https://www.patreon.com/posts/52945762
上回講到因為比卡超升政務司,突然又令好多香港人關注起香港政制上黎。
「專業記者」林妙茵認為:政務司司長統領九個政策局,包括教育、社福、食衛、房屋運輸等,並且是臨時代理特首職務第一順位官員,然後藉此質疑李家超學歷、工作資歷無資格擔當呢個席位:呢種睇法,其實都好反映倒一般抱殘守舊嘅傳媒老屎忽,完全忽略政治現實嘅誤解。
綜觀全港媒體,似乎都係得共媒01點出歷任政務司嘅一個特性:就係永遠無一個政務司可以做完一屆完整任期。咁其實反映咗由回歸而黎,政務司長有兩大特徵:
1.政務司長從來無你想像中咁重要
2.佢只係一個過渡性職位
然後我地作一個簡單嘅回顧,究竟歷任政務司長有啲咩值得一記嘅地方:
第一任陳安方生作為港英餘孽只因政權交替先獲留任,響回歸後好快就同董建華不咬弘,之後響2000年黯然下台
第二任曾蔭權在任期間被董建華全面架空,更於沙士時投閒置散負責全港清潔,被嘲為「無兵司令」、「掃街大隊長」
第三任許士仁為曾蔭權指定軍師,似智囊多於政務司,短短任職兩年後,於換屆時被撤換
第四任唐英年為第一位非AO出身、算係有比較完整任期嘅政務司長。但佢在任期間一直欠缺令人留下印象嘅實績(我最記得就只有拍賣自選車牌),而且往後更因參選特首時表現無能,被人批評廢柴
第五任林瑞麟任期只有9個月,純粹為換替辭職參選嘅唐英年為過渡性任命,相比佢任職政制事務局時作為「人肉錄音機」,印象可以話更加模糊
第六任林鄭終於為第一個擁有實權及執政意志嘅政務司,但更多人認為治港政策皆為梁振英主導,林鄭主要為同流合污、協助落實。林鄭同唐英年一樣,皆因參選特首而未能完成政務司長完整任期。
第七任張建宗一直被視為過渡性人選,幾年黎外間從未停止過揣測佢幾時會被換走;老實講以佢嘅無能去到最後一刻先被炒,反而幾令人意外
講到呢度,大家應該清楚明白,政務司從來唔係果班「傳媒精英」、「時事KOL」想像中咁重要,
時事KOL分析香港政局,長期以黎都出現三大謬誤
一、每當特首希望強政勵治,政務司長就成為一個篤眼篤鼻嘅存在,關係好嘅政務司會成智囊、代行人,但一個將政務司架空嘅政府,亦唔見得對政局產生乜嘢重要影響;反而負責揸數嘅財政司,屢屢係比政務司更搶鏡。
二、其實公務員系統長久以黎都有佢固有一套運作模式,對於不滿嘅行政命令,公務員都會有不同方式進行抵制;但掉番轉頭佢地亦無一般市民想像中咁有骨氣(例如集體宣誓)。
呢種「中央同地方」嘅勢力抗衡,其實中共本身都存在呢種問題,但並唔係話有一個能幹嘅政務司就能解決──舉個例,林鄭「好打得」、夠資歷未?但佢對於各種土地規劃問題,由梁振英時代開始一樣係無從入手。
三、更重要一點卻係,好多人高估咗特衰政府嘅執政意志,其實自從董建華響八萬五一役奶咗嘢後,由曾蔭權無為而治、去到曾俊華嘅守財奴政策,去到今時今日仲未上倒馬嘅明日大嶼……基本上每一樣嘢都係hea住黎做,既然係咁,就算比你有個出色嘅政務司,都無用武之地啦
結果今時今日政務司真正嘅意義,只在於作為宣示特首接班人嘅銜頭:就好似美國副總統一樣,只有當美國總統死Q咗,又或者搵接班人時,佢先有存在意義──真正打破政務司先例嘅,從來唔係李家超,而係唐英年囉,因為佢係第一個被欽點後接班失敗嘅政務司長,而點解張建宗成日都比人質疑點解咁耐都唔落台,亦唔係因為佢無能,而係佢從來都無被視為下任特首人選。
甚至乎推國安法立法,都從來唔撚需要政務司架,一個政制及內地事務局、一個保安局,一個警務署長,經已乜Q都搞掂哂啦,拿呢個就真係實質Police State嘅含意勒!
至於以比卡超嘅學歷,足唔足以勝任特首?呢個問題我諗應該要等佢正式宣佈參選先再講啦,記住,政治一日都嫌長呀!
