好多人話英國稅重、所以收入唔高，呢點我係好認同。但稅重、收入唔高，也未必等如生活艱難。
由於地方大，好多公司仍然會自設飯堂，好似下面呢堆早餐咁— 只係一鎊（十蚊港紙）。
加埋兩鎊（廿蚊港紙）的沙律午餐，如果你一日真係慳嘅話，飲食兩餐可以三十蚊搞得掂，反而最貴係交通費，不過係我自己衰，唔踩單車返工，如果踩單車，隨時一日慳多幾十蚊... 更加唔好話公司仲有好多員工優惠，95折買超市現金券亦係一個德政，總之就有好多林林總總的優惠去幫大家生活得輕鬆一點。
所以，喺倫敦生活，唔會發達，但只要你認真工作，你亦都唔會餓死。而如果你理財有道的話，肯認真儲錢，絕對可以活得很優雅。
我有個朋友（對唔住，識左兩年都冇介紹佢出場）做老人院嘅，拖下地打掃下嗰一種，早排儲夠錢買第二間屋了... 你無睇錯，係第二間屋。
對住佢，我覺得自己係零...
#咁我又真係零黎嘅
#香港做老人院嘅朋友
#棺材都買唔起啦
#仲講棺材本
