【日本老店 宇治園係可以提供蛋奶素食】
上年去京都誓死都要食抹茶，不過而家唔洗飛啦，因為百年老店 宇治園香港 UJI-EN黎左海港城啦，雖然佢將日本傳統抹茶風帶到黎香港，但亦都好配合素食人士需要，提供蛋奶素，比起其他日本抹茶老店，宇治園能夠提供蛋奶素食，真的令人好滾動好窩心。
【腐皮生茶麵】湯底係可以轉無魚成份既醬油湯，茶麵帶有輕淡的茶味，口感彈牙，真心推介大家食【焙茶芭菲】，焙茶雪糕的香濃，入口歷久不散，底下的啫喱是海藻做既，震騰騰的口感絕不輸比魚膠粉，同行的朋友教導要知道一間日本甜品店到底好不好，一定要試其最基本的白玉丸子，口感煙韌不會過綿軟腍才為正宗，不竟最簡單功夫的也能做到一絲不苟，才是日本人的處事態度，【焙茶布甸】係香港限定，連日本總店都冇，布甸都係冇魚膠粉，但配方就係日本祕製，口感十分軟滑幼滑，茶味漫漫從布甸內滲出，而【咖啡/抹茶奶】亦可以轉用豆奶，【栗子紅豆湯】就最岩而家凍到飛起的天氣飲，係採用北海道紅豆，大大粒紅豆，十分綿密，怕甜的朋友，可以加埋昆布條，中和一下甜的味道，食完記得去埋隔離手信店Shopping，滿足一下去日本的意慾。
如此照顧素食朋友需要的老店，實在要Share 一下。
宇治園
地址︰尖沙咀廣東道3-27號海港城港威商場4樓4201-4202K號舖
電話︰21103052
#foodie #hkfoodie #hkfood #uji #uji_en #vegan #veganfoodhk #vegetarian #greenmonday #gogreen #jananesefood #japan #kyoto #matcha #香港美食 #美食 #hkig #ighk #相機食先 #kittyxbeanscat #lindacat #Hojicha #shopping #Shopaholic #宇治園