「林鄭任期幾時完」的推薦目錄:
林鄭任期幾時完 在 君子馬蘭頭 - Ivan Li 李聲揚 Facebook 的最佳解答
[祝君早安]王維基最開心吧。但,買股票會唔會畀人鬧?
TLDR:1137今日有冇得升?小小吧,一個消息點炒兩次?同場加映Michael Sandel式兩千字討論買疫情受惠股係咪人血饅頭
1. 大家當然會講跳老舞群組,以及啲年紀分佈,同埋君臨天下。呢啲交畀友版 新田飛地講啦 (不過佢呢排好似好忙)。本人呢,都係關心 王維基隻HKTV Mall 1137多啲。
2. 忽然醒起日本311地震時,本人都係叫訓身買落去。當時都畀中學師奶質疑我冷血。我不知道呢個係讚定彈,是但。反正最後互噴一輪口水,都係誰也說服不了誰。而當然可以話「嘩死咁多人你仲掛住呢啲」,不過,首先我(當時)嘅工作就係提供意見提供分析,你放工寫返幾萬字悼念,兩者並無矛盾。二來,再諗下,市場點都係有人買,否則就唔係跌10% 跌20%,係跌到冇成交。咁難道買嗰啲又冷血?好多都係日本人本身吧。當然再誇張啲嘅,可以講到你買落去先係支持日本人,又好似啱喎。
3. 講到尾,我覺得係WFC的。再睇另一個情況,美國911,當時我都仲在英國讀書。但你可以睇返,美股大跌後,媒體又好,投行又好,都係叫買。並不存在咩人血饅頭,唔好用得咁濫。
4. 我諗個關鍵係,你唔係「bet on other’s lives」嘛。掉轉頭,賣保險買保險嘅,都知有insurable interest,你不能幫個陌生人買人壽,佢死咗你有錢分。除咗係防止你去搵人斬死佢外,亦因為「拎人地條命嚟賭」,本質上就好多人不能接受。Michael Sandel在《Justice》之中有講(點會少得佢呢),仲有講Death Pool—例如我開個盤去買啲名人(成龍?江澤民?Morgan Freeman?)邊個死先。似乎唔會令你謀害佢,但本質上都係有啲問題。
5. 但,what about 有啲公司,幫自己嘅員工買保險(美國有的)?你死咗,公司有錢分。會唔會令佢疏忽啲?可能唔會,但,你係員工,會唔會唔多自在?
6. What about 所謂嘅prediction markets?政治期貨,林鄭幾時落台固然有得賭,但曾幾何時,連恐怖襲擊都有得賭,仲要係睇死幾多人派彩,就大有問題了
7. 咁以上種種涉及人命,爭議應該冇咁多,絶大多數人都覺得唔應該拎嚟做注碼。正如之前貼過個網,Election betting odds(https://bityl.co/4YO0),有得賭侵侵會唔唔會做晒成個任期。做唔晒嘅,whatever reason,都派彩。咁除咗自己辭職外,當然仲有猝死或其他意外。但唯獨係唔賠行刺,相信都係類似原因。
8. 但,如果唔涉及人命呢?只係在他人嘅mishap或痛苦身上獲利,有冇問題?似乎係冇的。
9. 首先,人命是人命,但痛苦就好難去量度。如果在他人嘅痛苦身上獲利有問題,咁即係,唔使打牌,唔使賭波,甚至唔使踢波了—你入波人地好傷心,可能人地啲球迷跳樓喎。但應該冇乜人覺得,我要對你嘅不幸負責。
10. 如果你講金融市場(留意我特登唔用「投資」),唔少遊戲,根本係 zero sum(但股票唔係!呢個真係常見謬誤)。你炒期貨嘅,你贏錢就有人輸錢架啦。
11. 但留意返,股票唔係呢回事,係positive sum game所以同賭錢或炒期指唔同。你3蚊買1137,渣到上12蚊,係冇人有損失的。當然我聽過有人話,冇買股票嘅會眼紅,生活水準會不如你 — 個龍門搬到咁濶嘅,就真係唔掂,即係我去食餐米芝蓮都會有人唔開心咁咯。
12. 界線,永遠都係唔多清。又睇下另一個例子,唔少人都有睇The Big Shot套戲,網友梗係覺得好睇,因為個個都係口水put,日日以為爆煲嘛,眾人皆醉我獨醒喎,全世界仆街得自己睇啱,幾咁開心。但故事主人翁真金白銀買落去,唔係上網出post。
13. 但留意嘅係,主人翁最後卒之等到爆煲,十分開心,跳老舞yeah.賺錢其次,證明自己啱先緊要。但呀廢老畢彼特制止佢地,叫佢地Don't fucking dance(https://ytube.io/3BYc)。點解?因為佢地贏錢,代表美國仆街,大把人流離失所要訓街,妻離子散。
