［麥撚記 Ｘ ITALIANO 聯乘鴛鴦雲吞］獨角號專屬文唔知第幾篇，記得讚好佢地Facebook。因為有我獨家供稿
1. 今日係萬聖節（親，今日先係呀，昨日係萬聖夜，或者萬聖節前夕），講下 鬼廚房，又名黑廚房，Ghost Kitchen aka Dark Kitchen
2. 我原本嘅題係：有得去餐廳就好去多啲，幸福唔係必然，遲早變晒Dark Kitchen。
3. 你話匪夷所思？所謂先知就係知早你少少。百五年前人人在屋企造衫添，而家呢？（當然餐廳未必咁悲，因為仲有一個好重要嘅功能：溝女）
4. 本人從冇任過任何外賣app，覺得我冇資格講嘅可以唔使睇落去。而我唔用嘅原因好簡單，因為我鍾意離開屋企／公司落去行，望人，睇女，聽下隔離枱講乜
5. Dark Kitchen就係外賣app嘅副產品，啲餐廳根本可以係冇實體舖嘅，只係存在於網上，不設堂食。你以為係只做外賣嘅店？錯，係根本你連自取其肉嘅機會都冇的。因為個Dark Kitchen可能在柴灣某工廈十九樓一角
6. 同時間做到嘅，就當然係OEM。我徒弟話齋，同一個位，又煮雲吞又煮意大利雲吞，都係同一條南亞仔煮畀你咋。但出到門口，一份係新興小店麥撚記，另一份係意大利無敵新名牌子
7. 分析員梗係講錢。唔使拗，餐廳，特別係中高檔嘅，一定係堂食班友單價高。因為你唔會外賣支幾千銀嘅紅酒，你叫外賣亦唔食叫成舊水個心太軟。但，外賣做到多客，特別係外國啲文化一條友坐你三四粒鐘，冇得「五輪真弓」（唔知咩係「五輪真弓」嘅小朋友睇呢個 http://bit.ly/2FYhtUw ）
8. 更重要係，做Dark Kitchen唔止係外賣，而係根本舖都唔使租，唔使旺區，唔使裝修（十九工廈單位），唔使請啲性格港女侍應，唔使請新移民洗碗。甚至廚都請少好多（都話幾條友可以煮幾十間餐廳）。
9. 外賣平台就梗係水鳩啲餐廳，喂，不如開副線啦。雲吞同意大利雲吞都係咁煮，麥文記同楚撚記crossover整麥撚記啦。失敗成本低嘛，唔掂咪唔掂，好過傳統又要交上期按金幾個月租，又至少玩一年，又要裝修。
10. 但餐廳慢慢地係有啲保留。因為發現，畀你知晒啲客嘅DATA，其實就係可以真正OEM，外賣平台自己整間餐廳咪得。外賣平台啲科技撚唔識煮嘢？李嘉誠要識落石屎先起到樓？Reed Hasting自己識拍戲？做大事嘅嘢，三樣嘢，銀紙，銀紙，同埋銀紙。
11. 有乜商機？答案係，買工廈，買貨倉。邪惡基金佬一早識玩。你以為工業式微工廈又變唔到住宅冇價值？影相上網晒命打飛機而家先係最大工業嘛
12. 受害嘅？好多人。首先啲美食KOL。仲邊有得去餐廳打卡？拎個外賣盒返屋企寫？我估餐廳會訂個場畀佢地寫，但又係OEM，今個星期麥撚記又係呢度食，下個星期ITALIANO食意大利雲吞又係嗰度，月尾He No磨Eat池都係果度（話時話，日本人食唔食雲吞架呢？）。結果冇得對啲俄妹侍應評頭品足，因為上菜嘅全部係啲酒店炒散大媽
13. 在侍應嘅角度，一樣。以前有得品評下食客，睇下人點呃蝦條，靚女嘅有機會識到有錢佬（李澤楷件天水圍妹妹都係做侍應識佢，呢啲就叫姿色改變命運）
14. 仲有？廚師咯。Dark Kitchen都要廚，但肯定唔使咁多。況且，以前可以扮江振誠出嚟同啲客傾下計，又有機會做名人。而家？縮埋在柴灣某工廈，成班南亞佬棍撞棍，為他人作嫁衣裳，演唱的歌手卻如永沒名字，你估真係溝女同人講「麥撚記啲雲吞我有份煮架」。
15. 咩係誠意？就係我篇導讀長過篇原文咯。其實等於我由頭寫過，不過凈化版畀獨角號，原汁原味版就呢度咁。拿，我咪又係Dark Kitchen咁玩。獨角號又我，GoBear又係我，華麗后台都係我。BDSM 101 Role Play之嘛。你鍾意我係理財專家又得，國際金融分析員又得，企管廢老亦得。
16. 得咗。
17.記得share 時 include original post（唔知仲有冇呢樣嘢）。當然你鍾意踢走我堆原汁原味版，只要獨角號嘅凈化版，都得。反正都係我。
柴灣酒店月租 在 月租酒店月租套房大比拼（內含現金卷） - YouTube 的推薦與評價
... 酒店 房，比大家對比一下2021年 月租酒店 同月租套房劏房租金！ 0:00 開場白0:49 地區簡介2:07 第1 間租盤3:43 第2 間租 ... 柴灣 滿地泥濘，環翠邨停車埸水浸環 ... ... <看更多>