近年新世界極重視個朵，從生意的角度，近年佢地做的項目都有別於典型香港發展商的「發達地產項目」下下賺到盡，搞地產不純講利潤、現金流，講藝術講生態圈，為的是甚麼？兩個字，品牌﹗
混凝土強度未達標，錯就要認，打就要企定，但認都有兩種，有些發展商可能得過得過且過，即使補救也可選擇加固，未必需要拆卸重建。須知道外界一見「拆」呢個字，一定好大反應，同埋一般黎講，發展商的做法是一方面用最低成本補救，一方面拖得就拖，唔鐘意既咪撻訂重售，反正本身又唔係賣得貴，超額認購80倍，收番加價再推都仲得，大把人爭住買。
但柏傲莊三期今次砍掉重來，好明顯新世界唔係只計住個成本效益，由其開價到製造「人龍效應」，到創下史上最大超額認購，再去到今次事件，都可見其為左個朵落足本。
錯誤中值得欣賞的是，面對今次的問題，新世界主動公開事件，一反傳統香港政商界的「鴕鳥政策」，再搞肥雞餐，主動補償比買家，以樓價1,500萬計算，總補償額都有大約115萬元，送多個首期比你買個細單位。買樓遇著咁可以話係不幸，但不幸之中，從另一個角度呢846個買家尤如中左兩次六合彩(首先你要成功抽到個單位)，隨時未供樓就袋過百萬補償。
咁樣做，新世界未來再賣野，大部份人唔會再擔心問題重蹈覆轍，反而可能會更受歡迎。這就是品牌的價值，要建立品牌，一是成本，二是勇於承擔的態度，後者比前者更重要。
呢個世界有危就有機，面對危機就要有化危為機的決心。新世界今次為左品牌同公眾信心，總算出盡九牛二虎之力。
柏傲莊iii重售 在 柏傲莊 的推薦與評價
柏傲莊. 521 sukaan · 11 berbicara tentang ini. 柏傲莊（The Pavilia Farm），涉逾3000伙單位，第1期柏傲莊I已批預售樓花同意書. ... <看更多>