楓林小館我細細個就聽過個名，係粵菜酒家黎講，
呢間都可以話係老字號啦！係前兩年宣佈結業後，
係今年重新係銅鑼灣再戰江湖，以各款招牌小菜備戰，
可以話係一眾Fans既好消息呀！同樣有老師傅坐鎮，
水準當然有咁返上下啦，裝修亦有返以前舊鋪既味道，
傳統得黎亦有創新感覺，中午時段仲做埋點心呀！👇
-
📌 香辣臊子稻庭烏冬 - $68
👉 一見到menu，稻庭烏冬$68蚊咁抵？
原來做緊推廣價，緊係即刻狗衝啦！
絕對無失望，麵質有咬口，彈牙爽滑，
啖啖香辣味衝擊味蕾，連埋肉臊一齊食，
濃而不膩，細細碗都夠哂滋味飽肚，果然抵食呀！
-
📌 XO醬炒腸粉 - $49
👉 就算係平民食材，只要整得好食，
一樣上得大枱，呢個招牌小食就係例子啦！
簡簡單單一碟白滑腸粉加入XO醬、葱或芽菜，
以爐火快手炒起，煮既時間岩岩好，
唔會食到焦燶既味，鹹辣鮮香，樣樣都齊，食得過！
-
📌 楊枝甘露 - $39
👉 作為香港冠軍級甜品，亦都係酒樓必定有既甜品，
呢個都唔錯，柚子唔覺有澀味，芒果非常鮮甜，
西米粒粒爽甜，黎呢到一定要試！
-
📍 楓林小館
🎈 銅鑼灣謝菲道379-389號特麗樓1樓及地下5號舖
