Search
年紀越大開始學人養下身🤪自從上次係澳洲買蜂蜜黎沖水飲之後開始愛上蜂蜜🍯
.
蜂蜜除左沖水黎飲之外，其實都可以加落d小糕點到食！前排就無聊地整左個pancake黎做下午茶🥞果然加蜂蜜同普通糖漿完全係2回事！色澤呈淺琥珀色，因為葡萄糖含量較高既關係，較容易結晶，所以整溶佢先淋落pancake度，味道不得了！超級香甜🤤唔講以為自己成朵花食左落肚🤪
.
今次試試呢樽來自俄羅斯既椴樹蜜🇷🇺其實揀蜂蜜都係一門高深既學問🔍要揀好蜂蜜就要由產地、花種、營養價值等等去了解，俄羅斯既氣候係生產冬蜜既最佳溫度！而俄羅斯亦都擁有一大片自然保護區既椴樹林🌳椴樹蜜比一般蜂蜜含有更多既葡萄糖、果糖、維生素、安基酸等等，有助排毒、改善免疫系統、控制高血壓等超多功效🥰
.
.
.
📍Juillet Garden @juilletgarden
💰$188/100ml | $288/250ml
【葵涌香港食品嘉年華 食玩買掃街美食10大推介】
一年一度香港食品嘉年華又到啦！今年已經係第六屆，精彩節目更勝上年，講到有得食玩買咁開心，一定要預埋我喇，哈哈~~!! 未出發已經流晒口水喇！
等我介紹下今年的重點推介懶人包，俾大家做定資料搜集，記得mark低有咩正野及精彩節目~
✨重點推介懶人包✨：
1. 展區最齊，掃街最正：超過260個戶外攤位，4大展區任玩：健康有機區、休閒食品區、餐飲用具區和為食Guide美食區。而「為食Guide美食區」今年規模歷年最大，超過50檔熟食攤位，同場每日仲有兩架唔同嘅美食車進駐，真係勁多平靚正又特別嘅好野食，正呀！
2. 一家大細老少咸宜，周末最佳節目：親親有機小農莊、萬聖節嘩鬼扮演大賽、創意工藝坊和攤位遊戲任你玩
3. 買完食完仲隨時贏大獎：參加有獎遊戲及抽獎活動，隨時贏埋大獎，倍加驚喜！
4. 最岩煮婦偷師學習：「親子樂煮意@香港區」烹飪比賽(美味棧新紥廚神挑戰賽2017) 及「廚樂無窮」烹飪示範，偷完師即變廚神！
話到明盡情掃街，美食多羅羅，係咪一時間多到唔識揀呢？ 唔洗驚！等我試勻晒場內所有美食，俾大家5大平靚正心水掃街推介，一齊跟我搵食啦~~~大大喜!!! 😍😍😍以下排名不分先後，最緊要好食！
1. 長白山人參椴樹蜂蜜及人參米壽司手卷(價錢：$25杯, 壽司由$20-$30不等)
攤位號碼：B124創安堂保健有限公司
第一次食人參米壽司，感覺特別矜貴，人參有補元氣及增加免疫力功效，食左覺得養顏又健康，人都靚d！蜂蜜都好好飲，易入口，大大杯，價錢很親民，值得試！
2. 南非原個椰子及菠蘿雪葩(價錢：$25/個)
攤位號碼：B111 天晉(亞洲)
10月尾天氣仍然好熱，血併時食個雪葩真係透心涼，即開即食，原汁原味，非常解渴！
3. 泰式浸牛肚 (價錢：$30/15串)
攤位：B99-100, B109-110萬朗酒業
一大束牛肚邊行邊食，或者一家人分享，絕對過癮！
4. 日式咖喱珍寶大魚蛋 (價錢：$13/2粒)
攤位：B125 領先環球食品有限公司
我對大魚蛋係有一種痴戀，每次掃街都要食大魚蛋先開心，彈牙又好味！
5. Twinstar 迷最愛雙色果汁(價錢：$30/枝)
攤位：B97灰熊娛樂有限公司
一枝飲晒草莓及蝶豆花鮮奶兩隻口味，仲有最令女孩們心心眼的twinstar粉紅粉藍顏色😍😍，上IG呃like最得！
食完美食當然要盡情shopping啦，場內咁多攤位，超多筍野買，又食又買實在太開心！下面的5大血併推介我已經買晒啦~~~~~
1. 台灣入口三星蔥爆漿貢丸 (激筍價：$30/包)
攤位：B07 加會創作有限公司
嘩嘩嘩，響香港見到有三星蔥一詞眼睛發亮呀~~~~~!!! 仲有好多台灣進口的特色丸子，例如阿給、奶油南瓜包、皮蛋紅薑貢丸，一掃掃左幾包，超掛住台灣美食！
2. 韓國即沖益生菌乳酪粉 (激筍價：$100/5盒)
攤位號碼：B108 永昇海外(亞洲) 有限公司
有多種口味：香蕉、芝士、芒果，用1包乳酪粉120ml奶沖就飲得，方便又好好味，健康有益！
3. 黃金脆魚皮 (激筍價：$30/包)
攤位號碼：B04 源才食品公司
本地製造，蒜香咸蛋味，似食黃金蝦，連我唔食魚皮都食唔停口，正!
4. 日本Tabete 拉麵 (激筍價：$60/5包)
攤位：A31-31 溢興貿易
5. 泰式蝦乾花生 (激筍價：$70/ 包)
攤位號碼：A10-11 越泰香辣軒
好香口，就咁食已經停唔到，送粥應該好正！
仲有好多好多美食推介，記得圖片由頭睇到尾，可以網上睇定心頭好先！哈哈！
入場費只係$5，一家大小、情侶甜蜜蜜可以玩足一日食足一日，咁精彩既節目，一定唔好錯過喇！
------------------
展會詳情：
第六屆香港食品嘉年華
日期：即日起至2017年11月5日
時間：上午11時至晚上8時30分
（嘉年華於每天結束前30分鐘及最後一天結束前1小時停止售票及入場)
地點：新界葵涌運動場 (港鐵葵芳站D出口，葵涌廣場側)
入場費用：港幣$5
（身高1米或以下小童、65歲或以上長者及殘疾人士免費進場)
更多詳情及網上購票：www.foodhk.com.hk
#食品嘉年華 #周末推介 #掃街美食 #親子活動
