🎈Med Chef (尖沙咀)
🔍尖沙咀厚福街12-12A號藍馬商業大廈1樓
---
返新工之後壓力好大，失眠越嚟越嚴重，所以今個星期六放假就特登嚟咗呢間係全部食物裏面都加入咗大麻二酚（CBD）嘅餐廳尋求Relax感覺。
#柚子漬三文魚半熟吞拿魚赤身珍珠飯（$148）
豐富嘅材料非常Eye-catching，半熟吞拿魚質感有少少似豬扒，柚子漬三文魚選用三文魚腩位置，清新開胃中又不失魚脂味，加上爽脆嘅迷你椰菜仔&蘆筍條，以及半流溏心溫泉蛋，坦白講，其實就算無加CBD，呢個美味嘅組合已經可以令我有放鬆身心嘅感覺😂。
#日式芥末忌廉香煎廣島蠔闊條麵（$148）
芥末味道非常突出，同行嘅芥末愛好者朋友仔完全係一試愛上，而廣島蠔質素亦不錯，鮮甜無腥味，飽滿得黎亦無沙，唯一係由於忌廉落得非常足，相對飽膩感重，適合同朋友分享。
#威靈頓三文魚配秘魯黃椒醬（$198）
威靈頓牛見得多，威靈頓三文魚都係第一次食。酥皮兩側入口鬆化，但中央位置則被三文魚釋出嘅水份導致酥脆度略減，該部分嘅酥皮會有少少似包嘅質感，而中間嘅三文魚就非常鮮嫩多汁，整體就算無秘魯黃椒醬提味，味道都已經調得足夠到位。
✨PS：總括嚟講呢間餐廳食物質素高，但CBD卻係完全無味道的，所以如果首次嘗試，大家記得唔好Expact自己會食到特別嘅大麻二酚味。另外亦簡單介紹下大麻二酚 （CBD），佢係一種係大麻入面提煉出嚟嘅化學成份，呢種成份喺香港係合法嘅，食完之後嘅好處包括可以放鬆身心、保護神經、抗氧化、舒緩皮膚敏感泛紅、改善皮膚自我修復力等等（From Google大神）💕，唔知係咪心理作用，個人食完係覺得幾放鬆嘅😝（亦可能係我食咩都會覺得放鬆😂）。
-----
👶🏻B仔整體評價：8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowcwb
#swallowcbd
#swallow西餐 @ Med Chef
柚子漬三文魚半熟吞拿魚赤身珍珠飯 在 香港Omakase おまかせ關注組| 《我的回憶真是我的9之追「夢 ... 的推薦與評價
大間野生吞拿魚醬油漬赤身壽司質感腍滑，魚味濃郁，味道回甘. 14. 富山灣白蝦加魚子醬壽司用魚子醬令蝦嘅甜味再出D. 15. 自家醃製三文魚子壽司甘甜可口有酒香，非常 ... ... <看更多>