14. 呢班人明顯係bet on other’s mishap.唔覺當年有乜人話有問題喎。退一萬步,個撚個都話買支爆 買聯匯爆煲 當 Kyle Bass 係偶像 係呀 美國加息呀 香港樓市崩潰呀 你班供樓嘅燒炭啦。又如何?好似冇人話不道德喎。
15. 返返去買保險個例,我諗其中一個好大嘅關鍵,就係你有冇份「引起」或者「加速」人地嘅不幸同痛苦。冇嘅,似乎冇乜問題。有嘅,就比較有問題。(*)
16. 例如講過CDS,Credit default Swap,買國家或公司爆煲,佢爆煲你有錢賠,都幾有爭議。本質上就同保險差不多,你都冇insurable interest。當然公司唔係人命。不過問題係,你買落去,有機會加速咗個過程喎。個CDS spared大升,人人覺得個國家或間嘢唔掂,融資成本更加,最後就self fulfilling.呢個亦係好多國家有時禁沽空嘅理據,你不停質低個價,兼且好可能去散播謠言,間公司就冇事都變有事。同你去周圍唱話銀行唔掂去擠提差不多。
17. 講返,311又好,911又好。你冇令到呢件事發生嘛,甚至冇加速呢件事發生。所以你事後去叫人買,我覺得係絶冇問題的。
18. 不過都加返句,但凡涉及人命嘅,標準都係高好多。例如之前嘅例子,買總統下台唔包遇刺,因為真係怕有啲友為咗贏錢去殺人(國定殺戳日?)。你不能幫個陌生人買保險,原因亦一樣。但Death Pool呢?我去買 成龍/江澤民 釘蓋,唔會加速咗有人去隊冧佢下話?但一樣被視為不道德
19. 以上種種講嘅係人命,但如果去到疫情,又好似唔係同一回事。唔少公司嘅股價同生意都大升,你總不人話人地發死人財,甚至你無限上綱嘅,藥廠由頭到尾都係做呢啲生意架啦,「殯儀館都係」「你唔病醫生邊有生意做」。咁你去買Zoom 買Netflix,又係咪人血饅頭?似乎唔係
20. 講咗咁多,都失晒焦。但我都係想講,喂,1137呀!第四波疫情,今日有冇得大升?為咗避免畀人批判,同埋都真係自己反省下,我諗咗以上嘅嘢。
21. 其實之前寫過好多,好多,好多次。再重覆一次。每次啲確診數字爆上去呢,1137就勁升的。你甚至唔使睇政府記者會(再講多次,股票一定炒將來,所以 fuck that 股市同實體經濟脫節)。朝早某啲傳媒,總會早早爆確診數字
22. 咁,今日隻1137有冇得大升?我就覺得有啲保留。因為,「今次係星期日出嘅數字」,「可能今日(星期一)跌返呢」。況且都係的,市場都有抗藥性,上星期五先升完十幾巴仙(圖中下半),今日又係咪照升多次?同樣道理,你見第一次輝瑞話有疫苗時,道指升1600點。到一星期後Moderna再講,反應已經細好多。
23. 哲學啲講,「你不能跨過同一條河兩次」。但又同樣地,「一個消息」點炒兩次?星期五個數字已經咁,咁去到星期日爆得更多,係咪完全意外?係咪「新資訊」?記住股票只反映「新資訊」。
(*)不過話說回頭,了解「人血饅頭」典故嘅,都知道群眾都冇份害死人,對不?所以魯迅係批評佢地(亦即係中國人as a whole)嘅愚眛,似乎唔係批評佢地係賤格。
================================
Ivan Patreon,港美市場評點,專題號外,每日一圖,好文推介。每星期6篇,月費100蚊唔使,3個月已700人訂!(https://bityl.co/4Y0h)
===================
instagram @ivanliresearch.七成金融(短打)兩成嘢食一成其他嘢。
林鄭任期幾時完 在 全球追究[林鄭月娥]前行政長官官方群組| 千萬不要打死人 的推薦與評價
千萬不要打死人! 只要發生了有藍衣人(或白衣人)被黑衣人打死,黑衣人就失去道德高地,這正是中共想要製造的效果,請黑衣人不要中計! ... <看更多>
林鄭任期幾時完 在 林鄭月娥宣布放棄連任香港特首! 任期至6月30日 - YouTube 的推薦與評價
香港方面盛傳政務司司長李家超將辭職參選香港特首,而現任特首 林鄭月娥 將不會尋求連任。 林鄭月娥 4日早上與行政會議非官守成員會面,並在11點抗疫記者 ... ... <看更多>