺警方每日例行嘅記者招待會上，記者當然就呢個疑似特權問題窮追猛打。不過謝 Sir 自己就冇回應，將個波射咗畀坐旁觀嘅 “Er Er Sir” 江永祥。咁 “Er Er Sir” 例牌咁 Er 住講一大輪廢事遊花園之後，就用雙手整理枱頭叠紙，然後同謝 Sir 轉身拂袖而去。

如果大家有睇到 Er Er Sir 答問題嘅呢條片，可能都會有一個疑問：點解阿 Sir 今日你個樣咁心虛、咁怯懦嘅？平時讀稿神態自若、譴責示威者嘅霸氣都忽然間盪然無存。阿 Sir ，你今日姨媽到定係賭輸馬呀？表現判若兩人喎。

其實原因又唔難理解嘅。 PPRB 平日記招上嘅應對，一係就關於同袍嘅受辱同受傷；唔係就關於「暴徒」嘅破壞同惡行。有幾可會講到自己，或者自己屋企人嘅事？當話題涉及到尚未成年，需要成年人保護嘅兒女嘅時候，Er Er Sir 唔答又唔得，答又可能流露一啲情感，心入面隨時嬲鳩緊謝 Sir 乜咁大整蠱。

- - -

咁你話， Er Er Sir 怕表露咗啲乜嘢情感呢？

即係咁。仔女喺屋企，仲可以由家人或者工人姐姐睇住，放假出街，自己𥄫實亦都得。唯獨是返學，喺一千幾百個年齡相若嘅學生之間，如果自己嘅子女不幸成為眾矢之的，咁就認真大檸樂。

站在父母嘅角度，當然唔希望子女蒙受任何髮膚上嘅傷害 (聲明：切勿以暴易暴，打人係唔啱嘅，犯法嘅嘢真係唔好做) 。但係打交嘅皮外傷總有癒合嘅一日，而小朋友成長真正有影響嘅，可能係心理上嘅陰影：同學嘅排擠、奇異眼光、甚至被當透明人，因為有特權 (或者手中嘅掌心雷) 而被疏遠，諸如此類。

如果阿 Sir 嘅子女返到屋企，同嗲哋媽咪講：「返到學校，啲同學仔都唔肯同我講嘢、又唔同我玩呀⋯⋯我係咪做錯咗啲乜嘢？」呢一刻，假使你代入阿 Sir 嘅身份，你，會作何感想？每個月逗緊嗰份糧、穿著制服嘅光榮同使命感、特區同中央政府對你嘅嘉許同肯定，同子女嘅童年、青春及校園生活相比，邊樣重要啲？

- - -

當一幕又一幕警察、防暴乃至暴龍以不必要嘅武力去殘暴對待示威者、喺太子地鐵站亂棍毆打乘客、向投撚晒降嘅平民發射胡椒噴霧嘅時候，我能夠理解佢哋一係已經殺紅咗眼，一係就已經畀上級指令洗撚晒腦，行動同機械人無異。

但係差人都休班嘅時候，返到屋企，面對屋企人，尤其是性格同價值觀都未定型、對人際關係以至政治時局一知半解嘅子女嘅時候，一眾休班警又如何正常生活？如何面對一啲言者無心，但非常尖銳嘅問題？ The human body can only take so much.

香港嘅社會撕裂，始於黃藍，繼而分黑白，再細分到警察同平民。

本應柴娃娃開心下嘅球迷會都杯葛警察 (反而原本敵對嘅球迷會就自發攜手 We Connect ，林鄭真係功德無量) ；本來歌舞昇平嘅商場但凡有警員出沒就畀人噓到耳聾；本應天真無邪嘅小學、青春熱血嘅中學，若然都出現警民分化，除非警隊能夠肯定自己嘅權威千秋百載，警員能夠自欺欺人到 2047 ，否則，情感上嘅崩潰，亦可能係香港人命運嘅一個轉捩點。

［西藏出發之驚險前往機場］

今日下午黃雨出門，叫左的士喺屋企樓下等 。上車後一路順暢，司機全程有幾部電話喺車頭，得閒就同行家交換路面情報，沿途亦會㩒下手機。一條入東涌既高速公路，見到司機由原本100米，開始放慢，然後由中線少少偏向右線，又再偏向右少少。我覺得奇怪點解佢揸唔穩堂軑，左搖右擺，仲喺高速公路減速。唔對路wo，之後我聽到呼吸聲，咪住唔係呼吸聲，係·鼻·鼾·聲！！嘩仆街喇，後面有架大貨車嚟緊，我烏上前叫一聲「司機，我地去邊呀？」司機醒左一醒，我話「右邊去機場wo」。佢先喺睡夢中蘇醒，然後佢話「係係係，我去緊機場」，我即刻繼續同佢講嘢：「我地T1呀」。避左架貨車去返中線之後，佢好似痴左線咁。

由八十米咪到百二米，我話：「司機前面有巴士呀，好大架呀」。佢話：「我睇到」。忽然佢極高速左右cut線，之後我講：「我唔趕架司機，最緊要安全」佢話得得得，我知。我唔敢太大聲同佢講，我驚嚇再親佢我命都無呀。但又要同佢講嘢，驚佢又瞓著。果刻忽然醒起奇諾李維斯既生死時速，真係嚇到我個心唔止離一離，係離幾離呀，有一刻我懷疑自己有無命到機場。

好彩，我命不該絕！

不過你見我打得咁大篇嘢，就知我順利上左機，準備起飛去昆明，聽日就到西藏喇！

祝我旅途愉快啦！

司機名：陳奕X

後記：司機身型係肥胖，發出鼻鼾聲既時候眼係半開合，唔係完全瞓著，似係有病果隻，唔係勞累中眼瞓果隻。不過咁樣真係好危險，我落左車都用左好耐時間先平伏到好驚既心情。

強烈建議佢本人小心身體之餘亦要顧及乘客安危。